لكل الاجتماعيين اليوم اختبرت اختبار التصنيف لهيئة التخصصات الطبية.؟
السلام عليكم ورحمة الله وبركاته اخواني وحبايبي .. بجد اشتقت لايام الدراسة.خصوصا هاذي الايام مع حوسة الجامعة وشيل مواد واحذف مواد
وهاذي الايقونة لمبتها مقفلة والايقونه الثانيه تحت الصيانه والثالثة الى الان نايمة بالعسل والرابعه اجازة ..الا بسألكم هي الى الان انظمة االجامعة والخدمات الطلابيه تعلق اسبوع وتفتح يوم ؟ :sm5: الله يعينكم ويوفقكم وتتخرجون ان شاءالله وتتقلدوا اعلى المراتب .. المهم : حبيت أقول لكم اني اليوم اختبرت اختبار التصنيف المطلوب من هيئة التخصصات الطبية لخريجي قسم علم الاجتماع على اساس يتصنفوا اخصائيين ..والحمد لله نجحت وعديت الاختبار بدرجة 78 من 100 بعدها ماقدرت اصبر ورحت على طول من مقر اختباري اللي كان في جامعة الملك سعود وشغلت سيارتي ورحت لهيئة التخصصات الطبية في حي السفارات وعطيتهم ورقة النتيجة وقال لي الموظف خلاص تعال بعد اسبوع تستسلم بطاقة التصنيف . عاد انا حبيت ابشركم وايضا حاب اساعد اخواني الاجتماعيين اللي باقي ماتخرجوا بأي شي حابين يستفسروا عنه واي واحد جاي في باله اي سؤال .يتفظل وانا تحت الخدمة .. |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
الله يوفقك اخوي ..
بس كيف الطريقه للتصنيف و هل يتطلب دراسة دبلوم صحي أو ما شابه نرجو ان تفيدنا الله يعطيك الف عافيه .،،، |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
ألف مبروك ياأخصائي ياليت تعلمنا من وين حصلت على مذكرة الأختبار إلي ذاكرة منها. بالتوفيق
|
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
كيف كانت الاسئله واي مذكره فادتك.
|
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
ماشاء الله الف مبروك والله يوفقك وجزاك الله خير انك في خدمة اخوانك طلاب علم الاجتماع والله يسهل اموركم :rose:
|
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
اقتباس:
التصنيف متطلب للي معه دبلوم صحي او شهادة بكالوريوس لتخصصات طبيه مثل علم الاجتماع والنفس وغيرها .. اللي ظاهر لي من معرفك انك علم اجتماع وبكذا يشملك التصنيف .. بالتوفيق .... |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
اقتباس:
المراجع متوفره في موقع وزارة الصحه ..بس للاسف كل المراجع مش متوفره في المكاتب . بس متوفرة في النت وتحملها بمبلغ مادي تقريبا كل كتاب ب35 ريال ..طبعا طريقة الدفع عن طريق الفيزا. . انا عن نفسي ماحملت ولا كتاب .. بس انصحك بمتابعة واحد اسمه علي الزهراني في تويتر .راح يفيدك ومنزل كتاب نماذج عن الخدمة الاجتماعية الطبية .. تلاقيها بالمفظله على حسابة .. الملزمة جيده نوعا ما .. والتوفيق لك .. |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
وقت التدريب ايش كنت تسوي بالمستشفى وكم ساعات التدريب وكل يوم تداوم ولا كيف وبخصوص الحريم كيف يعني تختلط مع رجال ولا فيه قسم خاص لهم وحزاك الله خيرر ومبروك التصنيف
|
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
اقتباس:
الاسئلة من سهلة الى متوسطة وفيه تقريبا عشر اسئلة صعبة جدااااا .. يعني ببسطلك اكثر .. فيه اسئلة اول ماتشوفيها تحلينها وانتي مغمضة ومايحتاج حتى تناظري لها .. مثلا زي سؤال جاني يقول طفل في المدرسة تعرض لمضايقة من احد الطلاب في الاماكن الحساسة من جسده .ماذا نسمي تلك الحاله ؟ وفيه خيارات .تحرش نفسي او مداعبه جنسيه او انتهاك جسدي او تحرش جنسي .. طبعا مايبيلها تفكير اكيد سميها تحرش جنسي .. وفيه نوعية اسئلة متوسطة الصعوبه تحتاج منك عدم التسرع بالاجابه.. اما الاسئلة الصعبه والله احس ان اللي وضعها كأنه يقول : والله لو توقف وتقعد ماراح تحلها ..هههههه وبالنسبه للمذاكرة .اخذت على قولتهم من كل بستان زهرة ..مره اذاكر اهم علماء علم الاجتماع ونظرياتهم وجاء منها كذا سؤال ..وبرضوا ملزمة علي الزهراني ..جاء منها تقريبا 5 اسئلة فقط .. .وبرضوا زيارة المواقع في النت اللي تهتم بالخدمة الإجتماعية افادتني كثير . وفيه كمان كتاب للمصطلحات في الخدمة الاجتماعية في النت تلاقينه .. لان جاء اكثر من مصطلح في الاسئله .. اللي فاجأني في الاختبار جات 3 اسئلة عن مقاييس النزعه المركزيه ومقاييس التشتت اللي اخذناها في مادة مبادئ الاحصاء :mh12: وجاء كمان اسئلة عن علم النفس ..وباقي الاسئلة اغلبها قضايا اجتماعية .. وكيف تتصرف معها كونك اخصائي اجتماعي وبالتوفيق لك اختي |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
ماشاء الله تبارك الله
موفق خير ياتركي وراجع لك بكم سؤال |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
اقتباس:
والله يكتب لنا ولكم النجاح والسعاده ان شاء الله |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
اقتباس:
الله يبارك فيك اختي وعقبالك ان شاءالله. . بالنسبة للدوام على حسب المستشفى اللي بطبقي فيه ..بعضهم دوام يومي وبعضهم يومين او ثلاث ايام في الاسبوع .. بس اذا تبي نصيحتي طبقي في مستشفى اهلي ..تعاملهم جميل وعندهم مرونه اكثر من المستشفيات الحكومية. . واغلبيتهم يقولوا لك داومي عندنا يومين في الاسبوع ... المستشفيات الحكومية اللي جيتها لازم دوام كامل وياويلك تتأخر .. |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
اقتباس:
موفق يالغالي .. |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
السلام عليكم اخوي تركي
اول شي مبروك لك ذَا الإنجاز، وهل ضروري خريج علم الإجتماع انه يحرص عليها، وبطاقة التصنيف راح تصنفني كأخصائية إجتماعية بجمعية أو مدرسة مو بس في مستشفى أو لا إذا كان عندك خلفية. |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
اقتباس:
بس المدارس ماعندي خلفيه عنها هل هم طبقوا نظام التوظيف ام لا .... اللي متأكد منه انهم يدرسوا الوضع من زمان .. وإن شاء الله يطبقوه قريب .. |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
ماشاء الله تبارك الله .. ألف مليون مبروك التصنيف ..
كنت حابه أسالك طيب هل فيه تصنيف لتخصص تربيه خاصه مسار إعاقه عقليه وإذا فيه كيف الطريقه .. شاكره لك تعاونك .. دعواتكم لأخويه عبدالعزيز باالرحمه والمغفره .. |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
ماشاء الله تبارك الله .. ألف مليون مبروك التصنيف ..
كنت حابه أسالك طيب هل فيه تصنيف لتخصص تربيه خاصه مسار إعاقه عقليه وإذا فيه كيف الطريقه .. شاكره لك تعاونك .. دعواتكم لأخويه عبدالعزيز باالرحمه والمغفره .. |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
الله يوفقنا ان شالله بمجالاتنا يارب
|
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
لو سمحتوا كيف اسئله التخصصات الطبيه بالعربي ولا انجليزي ??وكم رسوم الاختبار ?
|
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
كيف اسئله هيئه التخصصات عربي ولا انجليزي وكم رسوم الاختبار ??....وبالتوفيق للجميع
|
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
ما شاء الله تبارك الرحمن _ ألف مبروك أخي تركي الشعلان
وبإذن لله من نجاح لآخر. عندي إستفسار بسيط من خلال أجوبتك نصحت إي متدرب بالتدرب بمستشفى أهلي مو حكومي فهل هذا يعني أنك تدربت بمستشفى خاص؟! لأن اللي أعرفه أن هناك رسوم يدفعها المتدرب وفيه مستشفيات تتدرب بدون رسوم مثل "العسكري" فإذا بتدرب بمستشفى خاص لمن تدفع الرسوم..؟! جزيل الشكر مقدماً |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
الف مليون مبرووك اخوي تركي على حصولك على درجة التصنيف :(204):
وكل الشكر على حرصك على زملائك في هذا المنتدى الرائع و على إبلاغهم بكل ما هو جديد ومهم لكل طالب علم اجتماع ... والى مزيد من التوفيق والنجاح تحياتي لك وللجميع ,,,, |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
كم معدلك ياغالي في الجامعه لو ممكن
|
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
ماشاءالله تبارك الله ، الف مبروك ..
بسألك : كيف كانت طبيعة عملك بالمستشفى ؟ ونوعية الاسئلة مقاليه او موضوعيه ؟ بالتوفيق لك .. |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
بعد اذن اخونا الشعلااان ... عشان تختبر هيئة التخصصات الصحيه
ما يناااظرون لمعدلك في الجامعه اهم شي تتجاوز اختبارهم و لك فرصة خمس مرااات |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
الله يرحم اخوك عبدالعزيز ويغفر له ويجعل مثواه الجنه ان شاءالله
على حسب علمي ان التربية الخاصة ليس لها تصنيف في الهيئة . على الرغم من أن تخصص التربية الخاصة مرتبط ارتباط كبير بالصحة لكن للأسف ليس لهذا التخصص تصنيف من الهيئة السعودية للتخصصات الصحية وبالتالي لا أعتقد أنه بامكانكم التوظيف في المستشفيات لأن الهيئة تعتبر هذا التخصص تربوي (معلمي أومعلمات تربية خاصة) على العكس مع تخصص علم النفس وعلم الاجتماع فالهيئة تصنفهم كأخصائيين وبالتالي بامكانهم العمل في المستشفيات مثلها مثل اقسام الخدمة الاجتماعيه الاخرى ..لان التربية الخاصة على حسب فهمي انها تشمل تعديل السلوكيات وتعزيز المفاهيم وتشخيص حالات و...و... الخ .. لكن للأسف هذا الواقع والحاصل من قبل الهيئة السعودية للتخصصات الصحية عموما :لديكم فرص التوظيف في: وزارة التربية والتعليم او وزارة الشؤون الاجتماعية خصوصا في مجال التربية الخاصة لتأهيل المعاقين ... بالتوفيق لك ... |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
اقتباس:
|
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
اقتباس:
انا تدربت في مستشفى خاص ولا طلبوا مني لارسوم ولا شي ..وفيه احد الزملاء تدرب في مستشفى حكومي وطلبوا منه رسوم تدريب 3000 ريال مدة التدريب .. وفيه صديق اخر تدرب في مستشفى حكومي اخر ولا طلبوا منه شي .واعرف بعد ناس تدربوا في مستشفى خاص وبرضوا طلبوا منهم رسوم 3000 ريال .. اللي حاب اوصله لك ان الامور تختلف بين مستشفى واخر ..كلن على حسب سياسته .. بس المتعارف فيه ان التدريب اغلب المستشفيات يطلبوا منه رسوم ... واذا كان غندك احد معارفك يعمل بمستشفى يقدر يضبط لك الورقة ويوقعها ويختمها بدون لارسوم ولا حضور ولا هم يحزنون .. نرجع لطريقة الدفع طبعا تروحين لقسم التدريب والابتعاث في الشؤون الصحيه وهناك تدفعي المبلغ ويعطوك ورقة ايصال بالمبلغ اللي دفعتيه موجه للمستشفي اللي اخترتي تتدربي فيه ..تاخذين الورقة او الخطاب وترجعي للمستشفى وبكذا راح تتدربي .. |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
اقتباس:
انا والله مااعتبركم الا مثل اخواني .. وما انسى وقفات كثير من الاعضاء معي ايام الدراسة وكيف كنا ايام الدراسة نجتمع ونتناقش هنا بالملتقى حتى تخرجنا وبمعدلات ممتازة ...وانا احاول قد مااقدر اني اساعدهم باللي اعرفه .. وارد لهم الجزيل من الجميل اللي عملوه معي ..فما جزآء الاحسان الا الاحسان .. وعسى الله يجمعنا بالجنة ان شاءالله. . |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
اقتباس:
اخوي بسألك انت درست في جامعة الملك فيصل عن بعد .؟ ولا انتظام يعني هم يستقبلون طلبة عن بعد وتكون الشهادة بكالورويس علم اجتماع ؟؟ :rose: |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
اقتباس:
نعم يستقبلوا اي خريج سواء انتظام او انتساب .. |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
أمين يارب ..
مشكور أخوي تركي الله يعطيك العافيه .. دعواتكم لأخويه عبدالعزيز باالرحمه والمغفره .. |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
مشكور أخوي تركي الله يعطيك العافيه ..
على التوضيح لجميع الزملا ء واتمنى لك دوام التوفيق كفييت ووفيت |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
اقتباس:
بالنسبة لنوعية الاسئلة مقالي ..سؤال واربع خيارات .. وانا راح اوضح كل الاسئلة اللي مرت علي وراح اعلمكم كيف كانت طريقتي في المذاكره فيما بعد .. |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
مشاءالله تبارك الله
اول شي اشكرك اخوي على ذكر تجربتك ثاني شي عندي بعض الاسئلة اذا ممكن بالنسبة للتدريب تروح اي مستشفى عادي يقبلونك؟ وفترة التدريب وش المطلوب منك؟ وكم عدد ساعات الدوام في اليوم؟ وبالنسبة للاختبار هل الاسئلة في نطاق التدريب او عامة في المناهج؟ واعذرني عالاطالة بس انا نفس تخصصك وعلى وشك التخرج ان شاءالله |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
الله يوفقك وجزاك الله خير مسادتك لاخوانك واخواتك الطالبات
ممكن اسالك ؟؟ّ!! لازم لغة انجليزي ؟؟ البنات وين يروحون للتصنيف ؟ وين مكانهم بالرياض ؟؟ ممكن اعرف المستشفى الي تدربت فيه ؟ |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
اقتباس:
اقتباس:
فترة التدربب اهم شي الحضور فقط .. عدد ساعات الدوام على حسب المستشفى اللي تتدربي فيه .. اسئلة الاختبار مقسمه مابين علم اجتماع وخدمة اجتماعيه .. بالتوفيق لك ان شاءالله. . |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
بالتوفيق ان شاء الله يارب
بالنسبه للاسئله موضوعي صح ننتظر توضح لنا اللي تذكره من أسئلة الاختبار أما التدريب كيف نقدر نستفيد منه صح خصوصا اذا الاخصائي المشرف على التدريب مطنشك أبغى أعرف وش الاساسيات اللي ممكن أستفيدها منه وش الاشياء الي اطلبها من الاخصائيه تعلمني هل فيه طريقه تخليني أتوظف بالمستشفى على طول بعد ماأخلص تدريب أو أي شي يساعدني في هالمجال المستشفيات الحكوميه يوظفون انتساب والا لا وبالنسبه لك ان شاء الله في مكان في بالك بتختاره للتوظيف |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
اقتباس:
هلابك .. الاختبار باللغة العربية فقط ..طبعا الاختبار موضوعي يعني سؤال واربع خيارات .. عدد الاسئلة 100 سؤال ومتنوعه مابين علم اجتماع وخدمة اجتماعيه وزمن الاختبار 165 دقيقة يعني ساعتين ونص تقريبا .. البنات والرجال نفس الهيئة اللي في حي السفارات .اول دوار تاخذي يمين وتمشي شويات وبتلاقينها ع اليسار وفيه قسم نسائي في الهيئة راح يخدمونك .. تدربت في مستشفى الحبيب .. |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
اقتباس:
وبالنسبه للاسئلة ابشري راح اسرد اللي اتذكره في رد منفرد ان شاءالله. . الاستفادة من الاخصائي بيكون في فترة التدريب ..يعني ممكن تسألينه عن اي حاله تطري في بالك وكيفية التعامل معها ..رواهو راح يجيبك. . مثلاً: تسألينه عن شخص دخل المستشفى وهو بحالة سكر ( اقصد سكران يعني ) وش الطريقة الصحيحه للتعامل معه ؟ او تسألي مثلا عن حالة وفاة حصلت بالمستشفى كيف اخبر اهله وش الطريقه الانسب للابلاغ عن حالات الوفاة ؟ او مثلا تسألي عن مريض عملت له عملية بتر لاحد اعضائة .ماهو دوري كاخصائي تجاه هذه الحاله ؟ او تسألي كمان: متى اعمل دراسة حاله للمريض ودراسة الحالة ايش تعني او ماذا تشمل ؟ برضوا حالات العنف و الخطف او التحرش شنهي إجراءاتها ؟ يعني حاولي تسألي عن اي شي يخطر في بالك ..وللمعلوميه ترى الاسئلة اللي ذكرتها لك مسبقا جاء منها في الاختبار .. وفيه سؤال اذكر جاني في الاختبار وتكرر اكثر من مره في الاختبارات السابقه السؤال كالتالي ؛ اتاك خطاب من المحكمة عن حالة وطلبوا منك ان تعطيهم معلومات عنها ماهو الاجراء الانسب لذلك ؟ وكان فيه اربع خيارات هل تعطيهم المعلومات او تأجلها فيما بعد او تستأذن المريض او تعطيهم بعض المعلومات ؟ وبالنسبه لسالفة التوظيف امرها عند الله وانا اخوك ..انتي اعملي اللي عليك وربي بيعينك ويساعدك ...والمجال مفتوح للجميع .. بالتوفيق لك ... |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
الله يعطيك ألف عافيه ..
اقتباس:
يعني يختم بدون ما احضر ثلاث شهور ؟ |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
الحين الاسئله بالعربي ولا انجليزي
|
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
اقتباس:
لان اهم شي عند هيئة التخصصات ان ورقة التدريب تجيهم وفيها بيانات الاخصائي الاجتماعي اللي تدربتي عنده .. |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
شكرا جزيلا أخ تركي مشاركه جدا قيمه دونتها عندي
عملت دراسة حاله أثناء تدريبك ؟ وهل حضرت مقابلات فرديه مع الاخصائي أم اكتفوا فقط بالشرح لك بالنسبه للمستشفى اللي اتدرب عنده لايوجد عياده خاصه للاخصائيه فالعمل اغلبه يكون مختص بالاقسام وحالات التنويم |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
الحمدلله تم تصنيفي أخصائي وحبيت أشاركم .بالمختصر الأستاذ علي الزهراني له حساب بتويتر وعنده ملزمة ركزو عليها وبأذن الله تعدون بسهولة . التطبيق بعيد كل البعد عن الأسئلة . والأسئلة تتكرر
|
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
اقتباس:
ماقصرت .. |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
شكراً ع التنبيه لكن تخصصي انقلش مو علم اجتماع
الله يوفقكم |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
بالتوفيق للجميع
|
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
مشكور اخوي تركي وجميع من شارك
ياااارب يثمر تعبنا ونتوظف |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
اقتباس:
|
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
اقتباس:
ولابد أن يسجل الاخصائي اللي تدربت عنده رقم بطاقة التصنيف تبعه في ورقة التدريب .. لان الهيئة اذا سلمت لهم ورقة التدريب بعد ماانهيت التدريب .. راح يشيكوا على رقم التصنيف تبع الاخصائي .. وراح يظهر لهم اسمه وتخصصه وهل بطاقته سارية أو منتهيه...وهل يعمل أو لا ... على اساس كذا لابد يكون التدريب عند اخصائي.. |
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
اقتباس:
|
رد: لكل الاجتماعيين اليوم اختبرت اختبار التصنيف لهيئة التخصصات الطبية.؟
بالتوفيق إن شاء الله
|
All times are GMT +3. الوقت الآن حسب توقيت السعودية: 08:28 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه