ملتقى طلاب وطالبات جامعة الملك فيصل,جامعة الدمام - المناقشات الاسبوعية تغيير في خطة المستويات القادمة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- إدارة أعمال 4 (https://vb.ckfu.org/f327)

- - [ المناقشات ] : تغيير في خطة المستويات القادمة (https://vb.ckfu.org/t754468.html)

مستعينة بربي

2016- 5- 14 01:23 PM

تغيير في خطة المستويات القادمة

2 مرفق

السلام عليكم ورحمة الله وبركاتة..

الأخوة و الأخوات الكرام..

أود طرح خطتي أنا و مجموعة من زميلاتي .. للمستويات القادمة بإذن الله

حيث لا يخفى عليكم وجود أربع مواد في الخطة للمستويات القادمة لا يفصل بينها و بين المادة اللي تسبقها أي يوم مما يشكل ضغط كبير جداً،
و نظراً لمرونة الجدول من حيث التعديل قمنا بدراسة بعض التعديلات و نقل بعض المواد من مستوى لآخر لإتاحة يوم ع الأقل يسبق تلك المواد

الكل أجمع بأن مستوى خامس مناسب كما هو لكن كان لابد من تعديله هو الآخر حتى نصل لجدول مريح قدر المستطاع

تجدون بالمرفق صورة للجدول بعد التعديل توضح المواد التي تم نقلها من اي مستوى الى اي مستوى

(عذرا لم يقبل الملتقى ارفاق الجدول بصيغة xlxs.)

علما بأننا اجتهدنا قدر الامكان إلا أن مقرر إدارة المعرفة هو الوحيد الذي لم نتمكن من الخروج به من ازمة اليوم الواحد للمذاكرة
و لكن تضل مادة افضل من اربع مواد

عموما..
قمنا بالتبديل بين مادة الإدارة الإلكترونية و مادة المحاسبة الإدارية من المستوى السابع لكثرة ما سمعنا عن جدارة دكتورها و أسئلته

بالاضافة الى تقديم قضايا ثقافية معاصرة من مستوى ثامن الى مستوى سادس لوجود إمكانية للنقل و حتى يخف المستوى الثامن كون اختباراته قد تكون في شهر رمضان المبارك..

اما بقية التعديل فكما اسلفت كان لضرورة فصل المواد بيوم او يومين

.

.

من يرغب/ترغب باتباع هذه الخطة معنا فمرحب بالجميع

علما بأني اخلي مسؤليتي من اقامة ورش و خلافه للمواد لانها ليست مجالي و ليس لي فيها معرفة
و لكن سأقدم ما أستطيع تقديمه حسب ما يتاح لي من الوقت بإذن الله

.
.

و ان جد جديد من الان الى بداية العام القادم بإذن الله سيتم اعلامكم
.

.

دمتم ناجحين بإذن الله

خطوة بخطوة

2016- 5- 14 01:33 PM

رد: تغيير في خطة المستويات القادمة

لي رجعه

مدري المشكله من عندي والا من الموقع

خطوة بخطوة

2016- 5- 14 01:34 PM

رد: تغيير في خطة المستويات القادمة

جدول جميل بس عندي سؤال
اطلعتوا ع المقررات هل هي صعبه او سهله وكيف الدكاتره لاني افكرر أجل نقود وبنوك واخذ إدارة مالية 1

مستعينة بربي

2016- 5- 14 01:37 PM

رد: تغيير في خطة المستويات القادمة

(عذرا لم يقبل الملتقى ارفاق الجدول بصيغة xlxs.)

مستعينة بربي

2016- 5- 14 01:52 PM

رد: تغيير في خطة المستويات القادمة

نعم اخ خطوة بخطوة

اطلعنا ع ما استطعنا من آراء

و في قاموسي انا و زميلاتي كلمة صعب ملغية تماما

نظم متكاملة للمؤسسات دكتورها احمد الشريف الذي سبق و اخذنا عنده مقرر تقنية 1

المادة عبارة عن تقنية دسمة و مكثفة لذلك فسحنا لها مجال يومين في الجدول

المحاسبة الادارية اجتمعت الاراء ع انها اسهل من محاسبة 1 و 2و التكاليف و دكتورها ممتاز

بقية المواد نظرية

الا ان النقود و البنوك بها جزء عملي

Lamya_33

2016- 5- 14 02:41 PM

رد: تغيير في خطة المستويات القادمة

انا مع الجميلة ( مستعينة بربي ):mh318::love080:

Eman7

2016- 5- 14 02:53 PM

رد: تغيير في خطة المستويات القادمة

مرحبا مستعينه ..
وعساك ع القوه .. مبدعه كاعادتك ..
وان شاء الله إنا معكم بالخطه .. ولكن ادارة اعمال صغيره ونقود وبنوك اتوقع انها علميه !! ولا !
ويعطيك العافيه ..

فاطمه العبدلله

2016- 5- 14 03:13 PM

رد: تغيير في خطة المستويات القادمة

جميل جزاك الله كل خير ❤️
انا معك

saad alasmary

2016- 5- 14 03:19 PM

رد: تغيير في خطة المستويات القادمة

عليكم السلام ورحمة الله
اختي مستعينة الحين اغلب الي بالمنتدى غيرنا الخطه في مستوى رابع وخذينا اداره العمليات بدل اساسيات البحث العلمي وما اعرف مشيتي معنا على الخطه ولا لا
والخطه الي طرحتيها حلووه بس اساسيات البحث العلمي هي المشكلة الآن ويش اسواه

مستعينة بربي

2016- 5- 14 04:03 PM

رد: تغيير في خطة المستويات القادمة

اقتباس:

المشاركة الأصلية كتبت بواسطة eman7 (المشاركة 1057212228)

اعمال صغيرة نظرية

نقود و بنوك اغلبها نظري مع جزء عملي

مستعينة بربي

2016- 5- 14 04:08 PM

رد: تغيير في خطة المستويات القادمة

اقتباس:

المشاركة الأصلية كتبت بواسطة saad alasmary (المشاركة 1057212271)

الى مستوى رابع كنت ماشية ع نفس خطة الجامعة
لكن الضغط اللي راح يقابلنا اضطرنا للتغيير

الحل بالنسبه لك تقدر ترجع ادارة الاعمال الصغيرة مكانها لمستوى سابع
و تاخذ البحث العلمي في مستوى خامس
بس ما راح يكون فيه اي يوم قبل ادارة الاعمال الصغيرة هذا اللي احنا قاعدين نتلافاه بالخطة الجديدة.. عموما هذا الشيء الجيد بخصوص الجدول انه مرن و قابل للتعديل حسب ظروف كل طالب و طالبة

بالتوفيق

اموني الحبوبه

2016- 5- 14 04:22 PM

رد: تغيير في خطة المستويات القادمة

حسب علمي نظم متكاملة هذا المستوى كان اختبارهم صعب ورفعوا تظلم
ع احمد الشريف وع اسئلته اللي مدري من وين جابها

احمد الشريف تغير ماعاد ع خبرنا زمان

Eman7

2016- 5- 14 04:58 PM

رد: تغيير في خطة المستويات القادمة

طيب لو عندك فكره المستويات الجايه
وش المواد العملي الي بتوجهنا ..

hanino

2016- 5- 14 08:27 PM

رد: تغيير في خطة المستويات القادمة

الله يفتح عليكم وعلينا يارب()
عندي استفسار اقل عدد ساعات
نقدر نسجله 9 او 12 ؟

مستعينة بربي

2016- 5- 14 10:13 PM

رد: تغيير في خطة المستويات القادمة

اقتباس:

المشاركة الأصلية كتبت بواسطة eman7 (المشاركة 1057212456)

طيب لو عندك فكره المستويات الجايه
وش المواد العملي الي بتوجهنا ..

المحاسبة الادارية
النقود و البنوك فيها جزء عملي
ادارة العمليات فيها جزء عملي
هذا اللي اعرفه للان

مستعينة بربي

2016- 5- 14 10:15 PM

رد: تغيير في خطة المستويات القادمة

اقتباس:

المشاركة الأصلية كتبت بواسطة hanino (المشاركة 1057212929)

الله يفتح عليكم وعلينا يارب()
عندي استفسار اقل عدد ساعات
نقدر نسجله 9 او 12 ؟

اتوقع 18 لكن مو متأكدة
يفضل تتأكدي اكثر

ahmed fadel

2016- 5- 14 10:19 PM

رد: تغيير في خطة المستويات القادمة

جميل جدا التخطيط للمستويات القادمة مبكرا ...
لكن بالنسبة لي سبق وان لخبطت الخطة مبكرا كذلك ..من المستوى الثاني ونا أغرد فوق السطوح ..
متأخر عن الخطة بمادتين ...والمحاسبة الادارية درستها الترم هذا ..
تمنياتي للجميع بالتوفيق والسداد

mr.3boo6e

2016- 5- 14 11:58 PM

رد: تغيير في خطة المستويات القادمة

ياليتك لو حطيتي الجدول القديم والمقترح جمب بعض
راح يفكك من اساله كثير من الطلبه

انا عن نفسي اقول لسى بدري على التخطيط لين مانشوف وش وضع الدرجات

ناره	2016- 5- 15 12:17 AM

رد: تغيير في خطة المستويات القادمة

الخطه روعه لأكن الي لخبط في اخر ترم
أخذت عمليات بدل اساسيات
وإلكترونيه بدل اداره مالية ٢
وش سواه عشان اقدرامشي ع خطتكم

يوسف العضيله1

2016- 5- 15 12:29 AM

رد: تغيير في خطة المستويات القادمة

مستعينه بربي فيه اغلب اللي ادرسوا المستوى الخامس يمدحونه يقولون انه سهل وتقدر تجيب معدل

نوفييي

2016- 5- 15 01:17 AM

رد: تغيير في خطة المستويات القادمة

مستحيل اغير بالخطه هالمره يكفي هذا الترم تبهذلت بسبب التغيير والفقه انا ماخذتها من كذا قلت علي المواد ولا ابي ازيد ساعات ايش الفايده دام بكمل للمستوى الثامن يعني ماراح ينقص مني سنه ولا نص سنه

albahrhd

2016- 5- 15 01:37 AM

رد: تغيير في خطة المستويات القادمة

وانا واحد مع كل احترامي للاخت مستعينه ماقدر اغير الخطه ... خلونا على الخطه احسن والي يصير يصير ... وانتو على راحتكم

monira

2016- 5- 15 02:00 AM

رد: تغيير في خطة المستويات القادمة

اي صحيح اغلبنا قدم ادارة العمليات ياليت تشوفون لنا هالمشكله
وان شالله نكون مع بعض في الخطة

rashid7360

2016- 5- 15 03:38 AM

رد: تغيير في خطة المستويات القادمة

1 مرفق

يعطيك العافية اختي مستعينة والاخوات اللي معك .. جهود تذكر فتشكر .. من الملاحظ في المستويات من 6-8 يشتكون من ضغط الاختبارات ورى بعض .. اتوقع والرأي للجميع بإمكاننا لو رتبنا انفسنا من الان نتفادى ماوقع فيه الزملاء والزميلات في المستويات المذكورة .. برفقه جدول المواد لكل المستويات .. ياليت نتساعد وكل واحد يطّلع ع المرفق في اول صفحة والمرفق اللي تحت ( مرفق) ويحاول يرتبه بحيث نتفادى هالمشاكل في المستويات المتقدمة ... وانا برتب وباطرحه هنا للاطلاع والمشاركة من الجميع وكل واحد يرتب ويطرحه هنا ونتشاور ونطلع بالافضل .. اكرر شكري لكم جميعاً .. تحياتي وتقديري لكم جميعاً

ام التؤام1980

2016- 5- 15 03:53 AM

رد: تغيير في خطة المستويات القادمة

يعطيكم الف عافيه انا ان شاءالله يتبع الخطه الاساسيه ماودي احوس فيها خاصة اني سالت اغلب طلاب وطلبة مستوى خامس حيل يمدحون هالمستوى ويقولون انه اسهل مستوى مر عليهم وكلها نظري وبما اني اذاكر قبلها فمده فمااظن اني بتأثر بإذن الله يمكن تنفع هالخطه للموظفين والموظفات موفقين جميعا

مناسب

2016- 5- 15 06:23 AM

رد: تغيير في خطة المستويات القادمة

نصيحتي "خلوكم عالخطة"
الخطة وضعتها الجامعة بعد دراسة وافية وكافية..!

مستعينة بربي

2016- 5- 15 08:12 AM

رد: تغيير في خطة المستويات القادمة

اقتباس:

المشاركة الأصلية كتبت بواسطة mr.3boo6e (المشاركة 1057213248)

حاولت بس ماقدرت احط صورتين كل ما ارفع الصورة الثانية تختفي الاولى.. فالمعذرة

اقتباس:

المشاركة الأصلية كتبت بواسطة ناره (المشاركة 1057213291)

فكرة التعديل جات أساسا عشان نخرج من مأزق الأيام المتتالية للمواد
فبإمكانك تعديل الجدول بما يتناسب مع موادك

اقتباس:

المشاركة الأصلية كتبت بواسطة يوسف العضيله1 (المشاركة 1057213323)

مستعينه بربي فيه اغلب اللي ادرسوا المستوى الخامس يمدحونه يقولون انه سهل وتقدر تجيب معدل

لي علم بهالنقطة لكن ارجع و اقول سبب التعديل هو الايام المتتالية اللي راح تواجهنا في المستويات من 6 الى 8
فكان لابد من ان يشمل التعديل مستوى خامس

مستعينة بربي

2016- 5- 15 08:14 AM

رد: تغيير في خطة المستويات القادمة

احترم رأي الجميع و بالتوفيق :)

HNK	2016- 5- 15 12:12 PM

رد: تغيير في خطة المستويات القادمة

انا عن نفسي ماراح اغير بالخطه ممكن اغير ماده بس مو كل المستويات اقلبها فوق تحت ماتدري الجامعه كل يوم وهي في تطور ممكن تقول غيرت مواد او حذفت مواد
الله يوفق البنات الي قامو بالتغير واشكرهم على جهدكم والله يقويكم يارب

rashid7360

2016- 5- 15 03:28 PM

رد: تغيير في خطة المستويات القادمة

اقتباس:

المشاركة الأصلية كتبت بواسطة نوفييي (المشاركة 1057213416)

طبعاً القرار لك أختي .. لاكن الفائدة في المستويات من 6-8 تكون الاختبارات مضغوطة ( ورى بعض ما في فرصة ) .. مو مثل المستويات السابقة يكون بين الاختبار والثاني يوم او يومين

rashid7360

2016- 5- 15 03:32 PM

رد: تغيير في خطة المستويات القادمة

اقتباس:

المشاركة الأصلية كتبت بواسطة monira (المشاركة 1057213512)

اي صحيح اغلبنا قدم ادارة العمليات ياليت تشوفون لنا هالمشكله
وان شالله نكون مع بعض في الخطة

الحل .. طبعاً اذا كنتي ماراح تغيرين .. نزلي اساسيات البحث العملي مع باقي مواد المستوى الخامس .. كذا ماراح تتأثر باقي المستويات وكذلك تكوني رجعتي على الخطة بالضبط ...

Amleta

2016- 5- 15 03:46 PM

رد: تغيير في خطة المستويات القادمة

كيف تعرفون ان بين المواد يوم واحد ؟؟

طالبة ع

2016- 5- 15 04:22 PM

رد: تغيير في خطة المستويات القادمة

يعطيك العافيه مستعينة بربي على المجهود

أنا مبدئيا بمشي على الخطة

طالبة ع

2016- 5- 15 04:23 PM

رد: تغيير في خطة المستويات القادمة

اقتباس:

المشاركة الأصلية كتبت بواسطة amleta (المشاركة 1057214651)

كيف تعرفون ان بين المواد يوم واحد ؟؟

من الاطلاع على جدول الجامعة

jetaime

2016- 5- 15 04:51 PM

رد: تغيير في خطة المستويات القادمة

يعني الجدوال هذا الحين مو خطه الجامعه ^

.. إتكاءة ™ ..

2016- 5- 15 05:10 PM

رد: تغيير في خطة المستويات القادمة

معك بإذن الله :rose::004:

iSara__91

2016- 5- 15 06:55 PM

رد: تغيير في خطة المستويات القادمة

طيب انا اخذت فقه و اخذت قضايا ثقافية و اخذت بحوث الاعمال

كيف راح يصير جدولي احط بدالهم شي او اخلي كذا

حلمي الجامعة

2016- 5- 15 10:24 PM

رد: تغيير في خطة المستويات القادمة

بالنسبة لي اذا عديت هالترم
الترم القادم فيه مواد سبق وان خذنها ف ارترام فاتت
لذا بإذن الله المؤشرات تدل ع ان هناك ترم صيفي
وممكن نحط خطة جديدة والله ولي التوفيق بالنسبة للترام القادمة كلها سهله جداً
بإذن الله وتوفيقه وان شاء الله نفرح بنجاحنا وبعدها ييسرها فاطر السموات والارض

Almase

2016- 5- 16 12:09 AM

رد: تغيير في خطة المستويات القادمة

اقتباس:

المشاركة الأصلية كتبت بواسطة اموني الحبوبه (المشاركة 1057212377)

الاسئلة لم تكن صعبه بمعنى صعبه لانه لم يخرج عن المحتوى بل كانت مفاجئة لنا بسبب تغير اسلوب الدكتور ع الاترام السابقة ،وهو بصراحة اختصر ع نفسه الموضوع وركز ع كم محاضرة اتوقع 3محاضرات فقط م 14 محاضرة تخيلوا غير ان اكثر الاسئلة كانت صعوبتها تكمل باستخدامه مصطلحات انجليزية علما انه نبه ع وجود مصطلحات انجليزية لكن فهمناها انه مصطلح ومعناه وليس كما جاء كذلك لم يكن صادق معنا عندما قال ارجعوا للاسئلة النماذج السابقة لان ستكون بنفس الاسلوب وهذا للأسف لم يحدث ، ع كل حال هالدكتور ينقب ع الاسئلة م خلال الرسوم البيانية والجداول ...

واحتمال كبير يغيرونه لان له اكثر م 8 اترام و ان غيروه ع الاقل تطلعون بشرح يستاهل المتابعة، بالتوفيق .

رمق ،

2016- 5- 16 07:49 AM

رد: تغيير في خطة المستويات القادمة

للآن مافكرت أشوف الجدول إلا بعد النتائج
بخصوص المحاسبه الإداريه أخذته هالمستوى لايفوتكم دكتورها متعاون والماده مكمله لمحاسبة التكاليف بمستوى الثالث .

مُوفقين

شايب القريه

2016- 5- 16 08:19 AM

رد: تغيير في خطة المستويات القادمة

الجدول الاختبارات وويينه عشن انشوف الايام والمواد اللي بنزيدها او نحذفها

rashid7360

2016- 5- 16 08:51 AM

رد: تغيير في خطة المستويات القادمة

اقتباس:

المشاركة الأصلية كتبت بواسطة شايب القريه (المشاركة 1057216091)

الجدول الاختبارات وويينه عشن انشوف الايام والمواد اللي بنزيدها او نحذفها

موجود بالمرفق

ghost1991

2016- 5- 16 09:43 AM

رد: تغيير في خطة المستويات القادمة

حسب الجدول المشكلة بالمستوى السابع والسادس

محمد المطيري1

2016- 5- 16 09:44 AM

رد: تغيير في خطة المستويات القادمة

يعطيكم العافيه جميعا ماقصرتو استفدت من هالموضوع

والله يجزاك خير اختي مستعينة بربي

:icon19:

حلمي الجامعة

2016- 5- 16 12:40 PM

رد: تغيير في خطة المستويات القادمة

ترفع الجلسة الى تاريخ1437/08/17
ههههههه

ghost1991

2016- 5- 16 01:46 PM

رد: تغيير في خطة المستويات القادمة

انا افكر اني ادرس ترم زيادة واحط المواد الزيادة فيه
ايش رايكم

mr.3boo6e

2016- 5- 16 03:00 PM

رد: تغيير في خطة المستويات القادمة

اقتباس:

المشاركة الأصلية كتبت بواسطة ghost1991 (المشاركة 1057216582)

انا افكر اني ادرس ترم زيادة واحط المواد الزيادة فيه
ايش رايكم

حرام تضيع ترم من حياتك
يعني الناس تبي تتخرج بسرعه وانت تبي تزود

ghost1991

2016- 5- 16 09:16 PM

رد: تغيير في خطة المستويات القادمة

اقتباس:

المشاركة الأصلية كتبت بواسطة mr.3boo6e (المشاركة 1057216704)

حرام تضيع ترم من حياتك
يعني الناس تبي تتخرج بسرعه وانت تبي تزود

صحيح اني بزود لكن برتاح نفسيا
بدل ما المستوى السابع 6 مواد والمستوى الثامن 6 مواد
وضغط شديد بين العمل والمذاكرة والمعدل بينخسف
ازود ترم وكل ترم اخد 4 مواد
يعني المستوى السابع 4 مواد والثامن 4 مواد والتاسع 4 مواد
واذاكر على راحتي واجيب معدل كويس باذن الله

نوال الفهد

2016- 5- 16 09:51 PM

رد: تغيير في خطة المستويات القادمة

اقتباس:

المشاركة الأصلية كتبت بواسطة ghost1991 (المشاركة 1057217375)

:mh12: نفس تفكيري لأن وراي بيتي والعمل ومذاكرة منجد تعب حيييييل لازم اخفف من المواد ع الأقل أجيب معدل زين

ضي النصر

2016- 5- 17 06:25 AM

رد: تغيير في خطة المستويات القادمة

الخطه جميله جدا فعلا في مواد ورى بعض راح يصير ضغط
الله يسهلها يارب

رمق ،

2016- 5- 17 07:00 PM

رد: تغيير في خطة المستويات القادمة

اقتباس:

المشاركة الأصلية كتبت بواسطة ghost1991 (المشاركة 1057217375)

من الترم الماضي وانا مقرره بزيادة ترم تاسع
لأن حسيت الترمين الأخيره ضغط

قوستاقو

2016- 5- 18 04:31 AM

رد: تغيير في خطة المستويات القادمة

تنسيق الجدول تمامم

بس مشكلتي مع اساسيات البحث

شكلي بضيفها مع الاعمال الصغيره بيوم واحد

الاساسيات ماراح تاثر ع المعدل كثير لانو ساعه بسس

بذاكرهم المادتين قبل الاختبار ويسير وقت الاختبار مراجعه

احي الحياة

2016- 5- 18 08:23 PM

رد: تغيير في خطة المستويات القادمة

يعطيك العافية ..
بس انا متاخرة عن الخطة ب 5 مقررات من المستوى الثاني ...
اقرا مديح وذم في هذا المستوى والله يستر منه ...

احي الحياة

2016- 5- 18 08:25 PM

رد: تغيير في خطة المستويات القادمة

والناس التي تبقى تتاخر في المستويات ...
العطلة طويلة والملخصات متوفرة استغلوها في الاطلاع على مقررات المستويات القادمة واذا تبقى تبدا تذاكر من الحين موادك للمستويين 5 و 6 ..

استنائية

2016- 5- 19 12:58 AM

رد: تغيير في خطة المستويات القادمة

انا ان شاء الله معاكم بالخطة .. يعطيكي العافية ي مستعينة بربي

sOoOoOo

2016- 5- 20 06:03 PM

رد: تغيير في خطة المستويات القادمة

معكم:)

SAFIA'

2016- 5- 20 07:15 PM

رد: تغيير في خطة المستويات القادمة

جدول الاختبارات ما يتغير كل سنة ؟

um lamees

2016- 5- 21 01:31 AM

رد: تغيير في خطة المستويات القادمة

جميله الخطه مستعينه بربي الله يجزاك خير..:(204):

بس أساسيات البحث ماأخذتها وبأدخلها مع مواد المستوى الجاي ..:(107):

وياااااارب تزبط معي ..

استنائية

2016- 5- 21 04:25 AM

رد: تغيير في خطة المستويات القادمة

انا معكم بالخطة بتغيير شي بسيط .. بحكم اني أخذت هذا الترم إدارة العمليات فرح تكون مكانها بحوث الأعمال بمستوى سادس وبمستوى سابع رح ضيف ادارة البحث بكون هيك تقريبا مشيت معكم على الخطة باختلاف مادتين .. يعطيكم الف عافية على الجهد

ghost1991

2016- 5- 21 12:59 PM

رد: تغيير في خطة المستويات القادمة

اعملوا استطلاع حتى نعرف مين بيمشي على الخطة الجديدة ومين بيبقى على الخطة الاساسية

daLia.m

2016- 5- 22 01:18 AM

رد: تغيير في خطة المستويات القادمة

ماشاءاللّه

نفع اللّه بكم وزادكم من واسع فضله .
سألت بعض الخريجات وكانت ارائهم ان الخطة اللي سويتيها ممتازة .

معك " مستعينة بربي " .. ( )

ساره الايطاليه

2016- 5- 22 08:52 PM

رد: تغيير في خطة المستويات القادمة

حلو جزاك الله خيرا لما يقرب تسجيل المواد لسمستر 5 حطوا لنا المواد اللي انتوا بتسجلونها واحنا معكم باذن الله

haymah11

2016- 5- 23 11:42 PM

رد: تغيير في خطة المستويات القادمة

يسعدك ربي وانا معكم بالخطه عجبتني

يوسف العضيله1

2016- 5- 24 09:37 AM

رد: تغيير في خطة المستويات القادمة

الخطه حلوه مستعينه ان شاء الله معكم وسوو استطلاع عشان نعرف من معنا بالخطه

ربي كرمك

2016- 5- 25 01:50 AM

رد: تغيير في خطة المستويات القادمة

الحين الخطه من المستوى الاول الى الاخير تتغير ولا ثابته ؟؟

All times are GMT +3. الوقت الآن حسب توقيت السعودية: 04:41 PM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه