|
نداء لبنات بريدة....هااام
السلام عليكم ورحمة الله وبركاته
ودي اسألكم صار لكم شيء امس بوقت الاختبار بكلية الغد الدولية انا امس انسرق بوكي حسبي الله على من سرقه والله لايحلله كان فيه مبلغ وصرافات وكرت العائله لذلك انتبهوا يابنات حسبي الله ونعم الوكيل انتي سرقتي واستانستي لكن والله ماراح اسامحك وربي بيأخذ حقي منك والله بيعوضني وان شاء الله يريك الله قريباً عجائب قدرته ... |
رد: نداء لبنات بريدة....هااام
لاحول الله
ويش نوعية هالناس ضعيفة النفوس الي تمد يدها للحرام سبحان الله الله يعينك ويعوضك التعبة تعبة الكروت والبطاقات. معوضه خير ان شاءالله. افهم من كذه مافيه مكان امانات يضعوا فيه الطالبات اغراضهم وشنطهم في مكان الاختبار؟ |
رد: نداء لبنات بريدة....هااام
لا مافيه مكان
رحت اسألهم استفسر وش اسوي قالوا معوضه خير؟!! سبحانه بيعوضني ان شاءالله لكن وين الامن اللي مسؤول عن شنطتي وشنطة غيري اذا كان ممنوع ندخل بها... |
رد: نداء لبنات بريدة....هااام
وعليكم السلام
انا اختبر ببريده والحمدلله ماصر لي شيئ والشنطه ندخل فيها بس تكوون عند الباب مو معك والله يخلف عليك ويعوضك يارب وش تحس فيه اللي سرقت الناس جايه تختبر وهي الله يصرف عنها يارب |
رد: نداء لبنات بريدة....هااام
حسبنا الله ونعم الوكيل وش تحس فيه اللي تسرق -_-
الله يعوضك خير وإن شاء الله ترجعلك .. احنا الشنط ندخلها بس نحطها قدام عند المراقبة .. |
رد: نداء لبنات بريدة....هااام
انا صارلي نفس الشي بمستوى فات واتحسبت عليها من القهرولوصارت السرقه قبل الامتحان يمكن حتى اسمي مالي نفس اكتبه لكن صدقينني الله بيعوضك ان شاء الله والحمدلله اخدت بالماده اللي اختبرت فيها فل مارك
|
رد: نداء لبنات بريدة....هااام
الله يعينكم
ويعوض عليكم والله المسؤوليه تكون على ( الادارة + المشرفة ) اللي تراقب .. اذا كانت المسأله بسبب انك حاطه شنطتك برى بسبب نظامهم .. وانا اشوف انك تشكينهم :> ، ولا تسكتين لانهم مو قد النظام اللي حطوه ( قلت اذا اذا ) عاد انتي اللي تحددين انا ما احب اربط سلوك الشخص مع ( فئه ) بس صراحة انتم يالنساء .. صدق عندكم حركات توجع القلب !! سمعت كلام كثثثير عن المراقبين عندكم طول فتره تواجدي في المنتدى + اسمع اصلا كلام في اشراف التعليم عندكم بشكل عام .. ليش ما يخلونكم تدخلون الشنطة بجانبكم !! يعني خوف من الغش ؟ خوف من الضيق ؟ ليش التعقيد الله يصبركم ويعينكم |
رد: نداء لبنات بريدة....هااام
.الله يعوضك من اللي يسرق اللحين!
.. غريب قد اختبرت بالمقر هذا كثير ..ودايم اغراضي فوضى وبرى ..<< والشي الثاني اشوف اغلب البنات يدخلون فيهم ويحطونهم عند باب القاعه مكدسه <<دايم لجيت متاخر شوي واتكرفس فيهم ... >>> خليك من المشرفات اللي ع الاختبار دايم منفسات ..روحي للاداره بكرا المركز مليان عاملات ممكن تلقين ع الاقل البوك وبطايقك ... |
رد: نداء لبنات بريدة....هااام
الشنط بتكون داخل الفصل معانا
لكن يخلونا نحطها في مقدمة الفصل ( تحت السبورة يعني ) لكن طبعاً هالشي ما منع ضعيفات الإيمان من السرقة لأن ناس تخلص قبل ناس فتكون الطالبة المغدورة دافنة راسها بورقة امتحانها والسارقة تخلص قبلها وتروح تنقي بين الشنط اللي على هواها طبعا في طالبات يتكشخو بالشنط ويجيبو الجميل والغالي وخذلك عاد مرة وحدة بس بعد موقف زي كذا خلونا نحط شنطنا جمبنا بس السمستر اللي بعده رجعنازي الأول عاد أنا رحت جبت أقدم شنطة عندي وما تلفت النظر واشتريت جوال من القديم اللي الشاشة 2 سم لكن قلبي موجوع وشيء مؤسف انو الواحد يضطر يأخذ هذه الإجراءات وهو في مجتمع اسلامي محض |
رد: نداء لبنات بريدة....هااام
رحوا بملابس فيها مخابيت !
وحطوا الجوال والمحفظه ! وشوله يعني الشنطه :> دامكم طالعين مشوار للاختبار صحيح انها مشكلة قبل ما اطلع افكر وش اللبس علشان مخباه ! .. ولا اطلع بشي معتاد عليه دام النظام معقد عندكم ^ هذا حلكم انكم ما تكونوا طبيعين وتفكرون قبل الخروج هههههه ! الشكوى لله |
رد: نداء لبنات بريدة....هااام
حسبي الله ونعم الوكيل:eek:
حنا بالرياض عادي شناطنا معنا ... غريبه يرفضون تدخلون الشناط وش هالتعقيد .. |
رد: نداء لبنات بريدة....هااام
حبيبتي الله يعوضك ان شاءالله صحيح ببريده مايخلونا ندخل شناطنا بس يسمحون يخلونها عند الباب وللي يتختبرون بالمسرح كل الشنط ندخلها ونخليها عند الباب بس المفروض ماتجيبين بوكك واشياء مهمه انا اخليها بالبيت جيبي ورقة دخول الاختبار وتكفيك
والي سرقت اغراضك حسبي الله عليها ولاتخافين لها يوم وانا اختك :love080: |
رد: نداء لبنات بريدة....هااام
ا
|
رد: نداء لبنات بريدة....هااام
الله يجزاكم خير
والشناط دايم يقولون لي برا حطيها لكن العوض من الله والواحد يتعلم من اول مصيبة شكرا لكم جميعا.. |
رد: نداء لبنات بريدة....هااام
انا كنت انتظر البنات اللي شناطهم كانت جنب شنطتي
عشان اشوف مين صار لها مثلي لكن ماشفت احد الا قليل ووضعهم عادي والباقي كانوا بالاختبار قلت في نفسي يمكن اكون انا بس اللي سرقوني والباقي ماامداها تفتش بشناطهم وبالعكس مااتمنى لاحد يصير له مثلي لكن ياللي سرقتي اذا كنت من المتابعين للمنتدى فاقول لك والله ربي ماراح يخليك وحسبي الله عليك اشغلتي ناس وبهذلتيهم بفعلتك هذي محتاجة دوري لك اي شيء بالحلال يرزقك ربي مو تسرقين استغفر الله واتوب اليه. . |
رد: نداء لبنات بريدة....هااام
السنه اللي طافت السمستر الاول حاطه ليبادر وشنطتي قدام تحت السبورة وتجيك وحده تأخذ الششنطه وانا لسسسه اختبر وربي كتب لي اطالع ولا اكمل حل واشوفففها تلققطط الشنطه بخفه واصرخ عليها قدام القاعه (لو سمحتي اختتتتي خييير مأخذه شنطتي هي عادي بتكملل مشي بس اللبنات اللي عند الباب وقفوا واعتذرت وقالت إنّو أنا مشوشه وخذيت الشنطه بالغلط وانا لِسَّه اختبر قلت لها فحكمي عينك حلال الناس مو لعبه ،، ومن بعدها أحط الشنطه بسياره اهلي ماغير بطاقتي وأوراقي معاي تووووبه تووووبه
|
رد: نداء لبنات بريدة....هااام
يمه بديت اخاف ..ماتخيل هالمواقف ببريده <<<اغلبهم محافظين وراعين دين
...بس فكره حلو الشنطه بالسياره ..> |
رد: نداء لبنات بريدة....هااام
انتي مثل من يضع طعام للقطاوه ويقول لاتاكلون
اسمحي لي ان اقول ان الخطاء الاكبر منك شخصيا ليه شنطه وجوالات وفلوس وكروت ترى داخله اختبار تكفي الهويه الوطنيه او كرت العائله والباقي تبقى في البيت او السياره عالعموم الله يعوض عليك والحلال مايضيع ان ماخذتيه في الدنيا راح تاخذينه يوم الحساب . |
رد: نداء لبنات بريدة....هااام
اقتباس:
وبعدين البوك لاسمح الله صار شيء او عندي مشوار ضروري بعد المركز واللي يقول حطوها بالسيارة انا اللي يودين غير اللي يجيبن مرات.. انا بهالموضوع حبيت انبه غيري والمركز المفروض يوفرون امن او شنطتي تكون معي وبجنبي تحت الكرسي |
رد: نداء لبنات بريدة....هااام
اقتباس:
قولي اللهم أجرني في مصيبتي واخلف لي خيرا منها:sm1: |
رد: نداء لبنات بريدة....هااام
الله يعوضك اختي والله شي يقهر ومؤسف
مدري هو انتي الي امس علمتيني انه انسرق بوكك او غيرها بس شي يقهر والله دام كثير بنات حصل لهم نفس الموقف مااقول الا حسبي الله ع هالاشكال الي نفسها رديه والي يجلط تاخذ البوك كله وهي هدفها فلوس طيب خلي البوك وخوذي الفلوس بس البطاقاات لااااا :(:mad: وجزاك الله خير ع التنبيه :106: |
رد: نداء لبنات بريدة....هااام
الله يعوضك ان شاء الله شي مخجل انه في بنات يسسرقون الحمد الله الذي عافانا مما ابتلاهم فيه
لاتغيرين شنطتك ممكن تتوب او تشوف كلامك وترجعه انا صراحه احط شنطتي برى بس الجوال والبوك احطه قدامي ع سبوره الواحد ينتبه وهاذا درس للي جاي معوضه ياقلبي |
رد: نداء لبنات بريدة....هااام
:017::017::017::017: حسبي الله ونعم الوكيل ..الله يعوضك ياخيه :eek:دايم اجيب الايباد بس شكلي بهون اخاف يروح واكل تبن:D
|
رد: نداء لبنات بريدة....هااام
بطاقة العايلة ضايعه مني بكلية الغد اذا احد شافها يعلمني الله يعافيكم :Cry111:
|
رد: نداء لبنات بريدة....هااام
الله يعوضك خير اختي
|
| All times are GMT +3. الوقت الآن حسب توقيت السعودية: 02:49 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام