|
الطلاب و الغش و ردّة فعلهم تجاه المراقب
سلام عليكم
صباح الخير اخواني في شيء لاحظته وقت الاختبارات ومن كم طالب اقدر اقول تقريباً كل اختبار الاحظ هالشيء اللي هو الغش انا مو جاي انصح لان م اعتقد فيه واحد عاقل و وصل ل هالعمر ولا يدري ان الغش محرم ، وثاني شيء هذي حاجه بينك و بين ربك ، اللي مزعجني هو ردة فعله بعد م يلاحظه المراقب لا تقولون بعض المراقبين قليلين ادب و يرفعون اصواتهم و يتبلون .. والله اني اشوف الطلبه من بداية الاختبار و هو كل شوي مطلع جواله يمر من عنده المراقب يكلمه ب صوت خفيف اكثر من مره واذا اخذ ورقة الاجابه منه بدا يزاعق و يصايح ؟! هذا و المراقبين م مر علي واحد يصارخ كلهم يكلمون اي طالب ب صوت خفيف ، حتى المشرف لما ينادونه انا و انا جنب الطالب م اسمع صوته ؟ ي اخي احترم زملائك ، وش له المزاعق و الصراخ ؟ احنا نختبر نبي جو هادئ عشان نقدر نحل .. و سلامتكم حاجه كانت غابنتني و قلتها وابي رايكم فيها والله يوفق الجميع و يفرحكم ب درجات الدنيا و الاخره :icon19: |
رد: الطلاب و الغش و ردّة فعلهم تجاه المراقب
فوق انه يغش يزاعق ويصرخ
ماصار لجنه اختبار ، الله يهديهم مامر علي حاله غش بقاعتي واصلا جوالاتنا ممنوعه الله يعينكم انا يالله اتحمل صوت كعب المشرفه باقي واحد يصارخ ويهاوش قدامي |
رد: الطلاب و الغش و ردّة فعلهم تجاه المراقب
في الاختبارات الأخيرة ذي أختبر معانا واحد وكان يغش والمراقب كلمه أكثر من مره وبكل إحترام وفي آخر مره أرتفع الصوت شوي وفجأه قال الطالب "يا أستاذ ترا المادة صعبة وحنا ترا دافعين فلوس للجامعة ولمدرسين خصوصيين" أنا فهييت شوي من رده على المراقب (الأخ جالس يبرر لنفسه!!) فيه حاجه مهمة ودي يسمحون لنا نعترض عند المراقب لما نشوف أحد يغش لأنه بصراحة أنا أتعب وأذاكر علشان أحل وأخينا في الله مطنش ويجي يغش وينجح وأنا يمكن ما أنجح!! وبالنسبة للإزعاج أيوالله إزعااااااااج وقلق وينسونك بعض الأوقات ألي مذاكرة |
رد: الطلاب و الغش و ردّة فعلهم تجاه المراقب
أرسب بالحلال ولا أخذ شهادة وأنجح بالحرام
بالتوفيق |
رد: الطلاب و الغش و ردّة فعلهم تجاه المراقب
الله يعين
كيف الانسان يقدر يكمل حياته بالحرام لأن هالشهادة ممكن بيوم من الايام ترفع راتبك أو تتوظف بمكان حلو الله يهدي الجميع . . يارب |
رد: الطلاب و الغش و ردّة فعلهم تجاه المراقب
الحمد لله الذي عافانا مما ابتلاهم
صديقي من عرفته وهو يغش فقط ولا يمكن يفتح ماده ويدرس إدارة أعمال!! وهذا الترم عانى معاناة كبيرة بسبب ان مراقب قعد له طول فترة الاختبارات!! مو هنا المشكله مع الطلبه الغشاشين المشكله بأنهم يدخلون المنتدى بعد الاختبار ، ويقولك الاختبار كان صعب للغايه وجايب من برا المنهج!! انت وش يدريك إذا انت ما فتحتها أساساً أمثال هؤلاء يشوهون صورة التعليم عن بعد أو الانتساب ويلاحظ أن كل سنة يتم فيها التشديد من وزارة التعليم على الجامعات بسبب مخرجات التعليم عن بعد!! والطالب المجتهد هو الذي سيتأثر بسبب هؤلاء!! |
رد: الطلاب و الغش و ردّة فعلهم تجاه المراقب
قمة الوقاحه والله اغش وارفع صوتي كمان:eek:
والا الي يقول دافعين فلوس محد جبرك تدفع محد جبرك تدرس اصلا وفعلا شي يحرق القلب انا اذاكر واجتهد ويجي غشاش وينجح بالغش الي يبغا يدرس يقابل الكتب يبغالكم تشوفون حال البنات الجوال مايدخل وان دخل فوق السبوره والجوال على الصامت وممنوع ورقه وحده تدخل مسوين لنا حصار مو طبيعي وشكله لازم يسوونه عندكم طالما فيه ناس ماعندها ضمير عشان الكل يرتاح:icon9: بالمناسبه الغش عند البعض تطور جامعة الامام فصلوا 3 طلاب والسبب انهم مخلين ناس يختبرون مكانهم :icon9: |
رد: الطلاب و الغش و ردّة فعلهم تجاه المراقب
هاذي ثقافة الشعب
الثقافة معدومه والمشرف او المشرفه النظاميه تعتبر عندهم مثال سيئ ومافه خير وأناني وإذا خلاه يأخذ راحته يعتبر المشرف رجال وطيب الخلاصه كل شي يندرج تحته ثقافه مجتمع الله يبعد عنا طريق الحرام |
رد: الطلاب و الغش و ردّة فعلهم تجاه المراقب
دول العالم تطورت في أسلوبها التعليمي ،، والهدف من الاختبار هو (( التعلم )) يعني يبغون المادة التعليمية والرسالة الاساسية توصلك ..
الغريب والمضحك في نفس الموضوع التعليم عندنا من زمان متخبي تحت شعار (( من غشنا فليس منا )) Open Book الكتاب يكون قدامك وتحل وتختبر وعادي جداً هذا هو سر تطور التعليم عندهم ،، عندنا خلاص وقت الامتحانات انقطاع عن العالم الاخر وضغط نفسي رهيب ومراقب يدور عليك ويجيك دكتور سوري يعني (( يعاني من عقده نفسيه )) ويضع مشاكله على ورقة الاختبار محاولاً فرد عضلاته ..مع العلم وانا اتحداه هو وغيره لو يتم وضعه بنفس الطريقة في غرفة مغلقه وفوق راسه مراقب يمكن ينسى يسجل اسمه عيب والله |
رد: الطلاب و الغش و ردّة فعلهم تجاه المراقب
أتفق معك أن الغش حرام ومايجوز والمخرجات العلمية زيرو وغير مفيد و (كخه)
لكن ما أتفق انك تخلي المراقب ملاك روعة واو مو كلهم طبعاً |
رد: الطلاب و الغش و ردّة فعلهم تجاه المراقب
أنا اقترح يلغون المراقبين ويضعون بدالهم كاميرات مراقبة والذي يريد أن يغش براحته يغش على كيفه وفي حالة رسوبه واعتراضه يواجه بفعله رسمياً من خلال توثيق الحالة المسجلة بالكيمرات..
احمدوا ربكم أني لست مدير الجامعة |
رد: الطلاب و الغش و ردّة فعلهم تجاه المراقب
ممكن سؤال ، اللي يغش عرفنا حكمه.
لكن اللي ينغش منه وهو يدري وممكن يساعد بشكل غير مباشر ايش حكمه & وضعه؟ |
رد: الطلاب و الغش و ردّة فعلهم تجاه المراقب
انجح واتخرج بمقبول بتعب ولا امتياز وكله غش بغش انا ماني مثاليه لكن ربي بيبارك لي حتى لو كان بمقبول ومن تعبي افضل من العكس
|
رد: الطلاب و الغش و ردّة فعلهم تجاه المراقب
بعض الاختبارات حلال فيها الغش . من اللي تشوفه من فرد عضلات واستقواء على الطالب وتعجيز . للعلم ولله الحمد من قبل ومن بعد لم أغش ولم أحتج إليه .
اتمنى ان يتغير نظام الاسئلة والاسئلة اللي فيها تعجيز واااضح للطالب يتم تغييرها بل وتغيير دكتورها .. لسنا مستعدين لتحمل مرضى نفسيا . |
رد: الطلاب و الغش و ردّة فعلهم تجاه المراقب
اكره شي عندي لين اشوف وحده تغش من اللي جنبها وتضيع وقتها وهي تاشر لها طيب شذنب المسكينه ماتحل شرايك تعطينها ورقتك تحلها لك بالمره ولا تجي مراقبه تسولف وتضحك مع وحده من البنات مخلصه اختبارها ولسه ماخلص نص الوقت طيب وحنا شذنبنا تضحكون بصوت عالي وتسولفون واحنا نخبص بالامتحان
|
رد: الطلاب و الغش و ردّة فعلهم تجاه المراقب
اقتباس:
:21: |
رد: الطلاب و الغش و ردّة فعلهم تجاه المراقب
للاسف .....
ياكثرهم اللي يغشون..الله يهديهم مع العلم الله أن عندي الامكان التام من اول مادخلت الجامعه ان أغش. لكن الحمد لله اللي بعد عني كل حرام. |
رد: الطلاب و الغش و ردّة فعلهم تجاه المراقب
قولوا الحمد لله الذي عافانا مما ابتلاهم وربنا يهديهم ويصلح احوالهم
|
رد: الطلاب و الغش و ردّة فعلهم تجاه المراقب
عندنا بالمركز الجوالات ممنوعة بشكل قوي .. و بصراحة ما مر علي حالة غش طوال الثلاث سنوات و نصف ..
شيء مخجل يوم يجيك مراقب أصغر منك بالسن و يسحب ورقتك و انت أبو عيال و يقول لك لا تغش !! |
رد: الطلاب و الغش و ردّة فعلهم تجاه المراقب
اقتباس:
يالبلووووووووس ههههههههههه |
رد: الطلاب و الغش و ردّة فعلهم تجاه المراقب
برأيي هذا كله بذمة وضمير اللجنة المراقبة إذا هي سمحت بهالشي اللي اسمه غش فبصراحة على التعليم السلام في مركزنا ولله الحمد تشديد تاام ومن ضمن التعليمات ما تستلم ورقة الأسألة إلا بعد ما يشوف المراقب الجوال داخل الكيس البلاستيكي وموضوع وتحت الكرسي
|
رد: الطلاب و الغش و ردّة فعلهم تجاه المراقب
اقتباس:
يالبلووووووووس ههههههههههه |
رد: الطلاب و الغش و ردّة فعلهم تجاه المراقب
مركز المدينه مافي امل للغش
اصلا تجلس بكرسيك المخصص حسب القاعة. والرقم التسلسلي وتحصل نموذجك جاهز وتنتظر توزيع الاسئلة |
رد: الطلاب و الغش و ردّة فعلهم تجاه المراقب
الله يهدي الجميع . . يارب
|
رد: الطلاب و الغش و ردّة فعلهم تجاه المراقب
اقتباس:
|
رد: الطلاب و الغش و ردّة فعلهم تجاه المراقب
موضوع ضايع
|
رد: الطلاب و الغش و ردّة فعلهم تجاه المراقب
بصراحة 8 أترام اختبر بالدمام مالاحظت واحد انسحبت ورقته او صار له مشكله
حتى غش مالاحظت الا مكن مرتين ولا اتوقع استفادوا من بعض لانه اشهر وشكلهم مافهموا على بعض وانتهى الموضوع يعني الأشياء اللي تصورونها بهالموضوع والتعميم ماله مبرر اذا حاله لا تعمم على الاف الطلاب رأيي بالموضوع المفروض يتقفل لاننا ينطبق علينا المثل اللي يقول يعمي عينه بيده صار التصوير ونزلوا كود ع الاوراق اثرتوا قضية ال70 سؤال ونزلوها لكم ل50 سؤال والأغلب زعل فأنتم تدمورن كل الشي المتغاضين عنه والتسهيلات بأيديكم بكره يرسلون لكم مشرفين والا نظام تصيرون كل اختبار هنا تتذمرون من سحب الاوراق بسبب اي حركه احمدوا ربكم واعملوا بفضاوتكم شي ينفع مو تدورون ضرركم ولا أحد يقول اني ادافع لأني اغش ولله الحمد ماغشيت ولا مره وبأذن الله خريج لكن نصيحه لكم |
رد: الطلاب و الغش و ردّة فعلهم تجاه المراقب
احد الزملاء قالي ليش ما تختبر بمدرسة ............. قلت ليش قال تقدر تغش وتفتح الكتاب وفوق كذا يقول واحد من الطلبة طلع من الاختبار ورجع وعدل باحد الاجابات المشكلة الحاصلة ليس بالطلاب لكنها تخص المراقب لو كان عظم مراقبة الله ما كان سوى كذا بالنسبة لي وقد تكلمت في قروب قلت والله لاقف امام الله واكون خصم للغاش اتعب في المذكرة من شهر الى شهر ونص وياتي الغاش في ثواني ويمكن ياخذ احسن مني ما اقول الا حسبي الله ونعم الوكيل |
رد: الطلاب و الغش و ردّة فعلهم تجاه المراقب
بس مركزنا للاممانه ماشفت غش فيها من اول ما دخلت الى الان ومراقبات مو مقصرين
|
رد: الطلاب و الغش و ردّة فعلهم تجاه المراقب
اقتباس:
انا اختبرت في مدرسة ومافيه هالكلام بالعكس الوضع جدا نظامي وتشديد |
رد: الطلاب و الغش و ردّة فعلهم تجاه المراقب
مخرجات التعليم عندنا صفرررر تبون تتاكدون شوفوا كلامهم في المحادثات في المحاضرات المباشره
أسئلة واستفسارات طلاب الابتدائية يستحون منها من الأسئلة واحد يقول يا دكتور عطنا الأسئلة ؟ وواحد يقول عيد أسئلة الترم الماضي ومن الدلاخه سؤال واحد يقول نجيب معنا الة حاسبة في التحليل الاحصائي ؟؟ ومنه الأسئلة يادكتور عندنا عيال وبزارين ووظائف ؟ ياخي عندك ذولي كلهم لا تدرس وتصجنا والا اخونا بالله يقول نذاكر من الملخص ؟؟ المباشرة الرابعه وتبي ملخص وتبي الاختبار سهل والا اللي يقولك تكفى تكفى يا دكتور ترا تكفى تهز الرجاجيل < وين يالطيب قاعد فوق طعس وتهوجس وفي الأخير تجيك هالعينات وتبي تغش وتخرب وعذرهم بفلوسنا تكفى يالوليد بن طلال ياللي طمعانين فيك ياللي يكرهونك عشان فلوسك عشان كذا التعليم عندنا مدحدررر دام هالعينات موجوده |
رد: الطلاب و الغش و ردّة فعلهم تجاه المراقب
اقتباس:
اترك اللي يسألون اسألة دلاخه واترك اللي يدرسون بفلوسهم انت يالعبقري طالما انك تشوف التعليم هذا مخرجاته صفر ليش تضيع عمرك فيه شف لك جامعه ترتقي لمستوى تعليمك او بعثه برا اما ان الناس اللي يشرحون ظروفهم ماتوقع فيها شي لو مالحاجه ماقهر ظروفه ودرس وهو يحتاج لتقدير ظرفه |
رد: الطلاب و الغش و ردّة فعلهم تجاه المراقب
ماحول نظرة الناس للتعليم عن بعد الا الناس اللي يدرس وبالمجالس يسب الطريقه
وان التعليم هذا مش حالك وضايع ووووو طيب والعالم اللي قاعده تطبع محاضرات والملتقى هذا اللي يدخله الالاف والمواضيع والناس اللي تشرح وتسأل وتناقش ولا ينام الليل يتابع محاضرات ويحل واجبات ومناقشات كل هذولي ضايعين وماعندهم تعليم طيب اسألوا الانتظام يقابل الدكتور يوميا ومع ذلك يحدد له وياخذ ويعطي مع دكتوره وتحصل اختباره على كم ورقه اتمنى تعتزون بعملكم وتقدرون جهدكم وبلاش الاساءه لشهاداتكم |
رد: الطلاب و الغش و ردّة فعلهم تجاه المراقب
اقتباس:
خذوا هالعينة يشرحون ظروفهم يعني بالله تتوقع ان الدكتور او الجامعة بتراعي ظروفك الاسرية او وظيفية العادية ياخي لا تدرس وخلاص دام ظروفك اقوى الظروف ما جبرت احمد بن حنبل وهو يتيم انه يقعد ويتعذر عن طلب العلم ولا جبرت ابن ماجه ولا جابر بن حيان ولا جبرت ناس متزوجه انها تبتعث للخارج اربع او خمس سنوات بعيد عن اهليهم اما ظروف مرض او مادية صعبه او وفاة فيه طلب اعتذار عن ترم وتاجيل محد جبرك الا بالقوه تدرس ياخي تراا القطاوه عندها عيال بس تتعب عشانهم ترا العصافير عندهم عيال بس تتعب وتدور رزقها ترا فيه ناس تدفع ملايين عشان يتعلمون ناس تسافر من دولة لدولة عشان معلومة ولا واحد يقول ترانا دافعين فلوس تقدير لظرفك لازم تضحي بشي يا تصبر وتكمل يا تنسحب اما الراكب ع خيلين تراه كذاب الحمدلله رغم اني حامل مقررين واستاهل جاي قبل الاختبارات باسبوع واذاكر فهاذي النتيجة اللي مثل هالعينات روضة عن بعد تصلح لهم :biggrin: :biggrin: |
رد: الطلاب و الغش و ردّة فعلهم تجاه المراقب
-
جبت موضوع ع الوتر تخيلوا..! طالبات لا مذاكره ولا بشكل بسيط تدخل الاختبار وتاخذ ب الانجليزي ٩٨٪ !!!!! شلون ؟ المراقبه تعطيها ورقه طالبه ثانيه محلوله و تقول حلي مستوعبين في مرقبات جذي ..؟ والطالبات ينادون المرقبات عشان يدورون لهم الاجابه هذا الشي صار السمستر اللي طاف وتغيروا المرقبات اللي كانوا يغششون ب الهبل ، السمستر هذا البنات يدخلون التلفونات ويحطون السماعات ويشغون وغير البراشيم وغير القروبات اللي يرفعون لبعض الأوراق وغير وغير والادهى والامر وحده من البنات هالسمستر اخر ترم لها انا ب اليوم هذا م كنت مداومه لكن اختي نقلت لي تخيلوا بعد م غشت وخلصت راحت للمسؤول تقول له شلون تسمح لهم يشغون وهي اختبارها غش ..؟ تخيلوا م يفتشون على هوياتنا ولا يقولون لنا ارفعوا النقاب نشوف ونتأكد تخيلو كل هذا واكثر ب مركز الكويت وم اقول غير حسبي الله وكفى ، ليش لاني انغبن ناس م تدرس ولا شي وياخذون درجات عاليه ب الغش وناس تتعب وب الاخير الدكتور مرات يصعب الاختبار وي الله تاخذ درجة النجاح |
رد: الطلاب و الغش و ردّة فعلهم تجاه المراقب
اقتباس:
اوم العذر اللي زي كذا :53: |
رد: الطلاب و الغش و ردّة فعلهم تجاه المراقب
اقتباس:
اقسم ب الله شي يغبني |
رد: الطلاب و الغش و ردّة فعلهم تجاه المراقب
اقتباس:
|
رد: الطلاب و الغش و ردّة فعلهم تجاه المراقب
وعليكم السلام ورحمة الله وبركاته بصراحه ي motchii جبت موضوع حساس جداً ومحزن بنفس الوقت على الناس اللي تغش إنهم يتخذون هالطرق لكن جمالية الموضوع كلّه في الردود من الأعضاء ما شفت أحد مؤيد لهم وكل الكلام اللي كنت بكتبه لقيتهم سبقوني فيه وأكثر، وهذا دليل ع أنوه نسبة اللي يغشون نسبه مره صغيره والأرواح الجميله ( شرواكم ) كثيره مره وعندها التقدير لأجواء الأختبار هذا فضلاً عن أنوه حلال أو حرام لكن وقت أنوه يضايقك أحد في قاعة الإختبار وصوته عالي سكتّه أنت، لأنوه أغلب المراقبين يخافون، طبعاً إذا بتسكته مب تقوم تطقّه لا لا الله يسعدك يعني مثلاً لو أحد الطلاب أشغلك وجالس يسألك عن الأجوبه وكذا وشفت أنوه المراقب منتبه ولا تكلم بحرف واحد فسهل التصرف عليك من هالناحيه قول له بس أنتظرني أخلص الأجوبه كلها وأعلمك، وإذا خلصت سلّم ورقتك وأطلع الله لا يحوجنا لهالطرق اللي مافيها لا إنسانيه ولا شخصيّه ولا كرامه بالتوفيق للجميع يا رب |
رد: الطلاب و الغش و ردّة فعلهم تجاه المراقب
حتا اخواتكم البنات يغشووون وإذا شافتهم المراقيبه دخلت في عينها وتصارخ وتقول إنتي بس حدك توقفين عندك وازعجتنا في القاعه الله يهديهم يارب
|
رد: الطلاب و الغش و ردّة فعلهم تجاه المراقب
فرق بين اللي يغش بمادهـ او مادتين وبين اللي ياخذ الشهاده بالغش
الغش او الخيانه انك تشتري شهاده او تزور لكن اذا غشيت بماده او مادتين ماعتقد انك تدخل بموضوع الغش كل شخص عنده ظروف لايبليك الله بم ابتلاه فوالله لاتعرف ظروف اللي جالس يغش يمكن انه يبر بوالديه او قايم علي مرض احد من اهله والله الناس وظروفها محد يعلمها دع الخلق للخالق ياخي |
رد: الطلاب و الغش و ردّة فعلهم تجاه المراقب
مافي اعذار نهائيا للغش حنا امهات وعندنا بيوت مافكرنا بيوم نغش
الملزمه بيدي وبحضني بنتي انومها واذاكر عادي ولا مره جا في بالي حتى اعتمد ع اسئلة الاعوام السابقه الغش كثير مر علي في جامعة فيصل وخصوصا اذا كان الاختبار بقاعه كبيره والله الغش يلعب لعب عندهم مره وحده طلبت مني اغششها انا انحرجت علمتها سؤال وتبي اكمل معها قمت واخذت ورقتي وسلمتها وندمت اني علمتها لاني ساعدتها ع الغلط الله يغفر لي بس ويهدي الجميع |
رد: الطلاب و الغش و ردّة فعلهم تجاه المراقب
اقتباس:
أنت الشعور عندك ضارب في اللاشعور بمعنى أنك لا تستطيع التفريق بين الصح والخطأ وبين الحلال والحرام. أنت عندك مشكلة نفسية لازم تعالجها. :139: |
رد: الطلاب و الغش و ردّة فعلهم تجاه المراقب
اسقط ولا اغش ! :16.jpg:
استغرب من الناس اللي تدعي قبل الاختبار ربي وفقني واهو مضبط وضعه للغش :16.jpg: احسن نيتك واستعن بالله في كل امورك وأحسن الثقة به واطلب منه العون والتوفيق فإن الله خير معين :004: |
رد: الطلاب و الغش و ردّة فعلهم تجاه المراقب
انا يا دخلت القاعه توكل على الله واحط جوالي في كيسة الحم خخخخخخخخخخخخخخخخخخخ والله ذي كيسه يبي له موضوع له حاله كل ما اشوفه تذكرت عيد الاضحى ههههههههههههههههههههههههههههههههههههههههه
الله يوفقننا معاكم ونجح في جميع المواد والمستويات يارب لا تغشووووووووووووون يا طلاب ويا طالبات |
رد: الطلاب و الغش و ردّة فعلهم تجاه المراقب
طالما كل هالبلاوي عندكم رغم اني ماشفت منها شي طوال دراستي 4 سنوات
لكن ابشروا بكون بصفكم ومن هنا اطالب الفريدان بتشديد الراقبه على القاعات وان يتم حساب ان كل 4 طلاب بمراقب يعني قاعه فيها 12 طالب يكون فيها 3 مراقبين وأي طالب يرفع عينه عن الورقه يتم سحبها تحت مسمى محاولة غش حفاظا على سمعة الجامعه وتعليمها الذي شوهه كمية الغش اللي يكتبون عنها الطلبه وبرسل ايميل للفريدان ان سمعة الجامعة تتشوه بسبب الغش او يتم حصر الاختبار بالجامعه مثل جامعة الملك عبدالعزيز هذي حلول ان شاء برسلها للفريدان ووقتها بنشوف كتابتكم هنا كيف كلها بتكون سب وتذمر من التشدد بالنظام وأولكم اللي يقولون غش وماغش على حالات شبه معدومه ويتم من خلاله تشويه شهادات الكل |
رد: الطلاب و الغش و ردّة فعلهم تجاه المراقب
اقتباس:
وانت ياللي تتهكم على اللي عندهم ظروف ناظر لنتائجك كيف اللي عنده ظروف متحامل على نفسه ولا فيه شي اذا طالب من دكتور يتساعد معه تقديرا لظروف حياته وماقال للدكتور هات اسئلة الاختبار عموما اتمنى لك ولكل من معك بنفس التفكير دكاتره مثل بعض العينات اللي مروا علينا لا يقدرون الظروف ولا يراعون أحد وعندها بنسألك كم معدلك او هل عديت الماده او لا |
رد: الطلاب و الغش و ردّة فعلهم تجاه المراقب
عليكم السلام ورحمة الله وبركاته .
الغش يعود الى ثقافة الشخص نشأ عليها فكم من طالب قدم بحثا ليس له فيه إلا أن اسمه على غلافه . و كم من طالب قدم مشروعا و لا يعرف عما فيه شيئا . و بل و قد تعجب من انتكاس الفطر عند بعض الطلاب ، فيرمي من لم يغش بأنه مقعد و متخلف و جامد الخ .. تلك الألقاب . و لربما تمادى أحدهم فاتهم الطالب الذي لا يساعده على الغش بأنه لا يعرف معنى الأخوة و لا التعاون . |
رد: الطلاب و الغش و ردّة فعلهم تجاه المراقب
الحمدلله مامر علي محاولات غش
|
رد: الطلاب و الغش و ردّة فعلهم تجاه المراقب
والله انا شفت في مركزي غش بالهبل وياليت من صغار وربي ناس كبر امي لا وكمان يتفقون يغششون بعض قبل دخول الاختبار وربي توجع في القلب مو عشان ممكن تنجح بالغش بدون ماتتعب وغيرها يتعبو ويذاكرو وممكن ينجحو وممكن لا الي يوجع ويقتل انه صارو يستهينون بالحرام اذا امهات و اباء يغشو كيف رح يربو اولادهم على الدين والخير الله يهدينا واياهم ويصلح حالنا وحالهم يارب الحمد لله الذي عافانا مما ابتلاهم :Cry111:
|
رد: الطلاب و الغش و ردّة فعلهم تجاه المراقب
والله اني قاطع عهد على نفسي اني ما اغش
وماغشيت بالاختبارات ولا فكرت ولا اتفقت ولا غششت احد لدرجة اني ما اجاوب ع الورقه عشان محد يغش مني وحامل ماده لكن المراقبين الله لا يوفق بعضهم نفسيته زق ولا يملكون ثقافة الاعتذار واحد سحب ورقتي لدرجة انها كادت تشقق ويوم شاف مامعي شي رجعها قلت له طيب ليه تسحبها بالطريقه دي ؟؟ قال اقول ارجع حل بس والثاني يجي عند اذني يهمس دخل الجوال قلت له والله ثم والله اني ماطلعته يقول الكلام للجميع مو لك وانت فاهم انا وش اقصد وكانه يقول اووه انا كافششك ترا وانا والله اني ماطلعت الجوال بالاختبارات كلها والاخير والحفله والي اردى من من سبقوه الي يعطيني ورقة نموذج وبعد مالون وتكسرت يدي اسمي والبطاقه ورقمي الجامعي اخر شي يقول مافيه نموذج لورقتك خذ سي وبعد ماخذته ولونت نصه رجع قال خلاص لقيت لك نموذج استفزاز نرفزه بعضهم هيآآآآآآآط بالعاميه نعم فيه ناس تغش نعم الغش حرام لكن تمجيد المراقبين هذا ظلم فلا تجلد بالطلاب وتنسى المراقبين :41jg: |
رد: الطلاب و الغش و ردّة فعلهم تجاه المراقب
اقتباس:
من ابسط حقوقك رفع هذي الملاحظات |
رد: الطلاب و الغش و ردّة فعلهم تجاه المراقب
الطعاسه والهياط مالها حل
|
رد: الطلاب و الغش و ردّة فعلهم تجاه المراقب
اقتباس:
|
رد: الطلاب و الغش و ردّة فعلهم تجاه المراقب
اقتباس:
ثاني مستوى اختبر بهذا المركز المستوى الماضي كان افضل بكثير المستوى هذا تعبت والله من كثر ماتمشكل مع المراقبين حلفت له بالله وبوالديني اني ماغشيت ولا طلعت الجوال رده كان تافه ( انت بجيبك جوال .؟ ) قلت نعم قال خلاص انتبه لنفسك وانت فاهمني كل هذا عشان مايعترف بالغط ويعتذر :lllolll::lllolll::lllolll: |
رد: الطلاب و الغش و ردّة فعلهم تجاه المراقب
الله المستعان
|
رد: الطلاب و الغش و ردّة فعلهم تجاه المراقب
بعض الناس الحياء عنده صفر يحب يجيب الكلام لنفسه يحس بالانتصار اذا صار مخالف للقانون مايدري ان الناس تناظره وتحمد ربها و المشكله محسوبين على انهم رجال
|
رد: الطلاب و الغش و ردّة فعلهم تجاه المراقب
اقتباس:
كيف حال صديق كويس انتى دراسه جامعه مافيه دراسة متوسط ليلي مفهوم كلام يا مصطفى :53: :53: عينة وحالة مستعصية نسال الله السلامة والعافيه وش رايكم يقدم معروض ع الدكتور يقول فيه نجحنا وراعي ظروفنا ترا يسوونها طلاب الروضة عن بعد :biggrin: :(269): ناس مخها اسمنت :hahahahahah: |
رد: الطلاب و الغش و ردّة فعلهم تجاه المراقب
اقتباس:
بالعربي لو سمحت شكلك نسيت انك بمنتدى عربي ورجعت لوضعك الطبيعي |
رد: الطلاب و الغش و ردّة فعلهم تجاه المراقب
لست مع سياسةة الغش ف التوفيق بيد الله سبحانـه وتعالى , لكن مثل ماذكر بعض الطلاب
ان بعض المراقبين هم يسببون لنا القروشة ويشتتوننا لدرجةة اني اوصل للاجابة >بالتفكير طبعا اذا كنت مضيعن ويجي يشوش علي , الله يرحم امك ماني اغش بس افكر وانت تستلم 5000 وتجي تشوش علي مايصير المراقبين عندهم فكر ان الكل يغش |
رد: الطلاب و الغش و ردّة فعلهم تجاه المراقب
اقتباس:
ياخي عندي ظروف :hahahahahah: وضعي الطبيعي :(269): يالله ياه الكلمة قتلتني :(269): :biggrin: مخ اسمنت قايلكم |
رد: الطلاب و الغش و ردّة فعلهم تجاه المراقب
اقتباس:
اقتباس:
ي اخوان هدوا اللعب وبعدين الاختلاف لا يفسد في الود قضية واخوي خطوة بقول لك شيء صدقني ترا يارب لك الحمد الدكاترة متساعدين معنا جزاهم الله خير لو الدكتور في اي مقرر يبغى يستقعد ويبي يشوف اللي مختم المقرر صح وحافظ المقرر من الغلاف للغلاف والله يجيب لك خمسين سؤال بين السطور واتحدى احد يجيب درجة مرتفعة حتى الدوافير ماشاء الله عليهم تشوفهم رافعين تظلم يعني اخونا شرواك معه حق والناس كلهم في الجامعة مقدرين ظروف جميع الطلاب :cool: |
رد: الطلاب و الغش و ردّة فعلهم تجاه المراقب
اقتباس:
لو ماتساعدوا معنا يمكن طردوه من الجامعه ناس تدور العيوب فقط وهذي عينة الناس اللي يبحث عن السلبيات فقط شكرا لك يامتميز :icon19: |
رد: الطلاب و الغش و ردّة فعلهم تجاه المراقب
http://www.ckfu.org/vb/t754362.html#post1057209700
صوره لباكستاني السمنت هذا من عظماء الرجال اللي للان ذكرهم باقي |
رد: الطلاب و الغش و ردّة فعلهم تجاه المراقب
انا بأذن الله خريج.
وسوالفكم اللي تقولونها ما مرت علي بالجامعه ابد. |
رد: الطلاب و الغش و ردّة فعلهم تجاه المراقب
شكلكم بتثيروا موضوع الغش زي ما أثرتوا موضوع الطلاب اللي ينزلوا المحاضرات من المكتبات وعقبها تم خصم درجات على الكثير وتشديد واخرتها تقوم الجامعة بمنع الاختبار الا بمقر الجامعة مب كل الناس تغش ولا كل المراكز حتى المدارس فيها غش من عشرات السنين ولا هو شي جديد وفي طلاب يغشوا ولا المدرس يساعدهم المهم في نهاية الامر الشهادة اذا ما كنت فاهم مارح تستفيد منها
الغش الرسول صلى الله عليه وسلم قال من غشنا فليس منا قبل موضوع الغش شوفوا حل للجامعه اللي طلابها يدرسوا عندها وشهادتهم منها ولا تقبلهم ماجستير |
| All times are GMT +3. الوقت الآن حسب توقيت السعودية: 01:23 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام