شرح استكمال اجراءات التخرج ..
 

السلام عليكم ورحمة الله وبركاته

اسعد الله جميع اوقاتكم بكل خير اخواني اخواتي

والله يجعل ختامها مسك لنا ولكم ويفرحنا بالتخرج

راح اشرح لكم طريقة استكمال اجراءات التخرج مع الصور والتوضيح

اولا الدخول على الخدمات الطلابية ثم ايقونة اجراءات التخرج

وراح تفتح معنا الصفحة التالية نضغط على الي باللون الازرق لتنزيل الملف الي فيه النموذج

http://store2.up-00.com/2016-02/145650685567986.png


النموذج راح يكون بالشكل التالي والاهم هي البيانات الرقم الجامعي و رقم الهويه والاسم رباعي عربي

والاسم رباعي انجليزي وتاريخ الميلاد ومكان الميلاد و رقم الجوال والايميل بالنسبة لصندوق البريد

ان وجد كذالك الكلية والتخصص و عدد الساعات المكتسبة وعدد الساعات المسجلة في هذا الترم

كذالك فصل التخرج الي هو الفصل الثاني للعام الدراسي 1436 / 1437

http://store1.up-00.com/2016-02/145650736094446.png

http://store1.up-00.com/2016-02/145650698793466.png

بعد تعبية النموذج وهو بصيغة وورد يتم رفعة بنفس الصيغة وورد بعد حفظ الملف عندكم على الجهاز

تروحون لختيار ملف النموذج مثل الصورة التاليه وبعد اختيار ملف النموذج تختارون صورة البطاقة من الخيار

الثاني . كذالك الي عنده جواز سفر يرفق فقط الصفحة الي فيها الاسم بالعربي والانجليزي

طبعا مايحتاج تروحون لمكتبه صورو البطاقة بالجوال اهم شي تكون الصوره واضحه واحفظوها على

الجهاز وبعدين ارفعوها للموقع

http://store2.up-00.com/2016-02/145650744793036.png


الان بعد ما اخترنا الملفات مثل الصورة التاليه نضغط حفظ


http://store1.up-00.com/2016-02/145650773472536.png



راح يجينا مثل الصورة التاليه ننتظر لحظات ..

http://store1.up-00.com/2016-02/145650777558426.png


ثم بعد ذالك راح يجينا مثل الصورة التالية تم حفظ البيانات بنجاح ننتظر لحظات


http://store1.up-00.com/2016-02/145650788829856.png


والان اصبح عندنا كل شي جاهز مثل الصورة التالية

كل ملف تقدرو تدخلو عليه وتتاكدو منه

http://store1.up-00.com/2016-02/145650798217546.png


بالنسبة للتوقيع الي يقدر يوقع على ورقة خارجية ثم يقوم بتصوير التوقيع وارساله صوره

للكمبيوتر ثم التعديل عليه بواسطة الرسام واضافته للملف بعد تصغيره


بالتوفيق لكم جميعا . ولا تنسون والدتي من دعواتكم واموات المسلمين

رد: شرح استكمال اجراءات التخرج ..
 

الله يجزاك خير ويخليلك والدتك ويرزقك برها

رد: شرح استكمال اجراءات التخرج ..
 

الله يرحمها ويغفر لها واموات المسلمين

رد: شرح استكمال اجراءات التخرج ..
 

صارت معي حاجة غريبة بعد ما رفعت كل شي وبغيت اشيك على الملفات طلعت بطاقة الاحوال في مكان جواز السفر واعدت رفع الملفات نفس الحكاية الجوار تطلع صورة البطاقة والبطاقة والنموذج كلهم اوك الا الجواز ... احد صار معه نفس الشي؟

رد: شرح استكمال اجراءات التخرج ..
 

شكرا الجارح بجد محتاجين مثل هالشرح
بس بسالك
انا مافتحت الايقونه
لان بفهم اول
الحين هو يكون ملف وانزله ع جهاز الكمبيوتر واطبع واعبي بعدين اسوي اسكنر ؟!!!
والكرت او الهويه نسوي لها سكنر ونضيفها لنفس الملف ولا لوحدها
واشوف الاغلب يرفعه بملف بي دي اف وانت تكلم بالوورد :verycute: ولا انا مخربطه ؟
والف شكر لك والله يرحم والدتك ووالدي وجميع موتى المسلمين ويجمعنا فيهم بجنات النعيم ~

رد: شرح استكمال اجراءات التخرج ..
 

رد: شرح استكمال اجراءات التخرج ..
 

رد: شرح استكمال اجراءات التخرج ..
 

رد: شرح استكمال اجراءات التخرج ..
 

غير مستغربه منك يا اخي الجارح والله كنت منتضر شرحك وجزااك الله عنا الف خــير ورحم الله امك وامهات المسلمين واسكنهم الفردوس الاعلى من جنته. والله اللسان يعجز عن شكرك.

رد: شرح استكمال اجراءات التخرج ..
 

جزاك الله خير اخي الجارح ورحم الله والدتك وجمعك الله بها في جنانه

رد: شرح استكمال اجراءات التخرج ..
 

بخصوص رفع النموذج ما ضبط معي الرفع الا بطريقة الرفع بالسكنر كا صوره ثم قص بالرسام ثم لصق بالوورد

رد: شرح استكمال اجراءات التخرج ..
 

الله يرحمها ويجعل قبورنا وقبرها روضه من رياض الجنه. انا دخلت علي استكمال اجراءات التخرج مكتوب غير مصرح لك الدخول وش الوضع وش الحل مع العلم اني المستوي الثامن وكل الساعات منزلها ما باقي لي شي

رد: شرح استكمال اجراءات التخرج ..
 

بيض الله وجهك يا ابو اريام ما منك قصورافضالك كثيرة علينا
جعلها ربي في موازين حسناتك


الله يغفر لوالدتك ويرحمها برحمة الواسعة
ويغفر لأموات المسلمين والمسلمات

رد: شرح استكمال اجراءات التخرج ..
 

الله يعطيك العافيه يالجارح ماقصرت ..
والله يرحم والدتك ويغفر لها وجميع موتى المسلمين
يثبت

رد: شرح استكمال اجراءات التخرج ..
 

ملف الجواز معطوب لا يعمل او ينزل لك بطاقة الاحوال

وش السالفة

هل هو ضروري والا اكتب الاسم اللي ابغا

رد: شرح استكمال اجراءات التخرج ..
 

ياخوي هبل فيني كل ما احمل صورة الجواز وارجع اشيك يعطني صورة بطاقة الاحوال

رد: شرح استكمال اجراءات التخرج ..
 

هي استمارة تطبعينها وتعبينها وتوقعين عليها بعدين تسحبينها سكان وتخلين صيغتها وورد بعدين تصورين كرت العائلة بالجوال او السكانر واذا عندك جواز وحابه ترسلين صورته براحتك مو الزامي بعدين وقت رفع الاوراق النموذج لها خانة لحالة وكرت العائلة له خانة لحالة والجواز كذلك ... انتي افتحي الايقونة وحملي النموذج وبعدين اضغطي متابعة وراح تشوفين كل شي وراح تفهمين

رد: شرح استكمال اجراءات التخرج ..
 

وشلون نرفع النموذج تكفون وورد ولا بي دي اف

رد: رد: شرح استكمال اجراءات التخرج ..
 

الاستمارة / صورة الاستمارة بصيغة صورة ثم تضع داخل الوورد

البطاقة الاحوال او كرت العائلة / صورة عادية

.................


بي دي اف يقبل لكن عند الاطلاع لا تفتح

رد: شرح استكمال اجراءات التخرج ..
 

يعطيك العافيه

رد: شرح استكمال اجراءات التخرج ..
 

مشرفتكم تبي تسألكم ..

الان النموذج نعبيه بخط اليد او بالكمبيوتر ؟

رد: شرح استكمال اجراءات التخرج ..
 

اعتقد والله اعلم بما ان الجامعة حطته بصيغة وورد يبغونه بالكمبيوتر نعبيه ولكن ما قالوا شي انه لازم كمبيوتر او باليد ... انا عن نفسي عبيته بالكمبيوتر لان خطي :mh12: قريب من اللغة الصينية :lllolll:

رد: شرح استكمال اجراءات التخرج ..
 

الله يجزاك خير ويجعل هالشرح والخدمات اللي تقدمها في موازين حسناتك ،، ويرحم الوالده ويغفر لها ويجعل قبرها روضه من رياض الجنه ،،، وسلامت خواطركم ،

رد: شرح استكمال اجراءات التخرج ..
 

رد: شرح استكمال اجراءات التخرج ..
 

جزاك الله خيرا يالجارح

عادي نحوله بي دي اف

رد: شرح استكمال اجراءات التخرج ..
 

الله يجزاك خير يالجااااارح هل يخص المتخرجين او المستوى الثامن لاني مستوى ثامن ومالقيت ايقونه التخرج

رد: شرح استكمال اجراءات التخرج ..
 

انا جنني التوقيع كل شي تمام حتى التوقيع ضبطتة يوم جيت الصقه بالورقه مايلصق
ايش العمل

رد: شرح استكمال اجراءات التخرج ..
 

رد: شرح استكمال اجراءات التخرج ..
 

وعليكم السلام ورحمة الله وبركاته


جزاك الله خير الجزاء يالجارح .. سبّاق دوما لكل
مافيه خدمه للرواد ... رحِم الله والدتك وجميع
موتانا وموتى المسلمين ... شكرآ لك

وبالتوفيق

رد: شرح استكمال اجراءات التخرج ..
 

الله يجزاك خير ورحم الله والدتك واسكنها فسيح جناته

رد: شرح استكمال اجراءات التخرج ..
 

رد: شرح استكمال اجراءات التخرج ..
 

ادرجي مربع نص في مكان التوقيع بعدها ادرجي التوقيع داخل مربع النص
بعد ذالك من خصائص مربع النص اخفي خطوط مربع النص


اتمنى شرحي واضح

رد: شرح استكمال اجراءات التخرج ..
 

رد: شرح استكمال اجراءات التخرج ..
 

بارك الله فيكم .. وجزاكم الله خيــر

سؤال : جواز السفر مكتوب اسم القبيلة بالإنجليزي خطأ
هل اكتب في النموذج اسم القبيلة مثل اللي بالجواز او أغيرهـ

تحياتي للجميع ..

رد: شرح استكمال اجراءات التخرج ..
 

اللي بيعبّون الورقة بالكمبيوتر مايبيلها انك ترفق صورة لتوقيعك

اطبعو الورقة ووقعو ثم ارجعو ارفعوها سكنر .. افضل لكم كذا

رد: شرح استكمال اجراءات التخرج ..
 

وفيك يارب .. اكتبه مثل ماهو مبدئياً الا اذا قدامك وقت تروح تعدله بالجواز حتى بعدين لاجددت جوازك ماتضطر تخاطب الادارة حقت الجامعة بالتعديل ..


على كلاً سالفة الجواز والاسم يحطونها اجراءات احترازية للي يروحون ابتعاث في جامعات اجنبية .. اذا مالك نيه لماستر خارجي حط مثل الجواز وتوكل على الله

رد: شرح استكمال اجراءات التخرج ..
 

للخريجين اللي ماتبقّى لهم مواد وهذا اخر ترم

رد: شرح استكمال اجراءات التخرج ..
 

بارك الله فيك
الله يرحم والدتك ويغفر لها ويرحم جميع أموات المسلمين

رد: شرح استكمال اجراءات التخرج ..
 

رد: شرح استكمال اجراءات التخرج ..
 

ماعندك مشكله بس المهم يكون واضح الخط ..

انا بعد فضلت اني اعبيها بيدي وارفعها لهم

رد: شرح استكمال اجراءات التخرج ..
 

رد: شرح استكمال اجراءات التخرج ..
 

انا ما يفتح معي ايقونة استكمال التخرج يقول غير مصرح لك وانا خريج اخر ترم ان شاء الله بس عندي ماده متعارضه وسجلتها ونزلوها لي بالافتراضي بس بالسجل ما نزلوها وش الحل الي يعرف يفيدني الله يجزاكم خير ردو علي ضروري

رد: شرح استكمال اجراءات التخرج ..
 

الاخوان الي عندهم تعارض لازم يتم تحديث السجل الاكاديمي ويتم اضافة الساعات

الي متعارضة ضمن خطة هذا الترم وراح تقبل الايقونه اكمال البيانات

فقط انتظرو التحديث

وبالنسبة للايقونه الخاصة باستكمال بيانات التخرج مالها وقت محدد للاغلاق

يعني ممكن تستمر الى وقت الاختبارات

رد: شرح استكمال اجراءات التخرج ..
 

الف شكر لك اخي الجارح ...

رد: شرح استكمال اجراءات التخرج ..
 

انا كل شي اضفته وجاء عند ملف علامة صح
وعند الحفظ تم الحفظ بنجاح وبعد ذالك قمت بفتح ملف الاستماره وفتح معااي وكمان الهويه الا ملف الجواز ابغى افتح مو راضي وجرب اكثر من مره باضافة الملف ونفس الحاله مو راضي يفتح الملف

رد: شرح استكمال اجراءات التخرج ..
 

:mh12

رد: شرح استكمال اجراءات التخرج ..
 

ربي يسعدك ويكتب اجرك

رد: شرح استكمال اجراءات التخرج ..
 

تسلم يمينك أخوي الجارح وأتمنى لكم تخرجا موفقا

رد: شرح استكمال اجراءات التخرج ..
 

هل نقوم بتعبئة الاستمارة بخط اليد ... او لازم طباعة !

رد: شرح استكمال اجراءات التخرج ..
 

اخوي خريج الترم اللي فات وكتبها بخط اليد ، وانا حسيت افضل بخط اليد بعد لان كتابة الكمبيوتر صعبه شوي خصوصا في تعبئة السجل المدني او يبيلك تمسح المربعات وتعدل شوي عليها .. بجميع الاحوال تمشي لكن فضلت خط اليد حسب تجربة ناس كثير اعرفهم

رد: شرح استكمال اجراءات التخرج ..
 

الان سحبت النموذج وقمت بتعبئتة بخط اليد .. ثم ادخلته الاسكنر راح تطلع الاستمارة على شكل صوري

اعطاني الكمبيوتر ثلاث صيغ ... PDF / TiFF / JPEG ...!!

الاخ الجارح يقول ///


ياكرهي للتقنية .... :oao:

رد: شرح استكمال اجراءات التخرج ..
 

jpeg عشان يحفظه لك ك صوره بعدين تفتح الوورد وتضيفها ،

رد: شرح استكمال اجراءات التخرج ..
 

ملف اجواز مو راضي يفتح معاي

رد: شرح استكمال اجراءات التخرج ..
 

انا بعد دقرت لي سالفه المربعات
بس قلت ايش يعني بخليه كتابه كمبيوتر ومرتب ذبحني التنسيق 🙈
المهم انا مدري حاسه ان عندي شي خطا
الحين اذا عبيتها بخط الكمبيوتر ارفق الملف زي ماهو وورد
مايحتاج يعني نطبع وندخله مره ثانيه صح :verycute:
:mh12:

رد: شرح استكمال اجراءات التخرج ..
 

ما قصرت كفيت ووفيت

رد: شرح استكمال اجراءات التخرج ..
 

ياحبايبنا عندي مشكله هي اني حملت كلشي مضبوط ويطلع صح عند التحميل ولكن مايكتمل التحميل تجلس تلف حقت التحميل يمكن نص ساعه ومايتحمل نهائيا

رد: شرح استكمال اجراءات التخرج ..
 

الاهم ان توقيعك موجود ..
اذا عبيتيه كمبيوتر اطبعيه ووقعي ثم ارفعيه سكنر ك صوره وارفقيها بملف وورد وارفعيها للخدمات الطلابيه

رد: شرح استكمال اجراءات التخرج ..
 

خط اليد اسهل

الا البيانات اللي فوق وش وضعها
الرقم / التاريخ / المرفقات؟؟

رد: شرح استكمال اجراءات التخرج ..
 

يسعدك منول تمام فهمت عليك :love080:

رد: شرح استكمال اجراءات التخرج ..
 

الله يسعدك ويوفقك ويجمعك بوالدتك بالفردوس الأعلى بدون حساب او سابق عذاب يارب

رد: شرح استكمال اجراءات التخرج ..
 

صوره الجواز ماتفتح معي يقول خطأ

رد: شرح استكمال اجراءات التخرج ..
 

عندي مشكله بصورة الجواز فقط رفعت الصورة
ولكن ما تفتح معي
باقي الملفات تمام

هل المشكله عامه او عند البعض فقط

رد: شرح استكمال اجراءات التخرج ..
 

الله يعطيكم العافيه عدلت على النموذج وابي احذف النموذج الاول واحط الجديد بعد التعديل وشلون احذفه

رد: شرح استكمال اجراءات التخرج ..
 

رد: شرح استكمال اجراءات التخرج ..
 

الرقم والتاريخ والمرفقات وش نكتب فيها ؟

الساعات المكتسبه لاداره الاعمال كم دفعه 213 ؟؟


كيف احذف المربعات اللي بالسجل الاكاديمي ؟؟


وشكرا

رد: شرح استكمال اجراءات التخرج ..
 

لا عادي اكتبي الاسم بالانجليزي مثل ماتبيه ينكتب لك بالشهادة

رد: شرح استكمال اجراءات التخرج ..
 

الرقم والتاريخ والمرفقات تركتهم فاضين :064:

الساعات المكتسبة ادخلي على السجل الاكاديمي
واخر شي بتطلع لك الساعات المكتسبة التراكمية

رد: شرح استكمال اجراءات التخرج ..
 

الجواز مو راضي يتحمل وغيرت الصيغة نفس المشكلة :(177):

رد: شرح استكمال اجراءات التخرج ..
 

بس تحملي النموذج الجديد القديم ينحذف تلقائي

رد: شرح استكمال اجراءات التخرج ..
 

مافهمت اخر شيء ؟؟ فيه كثير مكتسبه تراكميه ::(((

رد: شرح استكمال اجراءات التخرج ..
 

اخر شهاده لك الي الترم الاول :060:

رد: شرح استكمال اجراءات التخرج ..
 

تقصدين اخر الشيء الترم الاول .. التراكميه فيه معتمده ومكتسبه ونوعيه ؟؟ اخذ التراكميه المكتسبه ؟؟

رد: شرح استكمال اجراءات التخرج ..
 

رد: شرح استكمال اجراءات التخرج ..
 

صح :d5:

رد: شرح استكمال اجراءات التخرج ..
 

الله يجزاك الجنه :rose:

رد: شرح استكمال اجراءات التخرج ..
 

في مشكله عند تحميل صورة للجواز اذا فتحتها تطلع صورة الهوية ومرات مافي شي

رد: شرح استكمال اجراءات التخرج ..
 

نعم انا مثلك
اعتقد فيه مشكله في النظام

رد: شرح استكمال اجراءات التخرج ..
 

يعطيكم العافيه افادني كثير

رد: شرح استكمال اجراءات التخرج ..
 

جزاك الله خير

عملت نفس خطواتك وجاني تم الحفظ بنجاح

رد: شرح استكمال اجراءات التخرج ..
 

اتوقع له دخل في المتصفح الي تستخدمينه او شبكة النت
انا استخدمت كروم وماخذ مني عشر دقايق

رد: شرح استكمال اجراءات التخرج ..
 

تم رفع استمارة التخرج وبطاقة الاحوال وجواز السفربعد الحفظ شيكت على الملفات كلها اوكي ما عدا جواز السفر يفتح لي صورة فارغة
ايش الحل بالعلم رفعتها اكثر من مره ونفس المشكلة ؟

رد: شرح استكمال اجراءات التخرج ..
 

كل شي تمام معي الا صورة الجواز
حملته pdf
word
ما ضبط معي

رد: شرح استكمال اجراءات التخرج ..
 

نفس مشكلتكم بالجواز : رفعته صح واذا فتحت الملف تطلع الهوية الوطنية !!

شكلي بحط البطاقة والجواز في ملف واحد بي دي اف وارفعها مرتين !!

رد: شرح استكمال اجراءات التخرج ..
 

سسسوال/// صندوق البريد ضروري او لا ؟؟؟ بليز ردو ماعندي؟؟

رد: شرح استكمال اجراءات التخرج ..
 

طيب بالنسبه للتوقيع انا توقيعي كل مره يطلع شكل عادي ولا لا يعني توقيعي خربوطي

رد: شرح استكمال اجراءات التخرج ..
 

رد: شرح استكمال اجراءات التخرج ..
 

لا مو ضروري

رد: شرح استكمال اجراءات التخرج ..
 

رد: شرح استكمال اجراءات التخرج ..
 

- الساعات المكتسبه من غير هذا الترم يعني اطرحي منها ساعات الترم هذا ..

- وبالنسبه للملف اساسا مايقبل النظام غير الوورد ، بي دي اف بيرفضه فوراً ..
موفقه يارب

رد: شرح استكمال اجراءات التخرج ..
 

متى اخر موعد للرفع ؟



واذا مارفعت اتخرج والا لا << امززززح هههه


الصدق عاد والله متى اخر موعد للرفع ؟

رد: شرح استكمال اجراءات التخرج ..
 

جزاك الله ووالديك الفردوس الاعلى

رد: شرح استكمال اجراءات التخرج ..
 

شكل جواز السفر المشكله من عندهم لان الاغلب عنده نفس المشكله

رد: شرح استكمال اجراءات التخرج ..
 

رد: شرح استكمال اجراءات التخرج ..
 

رد: شرح استكمال اجراءات التخرج ..
 

انا ماعندي جواز سفر ....اضع صح على مربع لايوجد جواز سفر بالنموذج وخلاص ؟؟

وبالنسبة لبطاقة الهوية ...اصورها بدون حجب لوجهي او عادي ؟؟

رد: شرح استكمال اجراءات التخرج ..
 

يوم حطيت الجواز والهويه طلع لي في المربع اكس احمر والنموذج صح اخضر

مدري ليش وش مشكله الجواز والهويه ليه يطلع لي اكس احمر ؟

ويعطيك العافيه

رد: شرح استكمال اجراءات التخرج ..
 

جزاك الله خير ع الشرح
ورحم الله والدتك وجميع موتى المسلمين

طيب انا عندي جواز بس منتهي احط صح بالمربع او لا ؟
وبعد الهويه احط الخاصه فيني او احط بطاقة العائله ؟

رد: شرح استكمال اجراءات التخرج ..
 

رد: شرح استكمال اجراءات التخرج ..
 

ماظبط معي كملف صورته بالجوال وارفقته وتمام ظبط

رد: شرح استكمال اجراءات التخرج ..
 

ايوه عادي سويت كذا :mh12: