|
دكتور محمد دليم القحطاني شوضعه من جرب ؟
مساء الخير جميعا ..
كيفكم مع ادارة الاعمال الدولية ي مستوى خامس ؟ عسى اموركم تمام !! المهم اللي جربوا اسالة الدكتور وش وضعه ؟ هل يجيب 100% من الاساله الاعوام السابقه والا من بين السطور ؟ عطونا موجز عنه الله يجزاكم خير ..:(204): |
رد: دكتور محمد دليم القحطاني شوضعه من جرب ؟
وعليكم السلام ورحمة الله
اختي والله وضعه مثل ماشفتي بالاسئله دقيق فيها هو قال ماراح يكرر الاسئله واللي بيعتمد عليها راحت عليه للمعلوميه تراه قال يشوف الملتقى :53: بالتوفيق |
رد: دكتور محمد دليم القحطاني شوضعه من جرب ؟
لحد يحش بالدكتووور ويقول حسبي الله عليك >>يخاف من الدعاوي هو قايل بالمحاضره المباشره 3
الزبده اذا خايف ندعي عليه تالي الليل يسهل الاساله ولايجيب بين السطور لان جدتي دعوتها وحده بوحده |
رد: دكتور محمد دليم القحطاني شوضعه من جرب ؟
يارب سهله تفائلو بالخير ..
|
رد: دكتور محمد دليم القحطاني شوضعه من جرب ؟
استغفرالله العظيم اتركو الخلق للخالق
بنجتهد ونذاكر ونسوي اللي علينا واللي الله كاتبه بيصير |
رد: دكتور محمد دليم القحطاني شوضعه من جرب ؟
مادة ماهي سهلة ..
والدكتور ما يكرر الأسئلة إلا 5 أسئلةفقط وأسئلته واضحة ومباشرة وما فيها تعقيد .. بس ... قليل يكرر الأسئلة |
رد: دكتور محمد دليم القحطاني شوضعه من جرب ؟
اقتباس:
الله يحفظها لكم |
رد: دكتور محمد دليم القحطاني شوضعه من جرب ؟
الله يوفق الدكتور ويرزقنا على نيتنا
ولكل مجتهد نصيب :) >> للمعلوميه مابعد افتح الماده الله يستر ما اغير كلامي بعدين :71: |
رد: دكتور محمد دليم القحطاني شوضعه من جرب ؟
استعينو بالله ومافي شئ يجي من غير تعب ولكل مجتهد نصيب وربي مراح يضيع اجر الي يذاكر وتوكلو على الله وذاكرو ولاتضيعون وقت.... :)
وان شاء الله انه طيب وسلس في صياغه الاسئله ويراعي الفروق الفرديه والظروف الاجتماعيه ... |
رد: دكتور محمد دليم القحطاني شوضعه من جرب ؟
ان شاء الله الدكتور يسهل الاسئلة لاني احس كذا من تابعته بتويتر لقيته جداً مثقف ورائع
وان كانه بيصعب الاسئلة ما اظنه بيستفيد شي لان اهم ماعنده هو غير اننا نفهم المادة فقط ويارب يكون زي ما قلت يايايايايايايارب |
رد: دكتور محمد دليم القحطاني شوضعه من جرب ؟
ذاكروا وتوكلوا على الله
|
رد: دكتور محمد دليم القحطاني شوضعه من جرب ؟
اقتباس:
|
رد: دكتور محمد دليم القحطاني شوضعه من جرب ؟
نصيحة
زميلكم من مستوى سادس الترم اللي فات ماكرر الاسئلة الا خمس اسئلة حتى بصيغة ثانية ركزو على المحتوى مايمنع من الاظلاع على الاسئلة لمقرر المادة بس لاتعتمدو عليها المحتوى اهم خصوصاً من المحاضرة الثامنة للثالثة عشر وبالتوفيق أن شاء الله |
رد: دكتور محمد دليم القحطاني شوضعه من جرب ؟
السلام عليكم من خلال القائه للمحاضرات يتضح لي انه دكتور يبغى مصلحة الجميع ويركز على ان الطلبة يستفيدون ووجهه وجه خير من جد أتكلم. اللي علينا ان نحن نراجع ونؤدي اللي علينا وكل شيء بيد الله. تعلموا لأنفسكم وليس للنجاح فقط.
|
رد: دكتور محمد دليم القحطاني شوضعه من جرب ؟
بالفصيح العربي الدكتور مثقف والله يستر بصراحة المادة معلومات فقط بس لانها كثيره المعلومات فهنا الصعوبه بس بالتوفيق للجميع والله الله برفع الطاقة الايجابية واليوم الجمعه لا تنسوا الصلاه على النبي اللهم صلي وسلم عليه وقرات سوره الكهف
|
رد: دكتور محمد دليم القحطاني شوضعه من جرب ؟
يالله انك تسهل علينا الاختبار والله الماده مو راضيه تثبت في مخي وش السوات ياجماعه كلها دش معلومات وكلها قريبه من بعض
ياااااااااااااااااارب سهل علي وع كل الطلاب والطالبات الاختبارات ووفقنا في ذي الساعه المباركه من يوم الجمعه قووولوووا امين |
رد: دكتور محمد دليم القحطاني شوضعه من جرب ؟
اللهم امين والله ما قد فتحت المادة للحين
|
رد: دكتور محمد دليم القحطاني شوضعه من جرب ؟
قريت المادة
والله ما توقعتها كذا احسبها سهله طلعت الماده دسمه لايستهان بها |
رد: دكتور محمد دليم القحطاني شوضعه من جرب ؟
صراحة انا درست عنده ادارة الاعمال الصغيرة
واسئلتة متوسطه وما قصر وهو قال ان ادارة الاعمال الدولية فيها معلومات كثير واصعب من ادارة الاعمال الصغيرة يعني يبلها تعب وتركز اكثر وصراحة حنا مقصرين ما نذاكر الا اخر الايام الرجاء من الاخوة والاخوات عدم الدعاء علي احد مهما كان ادعوله بالهدايه اذا كان مقصر الله يوفق الجميع اخوكم ابو فهد |
رد: دكتور محمد دليم القحطاني شوضعه من جرب ؟
الله يوفق الجميع
|
رد: دكتور محمد دليم القحطاني شوضعه من جرب ؟
السلام عليكم اجمعين
طيب هل تنفع اني اذاكر الملخص او اسئلة كل محاضره فيدوني يا اخوان |
رد: دكتور محمد دليم القحطاني شوضعه من جرب ؟
اذا احد عنده ملخص يحطه الله يعطيكم العافيه
|
رد: دكتور محمد دليم القحطاني شوضعه من جرب ؟
وعليكم السلام اخوي محمد
انا معي ملخص فهد وتبويب الاسئله واسئله الدفعه الماسيه اقراء كل محاضره واسئلتها عيت تدخل مخي يارب عونك بس والله يوفقك وييسر لنا كلنا |
رد: دكتور محمد دليم القحطاني شوضعه من جرب ؟
بصراحة المادة صعبة و فيه كثير من التشابه بالمصطلحات ما اقول الا الله يعديها على خير :mh12:
|
رد: دكتور محمد دليم القحطاني شوضعه من جرب ؟
سبحان الله بعض دكاترة الجامعة يحس اننا اعدائه ويبي ينتقم مننا وعمرهم مايقدمونه وضع الطالب وغير ان احنا نملي نموذج ان احنا موظفين وبعض الشركات ماتساعدنا وغيرها نكون زوجات وأمهات وفوق هذا موظفات لكن فوقها هذا مافي مراعاة الله يعينَّا وكلنا امرنا لربع العالمين
|
رد: دكتور محمد دليم القحطاني شوضعه من جرب ؟
اقتباس:
|
رد: دكتور محمد دليم القحطاني شوضعه من جرب ؟
قد خذيت مواد ل محمد بن دليم وكان متعاون ان شاء الله يتعاون ممعنا ب هالماده ان شاء الله
|
رد: دكتور محمد دليم القحطاني شوضعه من جرب ؟
في اثنين من المدرسين
المثقف:يختبر فهمك للمادة نفسها ويعطيك اسهل تعريف للشيء لتفهمه كما هو المنحوس:يختبرك في فهم فقط بطريقة صياغة سؤاله بشكل تحدي وتظليل وانت لاتفهم السؤال ولاتصل لأسهل طريقة لفهم المحتوى كما هو اما محمد دليم القحطاني حسب نقاشه فهو انسان مثقف ومثقف جداً ويحب اننا نفهم مادته ويحب ان يفيد الطلاب مش بس على مستوى الجامعة بل حتى غير الجامعة لذلك ان شاء الله مفي خوف |
رد: دكتور محمد دليم القحطاني شوضعه من جرب ؟
بغيت اقول اللهم سهل ولادتي عقب ماقريت عن الدكتور دليم وتخويفهم لنا وزوجتي هي الحامل
:hahahahahah::hahahahahah::hahahahahah::hahahahaha h: ياشباب وياشابات خلونا نكون واقعيين اغلب اللي دخلوا الجامعة وانا واحد منهم يهمنا النجاح فقط ولا تهمنا الدرجات العالية ولافهم المادة ولا يختلف عليها اثنين .. اما بخصوص ان الدكتور يهمه فهم الطلاب له فهذا يكون للانتظام فقط اما الانتساب قليييييل منهم تهمهم المعلومات ودرجات عالية ونسب مرتفعه اتمنى الدكتور يغمض عيونه مايشوف مشاركتي هذي :mh35::mh35::mh35: يقولون فيه ذكتور جاب اسألة نفس اسألة الترم الماضي وجاه جيب لكزس 2016 هدية :d5: |
| All times are GMT +3. الوقت الآن حسب توقيت السعودية: 02:35 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام