ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 1 (https://vb.ckfu.org/f310)
-   -   [ استفسار ] كـارثـة الترم (مبادئ الرياضيات1) (https://vb.ckfu.org/t750786.html)

مايسترووو 2016- 5- 5 02:31 AM
كـارثـة الترم (مبادئ الرياضيات1)
 
السلام عليكم ورحمة الله وبركاته

مع الأسف الشديد اليوم كان كارثة لأغلب منتسبي جامعة الملك فيصل في مادة الرياضيات والأسباب كالتالي:-
  1. الدكتور فاشل بكل ماتعنيه الكلمة وذلك لعدم الكفاية في شرح المحاضرات وإيصال المعلومة بشكل واضح لكافة الطلاب والطالبات والعجلة الغير مبرره منه في الانتهاء من المسائل بالمحاضرة دون إيضاحها بشكل كافي .
  2. المحاضرة رقم (14) والتي كانت كارثة لأغلب المنتسبين موجودة على اليوتيوب من سنتين تقريباً حسب كلام بعض أعضاء المنتدى ولازالت في موقع الجامعة الرئيسي المتابع من قبلنا لحل الواجبات والمناقاشات , وكان من الأولى تغيير المحاضرة كاملة بتسجيل جديد من قبل مدرس المادة ولا أن نقع أكثرنا في متاهة مقولة مدرس المادة (عدم البحث عن الملخصات وشرائها والتشتت والتركيز على تمارين المراجعة فقط وطريقة حلها) والتي اتضحت نتائجها خلال إختبار هذا اليوم وهي مناقضة لكل ماورد من مدرس المادة جملةً وتفصيلاً .
  3. كثرت تكراره في جميع المحاضرات عند حل التمارين بورود المسألة في الاختبار , وهذا تشتتيت وإيهام ونوع من أنواع التلاعب الغير لائق لكافة الطلاب .
  4. تعقيد أسئلة الاختبار وطلب حلول لمسائل تأخذ وقت طويل والوقت المتاح ساعتان فقط .. ولا ننسى المسئلتين الخاطئة.
  5. طريقة أسئلة الاختبار كأن المادة تخصص في (إدارة الأعمال) وليست مادة تكميلية .
بعد هذه النقاط التي لاحظها أكثركم .. أعتقد بل أجزم أن النية في هذا الاختبار الإضرار بنا وإجبارنا على حمل المادة بطريقة غير مباشرة .

وبالعامية .. لايجيني أحد ويقول الي ذاكر بينجح والي ماذاكر يتحمل مايجيه .. لأني قريت المواضيع بالمنتدى قبل لا أكتب موضوعي هذا .. فيه ناس اجتهدت وذاكرت لها شهر استعداداً للأختبار .. وفيه ناس جابت مدرسين علشان تفهم المادة وتعديها .. ولكن في النهاية الي ذاكر والي ماذاكر كلهم خبطوا اليوم من صعوبة الأسئلة والتعقيد المتعمد فيها مع تضييق الخناق عليك بالوقت .

و الآله الحاسبه مزعجينا ممنوع الحاسبة الي رقمها كذا والي صناعتها كذا .. والله مالهم دخل نستخدم الي نبي والي ييسر علينا حل المادة عن طريقها .. لكن مسألة أنه مايشرح المدرس طريقة استخدام الآله الحاسبة المناسبة للمسائل الموجودة بالمادة علشان مانحل والجامعة ترفض نوع معين منها علشان أنها تطلع الإجابة هذا ظلم وإجحاف بحقوقنا وتعمد في عرقلتنا بعدم إجتياز المادة .

وفي النهاية ما أقول إلا حسبنا الله ونعم الوكيل

والسلام ختام :rose:

amina@12 2016- 5- 5 02:43 AM
رد: كـارثـة الترم (مبادئ الرياضيات1)
 
وعليكم السلام ورحمة وبركاته

اتفق معاك ان الوقت ما يكفي حل الأسئلة والله توترت بالاختبار لأنه جاء نص الوقت وطلعوا البنات وانا باقي عند السؤال 24

لكن كل الأسئلة من المنهج والدكتور مو ملزوم يجيب نفس الأرقام لان المادة تعتمد على الفهم

وحفظ القوانين يسهل عليك الحل

كل الأسئلة كانت طريقة حلها مشروحه في المحاضرات كلها بدون استثناء

لا تبالغون الله يجزاكم خير وتدعون على الدكتور

تمنياتي للجميع بالتوفيق

سعود السماري 2016- 5- 5 02:53 AM
رد: كـارثـة الترم (مبادئ الرياضيات1)
 
اشكرك ياصاحب الموضوع الدكتور شرحه سيئ بالمحاضرات وسريع ولايعرف يوصل الكثير من المعلومات وبخصوص الاختبار اعتقد كذا مساله لايوجد لها حل معين بالاختيارات ناهيك عن تتشابه الاختيارات وتقاربها ببعض الاسئله وصعوبة بعضها والوقت لايكفي والتعليم عن بعد يعني مايحتاج كل الصعوبه ذي ولا جيب دكتور يوصل الملعومه صح للعالم اللي تتعب وتسهر وتبي النجاح

نوررالشرقيه 2016- 5- 5 02:55 AM
رد: كـارثـة الترم (مبادئ الرياضيات1)
 
اقتباس:
المشاركة الأصلية كتبت بواسطة amina@12 (المشاركة 1057145122)
وعليكم السلام ورحمة وبركاته

اتفق معاك ان الوقت ما يكفي حل الأسئلة والله توترت بالاختبار لأنه جاء نص الوقت وطلعوا البنات وانا باقي عند السؤال 24

لكن كل الأسئلة من المنهج والدكتور مو ملزوم يجيب نفس الأرقام لان المادة تعتمد على الفهم

وحفظ القوانين يسهل عليك الحل

كل الأسئلة كانت طريقة حلها مشروحه في المحاضرات كلها بدون استثناء

لا تبالغون الله يجزاكم خير وتدعون على الدكتور

تمنياتي للجميع بالتوفيق

سهله ماشاءالله طيب انا بسالك سؤال الloog وهاذي لما تشوفيها تعرفين حلها على طول انا ماشفت حلها مع الخيارات انتي بالله كيف حليتيها ؟؟؟

سطام الهجله 2016- 5- 5 02:59 AM
رد: كـارثـة الترم (مبادئ الرياضيات1)
 
مايسترو اختصرت اللي أبي اقوله
حسبي الله ونعم الوكيل

روحي بحائل 2016- 5- 5 03:04 AM
رد: كـارثـة الترم (مبادئ الرياضيات1)
 
:007::(177):
فعلا كارثة الترم

81or 2016- 5- 5 03:05 AM
رد: كـارثـة الترم (مبادئ الرياضيات1)
 
حسبي الله بس والله اني مذاكره لين طلعت عيوني واخرتها كذا مانقول كلها صعبه فيه اشياء سهله بس الاغلب صعب والارقام طووووويله والخيارات تشتت بالاشارات السالب والموجب يخلي الواحد يخربط غصب
الله العالم ان البعض يقصد يصعب الاسئله عشان الفلوس الي من ورانا وتزيد نسبته

أبــو شـهـد 2016- 5- 5 03:10 AM
رد: كـارثـة الترم (مبادئ الرياضيات1)
 
اقتباس:
المشاركة الأصلية كتبت بواسطة amina@12 (المشاركة 1057145122)
لا تبالغون الله يجزاكم خير وتدعون على الدكتور
الله يغضب عليه ولا يوفقه

نعنبو شكله الوصخ كل رقم 66473383930 حتى الاله ضرب فيوزها

مستقعد عساها ما تخطي وجه

خلص الوقت وانا باقي احفر بنص الأسئلة

Magic4ever 2016- 5- 5 03:15 AM
رد: كـارثـة الترم (مبادئ الرياضيات1)
 
انا اقول رفعنا تظلم وماباليد حيله ركزو بالجاي كفايه احباط كل ماابتعدت واخذت فترة راحه كان افضل للمواد الثانيه لاتنسون باقي تتهجهجون والاقتصاد احس ثقيل وماعندنا الا يوم ونص للمذاكرة الله يسرها

Fly_High 2016- 5- 5 03:24 AM
رد: كـارثـة الترم (مبادئ الرياضيات1)
 
اكتفي بقول المصطفى صلى الله عليه وسلم :
اللهم من ولي من أمر أمتي شيئاً فشق عليهم فاشقق عليه ، ومن ولي أمر أمتي فرفق بهم فارفق به

ابا وسام 2016- 5- 5 04:02 AM
رد: كـارثـة الترم (مبادئ الرياضيات1)
 
اسم الماده (مبادئ الرياضيات ) ان كثرت اصلا قسمه ضرب ....الخ
اذا هذا منهجنا وانتساب وتعليم عن بعد ولا قد سمعت اصلا بالغوريتم والتفاضل والتكامل

ايش بقيتم في مناهج المنتظمين والماجستير والدكتوراه

ضي النصر 2016- 5- 5 04:17 AM
رد: كـارثـة الترم (مبادئ الرياضيات1)
 
حسبي الله ونعم الوكيل

بيبو ريمي 2016- 5- 5 04:23 AM
رد: كـارثـة الترم (مبادئ الرياضيات1)
 
والله من كتر ماطلعت عيني في المذاكره توقعت a+
سهر ومذاكره لكن الحمدلله على قضاء الله :Cry111:

saud-shahrani 2016- 5- 5 05:18 AM
رد: كـارثـة الترم (مبادئ الرياضيات1)
 
الحين كاتب لنا سؤال bناقصاًa وحاط بين قوسين (a-b ) ؟


هالسؤال ملفوف 100%

حسبي الله عليه 100 مره

خوووخه الحربي 2016- 5- 5 05:41 AM
رد: كـارثـة الترم (مبادئ الرياضيات1)
 
مايبينا ننجح والسلام حسبي الله عليه سيماهم في وجوههم

Redz 2016- 5- 5 06:56 AM
رد: كـارثـة الترم (مبادئ الرياضيات1)
 
نصصصص اﻻسألة على موضوع دالة التكاليف واﻻدخار وهقنا فيها كأن المتهج مافيه اﻻ هالموضوع..

ماقهرني اﻻ مثال مهارات العمالة
العالية والمتوسطة 312500 و 200000 ..بالله هذي امثلة تجيبها في اختبار وقته بس ساعتين؟؟!! مع ان حل هالقانون موصعب لكن اﻻعداد كبييرة وتلخبط

khalid22223 2016- 5- 5 07:05 AM
رد: كـارثـة الترم (مبادئ الرياضيات1)
 
اهم شي درجة النجاح ونفتك منها

والله كانت صعبه

الله يهديك ي دختور

.Gori 2016- 5- 5 07:15 AM
رد: كـارثـة الترم (مبادئ الرياضيات1)
 
اساسا من يوم شفته يشرح ويحل من نفسه ولا يوضح وانا غاسلتن اديي

وقالها بكذا محاضره طيب ( هااسئلكم سؤال خبيس اوي ):mad:

يارب العميد ينصفنا :o

شوباك 2016- 5- 5 07:23 AM
رد: كـارثـة الترم (مبادئ الرياضيات1)
 
حسبى الله ونعم الوكيل
العوض بالترم الجاي

يارب توفيقك999 2016- 5- 5 07:38 AM
رد: كـارثـة الترم (مبادئ الرياضيات1)
 
من جد اللي يغبن التعب اللي تعبناه بعدين ليه يكرر كم سؤال بس يغير الارقام :007:

حرام عليك ي رجل الوقت ساعتين م يبي اللف والدوران ولايبي هالارقام الخياليه صرت احسب الاصفار واحد اثنين ثلاثه عشان م اغلط
حتى تنوع الاسئله من سهله الي متوسطه م فيه وحاط كم سؤال سهل باخر الاسئله

كلها من وسط الي صعب حرام ضيع علينا اخر الاسئله لو عندك وقت حليتها صح بس لضيق الوقت

حليناها علي التخمين

sabah216 2016- 5- 5 08:13 AM
رد: كـارثـة الترم (مبادئ الرياضيات1)
 
الحمدلله ع كل حال تقريبا لاباس نص الاسئله حلو
ماقهرني الا الyx حسبي الله عليه كلها خطا


واللى يقهر اكثر المراقبه باقي نص ساعه باقي ربع ساعه خمس دقايق دقيقتين وسحبت الاسئله

دق الله راسها

المفروض الماده وقت اختبارها مثل وقت ساعاتها المحسوبه علينا يعني الرياضيات ب3 ساعات

مانقول الا الحمدلله وان شاءالله تعدي مانبي a+

مجبور اغليك 2016- 5- 5 02:24 PM
رد: كـارثـة الترم (مبادئ الرياضيات1)
 
القادم افضل باذن الله كلنا تضررنا من صعوبه الاسئله وضيق الوقت لحلها ولكن ما نقول الا الله يهدي الجميع لما يحبه ويرضاه وسلامتكم

amina@12 2016- 5- 5 02:35 PM
رد: كـارثـة الترم (مبادئ الرياضيات1)
 
اقتباس:
المشاركة الأصلية كتبت بواسطة نوررالشرقيه (المشاركة 1057145207)
سهله ماشاءالله طيب انا بسالك سؤال الloog وهاذي لما تشوفيها تعرفين حلها على طول انا ماشفت حلها مع الخيارات انتي بالله كيف حليتيها ؟؟؟
سؤال log سهل عدد الاصفار كم اكتبها عند كل عدد وبعدين اطرح واقسم او من الاله تقد تطلعه

log10000=4
log1000=3
log100=2

عوض عنها يطلع لك 3-2-4 = -1 هذي بالبسط

المقام 4 يعني ربع بالسالب

ويطلع لك الحل -0.25

abo_3ssaf 2016- 5- 5 03:17 PM
رد: كـارثـة الترم (مبادئ الرياضيات1)
 
اي والله الكارثه
لكن ما نقول الا
حسبي الله ونعم الوكيل
الله يعوضنا خير

فهد التميمـي 2016- 5- 5 04:23 PM
رد: كـارثـة الترم (مبادئ الرياضيات1)
 
انا بتكلم عن نفسي !!

صراحه الاختبار ماكان صعب لدرجه أن الواحد يسوي اعتراض والا يتشكى فيه
وكل الاسأله اللي جابها كن شارحها بالمحاضرات المباشرة

الله يوفقنا وياكم

فهد التميمـي 2016- 5- 5 04:25 PM
رد: كـارثـة الترم (مبادئ الرياضيات1)
 
اقتباس:
المشاركة الأصلية كتبت بواسطة saud-shahrani (المشاركة 1057145920)
الحين كاتب لنا سؤال bناقصاًa وحاط بين قوسين (a-b ) ؟


هالسؤال ملفوف 100%

حسبي الله عليه 100 مره
ماهو ملفوف

الانجليزي دايم يقراء من اليسار الى اليمين

Rashed.Q 2016- 5- 5 05:26 PM
رد: كـارثـة الترم (مبادئ الرياضيات1)
 
انا اتفق تماما معك اخوي فهد التميمي
الاختبار فعلاً كان طويل والوقت قصير نوعاً ما
لكن مانقدر نقول صعب بالعكس الاختبار خليط مابين المتوسط و سهل
وصحيح ممكن الارقام طويلة شوي وبعض الاسئلة فيها لف و دوران
بس للي مذاكر والله العظيم يحلها زي السلام عليكم انا خذت معي ساعه ونص بالضبط وباقي نص ساعه على الاختبار

ولا اعتقد انها بتكون صعبة على الشخص اللي مذاكر من قلب مو يلفلف بين الاوراق ويقول انه مذاكر
بالنهاية في مادة فهم مو حفظ نفس القانون والادارة ... إلخ


وبدال ماترفعون هالتظلم على المادة ارفعوا تطلم على تخصصنا الي غيروه من ادارة اعمال الى ادارة فقط !!!!!


All times are GMT +3. الوقت الآن حسب توقيت السعودية: 08:47 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه