|
تظلم نظم المعلومات
الاسالة صعبه وصحيح جاب كم سؤال من اسالة العام لاكن الاغلب انها معقده وفيها لف ودوران
وهذي صيغه تظلم صيغة مقترحة : اتقدم لكم بتظلمي هذا آملا النظر فيه بعين الانصاف،بخصوص مادة نظم المعلومات الادارية حيث كان الانطباع غير جيد في الاختبار لتشابه الاجابات وصعوباتها الامر الذي تسبب في تشتيت المعلومة وفقدان التركيز بالرغم من المذاكرة والاستعداد الجيد للمادة ، آمل التلطف بإعادة النظر ومراعاة ذلك والله يرعاكم |
رد: تظلم نظم المعلومات
انا اشوف ماله داعي التظلم والله سهله الاسئله وانا ماذكرت
|
رد: تظلم نظم المعلومات
فعلا الاسئله كانت واضحه وحلوه
|
رد: تظلم نظم المعلومات
ياجماعه كيف تقولون سهله
انا مذاكر الملخص الدفعه الماسيه وكويزات الي بالمنتدى والاسئلة صعبه وفيها لف ودوران بعد |
رد: تظلم نظم المعلومات
لاولله فيها ولف ودوران
8 اسئله الاختبيارات نسخ ولصق لكل سؤال ليش كذا عشان يشتت المعلومات غصب تخبص فيها |
رد: تظلم نظم المعلومات
الله يعدي هالترم ع خير
|
رد: تظلم نظم المعلومات
لحظت اسئلته متشابهه وبعضها تحس ملفقها بس عشان يمشي الوضع لكن في اسئله بصراحه كثيره سهله واغلب اسئله الاجوبه موجوده بنفس السؤول وموضح لك الصيغه للسؤوال والجواب في الاختر لكن الاه يعديها ع خير هي وغيرها بالتوفيق
|
رد: تظلم نظم المعلومات
المادة دسمه ويبغالها مذاكره جيده بس اسئلة الدكتور كانت متوسطة الصعوبه واذا كان يبي يعقدها ماحد نجح فيها تمنياتي للجميع بالنجاح
|
رد: تظلم نظم المعلومات
الاسئله كانت حلوه والله :106:
|
رد: تظلم نظم المعلومات
انا الان بمستوى سادس ..
وبحكم خبرتي التظلم ماراح يقبلونه أبدا بالشكل هذا ! مايقبلون التظلم الا لأسباب مقنعه ومنطقيه مثل : 1-سؤال لا توجد له اجابه 2- سؤال توجد فيه كلمة خطأ تغير معنى السؤال بأكمله لا وبعد متشددين في التظلم الترم الماضي رفعت مايقارب 4 مقررات تظلم وبنفس الاسباب اللي ذكرتها لك ولا حياة لمن تنادي الا مره وحده بس اللي قبلوا فيها التظلم بالتوفيق |
رد: تظلم نظم المعلومات
والله كانت صعبه حسبي الله عليه
|
رد: تظلم نظم المعلومات
رايي من ناحية التظلم نرفعه للاسباب التاليه
1/ عدم شمولية الاسئله للمقرر 2/ التركيز كان على 3 الى 4 مواضيع فقط من اصل المقرر 3/ ملاحظة تكرر نفس الاجوبه ( الخيارات) في الاسئله واعتمادها على الصيغ اللغويه وعدم الوضوح فالاسئله،، اتوقع ان هالاسباب بتكون مقنعه خصوصا انها ماكانت شامله للمقرر لان اهم شي في وضع الاسئله تكون شامله مع احترامي للزملاء اللي كان الاختبار سهل عندهم ليه تقولون ماله داعي والله لو ان واحد فيكم تعثر فالحل مثلنا والله ان يكون اول واحد مؤيد لرفع التظلم على الاسئله انتم ماراح تخسرون شيء اما كونو معنا وعطونا اسباب مقنعه في التظلم والا لاتقولون ماله داعي تاكدو ماراح تضررون من التظلم اللي بنرفعه .. بعدين بما اننا جبنا العيد وبنحمل المقرر وش بنخسر اذا رفعنا التظلم يقول المثل العيار اللي مايصيب يدوش ،، وان شاء الله يصيب معنا تحياتي للجميع |
رد: تظلم نظم المعلومات
اقتباس:
|
رد: تظلم نظم المعلومات
الاجوبة متشابهة مره وتخربط ما حط شيء واضح !
|
رد: تظلم نظم المعلومات
انا اشوف ان اسئلته لا صعبه ولا سهله يبغالها واحد فاهم ومركز يعني اسئلته اسئلة ذكاء بصراحه والي مذاكر زين وبتركيز بيحل بسهوله ماراح يقول صعب والتظلم ترا مو ع اي شي ترفعون تظلم لان محد بيسمع لكم اذا ماكان الشي يستاهل التظلم ..والدكتور حر باختياره للاسئله حتى لو ركز ع اشياء معينه الي مذاكر بيحل والي ماذاكر اكيد بيقول صعب مو شرط يجيب كل الاسئله من كل مكان لان ع كذا يبغاله اكثر من 50 سؤال واذا ع كلامكم مفروض جاب اسئله شامله من كل المنهج هذا دليل انكم ذاكرتو كل المنهج ليه اجل تقولون صعب !!! لانكم اساسا ماذاكرتو كل شي لان لو مذاكرين كل شي ماقلتو صعب لاحد يقول صعب وهو ماذاكر الا قليل .. بالعكس هو سوا كذا وماجاب من كل شي عشان مايصعب علينا وحاول يجيب اكثر من سؤال بنفس الجزئيه عشان تسهل علينا مثال الافقيه اللا مركزيه المرونه 3 اسئله جابها من مكان واحد وهالشي جميل لانه عارف اننا مرينا عليها ورا بعض وقريناها وركزنا فيها وبجد الله يجزاه خير ركز ع اشياء بنفس الجزئيه وماجاب اشياء صعبه ومن نص السطور كل اسئلته عن نفسي اشوفها سهله للي مذاكر كويس ومركززززز مع اني ماذاكرت الا اسئلة الملزمه الاعوام وحليت الي اعرفه ولا حليت كويس بس كلمة الحق تنقال اسئلته ابد ماتعتبر صعبه وكثير متكرره من اسئلة الاعوام وبعضها الحل لو تركزون موجود بالسؤال نفسه وماله داعي تدعون عليه ولو غيره كان بجد صعب الاسئله ولا عرفتو تحلون شي قولو الحمدلله بس انها جت ع كذا .
|
رد: تظلم نظم المعلومات
لاااا ماله دااعي التظلم ... الأسئله واضحه وجدااااا سهله ربي ييسر عليه
|
رد: تظلم نظم المعلومات
انا رسبت عنده مرتين .. كانت اسئلته واضحه بس الغلط مني أنا ، ما ذاكرت ، الا متأخر مره .. واخذتها هالمره وذاكرت ، والحمدلله احس حليت . اسئلته كانت واضحه ، وفيه بعضها السؤال يدلني لجواب .. بالتوفيق لكم والله ييسسر اموركم ، وعن نفسسي ما راح ارفع تظلم ، واعتذر منكم :rose::rose: |
رد: تظلم نظم المعلومات
اقتباس:
بس صحيح اسئلته في هالترم افضل من قبل سنه ونص لما حملتها عنده .. اجلتها سنه ونص ع اساس يتغير ولا تغير .. والحمدلله ع كل حال النجااح مضمون لكن كنت اتمنى درجة كويسه ترفع معدلي شوي |
رد: تظلم نظم المعلومات
اقتباس:
صح كلامك .. وهالترم حسيته اسسهل بصراحه .. الله يوفقك يا رب :rose: |
رد: تظلم نظم المعلومات
انا معاكم بالتظلم ،
انا حفظت الاسئلة حقت الاعوام السابقة والكويز ال 70 سؤال و4 نماذج سابقة ولاجاء منها الا كم سؤال !!! والاختبار ركز على جزئية معينه من المنهج والباقي خلاه !!! والله افكر احول تخصصي. علم اجتماع يقولون اسهل !!! الله يعين بس ويوفقنا ، |
رد: تظلم نظم المعلومات
اتقدم لكم بتظلمي هذا آملا النظر فيه بعين الانصاف،بخصوص مادة نظم المعلومات الادارية حيث كان الانطباع غير جيد في الاختبار لتشابه الاجابات وصعوباتها الامر الذي تسبب في تشتيت المعلومة وفقدان التركيز
1/ عدم شمولية الاسئله للمقرر 2/ التركيز كان على 3 الى 4 مواضيع فقط من اصل المقرر 3/ ملاحظة تكرر نفس الاجوبه ( الخيارات) في الاسئله واعتمادها على الصيغ اللغويه وعدم الوضوح فالاسئله،، تم الارسال |
رد: تظلم نظم المعلومات
,
لازم يتم ذكر السؤال ومكان الخطأ لاجل يقبلونه بـ / التوفيق الجميع :rose: |
| All times are GMT +3. الوقت الآن حسب توقيت السعودية: 01:14 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام