تمديد إختبارات اليوم الأولى إلى الساعة 4 صباحاً (( تم التأجيل ))
 

نظراً لوجود خلل فني طارئ خارج عن إرادتنا سيتم تمديد جميع الإختبارات الفصلية إلى الساعة 4 صباحاً

وفي حال إستمرار العطل الفني وعدم إصلاحه سيتم إتخاذ إجراء آخر


حساب وكالة التعليم عن بعد بتويتر

القرار المتتابع




نظراً لعدم علاج الخلل الفني الطارئ والخارج عن الإرادة سيتم تأجيل الإختبارات الفصلية لهذا اليوم الأحد 26 محرم حتى إشعار آخر
وسيتم إعلامكم في حال إقراره والوقوف على حيثيات الأمر

رد: تمديد إختبارات اليوم الأولى إلى الساعة 4 صباحاً
 

رد: تمديد إختبارات اليوم الأولى إلى الساعة 4 صباحاً
 

يعطيك العافيه اخوي احساس

رد: تمديد إختبارات اليوم الأولى إلى الساعة 4 صباحاً
 

ياجماعة اتاكدو
لما افتح الاختبارات الفصلية يكتبلي
there is no content to display

رد: تمديد إختبارات اليوم الأولى إلى الساعة 4 صباحاً
 

الظاهر كلام فاضي
توه الي فتح معي دخلت الاختبار الفصلي
اعطاني لا يوجد محتوى لعرضه يعني مافي اختبار توقف خلاص

رد: تمديد إختبارات اليوم الأولى إلى الساعة 4 صباحاً
 

لا اله الا الله





يقول مافي اختبار

رد: تمديد إختبارات اليوم الأولى إلى الساعة 4 صباحاً
 

اولاً: شكراثانياً : ياخوي ما فتح اقعد سهران ليش والداوم :sm5:

رد: تمديد إختبارات اليوم الأولى إلى الساعة 4 صباحاً
 

انا نفس الشي.. يقول ما فيه محتوى للعرض

رد: تمديد إختبارات اليوم الأولى إلى الساعة 4 صباحاً
 

ماحنا على كيفهم يسهرونا ويغيبونا عن دوامتنا

اخ احساس انا ماراح انتظر حضرتهم للساعه اربعة ويمكن يفتح ويمكن لا




احترامي لشخصك احساس

رد: تمديد إختبارات اليوم الأولى إلى الساعة 4 صباحاً
 

ي جماعه استهدو بالله نصبر ونشوف اخرتها معهم لاني انا نفس المشاكل لي عندكم حتى طلعني من نص اختباري مرتين وكنت خلاص م بقي الا خمسه وطلعوني حسبي الله

رد: تمديد إختبارات اليوم الأولى إلى الساعة 4 صباحاً
 

انا من وجهة نظري الجامعه هالسنه غير مستعده ابد ، و يوجد اكثر من خلل في اكثر من موضوع

نرجوا التركيز احنا صح دافعين (( دراهم )) بس برضوا نبي نستفيد علميا و ما نتضرر و تكون معنا الشهاده اللي نطمح لها ، اسال الله التوفيق للجميع (( و شكلنا بنحمل هالرياضيات معنا

رد: تمديد إختبارات اليوم الأولى إلى الساعة 4 صباحاً
 

مين اللي قرر يسهرنا للساعه 4 ؟

وين صارت هذي ؟ صاحيه من 6 ونص الفجر معاد فيني اطقها سهره معاهم

الحين بيأجلون الامتحان والا كيف ؟

رد: تمديد إختبارات اليوم الأولى إلى الساعة 4 صباحاً
 

تم تأجيل الاختبارات الفصلية حتى اشعار اخر (( المصدر موقع الجامعه في تويتر))

و هذا اللي كنت اتكلم عنه ان الجامعه شكلها غير مستعده هالسنه

رد: تمديد إختبارات اليوم الأولى إلى الساعة 4 صباحاً
 

-

وش الفآيده من التمديد آذا البانر مهنق !!

رد: تمديد إختبارات اليوم الأولى إلى الساعة 4 صباحاً
 

لاحول ولاقوة الا بالله

تصبحون على خير

رد: تمديد إختبارات اليوم الأولى إلى الساعة 4 صباحاً (( تم التأجيل ))
 

من جد الوضع قاتل مع هالنظام يعني نتظر الاختبار يفتح ولا

رد: تمديد إختبارات اليوم الأولى إلى الساعة 4 صباحاً (( تم التأجيل ))
 

نظراً لعدم علاج الخلل الفني الطارئ والخارج عن الإرادة سيتم تأجيل الإختبارات الفصلية لهذا اليوم الأحد 26 محرم حتى إشعار آخر
وسيتم إعلامكم في حال إقراره والوقوف على حيثيات الأمر

رد: تمديد إختبارات اليوم الأولى إلى الساعة 4 صباحاً (( تم التأجيل ))
 

حسبي الله الله و نعم الوكيل
و الله اكثر واحد أنقهر أنا الظاهر ما لي حظ استانس و انبسط شوي بسفرة مصر ام الدنيا شكلي بقضيها كذا مع هالجامعة مرة يحطون الدرجات مع الاختبارات الفصلية و يحرمونه من درجات ممكن تساعدنا شوي بالمحاضرات و حضورها
و اللحين الاختبارات الفصلية مو عارفين نحل و نحضر و الدرجات ال 20 ما ينعرف وش مصيرها طيب و ش باقي يحطون الدرجات كلها بالنهائية طيب و اللي حاط قليل من الأمل في درجات المحاضرات و الاختبارات الفصلية وش مصيره
أنا عن نفس اذا بيدي بطالب بإجازتي اللي اختربت بسبب وقت من المفروض انه ساعة او ساعتين بالكثير و في الأخير أضيع يوم كامل بالانتظار و بدون اي فايدة :(177)::(177):

رد: تمديد إختبارات اليوم الأولى إلى الساعة 4 صباحاً (( تم التأجيل ))
 

بصراحة هذا خطأ يجب محاسبة الجامعة عليه حتى لو كان خارج عن إرادتها ,
أنا فرغت فترة طويلة من يومي عشان أشتغل على حل و مذاكرة هذا الإختبار و بعد هذا الخلل الفني يقرر الدكتور إعادة الإختبار للجميع , هذا القرار غير مقبول و يجب التراجع عنه لإنه خطأ تقني و الجامعة تتحمل هذه المسؤلية لإضاعة وقت الطلبه.

و فيه ناس مساكين جالسين من الساعه 8 الين وقت نهاية الإختبار و في النهاية يعلنون عن وجود خلل فني.

يجب على الجامعة تقديم إعتذار رسمي للطلبة إلي سنترو قدام الكمبيوتر لـ ساعات , وقتنا ماهو لعبه لـ فشل نظام الجامعه إكترونياً.

رد: تمديد إختبارات اليوم الأولى إلى الساعة 4 صباحاً (( تم التأجيل ))
 

هل الأعتذار هو الحل !؟

ان شاء الله تنحل المشكلة و يعملوا تحسينات لسيرفراتهم و أنظمتهم لتسهل ع الطالب



يعطيكك العافية احساس :rose:

رد: تمديد إختبارات اليوم الأولى إلى الساعة 4 صباحاً (( تم التأجيل ))
 

الإعتذار هو لـ تبني هذا الخطأ لأنه حسب ما هو مذكور في نظام الجامعة أن الخطأ يتحمله الطالب و لهذا السبب خلو الإختبار ثلاث محاولات.
طلاب التعليم عن بعد يحتاجون لـ سيستيم مُبسط و مُريح يستطيعون من خلاله حل الواجبات و الإختبارات تحديداً من غير أي مشاكل, لإنه أغلب الدارسين عن بُعد مرتبطين في أعمال و وقتهم ضيق ما يتحمل أي خطأ.
مشكلة الضغط ع السيرفر مشكلة بديهيه و متوقعة فمن المفترض أخذ الإحتياط اللازم قبل الإختبارات الفصلية.

رد: تمديد إختبارات اليوم الأولى إلى الساعة 4 صباحاً (( تم التأجيل ))
 

لايوجد محتوى وفوق هذا بنص الاختبار تقريبا بأول محاولة وعند انتقالي للسؤال الي بعده يطيرني الموقع واحاول ادخل مايرضى ويروح يومنا نحل مع بعض ونصبر بعض واخر شي تنزل الدرجات حقتي من اول محاولة وانا مالي ذنب طيروني من موقعهم وبدون محاولتين باقيه لي ماقدرت ادخل فيها وهي حق من حقوقي اخر شي يحسبون الدرجات 12من20 هذا هو الظلم لان مالي ذنب اشبك على اربع شبكات اتصال وكل اتصال اقوى من الثاني ورابع اتصال من الجوال نفسه وواحد منهم لو اشبك من قبو شبك معاي من قوته ومايدخل ولايفتح البلاك بورد ولو فتح يجلس يدور ويدور عند الرابط واذا وصلت ايقونة الاختبار الفصلي وضغطتها يجلس يدور ويدور واخر شي مايفتح وقفل شي يقهر قسم بالله ويعني كيف يزيدون 25 درجه يالله مو مشكله نبيهم يزيدون بشرط ماتتأثر درجات الواجبات حقتنا وكمان نرفض الغاء درجات الاختبار ودمجها مع الاختبار النهائي لان هذي الدرجات تساعدنا كثير بالله عليكم ادفع واتعب واشارك ونحوس واخر شي بدون وجه حق حرمونا من درجات حضور المحاضرات ودرجات التحميل والي يحضر المحاضرات ويحمل المحاضرات ايش ذنبه قلنا ماشي لكن تجي للاختبار الفصلي عند هالحد ستووووب خلاص مافينا طاقه يتلاعبون معنا انا بالدوام بمحاولتي الاولى واصبر لين ارجع البيت لاتغديت لاتعشيت اهملت ضناي كله عشان الاختبار وهم الدخول له واخر شي نطلع من المولد بلا حمص انا ليه ادرس عن بعد عشان يعقدوني زيادة ويهموني فوق همي وهم العمل والضغوط تعبت نفسيا وربي اذا سالفة الغاء الاختبارات الفصليه صحيحه مثل ماقريت هنا بالمنتدى هذا ظلم وش فايدة التعب كله

رد: تمديد إختبارات اليوم الأولى إلى الساعة 4 صباحاً (( تم التأجيل ))
 

صباح الخير

هل التأجيل يشمل كل الاختبارات او الرياضيات فقط ؟


اذ كان فقط الرياضيات فقط وش الضامن ان المشكة ماتكرر مع المواد الاخرى نتيجة الظغط المتزايد على السيرفر


ارجو التوضيح فضلا

رد: تمديد إختبارات اليوم الأولى إلى الساعة 4 صباحاً (( تم التأجيل ))
 

:mh12: الحمدلله مره كنت قلقانه عجزت انام وخقت الدرجه تروح علي:love080:

رد: تمديد إختبارات اليوم الأولى إلى الساعة 4 صباحاً (( تم التأجيل ))
 

انشالله ينحل العطل عشان المواد الثانيه زانا حتى ب المنتدى عجزت اغير بياناتي حاطيني ولد:060::16.jpg:

رد: تمديد إختبارات اليوم الأولى إلى الساعة 4 صباحاً
 

:rose:حتى انا والله من 7 صاحيه توترت مرة:sm5:

رد: تمديد إختبارات اليوم الأولى إلى الساعة 4 صباحاً (( تم التأجيل ))
 

المشكله لو ماحلو المشكله اكيد بيقولون لنا تضاف للنهائي وهنا مصيبه احنا نحتاج كل درجه من العشرين درجه

رد: تمديد إختبارات اليوم الأولى إلى الساعة 4 صباحاً (( تم التأجيل ))
 

رد: تمديد إختبارات اليوم الأولى إلى الساعة 4 صباحاً (( تم التأجيل ))
 

هل تأجل الإختبار ليوم ثاني ؟ أو صار تمديد بس الوقت ؟

رد: تمديد إختبارات اليوم الأولى إلى الساعة 4 صباحاً (( تم التأجيل ))
 

يسعدلي مساك اخوي بحر جده


هو صح وش يضمن لنا


بس هم طولو فترت الاختبار سارت من 10 الصباح ليا 8 الصباح اليوم الثاني يعني يمدينا نجمع الاسئله وندخل كلنى ننحل




وان شاء الله مايسير في اعطاال >>>ويخف الضغط مدام طولو المده






الله يسهل ويوفق الجمميع

رد: تمديد إختبارات اليوم الأولى إلى الساعة 4 صباحاً (( تم التأجيل ))
 

السلام عليكم اخواني فيدوني بنسبه الاختبار الرياضيات تأجل ولا راح علي ولا ايش للأسف كنت أفكر الاختبار اليوم الاثنين طلع الأحد هو خلاص تم الامتحان ولااجلوه فيدوني متوتره حددددددي ياربي

رد: تمديد إختبارات اليوم الأولى إلى الساعة 4 صباحاً (( تم التأجيل ))
 

^^^^

حظك ماشاء الله يكس الصخر ماشاء الله


تم تاجيل الاختبار بسبب الاعطال الي سارت ورح يعيدونه


و ياريت تنتبيهين مره ثانيه >>>وبكره اختبار صحه واللياقه


تمنياتي لك وللجميع بتوفيق

رد: تمديد إختبارات اليوم الأولى إلى الساعة 4 صباحاً (( تم التأجيل ))
 

الله يسعدك الله يسعدك يارب إلا حظي مالت مثل وجهي بس الحمدالله على كل حال ربي أعلم بحالي ووضعي اشكرك يارب اشكرك يارب اشكرك يارب ثم اشكرك بنت أبوها الله يجعلك من كل ضيق مخرجا يارب أشوه تأجل اللهم لك الحمد اقول علموني بس قبلها بيومين ههههههه

رد: تمديد إختبارات اليوم الأولى إلى الساعة 4 صباحاً (( تم التأجيل ))
 

الله يعين مع هالجامعة هو حلوووو مددوا الوقت على الأقل سفرة مصر أتهنى فيها شوي بس مو حل للمشاكل اللي مو لاقين لها حل نخلص من مشكلة تطلع مشكلة ثانية يعني سلسلة من المشاكل المفروض أخذ الحيطة من قبل الجامعة للعدد الكبير من الطلاب اللي انضموا لها و ما قبلت العدد الكبير الا و هي قادرة و مستعدة لاستقبالهم و عارفة إمكانيتها بتوفير الطاقة الاستيعابية و انهم بيدخلون كلهم بوقت واحد و بيكون في ضغط بس وش نقول ما اتضحت هالأمور الا بعد انضمامنا للجامعة بس تتضح الرؤية في اخر السمستر و نشوف مفاجأتها إنشاء الله ينجحونا كلنا مرة وحدة :biggrin::biggrin::biggrin::biggrin::33_asmilies-com: