ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 7 (https://vb.ckfu.org/f389)
-   -   [ استفسار ] مشكلة في تحديد مركز الإختبار !!! (https://vb.ckfu.org/t715764.html)

ifofah 2015- 12- 4 04:23 PM
مشكلة في تحديد مركز الإختبار !!!
 
السلام عليكم ورحمة الله وبركاته

أخواني أول مره أواجه مشكلة بالخدمات الطلابية بتحديد مركز الإختبار ما أدري كلكم نفسي ؟!!!
أول مره حددت موقع إختباري بحي العريجاء وسويت حفظ وأعطاني تم الحفظ بنجاح
ودخلت بالصدفة مره ثانية بدون أي رسالة عالجوال أو غيره
لقيت مكتوب فوق ( لا يمكنك التحويل لهذا المركز ، لا يوجد شواغر لبعض المواد المسجلة لديك )
وحولت على مركز ثاني حي عرقة وأعطاني نفس الرسالة
وحولت آخر شي على مركز حي البديعة وأعطاني تم الحفظ بنجاح
واليوم برضه دخلت بالصدفة ما لقيت نقطة سوداء على المركز حي البديعة ومكتوب فوق نفس الجملة لا يمكنك التحويل !!!
هل هذي المشكلة عالجميع ولا بس أنا ؟!
ومع مين أتواصل الإختبارات ما بقالها إلا كم يوم !!!

ifofah 2015- 12- 4 06:38 PM
رد: مشكلة في تحديد مركز الإختبار !!!
 
جربت كل مراكز الرياض وكلها ما أقدر أحول لها
أحد تطلع له نفس الرسالة ولا بس أنا
رجاء ردوا علي ضروري!!!

* أبو ريوف * 2015- 12- 4 07:02 PM
رد: مشكلة في تحديد مركز الإختبار !!!
 
اختي دشي على أيقونة الإستعلام عن مراكز الاختبارات النهائية
شوفي شنو المركز اللي تم اختياره
وان شاء الله يكون محدد ع طلبك

ifofah 2015- 12- 4 07:23 PM
رد: مشكلة في تحديد مركز الإختبار !!!
 
على آخر مركز اخترته
بس ليش تطلع لي الرسالة هذي !!
تطلع لكم نفس الرسالة أو لأ ؟!!!

ام ود 2015- 12- 4 08:05 PM
رد: مشكلة في تحديد مركز الإختبار !!!
 
والله ماعرف وش مشكله بس انا حمد لله لقيتها نفسها محفوظه ماتغيرت (مكه)

Memo bnt nasser 2015- 12- 4 08:06 PM
رد: مشكلة في تحديد مركز الإختبار !!!
 
كاني شفت موضوع نفس موضوعك وصايره له مثلك بصراحه غريبه اول مرة اشوف هالمشكله بهالترم حاولي تتواصلين معهم وتشوفين لك مركز اختبار يكون متوفرة فيه موادك وقريب منك

ifofah 2015- 12- 4 10:33 PM
رد: مشكلة في تحديد مركز الإختبار !!!
 
حسب كلامك يا أم ود ما فيه خلل بالنظام الخلل عندي أنا بس
ع كل حال أرسلت إيميل للفريدان وإن شاء الله خير


أما بالنسبة للمراكز ف كل مراكز الرياض ما أقدر أحول لها

الحرف السامي 2015- 12- 4 10:43 PM
رد: مشكلة في تحديد مركز الإختبار !!!
 
انا مثلك تماما في البداية عطاني تم الحفظ بنجاح وبعد كذا تطلع لي نفس الرسالة لاتوجد شواغر في المركز الذي اخترته ولازالت المشكلة

دانه السعوديه 2015- 12- 4 10:59 PM
رد: مشكلة في تحديد مركز الإختبار !!!
 
وانا كمان م رضى الموقع مع العلم اني اخترت إشبيليا وتم الحفظ وحبيت أغير للقدس مع انه عادي في شواغر بس للأسف م رضى كم مرة اقدر أغير مو خمس مرات زي م اعرف

40444 2015- 12- 5 01:17 AM
رد: مشكلة في تحديد مركز الإختبار !!!
 
نفس الشي

ifofah 2015- 12- 5 03:33 PM
رد: مشكلة في تحديد مركز الإختبار !!!
 
أرسلت للفريدان بتويتر وعالإيميل
ما رد عالثنتين
ننتظر وش ورانا


ومن هذي الشروط

  • إختيارك للمركز (خصوصا فى مدينة الرياض والدمام والخبر) لا يعتبر نهائى حيث قد تضطر الجامعة إلى تغيير مقر الأختبار و نقل الطلبة إلى أقرب مركز متاح و ذلك لظروف خارجة عن الإرادة.
  • يمكنك إختيار مركزك و الإنتقال لمركز أخر و لا يمكن التغيير أكثر من خمس تغيرات و لا يمكنك بأى حال من الأحوال تغيير المركز بعد استنفاذك لمحاولات التغيير.
  • النظام يتيح للطلبة اختيار المركز المتاح (اللون الأخضر) و عند إمتلاء المركز (اللون الأحمر) لا يمكن الإنتقال إليه إلا فى حال حدوث شواغر بانسحاب طالب من المركز و عند إختيارك للمركز يصبح إختيارك باللون الأصفر.
  • تتم اتاحة المقاعد في المراكز حسب الشواغر وكذلك توفر المقاعد والمقررات وأوراق الأسئلة في المركز . لذا في حال امتلاء المركز فإنه لايمكن التسجيل فيه ويرجى اختيار مركز اخر


أنا راح أعتمد على الشرط اللي باللون الأحمر
أنا لما إخترت المركز حفظ المركز ولا كان فيه أي مشكلة
التغييرات إللي ممكن تحصل إن شاءالله ما راح تضرنا

ifofah 2015- 12- 5 03:37 PM
رد: مشكلة في تحديد مركز الإختبار !!!
 
اقتباس:
المشاركة الأصلية كتبت بواسطة دانه السعوديه (المشاركة 12850091)
وانا كمان م رضى الموقع مع العلم اني اخترت إشبيليا وتم الحفظ وحبيت أغير للقدس مع انه عادي في شواغر بس للأسف م رضى كم مرة اقدر أغير مو خمس مرات زي م اعرف

شوفي وش الرسالة إللي تطلع لك فوق لما تغيرين وتسوين حفظ
يمكن يطلع لك نفس الشيء لا يوجد شاغر لأحد المواد المسجلة لديك
فيه فرق بين إن المركز فيه شواغر والمركز باللون الأخضر - وبين أن لا يوجد شاغر لمادة من موادك
عالأقل إنتي ما عندك مشكلة بس تبين تغيرين بس أنا وبعض الأخوان أعتقد نفس المشكلة أن كل مراكز الرياض لا تقبلني مع أنه سبق وقبلني في مركزين قبل

40444 2015- 12- 5 06:37 PM
رد: مشكلة في تحديد مركز الإختبار !!!
 
احد يفيدنا انا بختار المركز الرئيسي الاحساء (جامعة الملك فيصل) واحتمال تكون عندي ظروف تخليني اختبر في القطيف
السؤال تتوقعمون يقبلون يدخلوني للاختبار ؟
  • إختيارك للمركز (خصوصا فى مدينة الرياض والدمام والخبر) لا يعتبر نهائى حيث قد تضطر الجامعة إلى تغيير مقر الأختبار و نقل الطلبة إلى أقرب مركز متاح و ذلك لظروف خارجة عن الإرادة.
  • يمكنك إختيار مركزك و الإنتقال لمركز أخر و لا يمكن التغيير أكثر من خمس تغيرات و لا يمكنك بأى حال من الأحوال تغيير المركز بعد استنفاذك لمحاولات التغيي
  • يا ليت احد يوضحلي شالمقصود من هالكلام ؟

هولمز 2015- 12- 5 11:27 PM
رد: مشكلة في تحديد مركز الإختبار !!!
 
الحقيقة ماأدري كيف أفيدك ...

لكن جربتي الأستعلام عن مركز الأختبار ...

reem..* 2015- 12- 6 01:51 AM
رد: مشكلة في تحديد مركز الإختبار !!!
 
الخلل من عندهم لان طلع لي نفسك بس ماغيرته قلت اذا مافيه هم بيغيروني واخر شي حطوني بنفس اللي اخترته من قبل والحين الله يسهل للجميع ..

ifofah 2015- 12- 6 12:56 PM
رد: مشكلة في تحديد مركز الإختبار !!!
 
اقتباس:
المشاركة الأصلية كتبت بواسطة 40444 (المشاركة 12852361)
احد يفيدنا انا بختار المركز الرئيسي الاحساء (جامعة الملك فيصل) واحتمال تكون عندي ظروف تخليني اختبر في القطيف
السؤال تتوقعمون يقبلون يدخلوني للاختبار ؟
  • إختيارك للمركز (خصوصا فى مدينة الرياض والدمام والخبر) لا يعتبر نهائى حيث قد تضطر الجامعة إلى تغيير مقر الأختبار و نقل الطلبة إلى أقرب مركز متاح و ذلك لظروف خارجة عن الإرادة.
  • يمكنك إختيار مركزك و الإنتقال لمركز أخر و لا يمكن التغيير أكثر من خمس تغيرات و لا يمكنك بأى حال من الأحوال تغيير المركز بعد استنفاذك لمحاولات التغيي
  • يا ليت احد يوضحلي شالمقصود من هالكلام ؟

الله أعلم بس الظاهر يعني ما زال بإمكانك تغير المركز إلين ما تستنفذ محاولاتك
بس أعتقد تقفل تحديد المركز لا تورط نفسك الاختبارات على وشك


اقتباس:
المشاركة الأصلية كتبت بواسطة هولمز (المشاركة 12853604)
الحقيقة ماأدري كيف أفيدك ...

لكن جربتي الأستعلام عن مركز الأختبار ...


جربت وأعطاني آخر مركز إخترته بس بأيقونة تحديد المركز يعطيني رسالة لا يمكنك التحويل وأنا على نفس مركزي ؟!!!!

اقتباس:
المشاركة الأصلية كتبت بواسطة reem..* (المشاركة 12854055)
الخلل من عندهم لان طلع لي نفسك بس ماغيرته قلت اذا مافيه هم بيغيروني واخر شي حطوني بنفس اللي اخترته من قبل والحين الله يسهل للجميع ..


ما أدري والله احترت مع هالموضوع

ifofah 2015- 12- 6 01:07 PM
رد: مشكلة في تحديد مركز الإختبار !!!
 
شكراً لكل من أفادني
الدكتور عبدالله رد ع استفساري الحمدلله المركز مثل مو موجود بأيقونة الاستعلام
بس هالشيء كلفني تغييرمركزي الأول :icon9::icon9:

هجوووله 2015- 12- 6 01:12 PM
رد: مشكلة في تحديد مركز الإختبار !!!
 
أخواني وأخواتي :-

انا ماجتني رسايل من الجامعه هذا الترم الا رسالتين فقط ... وش المشكله ؟

hussien 2015- 12- 6 03:37 PM
رد: مشكلة في تحديد مركز الإختبار !!!
 
ااختي صارت معي بالمستوي الرابع بسبب عدم وجود بعض المواد بالمركز وحولت لمركز ثاني ومشت معي
وتاكدي من الاستعلام عن المركز النهائي لك بشكل مستمر لان اذا فية مشكلة معك في بعض المواد بيغيرون لك على حسب اقرب مركز لك والله اعلم

taallaall 2015- 12- 6 05:20 PM
رد: مشكلة في تحديد مركز الإختبار !!!
 
يعني خذوا منا عشرة ريال للرسايل ولا جت لنا الا رسالتين المفروض كل اعلان جديد للجامعة يتم تبليغنا بالرسايل
مهو حنا اخر من يعلم


All times are GMT +3. الوقت الآن حسب توقيت السعودية: 01:23 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه