|
هذه الحقيقه !!!!!
بتكلم بكل صراحه ورغم أن الصراحه ستتسبب في إلغاء عضويتي
اولا / إداراة المنتدى إذا كان المنتدى كل إختبار يعلق وش الفايده من المنتدى اذا مااستفدنا منه بالإختبار متى نستفيد ؟؟؟؟؟: ثانيا/ اليوم الدكتور ((الحبيب كشده)) غصب كتبت الحبيب مفروض العكس صعب الاختبار عشان الأسباب التاليه في المحاضرات المباشره نحن الطلاب هالسؤال دايم نطرحه للدكاتره يادكتور هل تكرر الأسئله ؟؟؟ وبعد الإختبار الأغلب في المنتدى أو تويتر قال شكرا للدكتور الفلاني الإختبار سهل للأسف نحني على أنفسنا وللأسف وأقولها مليون مره للأسف وأغلب الأخوات يعرفوا هالشئ في بنات مستهترات ومتأكد ان بعض الاخوات شافوا هالشئ بأنفسهم في المحاضرات المباشره تجي الوحده تقول يادكتور لبسك حلو واللي تتصل على الدكاتره مو لغرض المنهج بس تدلع وتستهبل طيب إحنا وش ذنبنا ندفع ونتعب ونضيع وقتنا وبالاخير اللي مايبي دراسه ويبي يستهبل يخرب للاسف هذه حقيقه احنا ضحيه للمستهترين وعشاق الهاشتاقات والشكر للدكتور الفلاني كرر الأسئله اذا في دكتور سهل قول الحمدلله وابلع لسانك مو تكتب بكل مكان الجامعه بدت تصعب الاختبارات والدكاتره نفس الشئ منعوا إختيار جميع ماسبق وياخوفي يكون بالاترام الجايه إختبار مقالي ختاما// اتمنى لكم التوفيق واللي قلته حقيقه ومن أدله |
رد: هذه الحقيقه !!!!!
والله عارفين هالكلام من اول ترم ولكن الشكوى لله
|
رد: هذه الحقيقه !!!!!
الله يعين
|
رد: هذه الحقيقه !!!!!
صح كلامك واغلبهم عارفين ذا الكلام
بس انت جبتها صريحه >>"هاذا ما جنته براقش " الله ييسر لنا الباقي �� |
رد: هذه الحقيقه !!!!!
مع احترامي لك هذي اشياء مضايقتك وتحسين هي السبب كثير جامعات يعيدون ويكررون الاسئلة ترى مو بس جامعتنا وبعدين الدكاتره كبار وفاهمين ماراح يصعبون الاسئلة على الفين طالب عشان وحده اتصلت عليه مولهدرجه وصلنا لذا المواصيل وبعدين الدكاتره موفاضين يناظرون هشتاقات اذا احنا طلاب مانفتحها حقت الجامعة تبين دكتور يدرس انتظام وعن بعد يفتحها وبعدين من دخلنا الجامعه عارفين في دكاتره اسئلتهم صعبه ذا اسلوبهم وفي منهم السهل كل واحد وطريقته بس مانلقي الوم على كلام الطلاب انا مااهاجمك ولا شي هذا رأيي
|
رد: هذه الحقيقه !!!!!
الله يصلح الحال
|
رد: هذه الحقيقه !!!!!
كلامك صحيح
ولكن لا حياة لمن تنادي |
رد: هذه الحقيقه !!!!!
صحيح. كلامك
|
رد: هذه الحقيقه !!!!!
لا ترجعون السبب على احد الدكتور اسلوبه هكذا
وبعدين التكرار كل الجامعات تكرر حتى الانتظام عندي صديقه بالانتظام الاسئله مكرره لا تحسبونهم عباقره ونحن لا حنااااا هدف الجامعه علينا بس نقول يا رب تفرجهاااا |
رد: هذه الحقيقه !!!!!
الدكتور اسلوبه دقيق ولاف وداير مالاداعي يسوي كذا والخريف نفس الشي كل اختبار يلف ويدور ويدور روسنا الدكتور المفروض يكون معتدل باسلوبه يراعي كل الفروقات
|
رد: هذه الحقيقه !!!!!
كلامك صحيح مية بالمية تلقى الشخص الي خرب علينا شخص فاضي لا سأل عن مستقبل ولا تحسين اوضاع ومعظم الي بالجامعة موظفين وعندهم ارتباطات واعمال وأسر واولاد يدفعون بهالجامعة مال ووقت وجهد واخر شي يجنون ثمن غلطة مستهترين
|
رد: هذه الحقيقه !!!!!
انا لاحظت بالاونه الاخيره أسلوب المدرسين يميل كلهم نفس الأسلوب غموض بالاسئله ولا نعلم ماهي الأسباب
أسأل الله لي ولكم التوفيق والنجاح وان يسهل الله علينا وعليكم كل ماتعسر .. |
رد: هذه الحقيقه !!!!!
مساء الخير
بصراحه تصوير الاسئله سبب مشاكل كثره منها ان الجامعه فرضت وبشده على الدكاتره تغيير الاسئله فاصبح الدكتور يغوص في اعماق المقرر وبين السطور عشان يضع اسئله ,, حنا اللي خربنا على انفسنا ,, قبل شوي قريت وفي الصفحه العامه استفسار حد الطلاب وبالبنط العريض ,, هل دكتور الماده الفلانيه يكرر الاسئله !!!!!!!!!! الله يعين وبس |
رد: هذه الحقيقه !!!!!
الله كريم ..
وحسبي الله ونعم الوكيل .. هذا اكثر شي اقدره اقوله |
رد: هذه الحقيقه !!!!!
اخوي كلامك هذا مبالغ فيه جدا جدا اصلا المحاضرات المباشرة لما يلقيها الدكتور يكون وضع الاسئلة ومخلص ثانيا تكرار الاسئلة الجامعة عندها خبر ومالها دخل بالدكتور يكرر او يصعب اهم شي ما يطلع عن المنهج وما يكون فيه اخطاء في صياغة الاسئلة ... بالنسبة للدكتور كشيدة سامحه الله انا اختبرت عنده قبل سنة وكان اول مرة يدرس المقرر وطاحت في روسنا وجاب لنا اسئلة الله لا يوريك واتصل عليه احد الطلاب بالجوال وقال ليه الاسئلة كذا يا دكتور صعبة ورد عليه الدكتور وقال (( من طلب العلا سهر الليالي )) ؟! يعني الدكتور اسلوبه كذا طبعه كذا ولكن اسأل الله انه يرحل من الجامعة عاجلا غير آجل
|
رد: هذه الحقيقه !!!!!
ماطلبنااه يكرر الاسئله بس ماله داعي يحط نمط واحد للاختبار ومصعبها وواضح الاستفزاز بنوع الاسئله
|
رد: هذه الحقيقه !!!!!
اقتباس:
بس اتحدى واحد يقنعني ان اسلوب الدكتور كذا كل الاسئله السابقه كانت سهله وواضحه اما هالترم اغلب الاسئله أعداد عدد مراحل وعدد مهام ... الخ واللي يقول مو فاضين يطالعوا هاشتاقات ومنتديات اجل ليش حطوا على كل ورق الأسئله رمز مركز الاختبار |
رد: هذه الحقيقه !!!!!
أيه والله وانا أشهد خلاص ملينا وأحنا نقول لا عاد أحد يجيب طاري للاسئله السابقه ... قدام الدكاتره بس ( عبث ) يمكن الكيبورد حس إلا هم مايحسون ... بس كمان أنا من جهتي حسيت أن الدكتور مستلعن في ذا الاختبار .... بس الله يكفينا الشر و نعديها بسلام |
رد: هذه الحقيقه !!!!!
لاتلوم احد وبالنسبه لتصعيب الاسئله راجع لدكتور نفسه وهذي سياسة الجامعه
وابشرك الاتنساب م عاد له مستقبل |
رد: هذه الحقيقه !!!!!
الله يسعد صاحب المقال نتفق معك في جزيئات ونختلف في اخر...
من الاصلح لاي موؤسسه تعليمية وغير تعليمة رضاء العميل ونحن بالنسبة للجامعه عملاء ولا اعتقد واتوقع ان ياتي دكتور ليصعب الاسئلة فقط لتصرف ارعن من بعض الطلاب او الطالبات ولكن اتوقع ان بعض الدكاتره لا يعي ماذا تعني فروق فردية ويتعامل مع الجميع انك طالب جامعي وعلى مشارف التخرج فمن الطبيعي ان تكون ملم بجميع الاسئلة وسريع بديهيه .واريد انوه اخوي صاحب المقال انت بالمستوى الثالث ربما تفا جئت بهذا الاسلوب نحن واتوقع يتفقون معي زملاء المستوى قابلنا الكثير من هذه النوعيات من الدكاتره فتوقع الكثير..لكن اتمنى من بعض وليس كل ان يعي ان ليس كل طلاب وطالبات التعلم عن بعد بنفس القدرات والظروف فهناك رب الاسرة والام والموظف والموظفه ونحن نختلف شكلا ومضمون عن طلاب الانتظام .... دمتم بود مع جزيل الشكر لكل من شارك في هذا المقال ونتفائل خيراً ان شاء الله... |
رد: هذه الحقيقه !!!!!
كلامك صحيح لكن مو سبب مقنع لوضع الاسئله صعبه وغير واضحه
من عرفنا الجامعه ومن المستوى الاول وانا اسمع الطلبه يقولون لبعض لاحد يجيب طاري الاسئله المكرره واتوقع الاسباب ترجع للجامعه !!!!! ومايدبل تسبدي الا اذا وضع دكتور اسئلة ذكاء للطلبه ماهو وقت فرد العضلات حنا نذاكر الاشيا المهمه ..ومادخلنا الجامعه الا لان عندنا التزامات ..يعني ماراح اغوص في كل سطر وكل معلومه ، باخذ الاشياء المهمه واذاكرها ...يعني ماهو ذكاء هي فقط انا ماندقق على كل كلمه وكل حرف الترم الماضي دكتور التاريخ عوضنا بخمس دراجات مع ان الاسئله من المنهج لكن صعبها وبالنسبه لدكتور علم الاجتماع الصناعي بنشوف وش بيكون رد الجامعه ؟؟؟ |
رد: هذه الحقيقه !!!!!
اقتباس:
🌷 |
رد: هذه الحقيقه !!!!!
كلامك صحيح ولكن لا حياة لمن تنادي !! |
رد: هذه الحقيقه !!!!!
http://www.ckfu.org/vb/t750078.html
هل هذي الاسئله جت امس في الاختبار ؟؟!!! انا ماشفت نفس الاسئله هذي وش السالفه كل واحد يقول نفس الأسئله الترم الماضي لايكون انا اختبرت ماده ثانيه وانا مدري شكيت والله بعمري |
رد: هذه الحقيقه !!!!!
اقتباس:
حسب معلوماتي القريبه من الجامعه ان العماده تضغط على الاساتذه تغيير الاسئله المصوره ولهذا السبب الدكتور يغوص بي عمق الماده ,, لكن فيه من الدكاتره القوي اللي مايرد عليهم وفيه الجبان اللي يخاف ويغير الاسئله ويصعبها |
رد: هذه الحقيقه !!!!!
بغض النظر عن تصرفات البنات بالمحاضرات المباشرة .. فعلا انا ضــد سالفة الشكر والمواضيع والهاشتاقات لما يطلع الإختبار سهل .. هالشي ماراح ينفعه .. الدكتور حط الاسئلـة
اذا سهله جاوبوا واحمدوا الله وادعوا له بظهر الغيب .. وبس واذا كانت الاسئلـة صعبه وفيها ظلم وماتراعي الفروق الفرديه من ابسط حقنا نقدم شكوى ونتكلمـ اللي يقهر انهم كبار وعاقلين وفاهمين بس مدري ليه هالتصرفات مع الدكاترة .. مو شطارة الاستهبال والطقطقه لأنه مايعرف من انتي ومايقدر يخصم درجات .. اقل شي راعي الله ثم اهلك وبالأخير بعضهم يخرب على الكل مع الأسف .. |
رد: هذه الحقيقه !!!!!
يا عزيز ..
بختصر الجامعة بدت تغير في سياساتها ولك في الدفاعات السابقه مثال : دفعه 2011 واعتقد انها اول دفعه هم الاساس تسويق ودعاية للجامعة من ما يقارب 2000 طالب عن بعد الى ما اصبحت اكبر جامعة من ناحيه الاستقطاب والدليل ((نجاح الدكتور )) الفريدان عميد التعليم عن بعد.. الدفعات من 2012 و2013 هم بقايا الطيبين لي السياسة السابقة ؟ وبدا ظهور السياسة الجديدة وها نحن نراه في المستوايات الاخيرة وهي العمليات ((المالية )) من الباب الاول (عدم تسديد الرسوم ) يتم اقفال ايقونات المشاركة حتى السداد (( تدفع والا ببليس )) الرسوب اصبح بنسب عاليه (( للاستفادة من اخذ اترام اضافية )) حتى لا يقف الاستثمار .. اعلانات الجامعة بان المتفوقين يتم منحهم مكافاءت ((ماليه )) !! اصبح عدد المتفوقين بنسب عاليه يشكل هاجس للادارة.. تم الانتقال بعدها الى وضعيات الاسئلة ( واسلوب التشديد على الدكاترة ) بوضع اسئلة من صعبه الى متوسطة لكي يتم اقفال موضوع التفوق .. ولنا في الدكتور (كشيده ، وجوده ، سعيد سيف ، النجار ، حق قواعد البيانات ) وغيرهم .. تكاتف الاخوة والاخوات والتعاون برفع الاعتراضات اصبح الان يشكل للادارة نوعاً من المشاكل لذلك نلاحظ ان اصبح الملتقى يحتوي على بعض من اعضاء هيئة الدريس ومتابعة وضع الطلبه لمعرفة ما يدور خلف الكوليس والان وصلوا لي مبتغاهم وهو عدم اتفاق بعض الطلبه مع البعض الاخر ونرى منهم من يضع استطلاع عن المادة ( الفلانية ) ليكون هناك اختلاف في وجهات النظر ليتي الانشقاق وعدم التكافى.. وهنا يظهر المطبلين (( هذا الدكتور اسئلته جميله جداً )) وهذا الدكتور لم يقصر نسو وتناسوا الفروق الفردي للدارسين هذي هي الحقيقة من وجهت نظري واعتذر منك عن الاطاله .. |
رد: هذه الحقيقه !!!!!
محد جاوبني :confused:
اسئلة اختبار مادة علم الاجتماع الصناعي والمهني الفصل الثاني 1437هـ... عازف الكلمه هل هذي الاسئله جت امس في الاختبار ؟؟!!! انا ماشفت نفس الاسئله هذي وش السالفه كل واحد يقول نفس الأسئله الترم الماضي لايكون انا اختبرت ماده ثانيه وانا مدري شكيت والله بعمري |
رد: هذه الحقيقه !!!!!
بصراحه كلامك فيه الكثير من الصح وخاصه بعض الاعضاء مثل الطفل يعيد السوال الف مرره ظننا منه ان دكتور الماده بيتراحم عليه انا اقووول عينات الدكتور هذا الحمار كثير بس نسال الله الاعانه
|
رد: هذه الحقيقه !!!!!
اقتباس:
ماتكرر من اسئلة الترم الماضي الا سؤالين وماشفتي نفسها ؟؟؟ !!!! لا يكون اختبرتي ماده ثانيه ؟؟؟! |
رد: هذه الحقيقه !!!!!
اقتباس:
ايه قلبي نفس الاسئلة لكن يختلف الترتيب بختلاف النماذج ويمكن تخربطتي بس الموضوع بسيط هي نفسها تطمني....:106: |
| All times are GMT +3. الوقت الآن حسب توقيت السعودية: 01:25 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام