|
خريج لي سنتين وماعديت بماده وش الحل
انا من عام 2011وانا بالجامعه وتخرجت عام 2015وناشبه لي ماده دكتورها تعجيزي ولي سنه ونص بالجامعه اعيد كل ترم عشان ماده والاختبار الاخير نفس الموال اسئله تعجيزيه ما الحل يااخوان!!؟
|
رد: خريج لي سنتين وماعديت بماده وش الحل
والله مالك الاترسل للفريدان وتعطيه رقمك الجامعي وادخل الان الخدمات الطلابيه واختر مادتك وسوى اعتراض على الاساله كود يدفونك
|
رد: خريج لي سنتين وماعديت بماده وش الحل
ابي ايمله طيب وكيف طريقه الارسال
|
رد: خريج لي سنتين وماعديت بماده وش الحل
وش ها الماده الي تعيد عليها سنه ونص
|
رد: خريج لي سنتين وماعديت بماده وش الحل
نفهم من كذا ، ان محد نجح فيها؟ :biggrin:
|
رد: خريج لي سنتين وماعديت بماده وش الحل
اقتباس:
ايميل الفريدان afridan@kfu.edu.sa الجوال الأكاديمي للفريدان 0506690402 حساب الفريدان في تويتر alfraidan@ شوف الي يناسبك وتوصل معاه |
رد: خريج لي سنتين وماعديت بماده وش الحل
أو خذ لك مدرس خصوصي على هالماده وان شاء الله تفتك منها
بالتوفيق ..~ |
رد: خريج لي سنتين وماعديت بماده وش الحل
فصفص الماده فصفصه او بمعني اصح لو تقدر تاكلها كلها من الجلده للجلده وما اعتقد انها مستحيله او معقده موفق
|
رد: خريج لي سنتين وماعديت بماده وش الحل
اخوي صاحب الموضوع
ركز على الماده قبل الاختبار بفتره طويله وعرف ان مصيرك قايم على هذه الماده وحاول تسأل وتجيب مدرس خصوصي للاشياء الي مانت فاهمها وبإذن الله تعدي |
رد: خريج لي سنتين وماعديت بماده وش الحل
الله يجزاكم خير ماقصرتوا ❤️
|
رد: خريج لي سنتين وماعديت بماده وش الحل
والله في مواد تعقد الله لايبلانا والله اني حاس بوضعك مار عندك ايميل الفريدان بس اتوقع مايكفي انك بس ترسل ايميل لان الايميلات الي ترسل له كثيره وحاط رد الي راح يرفع ضغطك انت راسله علا تويتر وعلا الايميل واذا ماشفت رد بداية السنه شيل حالك ورح للاحساء وقابله وفهمه الوضع واذا انت اختبرت هالترم ومتوقع انك راسب لاتجلس رح الاسبوع هذا الى الاحساء ولحق قبل اعلان النتايج يمكن يدفونك وتخلص
|
رد: خريج لي سنتين وماعديت بماده وش الحل
أبغاء اعرف وش هاذي الماده
|
رد: خريج لي سنتين وماعديت بماده وش الحل
اخوي الله يسسهل لك كل صعب
لكن اذا تبي تعديها صدق بتعديها عطها حقها واناخوك اخوي اند ١٠ معاه حق شي يغبن متخرج واربع اترام نفس الماده من حرصه عليك ، وكل شخص له اسلوبه في التعبير ربما يكون قاسي لكنه صحيح فمضمون رايه صحيح اي شخص بحياته والكل يتفق لو عنده عزيمه واصرار راح يتجاوز اختبارات صعبه فما بالك واختبار ومنهج وملخص ٨٠ صفحه اخوي مع التقدير ، التقصير منك وحاول تكون عزيمتك قويه والله يسهل دربك |
رد: خريج لي سنتين وماعديت بماده وش الحل
وش هي الماده الي صعبه عليك يمكن احد يقدر يساعدك من الاعضاء
المهم ان شاء الله هالترم تعديها وما تحتاج احد الله يسر لك يارب |
رد: خريج لي سنتين وماعديت بماده وش الحل
اطرح اسم المادة هنا وراح نساعدك ونعطيك كذا طريقة لتغلب على المادة
والله يوفق الجميع وصدقني انك راح تستفيد من اسلوب اند10 وراح تدعيله بعد الاحتبار ههههههه لانك بيصير عندك نوع من العناد والتحدي وبتنظر للامور بنظرة اخرى |
رد: خريج لي سنتين وماعديت بماده وش الحل
شد حيلك.. وان شاء الله تعديها.. وتصير من الماضي.. ربي يوفقنا.. وياك وكل مسلم
|
رد: خريج لي سنتين وماعديت بماده وش الحل
الماده صعبه ذاكر وذاكر وذاكر هذا الحل
امديك حفظت الماده صم الكم سنه الي راحت Endمعه حق كلكم قمتوا عليه بس هو صادق على انه كان شديد شوي بس انت لازم تواجه خوفك من الماده ماراح تجتاز وانت خايف وتقول صعبه ومن الحين امسك المحاضرات وحده وحده ان شاء الله تقعد بكل صفحه اسبوع المهم انك تفهمها وتحفظ حرف حرف عشان تدخل الاختبار وانت مستعد ولاتعتمد على الاسئله وتكرارها:sm4: |
رد: خريج لي سنتين وماعديت بماده وش الحل
للاسف بعض الردود متواضعة وشامته ي خي قل خير ولا اصمت اما صاحب الموضوع ( الله يسهل امرك ) على الجامعة التعاون مع الخرجين . خلاص لهف ماشبعتو من الرجال من عام ٢٠١١ وأنتو ماصين جيبه
|
رد: خريج لي سنتين وماعديت بماده وش الحل
نماذج الي تدور حولها الاسئله
ركز فيها علي المحتوي حدد فقرات الدكتور المفضله بكذا تنجح وعساها يارب بدرجه احسن من اللي تبيها ممكن اسم الماده؟ |
رد: خريج لي سنتين وماعديت بماده وش الحل
الله يسهل امرك ياصاحب الموضوع .... واذا تبي مساعده حاضرين عطني الملزمه واسئلة سابقة او محاضرات مسجلة وانا ان شاالله اسويلك ملخص للمادة
|
رد: خريج لي سنتين وماعديت بماده وش الحل
روح لهم الجامعه تفاهم معاهم ايش الظلم هذا والقهر
|
رد: خريج لي سنتين وماعديت بماده وش الحل
طيب وش هالماده الي تحملها كل ترم؟
|
رد: خريج لي سنتين وماعديت بماده وش الحل
اخوي انت قدها بأذن الله مو ماده بتعطل تخرجك عديت اللي افضل و اصعب منها
قبل كل ماده افتح الماده اقراها قراءه سريعه و عندك تجمعات الطلاب تفيد و احضر المحاضرات اذا الماده تحتاج شرح اقسم بالله اني فيه مواد ما كنت احلم اني اعديها و عديتها بدرجات عاليه لاني حطيت براسي انها مابتوقف تخرجي و انت كفو وقدها بأذن الله اذا صعب عليك شي وكل امرك لي رب العالمين و جيب لك مدرس يعطيك الماده اذا علميه و الملتقى مو مقصر بأذن الله اذا نفس تخصصصي و محتاج مساعده ابشر و انا اختك بس لا تحطمك و لا يكون حاجز قدام البكلريوس ماده مثل ماعديت غيرها بتعديها بحول الله |
رد: خريج لي سنتين وماعديت بماده وش الحل
بإعتقادي صاحب الموضوع نسى موضوعه
لا بد ان تتفاعل بموضوعك لكي نستفيد من طرح الاخرين... بديت اشك بتقييم الاخ المدى البعيد10:oao: |
رد: خريج لي سنتين وماعديت بماده وش الحل
الولد راح ارفقوا عليه ،ولا علمنا وش الماده ياحسره
بعدين اشوى انه ولد موب بنت على بعض الردود السلبيه كان صارت علوم :bawling: |
رد: خريج لي سنتين وماعديت بماده وش الحل
الي مؤيدين كلامه فيه بعض اشباه الرجال يحبون العنف فاشي طبيعي يكونون مؤيدين . والله طرحوا حلوول الله يجعلها بميزان حساناتكم . ارسلت ايميل للفريدان وانتظر الرد،
|
رد: خريج لي سنتين وماعديت بماده وش الحل
اقتباس:
وبعدها انشاء الله نشوفك واحد من دكاترة الماده :71: :d5: |
رد: خريج لي سنتين وماعديت بماده وش الحل
السلام عليكم ورحمة الله
مساء الخير للجميع ماجد الله يوفقك وينجحك والجميع إن شاء الله روح للجامعة ويساعدونك وكلم دكتور المادة والفريدان كذلك واشرح لهم بالتفصيل الترم اللي فات رسبت بمادة وراسلت الفريدان وبدون فائدة وذهبت للجامعة وكلمت العميد الفريدان وكلمت الدكتور ونجحت وتخرجت ولله الحمد والشكر |
رد: خريج لي سنتين وماعديت بماده وش الحل
رووووووح الجامعه مالك الا كذاااا واشرح لهم وضعك حررام تتعذب عشان ماده
|
رد: خريج لي سنتين وماعديت بماده وش الحل
لا يروح ولا شي كل الحكاية انه يفتح الملخص ويذاكر , الي يصحح الكمبيوتر محد مستقعد لك، انت مستقعد لنفسك..
|
رد: خريج لي سنتين وماعديت بماده وش الحل
الضاهر انه مضيع اخونا والدليل انه كتب الموضوع وراح يبي يعلقكم
والله لو هو صادق كان قال الماده الفلانيه رسبت فيه كذا مره بس هذا دلييل انه غير صادق ويسمع باسلوب التشويق وجاي يطبقه هنا |
رد: خريج لي سنتين وماعديت بماده وش الحل
لاحظت النك توجديد٢٠١٦مادري اذا صادق اولا
|
رد: خريج لي سنتين وماعديت بماده وش الحل
اتوقع الكلام ماهو صدق احس فيه فبركة ومخادعة وعدم جدية
عكس الزملاء الذين بذلوا جهدهم و وقتهم لرد عليه ومحاولة مساعدته الله يعطيهم العافيه ويوفقهم مشكورين... لماذا يتهرب من ذكر اسم المادة اذا هو صادق ؟؟؟؟ ليه المراوغة وعدم الرد ؟ انتهى الموضوع بالنسبة لي |
رد: خريج لي سنتين وماعديت بماده وش الحل
اذا لك كم سنه تعيد الماده فالمشكله بگ انت مافيه احد اشتكى مثلك
صحيح الناس تختلف قدراتهم العقليه بس مثلك ومتعلق بماده احس من اسلووبك هو انك فاضي نشكر الزملاء لي حاولو وساعدونگ انت ما تسعدت ولا صدقت معهم في طرحك ولا كان قلت اسم الماده ماهو مخجل لو ذكرتها ان كنت صادق انصحك تتقى احد يدعي عليك وانت بغنى عن هالشي او احد يكذبك وانت بغنى عن هالشي اذا كنت صادق قول اسم الماده واذا انت خريج ومن عام ٢٠١١ وما تعرف اميل الدكتور ولا وسائل التواصل معه او مع الجامعه مع احترامي لك ما تستاااااهل انك تتخرج من الجامعه كلامي ووجهت نظري بموضوعك العقيم وبلا فائده وسلااام عليكم |
رد: خريج لي سنتين وماعديت بماده وش الحل
ياناس لاتظلموه يمكن انه خرج من المنتدى
وبعدين رجع بعضويه جديده أحسنوا الظن،، |
رد: خريج لي سنتين وماعديت بماده وش الحل
الأخ تخصصه تربيه خاصه كلنا نعاني نفس المشكله
الأسئله مقاليه تتكون من 10 أسئله بسبب عددنا القليل وبعض الدكاتره الله يهديهم مافيه أي تعاون لدرجة يقول ركزو على هذي الأسئله بالمباشره واذا رحنا نختبر نتفاجأ بأسئله غير , الله يعين ويوفق الجميع |
رد: خريج لي سنتين وماعديت بماده وش الحل
الله يفرجها عليكم ياللي عندكم اختبارات مقاليه وعلى اخونا ماجد يارب تتخرج هالترم ولاتحملها
ويفرحها علي وعلى كل مكروب |
رد: خريج لي سنتين وماعديت بماده وش الحل
المفروض الموضوع يغلق
|
رد: خريج لي سنتين وماعديت بماده وش الحل
موضوع يضيق الصدر+ يمكن مو صدق
|
رد: خريج لي سنتين وماعديت بماده وش الحل
بنسبه للاخوان الي يقولون ماهو صادق وانت وش دخلك يامحقق كونان صادق ولا كاذب عندك اجابه جاوب ماعندك اجابه خيط فمك وسكت
|
رد: خريج لي سنتين وماعديت بماده وش الحل
اخوي ماجد كيف مراجعتك للماده
هل تراجعها وبكره الاختبار إذا نعم اكيد ماراح تعديها ياخي ماده واقفه لك اوقف لها من بداية الدراسة وذاكرها وبإذن الله تعديها باعلى الدرجات |
رد: خريج لي سنتين وماعديت بماده وش الحل
اقتباس:
لاحظت تسجيله جديد .. حسيت من قوانين القبول بالجامعه انك تسجل بالملتقى .. صاحب الموضوع ربي يوفقك وتعدي هالماده اللي عليك يااارب .. |
رد: خريج لي سنتين وماعديت بماده وش الحل
المادة لغة انجليزية قراءة احسنو الظن
|
رد: خريج لي سنتين وماعديت بماده وش الحل
الي ردو رد سلبي لو هم مكانه كان سوو حفله
بس الواحد مايحس الا اذا صارت له نفس المعانا الله يوفقك يارب وتفرح بتخرجك |
رد: خريج لي سنتين وماعديت بماده وش الحل
اقتباس:
Omg:eek: الحين الانجليزي قراءه هو الي مااخره عن التخرج:eek: الماده ماهي صعبه بس شكله مايركز وقت المذاكرة |
رد: خريج لي سنتين وماعديت بماده وش الحل
اذا هي الماده لغه انجليزيه قراءه انا مستعده اسوي تلخيص للماده سؤال وجواب لوجه الله ،،ولاتظلمون احد (من لم يحمل هم المسلمين ليس منهم)،، :004::sm12::004::004:
|
رد: خريج لي سنتين وماعديت بماده وش الحل
..... واذا انت خريج ومن عام ٢٠١١ وما تعرف اميل الدكتور ولا وسائل التواصل معه او مع الجامعه
مع احترامي لك ما تستاااااهل انك تتخرج من الجامعه كلامي ووجهت نظري بموضوعك العقيم وبلا فائده وسلااام عليكم[/QUOTE] .. وعليكم السلام .. الان الشخص الي مايعرف ايميل الدكتور ولاتواصل معه من خلال تويتر وفيسبوك وانستقرام .. او ايميل شوؤن الطلاب .. مايستحق يتخرج مايستاهل يكون حامل شهادة جامعية :5aga::5aga::sdfgdsf: وين راحت المحصلة العلمية وين راح كد اربع سنوات وخزل في المعلومات وتخزينها والعمل بها الي ساهمت بتطوير ذاتك وتثقيفك وتنويرك لأمور كنا نجهلها سواء تخصصية او عامة .. وايضآ ساهمت في توسيع مدارك الحوار . والاحكام وتقيم الأمور بالوجه الصحيح ... بارك الله فيك البريد الجامعي ولاعرفناه الي وقت ارسال البحوث ولو انك خريج بتشوف الكم الهائل في الاسئلة في كيفية الدخول عليه وكيفية ارسال البحث لا جامعة سلمك ربي فعلت التواصل الي تناشد عنه واغلبنا ماحنا بحاجته والتواصل مع الدكتور او حتي معرفة اسمه يكفي تشوفه علي الورقة وقت الاختبار .. لاانت الي بتناسبه ولاهو بيناسبك كل مافي الامر حل المناقشات وحل الواجبات واحضر المحاضرات المسجلة والمباشرة وادرس منهجك وصل الله وبارك .. واغلبنا يعمل بهذه الطريقة ... فهل يستحقون او يستاهلون التخرج او لاا ؟ |
رد: خريج لي سنتين وماعديت بماده وش الحل
اقتباس:
|
| All times are GMT +3. الوقت الآن حسب توقيت السعودية: 05:14 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام