ملتقى طلاب وطالبات جامعة الملك فيصل,جامعة الدمام - اسئلة اختبارات المصري احمد فرحان والهجهجوج ناوين يرسبونا والجامعه انا تأكدت انها تبي رسوم بس وزياده فلوس بتعمدها برسوب الطلبه بجميع المواد

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- إدارة أعمال 1 (https://vb.ckfu.org/forumdisplay.php?f=310)

- - [ اسئلة اختبارات ] : المصري احمد فرحان والهجهجوج ناوين يرسبونا والجامعه انا تأكدت انها تبي رسوم بس وزياده فلوس بتعمدها برسوب الطلبه بجميع المواد (https://vb.ckfu.org/showthread.php?t=753676)

ahmed alkood

2016- 5- 10 08:49 PM

المصري احمد فرحان والهجهجوج ناوين يرسبونا والجامعه انا تأكدت انها تبي رسوم بس وزياده فلوس بتعمدها برسوب الطلبه بجميع المواد

من بعد الرياضيات الهجهجوج لخبط فينا بالاقتصاد انا بديت أشك ان الجامعه تتعمد رسوبنا من اجل زايده الأرباح من ظهورنا واكيد بيجوني مدرعمين يقولون سهله الأسئلة جدا صعبه وتتبين انها سهلها ولان هو مغيير ببعض المعادلات واذكركم
حسبي الله ونعم الوكيل

أرسلت بواسطة iPhone

أرسلت بواسطة iPhone بإستخدام Tapatalk

Roo3a

2016- 5- 10 08:54 PM

رد: المصري احمد فرحان والهجهجوج ناوين يرسبونا والجامعه انا تأكدت انها تبي رسوم بس وزياده فلوس بتعمدها برسوب الطلبه بجميع المواد

بالعكس كان الأختبار سهل ونفس اسأله الكويزات الي بالملتقى الهجهوج ماغير ولا حتى الأرقام

Hassan Al-shehr

2016- 5- 10 08:57 PM

فعلا الأسئلة فيها ظلم وأجحاف خصوصا الأقتصاد الجزئي الموجود في المنهج غير والأسئلة مختلفة تماماٌ :mad:

هل على الطلاب أن يحفظوا أسئلة الأعوام السابقة من أجل النجاح !!!!!!!!!!!!

يجب أن تضع الأسئلة وفقا لشرح الداكاتره أبو ريالين و المنهج مو على كيفهم يحطون أسئلة الأعوام الماضية

الله يوفقنا بس وننجح ونفتك من هذولا الدكاترة

مرتضى حسن

2016- 5- 10 09:01 PM

الأسئلة و الله اعلم سهله لاني مو مذاكر صح و حليت كمن سؤال

بن ضاحي

2016- 5- 10 09:02 PM

اللي ذاكر من اسئلة الاعوام السابقه بينجح واللي ذاكر مذاكره من المنهج الله يعينه

عبدالله الواصلي

2016- 5- 10 09:02 PM

والله اني ما ذاكرت اللي ممكن ١٠٪ من الماده لكن حليت ممكن اغلب الاسئله
والله ماقصر الهجهوج الله يوفقه كانت الاسئله سهله

وافي6006

2016- 5- 10 09:08 PM

الله يوفق الهجهوج ماقصر لكن اللي ماذاكر هذي مشكلته هو تحياتي

abu joud

2016- 5- 10 09:09 PM

الاسئله نفس اسئلة الترم اللي طاف ماغير شي

اللع يعطيه العافيه

dohaa ahmed

2016- 5- 10 09:10 PM

الحين انا متابعه معاه محاضره محاضره و اغلب الامثله و الاسأله لا كبسه ولا ساعه ولا غيرها ذكرها كمثال لنا بس حده يقرا المنهج و خلصنا الله يخلص عليه انا عندي وقت اذاكر منهج او اذاكر اسألة اعوام او انتظر احد ينزل كوز حسسني كأن اختبار قدرات من طلعت وانا احسب الاسأله الي حليت وللحين ماوصلت ٢٠ دعواتكم

أبو وئام الحربي

2016- 5- 10 09:11 PM

الحق ينقال بديت اذاكر اليوم الصباح بالدوام ولفه على السريع العصريه والاسئله مره جميله الله يجزاه كل خير

Mask901

2016- 5- 10 09:14 PM

ياكثر ماتتشكى

مدري كيف بتتخرج وانت بالمستوى الاول وتصايح

االاء

2016- 5- 10 09:24 PM

الاسئله من الأعوام الماضيه
جدا سهله وممتعه

جزاه الله خير

MAN2L

2016- 5- 10 09:27 PM

بالعكسس الأسئلة سهله جداً وما جاب شي من برا
الله يجزاه خير

بن ضاحي

2016- 5- 10 09:38 PM

اقتباس:

المشاركة الأصلية كتبت بواسطة Mask901 (المشاركة 1057198154)

ياكثر ماتتشكى

مدري كيف بتتخرج وانت بالمستوى الاول وتصايح

هههههههههههه :lllolll:

ebrmbaby

2016- 5- 10 09:48 PM

الاسئله غبيه واخطاء في الاختيارات في النموذج a السؤال رقم 8 ! حاط نفس الاختيار مرتين

ibrahem911

2016- 5- 10 09:49 PM

اتفق معك على الرياضيات فقط لكن الاحظ فيك تشتكي من الإختبارات السهلة مثل المحاسبة والأقتصاد !!

أرسلت بواسطة iPhone بإستخدام Tapatalk

ابوعبدالله10

2016- 5- 10 09:54 PM

الأسئلة سهلة مره للمذاكرين
أما الي مطفي النور ولا ذاكر بيقول صعبه اكيد

عبدالعزيز طلق

2016- 5- 10 09:56 PM

انا اشوف ان اسئلة الاقتصاد الجزئي كانت سهله وبدون لف ودوران

صراحه ما قصّر الهجهوج وبيض الله وجهه

أبوأماسي

2016- 5- 10 10:00 PM

معليش ماهو المسألة درعمه الاسئلة الاوله بالاختبار كانت جديده وما قد جاب مثلها لكن باقي الاسئلة نفس اللي بالاعوام الماضيه حتى بالارقام لذلك الاختبار كنت خايف منه لكن الحمد لله اولا واخيرا سهلها علينا الله يسهلها عليه

عبدالعزيز طلق

2016- 5- 10 10:05 PM

اقتباس:

المشاركة الأصلية كتبت بواسطة Mask901 (المشاركة 1057198154)

ياكثر ماتتشكى

مدري كيف بتتخرج وانت بالمستوى الاول وتصايح

هههههههههههههههههه

shosha9

2016- 5- 10 10:06 PM

الله يوفق الهجهوج ويسعده الأسئله تجنن وسهله وكل الي معي طلعو على نص الوقت من سهولتها وكلن يمدحها ياحبكم للتحطلم على كل شي

مواطن منتسب

2016- 5- 10 10:08 PM

لا بأس بها بما اني خبرة وحامل المادة هههههههههههه

الله يوفق الجميع

ترككي الحربي

2016- 5- 10 10:11 PM

كل الأسىلة من الملخص ونفس الترتيب والارقام ماقصر بصراااااحة

ROYAL216

2016- 5- 10 10:17 PM

اسئلة الترم الماضي كانت صعبة جداً لكم نشكر الهجهوج ماقصر الترم هذا
في مادة الاقتصاد الكلي سهلها علينا الله ييسر امرنا وامرة

سعيد القحطاني 5

2016- 5- 10 10:21 PM

انا اشوف الاسأله معقوله مع تمنياتي للجميع بالتوفيق والنجاح

ALI.M.Q

2016- 5- 10 10:22 PM

والله اختبار الهجهوج اسهل اختبار مر علي من بداية الاختبارات الله يوفقه ويرزقه وسهل اموره #شكرا دكتور حسن الهجهوج

سعيد القحطاني 5

2016- 5- 10 10:23 PM

الصراحه تنقال وربي انه ماقصر اعاد نفس اكر الاسأله حقت الاعوام الماضيه والعتب ع اللي ماذاكر ولا راجع

r7mh mjeed

2016- 5- 10 10:24 PM

حقيقه
اسهل من المتوقع بكثير
الحمدلله على كل شي
و الف شكر للدكتور

sarah21

2016- 5- 10 10:32 PM

اسئلة الدكتور ماطلعت من اسئلة الاعوام الماضيه الارقام و الامثله ..الماده يبغه لها وقت دراسه مايجي يومين او يوم تدرس فيها وبعدها تبغه تنجح ..الدراسه يبغه لها اجتهاد ومتابعه للاخر ..وحط ببالك انك جالس تظلم بكلامك الجامعه او الدكتور ..مافتحوها الاه عشان يبغون يسهلون هلى الناس وتاخذ شهادات وترتقى فيها

Saqer9900

2016- 5- 10 10:34 PM

بصراحه انا ماشفت اي محاضره ولا فتحت الملخص قبل الاختبار بساعه قريت الاساله حقت العام وبصراحه حليت بفضل الله ثم هي
هذا مو معناته اني اخذ الدرجه كامله ولكن هذا معناته اننا نضيع وقتنا في المحاضرات والملخص من 50 صفحه واخر شي الاساله حقت الاعوام السابقه تجي في الاختبار

حُـلم..~

2016- 5- 10 10:36 PM

استغفرالله

دراما :)

k.s.amal

2016- 5- 10 10:44 PM

اول مره يكتب الدكتور اسئله سهله كذا انا كنت حامله الماده وطنشتها كم ترم والحمدلله اليوم كانت صريحه ومكرره ويارب الكل ناجح

YAHYA_

2016- 5- 10 10:52 PM

شر البليه مايضحك

الواحد مايراجع ولايذاكر
ومع ذلك يبي ينجح ؟ ولو صعب عليه الاختبار على طول يرمي التهم يمين ويسار !!

لو كلفت نفسك ياصاحب الموضوع والقيت نظره خاطفه على الملخص واسئلة الترم الماضي
راح تحل مالايقل عن 30 سؤال

لكن مدري وش وضعكم

Fly_High

2016- 5- 10 11:21 PM

انا قلت بكذا موضوع ان الهجهوج يحب يكرر الاسئله واليوم من الصبح بديت اذاكر الاسئله وتركت المنهج والحمدلله طلعت مبسوطه حى الحاسبة مااحتجتها الحمدلله نفس الارقام والرسم وكل شي الله يسعده كثر مااسعدنا

الـعُ ـتيبيّ '

2016- 5- 11 12:39 AM

احمد فرحان دمرنا واكلنا هواء معه

اما حسن الهجهوج وربي ماقصر
تخيلو ماذاكرت اللا قبل الظهر بنفس يوم الاختبار وحليت حل جميل
ماقصر الله يبيض وجهه ويوفقه وين ماراح

بدر..!!

2016- 5- 11 12:41 AM

الاسئلة مكررة من الاعوام السابقة..

لكن المشكلة اني اعتمدت على الملخص و لخبطت في الاجابات، و السبب اني في مادة
نظم المعلومات اعتمدت على الاسئلة و أكلت هواء لان اغلب الاسئلة جات من الملخص، وهذا
السبب اللي توبني من الاعتماد على اسئلة الاعوام الماضية..

الله يوفق الجميع ان شاء الله

ضياء12

2016- 5- 11 12:50 AM

السلام عليكم جميعااا

الحمدلله الاختبار كان حلو ونصف الاساله تقريبا من نموذج 1435 وبرضو ملخص اجتهاد البنات جنوبيه وام شهد وام احمد الله يسعدهم قد ما سهلوا علينا استفدت من شرحهم اما الدكتور مافتحت ولا محاضره له لاني عجزت افهم على شرحه .. بس للامانه اللي ذاكروا من المنهج فقطط بيحوسون
عن نفسي ذاكرت الملخص والاساله والحمممدلله ..

فهد المشيعلي

2016- 5- 11 01:11 AM

الاختبار واضح وسهل والي ركز حل زين وانا واحد ماذكرت الا الظهر تقريباً 22 سوال صح والباقي علمها عند الله

Alaaaawi

2016- 5- 11 01:24 AM

الصراحه الاسئله مره سهله ايش تبون اكثر وكلها من الاسئله اللي فاتت ويعطيه العافيه ختامها مسك هالترم والله يوفق الجميع

المستعينه بربي

2016- 5- 11 04:19 AM

الاسئله عدد 25 سوال من عام 1433 والباقي من اسئله العام ياخساره الوقت اللي ضيعت بمذاكره الملزمه ومتابعه المحاضرات لو كنت عارفه كذا كان مرزه على اسئله الاعوام السابقه بس ي الله كل دقه بتعليمه :Cry111::

.Gori

2016- 5- 11 06:46 AM

لكل مجتهد نصيب

الي يقولون صعب ماانكر جهودكم وان شاءالله تنجحون

بس انا اشوف الاختبار سهل وحلو :)

Abo jojo

2016- 5- 11 10:22 AM

للأمانه
الأسأله النظريه نفس المحاضرات بس تغيرت طريقة السؤال بالأمثله
وهذا شئ طبيعي

ABDULAZIZ07

2016- 5- 11 10:27 AM

بالعكس كان الأختبار سهل ونفس اسأله الكويزات الي بالملتقى الهجهوج ماغير ولا حتى الأرقام

ضيووووو

2016- 5- 11 01:28 PM

ماعمري شفت احد يتحلطم كثرك ياخي
تفوز بجائزة اكثر واحد يتحلطم ومو عاجبه شي

الكل اجمع ان الاسئله سهله وجميله الا انت
فهذا يدل ان البلا منك مو من اسئلة الدكتور انت اللي ماذاكرت كويس
نتفق معك ان الرياضيات ناوي يرسبنا الدكتور لكن بالنسبه للأقتصاد
لا والله انه سهلها علينا الله يجزاه خير يارب

تيفاني 22

2016- 5- 11 01:44 PM

اقتباس:

المشاركة الأصلية كتبت بواسطة ضيووووو (المشاركة 1057203983)

الاسئله موجودة بالمنتدى ليت تحلينها لنا اذا سهله ..
بصراحة الاسئله متوسطه السهوله لاني مذاكرة ملزمة بدون الاسئله
بس بالفهم حليت عاد صح خطا ماادري ..:16.jpg:

علي خلف الرخيمي

2016- 5- 11 01:53 PM

مساء الخيرر على الجميع ممكن احد ينزل اسالت الاختبار الهجهوج ذاء والله نكبه

تركي الشهري1

2016- 5- 11 02:44 PM

بالنسبه لي الواضح انه جاب من اسئله الاعوام السابقه
انا جلست اشوف شرح زميلنا الصقار وضاع الوقت ..
لو اني مذاكر الاسئله كان ممكن اعديها ..

لكن بصراحه بحطها قاعده في راسي ..
نفس الدكتور وله ثلاث نماذج اسئله سابقه ما عاد افتح الا هيه ..
بلا منهج بلا خرابيط ..

ibrahem911

2016- 5- 11 04:53 PM

اقتباس:

المشاركة الأصلية كتبت بواسطة تركي الشهري1 (المشاركة 1057204284)

وهذا الصحيح لأن خلاص من وين بيجيب أسئلة مافيه إلا يكررها :(204):

معاني انتساب

2016- 5- 12 12:35 AM

وكلت امري لله وعلى المذاكره اللي درستها
وشرح اخوي الصقار اللله يجزاه خير وتكون في ميزان حسناته
وكان فيها نوع من السهوله بس متخوف و لكل مجتهد نصيب

العوفي1

2016- 5- 12 01:05 AM

الهجهوج اسلته لنا المستوى الاول كانت صعبه ومن بين السطور
لكن المستوى الثاني صعب وكله قوانين واسلته واضحه وكلها اسئلة الاعوام السابقه

العوفي1

2016- 5- 12 01:09 AM

الدكتور ما يعرف يشرح ولا يعرف يوصل المعلومه لكن اسئلته المستوى الثاني ممتازه والرياضيات شرحه ممتاز لكن الماده صعبه وكلها قوانين

دافووور

2016- 5- 12 02:46 AM

السلام عليكم

مرحبا في الجميع

اعتقد هناك مبالغـه كبيره في طرح في مثل هالموضوع بسبب اسئلة الاقتصاد اغلبها مباشره واغلبها مكرر

والمفترض ان نشكر الدكتور الهجهوج على الاسئلة المكرره فااعتقد عدم المقارنة بتاتا مع اسئلة الرياضيات

moosa070

2016- 5- 12 05:11 AM

الهجهوج شكرا جزيلا له على الاسئلة الاكثر من رائعة و ترى مكررة اسئلتة للمناسبة ...

احمد فرحان تستحق كل ما اردده من ادعية عليك في كل فرض اصلية حسبي الله ونعم الوكيل فيك ..

Mask901

2016- 5- 13 12:44 AM

العجيززز هههه

CEO	2016- 5- 13 03:43 PM

السلام عليكم ورحمه الله وبركاته

استغرب من بعض الردود من الطلاب تجاه الدكاترة.

وشكرا

بووصالح

2016- 5- 13 04:17 PM

اقتباس:

المشاركة الأصلية كتبت بواسطة دافووور (المشاركة 1057206485)

عطنى حل للاختبار الاقتصاد يا ريت يا دافووور:064:

amina@12

2016- 5- 14 03:04 AM

اقتباس:

المشاركة الأصلية كتبت بواسطة ahmed alkood (المشاركة 1057197788)

من بعد الرياضيات الهجهجوج لخبط فينا بالاقتصاد انا بديت أشك ان الجامعه تتعمد رسوبنا من اجل زايده الأرباح من ظهورنا واكيد بيجوني مدرعمين يقولون سهله الأسئلة جدا صعبه وتتبين انها سهلها ولان هو مغيير ببعض المعادلات واذكركم
حسبي الله ونعم الوكيل

أرسلت بواسطة iphone

أرسلت بواسطة iphone بإستخدام tapatalk

اسئله الرياضيات كانت كثير كويسه وشرحها كثير وموجوده بالمنهج والرياضيات عموما تعتمد على الفهم مو لازم يجيب لك المعادلات والمسائل بنفس الأرقام انت عند الطريقه والقانون اتبعه في الحل

بالنسبه للاقتصاد الاسئله محيره شوي

نسال الله التوفيق للجميع

فهد التميمـي

2016- 5- 14 10:39 AM

الرياضيات و الاقتصاد الجزئي

اللي ما ذاكر ماراح يحل شي

أوما ترقد وأذا جاء الاختبارات قلت ناوي يرسبونا

ابن عياد

2016- 5- 14 02:08 PM

والله الاسئله سهله لكل المواد مستوا اول الله يجزاهم خير ولكن حنا الي لخبطنا فالقوانين تحديداً الرياضيات مع انها نفس اسئله الاعوام السابقه ، عموما جزاهم الله خير ماقصرو . انا شفت اسئله لدمتور جزائري فالاقتصاد الجزئي يمين بالله لو جابها لنا الهجهوج انا مانحل ولا سؤال . لكن الله يجزا الهجهوج خير ويجعلها في موازين حسناته . وكذلك باقي الدكاتره . الله يجزاهم خير ✋

تيفاني 22

2016- 5- 14 06:57 PM

الاقتصاد والله لو الاسئله مو من اختبارات الاعوام ان تجيبون العيد حق خمس سنوات قدام ..
اما الرياضيات انتم اللي ماذاكرتو زين احد يراجع مراجعه فقط مايدري كيف جاي الشرح لاتبالغون في رده فعلكم
انا مذاكرة زين بس للاسف الوقت ابد ماساعدنا ..
والاقتصاد ذاكرت الملزمة وحليت بالفهم عاد تجي ماتجي خلاص كل شي راح ...

بدر عب الله

2016- 5- 14 08:10 PM

كلامك مية بالميه شكلهم كذا يبون يرسبون بصراحه اسئلتهم صعبه بنسبه لطالب انتساب

أبــو شـهـد

2016- 5- 15 12:49 PM

ولد فرحان الله يسود وجهه

اما

الهجهوج الله يسعده دنيا واخرة اختبارة حلو

Alaa Ajaj

2016- 5- 17 02:34 PM

السلام عليكم ...
نصيحة لوجه الله تعالى من اخوكم مخلص مستوى ثامن وخريج بإذن الله ...ذاكرو موادكم اول باول وخليكم بعيدين عن الكسل والمذاكره قريب وقت الاختبارات...ترا بعدكم ماشفتو شي وهذي المواد كلها سهله وكل ماتقدمتو بالمستوى كل مازادت صعوبة المواد....الشباب والصبايا ماقصرو بالكويزات والملخصات اللي تستاعد الجميع لكن لابد من المذاكره ...ارجو تقبل نصيحتي بصدر رحب

ديالا الزهراني

2016- 5- 17 11:22 PM

الله يهب لنا معونه

اقتباس:

أجـــود

2016- 5- 18 10:59 AM

الله يعطيكم على قد نيتكم جميعا

نصيحه مني لكم ولا تخفى عليكم

ذاكروا اول بااول

راح تستمتعون وانتم تحلون اختباراتكم

معاني انتساب

2016- 5- 18 07:38 PM

اخوي ابو احمد واللي قبله ينصحون كلامكم يثلج الصدر
المذاكره اول بأول فيها فايده كبيره ان من الترم القادم راح اتبع نصيحتكم
ماهو قبل الاختبار بأسبوعين ماراح يمدي ان شاء الله اعدي هالسمستر
والقادم لكل حادث حديث اول بأول مشكورين على النصيحة

شرقيه وبس

2016- 5- 19 12:18 PM

الله يوفقكم جميعا
لابد من المذاكره اول باول بالنسبه لهالتخصص في مواد محاضراتها مترابطه ومواد حسابيه ومواد نظريه ومافي دكتور بالجامعه يبي يرسب طلابه ابدا لكن بيواجهكم بالمستويات الجايه دكاتره اسئلتهم بين السطور ودقيقين ودكاتره اسئلتهم حلوه وسهله ودكاتره مايكررو اسئله الا قليل جدا فلابد بكل الاحوال المذاكره من المحتوى فيعني كل دكتور وطريقته وفي دكاتره ترم اسئلتهم حلوه ومباشره وترم يصعبوها ومو متوقعه (حصلنا هالترم باحد المواد) وانسو انه تذاكرو قبل الاختبارات بيوم ويومين واسبوع وتحلو كويس باغلب مواد التخصص يبيلها جد واجتهاد والمواد الحسابيه يبيلها تدريب اليد عل الحل قبل الاختبارات بفتره عشان وقت الاختبار
حبيت انصحكم
وبالتوفيق يارب

All times are GMT +3. الوقت الآن حسب توقيت السعودية: 06:21 PM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه