|
ماذا لو رسبت في المحاسبه
يا اخوان السؤال واضح انا ما ذاكرت واستهنت بالدراسه من الاساس لدرجه اني ما فتحت الكتاب الا اليوم ، ويوم فتحته تفجأت انه صعب نوعاً ما ، السؤال ماذا لو جبت اقل من 30 درجه بالاختبار ، وش اللي يترتب علي ، وهل راح يعيدون لي الاختبار ومتى؟
ارجو الافاده وشكراً |
رد: ماذا لو رسبت في المحاسبه
درجة النجاح 60
اذا جبت أقل تحمل المادة معك السمستر الجاي تدرسها |
رد: ماذا لو رسبت في المحاسبه
لاتسد نفس الرجال وضح له طيب هههههه
30 درجه اعمال فصليه لو جبتها كامله يكون افضل الاختبار لو تجاوب على 22 سؤال تكون ناجح ليش ؟ لان السؤال عليه درجه وربع وفالكم النجاح جميعا |
رد: ماذا لو رسبت في المحاسبه
هههه انا انسدت نفسي من العنوان وحسيت مافيني أرفع له
عطيته زبدة الموضوع |
رد: ماذا لو رسبت في المحاسبه
اقتباس:
ولا قبلها ولا بعدها ولا وش الوضع وهل الافضل اني انجح على الحفه ولا ارسب وادخل الاختبار مره ثانيه واحل حل كويس ارجو الافاده |
رد: ماذا لو رسبت في المحاسبه
طيب وش نعتمد عليه ��
|
رد: ماذا لو رسبت في المحاسبه
اقتباس:
ههههههه لا عادي يا اخ ابو رغد لا سد نفسي ولا شي انا اللي اهملت واتحمل عواقب اهمالي وباذن الله من الترم الجاي بجتهد وان شاء الله اعوض بخصوص السؤال هل الافضل اني انجح على الحفه ام اعيد الاختبار مره ثانيه واحل زين بانتظار الافاده ياغالي |
رد: ماذا لو رسبت في المحاسبه
هههههههههههههههههههههههههههه والله العظيم ياجماعة الخير اني اكون متشائم من مذاكرتي وحالتي حاله ويوم ادخل الملتقى يجيني حماس غير طبيعي الله يسعدكم جميعا وفالكم النجاح بأذن الله |
رد: ماذا لو رسبت في المحاسبه
والله ونخوك الناس تختلف والاكثر يبحث عن النجاح والشهاده فقط
انا بالنسبه لي المحاسبه والرياصيات وكل الامور هذي ماتهمني ولا راح استفيد منها في مجال عملي المهم الشهاده سوا انجح على الحفه او على اي شي المهم بس النجاح واتوقع اغلب الشعب كذا الا ماشاء الله من كان هاوي ويبي يشتغل في هالمجال او هو موظف في مجال المحاسبات وبالتوفيق للجميع |
رد: ماذا لو رسبت في المحاسبه
اقتباس:
وسمي بالله وسوي اللي عليك والله ان فيه ناس تنجح وهي ماذاكرت بس الحظ معهم ماشاء الله بالتوفيق |
رد: ماذا لو رسبت في المحاسبه
اقتباس:
لكن بكيفك اذا انت تبي تسجلها مع مواد السمستر الجاي ولا الي عقبه ولا آخر سمستر لك انت حر بالنسبة تنجح ع الحفه ولا تحل كويس هذا شيء راجع لك اذا يهمك وتبغى معدل عالي أنصحك تسحب ع الاختبار وتاخذه بأي سمستر ثاني اما اذا مافرق عندك المعدل اهم شيء تنجح والسلام ادخل اختبر وحاول تنجح ع الحفه :16.jpg: |
رد: ماذا لو رسبت في المحاسبه
اقتباس:
ولا قصدك اختبر ولا احل شي اخلي الفراغات فاضيه |
رد: ماذا لو رسبت في المحاسبه
السلام عليكم عن أنس رضي اللّه عنه أن رسول اللّه صلى اللّه عليه وسلم قال : " اللَّهُمَّ لا سَهْلَ إِلاَّ ما جَعَلْتَهُ سَهْلاً، وأنْتَ تَجْعَلُ الحَزْنَ إذَا شِئْتَ سَهْلاً" "
اللهم إني أستودعك نفسي و ديني و أهلي و أحبتي و مالي ووطني فاحفظهم بعينك التي لا تنام يا من لا تضيع عنده الودائع ------------------------------------------------------------------------------------------------------------- شدوا حيلكم ياشباب وابتعدوا عن التحطيم هذا وانتوا في اول سمستر ******************************************* يالله يارب ياكريم وفقني وارزقني من حيث لا احتسب وان يوفقكم وننجح جمعياً |
رد: ماذا لو رسبت في المحاسبه
اهون عليه احضر ولا يسجل حرمان؛
وقبل كل شي وكل الله السالفة تعتمد عالمنطق اكثر؛ اللي بيستفيد من المال مدين واللي خسران دائن وحقوق الملكية طبيعتها دائن؛ تحياتي... |
رد: ماذا لو رسبت في المحاسبه
تفالوا بالخير تجدوه توكل على الي ماتنام عينه
|
رد: ماذا لو رسبت في المحاسبه
اضمن 30 الواجبات والمناقشات وراجع كم كوز عملوه الاخوان والاخوات بالمنتدى ومصطلحات الانقاش وان شاء الله تجيب 22 بالراحه اذا تدور النجاح بس وبالتوفيق
|
رد: ماذا لو رسبت في المحاسبه
يعني احسن تروح وانت وحظك ان شاء الله ربنا يسهل كل امر عسير وا>ا على المعدل انا من رايي انك تروح وتسوي كل الي تقدر عليه
وارفع المعدل لسه قدامك 7 سمسترات ان شاء الله يمديك ترفعو الله يوفقنا جميعا يارب |
رد: ماذا لو رسبت في المحاسبه
اقتباس:
الله ييسر لك الاختبار وفالك والجميع +a |
رد: ماذا لو رسبت في المحاسبه
مسيتم بالخير جميعآ ..
نسال التوفيق والنجاح للجميع استفسار مهم ..شكرآ اخ مشعل المطرفي ✋ |
رد: ماذا لو رسبت في المحاسبه
ودي أضحك وودي أصيح بنفس الوقت :hahahahahah::verycute:
ياأخ مشعل من دخلت الملتقى وانا اشوفك شايل هم الدنيا على رأسك :no: ترانا أردى منك لكن نتوكل على الله سبحانه ونذاكر المقسوم وبس من زينا عاد ولا زين مذاكرتنا:biggrin: وسع صدرك بس وانجح على الحفه أزين من انك تحمل المادة ثم نبلش بك :hahahahahah: |
رد: ماذا لو رسبت في المحاسبه
احفظ المصطلحات اقل شي راح يجي منها
|
رد: ماذا لو رسبت في المحاسبه
مافي اسئلة قديمة نستفيد منها؟؟؟
|
رد: ماذا لو رسبت في المحاسبه
الاختبار قرب ادوها تركيز :biggrin:
وبالتوفيق لنا ولكم |
رد: ماذا لو رسبت في المحاسبه
الأخ مشعل بشرنا عساك حليت:verycute:
|
رد: ماذا لو رسبت في المحاسبه
والله يانجلاء بالنسبه لي مااظن اني حليت ووضعي مزري ����
|
رد: ماذا لو رسبت في المحاسبه
ماشالله انا اخذ احتياطي قبل الاختبار بشهر ابدا افتح واشوف وانت اليوم تفتحه وتبي تنجح لوتنجح انا بحتج
|
رد: ماذا لو رسبت في المحاسبه
ترى مجرد احساس لا يضيق صدرك ان شاء الله انك ناجح:53:
|
رد: ماذا لو رسبت في المحاسبه
اقتباس:
ابشرك . ما دريت اني محاسب بالفطره :cool: يعني اقدر اقول ان حلي نص ونص |
رد: ماذا لو رسبت في المحاسبه
ما شاء الله عليك زين الحمدلله انك اختبرت وان شاء الله تعدي فيه
|
| All times are GMT +3. الوقت الآن حسب توقيت السعودية: 01:32 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام