بعيداً عن الجامعة شوي تعالوا نرسم خططنا
 

آلسلام عليكم ورحمة الله وبركاته ~

طآب صبآحكم ي رفاق :icon19: :16.jpg:

الموضوع اليووم مختلف عن باقي المواضيع ومادري اذا ممنوع اسدحه هنا والا وين مكانه ب الضبط ؟

آسفه هنآدي اذا مكانه غلط :060:

واذا غلط عادي تنقلينه لمكانه بس بليز نبهي دفعتنا عليه :sm5:


لان الموضوع لهم وتهمني ردودهم :love080::(269):


المهم ندخل ف الموضوع :41jg:


مثل م أحنا عارفين هذي آخر سنة لنا ب الجامعة آن شاءالله ونفرح بتخرجنا قريب يارب :53:

وآكيد كل شخص فينا مخطط وراسم له خطة بعد التخرج رآح يمشي عليها بعد توفيق الله طبعاً :(204):

وبما آنو شهادتنا راح تكون بكالريوس ادارة اعمال انتساب ف الفرص قدامنا محصوره للاسف في القطاع الحكومي

ومستقبلنا راح يكون ف القطاع الخاص أكثر وماقلت هالكلام عشان احبطكم ب العكس

آقوله عشان تشغلون عقولكم شوي :(269):

ومثل م احنا عارفين آنو القطاع الخاص م تهمه الشهادة كثر م تهمه الخبرة :sm4:

يعني الخبره عندهم آهم من الشهادة مختصر الموضوع شهادة ادارة الاعمال لوحدها مراح تنفعنا :hhheeeart4:


وش نسوي هنا نوقف ؟ لا طبعاً :119:


بما انو دخلنا انتساب عشان نتعلم ونتخرج هذا دليل ع اننا طموحين مراح نستسلم ابداً :(204):


طيب الحل ؟ :019:

هنا شغلوا عقولكم لازم تكون شخص متميز عشان تزيد الفرص الوظيفيه قدامك :agolakser:

كيف آكون متميز ؟ :16.jpg:

بمهاراتك وخبراتك تثبت تميزك :(204):

كيف ؟

ب الدورات التدريبية والتطويرية تكسبها ف تضاف لشهادتك ك خبرة :(204):


نجي لزبدة الموضوع : ي آحبة :004:

كل شخص يكتب لنا وش ناوي علية بعد التخرج ان شاءالله وايش ناوي يدرس وليش بيدرس هالشيء ؟


عشان نستفيد ونفيد بعضنا ونتعمق ب التفكير والتخطيط أكثر وأكثر ونفتح مجالات لغيرنا يستفيدون من خططنا

طبعاً الموضوع يخص العاطلين وليس الموظفين لانو موضوعهم منتهي والشهادة ب النسبه لهم ترقية فقط :019:

بس ذا م يمنع آنهم يشاركونا بخبرتهم وتجربتهم بمجال العمل لاننا آكيد راح نستفيد منها مالنا غناة عنهم :mh318:


وبالنهاية هذي توافيق وآرزاق من الله يقسمها على من يشاء من عباده ، وبالصلاة وبر الوالدين

والدعاء والاستغفار تتحقق الامنيات :love080:

موفقين :106:

رد: بعيداً عن الجامعة شوي تعالوا نرسم خططنا
 

آول رد رآح يكون لي

خطتي ب اذن الله بعد الاختبارات ناوية آخذ دورة تأهيليه لغة انجليزية

ع اخر سمستر مفكره ادخل اختبار قدرات الجامعيين + كفاييات الانجليزي للتقديم ع الماجستير ب اذن الله

لكن مادري راح يكون بعد التخرج او اجل دراسة الماجستير بعد الوظيفة لانو كثير قالوا مراح تستفيدين من

دراستك للماجستير اذا مافي خبره راح يكون نسخ لصق نفس نظامنا حاليا


والله يكتب اللي فيه خيير ~

رد: بعيداً عن الجامعة شوي تعالوا نرسم خططنا
 

رد: بعيداً عن الجامعة شوي تعالوا نرسم خططنا
 

رد: بعيداً عن الجامعة شوي تعالوا نرسم خططنا
 

ماشاءالله طموحك رائع الله يوفقك ويحقق مرادك

وبخصوص الدورات فعلا الانجليزي والحاسب مهمه لتخصصنا

موفق اخوي المنادي :106:

رد: بعيداً عن الجامعة شوي تعالوا نرسم خططنا
 

صحيح الانسان هو اللي يصنع نفسه ب الهمه والاصرار مافي شيء مستحيل :(204):

طيب ممكن تفيدينا ب الدورات اللي تقصدينها عشان نستفيد منها :060:

موفقه :106:

رد: بعيداً عن الجامعة شوي تعالوا نرسم خططنا
 

وعليكم السلام ورحمه اللهالمفروض تكون سنة تخرج لكن قدر الله وزدت سمستر
يعني ماكو براسي خطط لحد الان .
ومبروك التخرج مقدماً~

رد: بعيداً عن الجامعة شوي تعالوا نرسم خططنا
 

هلابك اسوي نورتي :love080:

حتى ولو م فرقت كم شهر زياده وهذا م يمنع انك تخططين وتستغلين الوقت

ع الاقل ب الدورات ووقت التخرج تكونين جاهزه :16.jpg:

فكري ب الموضوع بجدية :(204):

وآن شاءالله كلنا نفرح بتخرجنا :icon1:

رد: بعيداً عن الجامعة شوي تعالوا نرسم خططنا
 

رد: بعيداً عن الجامعة شوي تعالوا نرسم خططنا
 

انا ودي اذا ربي أراد اني اكمل ماجستير بس مادري اي جامعة اللي تقبل طلاب الانتساب اللي يعرف ياليت يفيدنا

رد: بعيداً عن الجامعة شوي تعالوا نرسم خططنا
 

المفروض أني اتخرج هذي السنه بس كنت حاذفه مواد وزدت سمستر
بس انا مخططه من هذا السمستر ادخل دورات في الاداره بس خلص التسجيل

الله يوفقنا

رد: بعيداً عن الجامعة شوي تعالوا نرسم خططنا
 

كلامك حماس خصوصا اني انسانه ايجابيه وعندي طموح لكن سبحان الله كل اللي حولي تكسير مجاديف
وسبحان الله مع كل كلمه تكسر خاطري الا انهم ميدرون يزيدون قوه وتفاؤل
ولمى شفتك تتكلم الايجايبيه عندي صارت طايره الله يسعدك احب يكون لي ناس اجعلهم مثلي
انا كمان حابه اكمل وامنيتي اتوظف كمان يعني كل الاماني موجوده عساها تتحقق :love080:
انا من الخبر م يمنع اروح القصيم ديرتي ع اساس ادرس ماجستير بس ابي قانون عشان اتخرج دبلوماسيه :mh001::mh001::mh001::mh001::16.jpg:امنيه عساها تكون ع جناح طير وتقع:004::004:
ودي اصير مديرة بنك :33_asmilies-com::33_asmilies-com:
ولقيت ناس بيدرسو لغة من البدايه الى 6 مستويات عن طريق الواتس بسعر رمزي ب50 ريال فقط
وهذا شي زين والحين انا تفقت معهم عن طريق حسابهم بالانستقرام و مابقي لي الا التحويل طبعا هذا للبنات والشباب :rose:
وعساها امانينا تتحقق

رد: بعيداً عن الجامعة شوي تعالوا نرسم خططنا
 

حياك الله اخوي مبارك الجمال نابع منك الله يسعدك

وبخصوص اعتراف الشهادة هذا خالصين منه الحمدلله الشهادة معترف بها ولا فيها اشكالية ومثل م قلت

الموظفين راح تفيدهم ب الترقية ، اما بخصوص الجامعات من خلال بحثي في اكثر من جامعة تقبلنا الحمدلله

مثل م تفضلت انت جامعة القصيم - جامعة الباحة - جامعة الملك عبدالعزيز واظن جامعة الملك خالد

اذا م خاب ظني والجامعات خارج المملكة بعد

بس بخصوص تخصص الماستر التخصصات اللي تكلمت عنها موجوده بجامعاتنا ؟

للاسف م اتوقع لان قبل بحثت وماحصلت غير تخصص ماجستير ادارة اعمال وماجستير نظم معلومات اتوقع

ف ياليت اذا موجوده تقول لنا اسم الجامعة الموجوده فيها طبعا اتكلم عن جامعات السعودية

والا برا اكيد التخصصات متوفره وبكثره ، لكن للاسف الابتعاث ع برنامج الملك

له شروط تعجيزيه من ضمنها شرط العمر يعني قليل جداً اللي يقدرون يبتعثون عن طريقة

مافي الا عن طريق الحساب الخاص


والله يكتب اللي فيه خير ويحقق لك امانيك :icon1:

رد: بعيداً عن الجامعة شوي تعالوا نرسم خططنا
 

عندك جامعة الباحة - القصيم - عبدالعزيز - خالد

الاخيره مب متأكده منها :16.jpg:

رد: بعيداً عن الجامعة شوي تعالوا نرسم خططنا
 

ب التوفيق لك :icon1:

رد: بعيداً عن الجامعة شوي تعالوا نرسم خططنا
 

ابداً لا تتحطمين ب العكس عيشي هالتحدي بينك وبين نفسك واثبتي لهم انهم كانوا ع خطأ

النجاح لما يكون بجهدك انتي بس له طعم ثاني راح تحسي نفسك عظيمة وقوية :(204):

بخصوص القانون عادي يقبلون تخصص ادارة ؟ لان بعض التخصصات تكون محصوره لخريجينها فقط

واذا م عليك امر ممكن ترسلين لي حساب الانستقرام اللي يعطون دورات ع الخاص طبعا

لان اتوقع هنا ممنوع :(269):

وبالتوفيق لك عزيزتي :icon1:

رد: بعيداً عن الجامعة شوي تعالوا نرسم خططنا
 

مادة القانون تنظم تحت الاداره وان شاالله نقدر نلاقيها باحد الجامعات
:mh12:

رد: بعيداً عن الجامعة شوي تعالوا نرسم خططنا
 

ان شاءالله ،

رد: بعيداً عن الجامعة شوي تعالوا نرسم خططنا
 

اشكرك اختي على الاطراء الجميل الله يسعدك ... اهم شي التفأول في كل شي ... اسأل الله ان يحقق لك ماتتمنين ... بالنسبه للجامعة القصيم اشوفها خيار جميل ولا اخفيك حاليا تعتبر خياري الاول ممكن عشان احس بالانتماء لها عشانها ديرت خوالي ..... والقانون تخصص جميل ودامك حابته باذن الله بتبدعيين فيه بخصوص اللغه هذا اهم شي دام اي احد يملك فراغ افضل شي انه يستفيد منه في تنميت مهاراته
بالتوفيق لك يارب

ويسعدك اختي ..... بخصوص التخصصات انا قلت لك من امنياتي لانها باختصار هي المستقبل اقصد فيها المشاريع والجوده هل هي موجوده او لا وقت تخرجنا راح نعرف لان كل سنه كل جامعه تفتح بعض التخصصات في الماستر يعني في سبيل المثال جامعة القصيم السنه هذي فاتحه ماستر ادارة اعمال و محاسبة ومالية واقتصاد ممكن السنه الجايه يكتفون في تخصص او اثنين ويفتحون غيرهم انا مابحثت كثير في الجامعات وانصح موضوع بحث التخصصات يكون بحثه وقت التخرج لان كل ترم وكل سنه تتغير التخصصات المتاحه لكل جامعه
وباذن الله انا متفأل خير


وان شاء الله ربي يحقق لك امانييك

رد: بعيداً عن الجامعة شوي تعالوا نرسم خططنا
 

السلام عليكم حبيت اسال الماستر يقبلون اي معدل ولالازم معدل مرتفع

رد: بعيداً عن الجامعة شوي تعالوا نرسم خططنا
 

جميل الموضوع جدا

انا انشاللله بعد التخرج بأذن الله ، ناوي أدخل دورات لغة أنجليزية مكثفة بشرط مو أي معهد ، لابد من معهد ذات سمعه جيدة حتى لو مكلف .
أيضا لغير الموظفين والذين يرغبون بتطوير مهاراتهم ، من الضروري البحث عن معاهد معترف بها تقدم دورات أدارية مثل أدارة الوقت ، مهارات الأتصال ، مهارات التفاوض ، مهارات كتابة التقارير وغيرها
الماستر حلم جميل ايضا وسوف أقوم برسم هذا الطريق ، واتمنى ان يكون بتخصص مايسمى التخطيط الأستراتيجي ، ودمتم

رد: بعيداً عن الجامعة شوي تعالوا نرسم خططنا
 

شكرا على الموضوع



طيب مثل ايش

ماعطتينا امثله وذا كان عندك امثله متعدده فذكريها لنا ياعصاميه جزاكي الله خير





ومثل ايش الخبره عطينا امثله مثلا

في نساء وطلاب يبون هشهاده علشان مستقبلهم يصرفو على انفسهم


زين هالموضوع ماجا باول السمستر في طالبات وطلاب قلبهم ضعيف بسرعه يتأثرو مايكملو الطريق اذا شافو مثل هالكلام وهالمواضيع الي تسد النفس


في مثل يقول لاتأكلني السمك علمني كيف اصطاد السمك





فا مالاداعي الاحباط ومستحيل راح يدفع الشخص اكثر 24 الف وياخذ الشهاده بدون مايستفيد غير اذا كان معدل مب زين


وكان الله غفورا رحيم


واهم شيء التعلم بغض النظر عن الاشياء الثانيه صحيح الانسان يسعى لكن ماياخذ الانسان الا نصيبه




والله على كل شيء قدير

رد: بعيداً عن الجامعة شوي تعالوا نرسم خططنا
 

رد: بعيداً عن الجامعة شوي تعالوا نرسم خططنا
 

السلام عليكم ورحمة الله

اذا تسمحون لي بالمشاركة معكم لان الموضوع جذبني ويهمني كما يهمكم


انا لست خريج ولكن في طور التأهيل للتخرج باذن الله بعد سنتين


بالنسبة للخطط


انا اولويتي القصوى هي محاولة استكمال الماجستير بجامعة القصيم او عبدالعزيز اذا موجود انتساب ممتاز واذا ما فيه نحاول ونسعى انتظام واخذ تفرغ من العمل مع ادراكي صعوبة الامر ولكن لا يمنع المحاولة


ثانيا :الاخوة والاخوات اللي يسعون للدورات التطويرية اهم شيء اللغة + الحاسب +الحودة الشاملة +pmpادارة المشاريع +ادارة الوقت + 6 سيجما (متعلقة بالمشاريع)+النقاط السبع للنجاح


بحكم اني اعمل بالقطاع الحكومي لفترة تجاوزت 13 سنة ولله الحمد + وبحكم اني امتلك دبلوم برمجة حاسب +بالاضافة لاكثر من 30 دورة تطويرية


فبحكم وضعي استفادتي من البكاليوريوس ضئيلة ومحدودة في الترقية فقط


ولكن للامانة انا مايمهني هو نفسي كثير من الاصدقاء بالعمل وخارجه كانوا يحطموني وش تبي بالجامعة دبلومك يرقيك الى المرتبة العاشرة وش تبي فيه فاضي انت ومن هالتحطيم واصلا بعد هالعمر تبي تفلح مافلحت وانت بعز شبابك تفلح الحين يالشايب هههههههههههه والله اشتغلوني كذا




بس قررت ان اثبت لنفسي اولا ان النجاح والابداع يصنع باليدين وليس بالامنيات فقررت ان اشق طريقي في الجامعة وها انا الحمدللله ادرس المستوى الخامس وبكل ثبات واستقرار ومحققا انجازات متوالية ترضيني وتقنعني اني اقدر افعلها


وللانجاز والابداع وشق الطريق سبل وبقية باذن الله تعالى


اعتذر على الاطالة

وابشركم مالي يومين مترقي الحمدلله :(284)::(284):


والف مبروك ابو شيماء التميز فعلا انت اهل التميز وبمجهوداتك قمة التميز

رد: بعيداً عن الجامعة شوي تعالوا نرسم خططنا
 

الله يعطيكم العافيه ابو شيماء وابو تركي وانا يسعدني جدا جدا جدا في ناس قلوبها باذن الله صافيه ونقيه وتحب الخير


انا يسعدني لمن ينصحني امثال تركي وابو شيماء مثلا لو يقولي ادرس كذا وسو كذا لمصلحتك


ويستفيد الجميع ايضا وتكون يدا واحده


يعني مثلا اذا كانت شركة معينه تبي خبره او دورات لكي تقبل بالشركة




الكثره زي مايقولو تقلب الشجاعه اذا كانت الشركه شجاعه مثلا وتبي تحط المعجزات ضد ان تقبل ناس بشركتها




الجماعه او الكثره او القروب او مجموعه فوف 1000 شخص يجتمعو يدا بيدا وكل واحد يستفيد من هذا وهذاك ويطبق على ارض الواقع يتحدى ابو الشركة ويخليه تقبله بدون ماتفكر الشركة نقبله او لا




ارجو ان كان كلامي خطأ فارجو منكم التنبيه وشكرا


وانا بصراحه امثال ابوشيماء الطيبه ابي استفيد منهم بحكم عندهم خبره وجزاكم الله خيرا

رد: بعيداً عن الجامعة شوي تعالوا نرسم خططنا
 

هتان2 تصحيح ههههههههههه اسمي تركي وليس ابو تركي



واتمنى ان ماطرحناه فتح افاق لكم وانار دروبكم جميعا ويسعدنا ان تتم الاستفادة منه

رد: بعيداً عن الجامعة شوي تعالوا نرسم خططنا
 

سررت بما قراءت أخوي تركي ........................... وكلامك عين الصواب العطاء لا يقف عند حد والوصول الى الغاية يجب ان لا تدنسها خيبات الامل .
وشكرا جزيلا على الاطراء والمديح الذي لم أنله الا بفضل الله ثم بفضل دعمكم وتوجيهاتكم
وأنا اعتبر نفسي شي بسيط من بحركم المعطاء
ويسعدني هنا أن ازف لك اجمل التهاني والتبريكات بترقيتك الجديدة

رد: بعيداً عن الجامعة شوي تعالوا نرسم خططنا
 

شدني الموضوع جدابنسبه لاننا طلاب انتساب ومارح نحصل وظاىف في القطاعات الحكوميه احب اقولكم الكلام هذا مو صحيح والدليل انا خريجه كليه المجتمع حاسب الى من ثمان سنوات وانتظام ولا حصلت وظيفه وهذا الي خلاني ادخل انتساب وادرس تخصص ثاني وان شاء الله راح يكون معي شهدتين ورزق عند الله سبحانه وطموحي كبير بعد التخرج راح اكمل ماجستير ودكتوراه باذن الله وراح اثبت لكل من وقف في وجهي اني راح اكون شي كبير في هذه الدوله
الله يوفقنا يارب جميعا ويعوض تعبنا خير

رد: رد: بعيداً عن الجامعة شوي تعالوا نرسم خططنا
 

الله يبارك فيك اخوي اشكرك على تهنتئك لي وان دل ذلك على محبتك لاخوك
واشكرك على ثنائك علي والفايدة انا استخرجها منك واستلذذ بمفعولها

الف شكر اخوي ابو شيماء لا خلا ولا عدم يالطربة

رد: بعيداً عن الجامعة شوي تعالوا نرسم خططنا
 

اشكر من نبهني انا خريجه ولله الحمد
لكن حابه اشارك بالموضووع لانه لفت انتباهي ببعض التحطيم انه مو لاقيين وظائف
شوفوا بموضوع الخريجيين
اللي بدفعتي لقوا وظائف بالقطاع الحكومي الله يوفقهم دنيا وآخره
ومن غير الترقيات اللي حصل عليها البعض
والدفعه اللي قبل دفعتي شفت موضووع وحده من البنات طلبتها احدى الجامعات ان تكمل دراساتها
لكن انا ماقدمت على شي الى الان
وان شاء الله راح اكمل الماستر بس الى الان متشتته
بس اي دوره راح تنزل ومعترف فيهااا وتنفع تخصصي راح اخذهاا اهم شي تكون بمدينتي
اهم شي تركزون عليه
هو ان ترفعوا معدلاتكم
الله يوفق الجمييع

رد: بعيداً عن الجامعة شوي تعالوا نرسم خططنا
 

اتوقع آقل شيء 3.50 جيد مرتفع

وهذا يرجع لكل جامعة وشروطها

رد: بعيداً عن الجامعة شوي تعالوا نرسم خططنا
 

الدورات تكلم عنها اخونا الغالي النفيس وابحث بقوقل راح تلاقي دورات كثيير واختار اللي يناسبك ويناسب

طموحك ومستقبلك ،

اما بخصوص كلامك ان الموضوع سد نفسك وكويس انو ماجاء من اول سمستر !!

ماشوف اني قلت شيء يحطمك لدرجة انو تنسد نفسك بالعكس الموضوع لفته مهمه للي مارسم خطة

لنفسة ولا يدري وش راح يسوي بعد تخرجه ، لكن انا مدري كيف طريقة استيعابك للمواضيع شكل الاستيعاب

عندك بطيء شوي :biggrin:

وياليت ف المرات القادمة تستوعب الموضوع قبل تعلق علية وتأخذ الفكره من الجانب الايجابي

بلاش سلبية ي اخي العزيز :(269):

موفق :icon19:

رد: بعيداً عن الجامعة شوي تعالوا نرسم خططنا
 

الله يسعدك اخوي ابو شيماء نورت الموضوع بطلتك وتعليقك الجميل :106:

واهنيك على هذا الطموح والحماس الموجود بداخلك وعسى الله يحققها ونشوفك دكتور اد الدنييا :biggrin:

موفق :icon19:

رد: بعيداً عن الجامعة شوي تعالوا نرسم خططنا
 

حياك الله ي تركي خذ راحتك م كتبت هالموضوع الا للناس الطموحين شرواك

وفعلا النجاح انت اللي تصنعه بيدينك محد راح ينجح بحياته وهو يسمع للناس اللي تهبط معنوياته

والف مبروك الترقية ومنها للاعلى يارب ، موفق :icon19:

رد: بعيداً عن الجامعة شوي تعالوا نرسم خططنا
 

حياك الله اختي الروين مين قال بس انو مراح نتوظف في المجال الحكومي ؟؟

رجاء ركزوا في كلامي وافهموه قبل تحكمون وتقولوني شيء م قلته :icon9:

أنا قلت محصوره يعني قليله بالنسبة للقطاع الخاص هو اللي متوفره وظائفه لنا بكثره :verycute:


ع العموم موفقة :icon19:

رد: بعيداً عن الجامعة شوي تعالوا نرسم خططنا
 

اول شيء الف مبروك التخرج عزيزتي ، بخصوص التحطيم اللي لفت انتباهك انو مب لاقيين وظائف وينه هالكلام ؟

م اشوف بالموضوع كامل انو مكتوب مب لاقيين وظائف :bawling:

انا مدري صراحة كيف تقرون انتم :hhheeeart4:

موفقة اختي :106:

رد: بعيداً عن الجامعة شوي تعالوا نرسم خططنا
 

سلام الله عليكم ....

وش هالموضوع الأكثر من رائع ياعصاميهه ... بصراحة أبدعتي


ومن ناحيتي ودي أعطيكم مخططي لكن شوي .. قاعد أجمع معلومات وبيانات


وأحلل بعض الأمور ... وبالمجمل أفكر في الماجستير وبعدها الدكتوراه ...


وأن شاء الله تتسهل

رد: بعيداً عن الجامعة شوي تعالوا نرسم خططنا
 

الله يبارك بعمرك اسعدتني تهنئتك الغالية


ربي يوفقك

رد: بعيداً عن الجامعة شوي تعالوا نرسم خططنا
 

وعليكم السلام ، الروعة مرورك اخوي هولمز هذا بعض مما عندك :mh318:

خذ راحتك لكن ننتظر ترجع تكتب لنا مخططاتك :biggrin:

والله يوفقك ويحقق لك امنيتك :106:

رد: بعيداً عن الجامعة شوي تعالوا نرسم خططنا
 

موضوع جميييل ومشكور هتان على تنبيه

أنا أفكر اخذ دورة انجليزي إن شاء الله الماستر مو ف بالي لاني بعيده عن جميع الجامعات اللي فيها ماستر وظروفي ماتسمح


بس اتمنى اتوظف ف بنك إن شاء الله بعد الدوره

رد: بعيداً عن الجامعة شوي تعالوا نرسم خططنا
 

شكرا على الموضوع والله يعطيكم العافيه

رد: بعيداً عن الجامعة شوي تعالوا نرسم خططنا
 

أنا بإذن الله بعد التخرج بدرس التوفال لأنه ينفعني في مجال عملي

الحر كـ makeup artist وإذا فيه مجال بكمل للماستر بإذن الله

رد: بعيداً عن الجامعة شوي تعالوا نرسم خططنا
 

ماشاء الله طموح جميل

رد: بعيداً عن الجامعة شوي تعالوا نرسم خططنا
 

اللدورات الي كنت اقصدها نفس الي قالها اخونا تركي ،ومشكورة على موضوعك المفيد

رد: بعيداً عن الجامعة شوي تعالوا نرسم خططنا
 

يارب تكون ختاميه جميله للمقبلين على التخرج واللي باقيلهم
تقريباً وضعت لنفسي خطه قبل سنتين كان الهدف فيها اني راح أكمل ماستر مهما كان لكن الأزمه اني مررره كنت كسووله معدلي بعد المستوى الثاني كان٢.٦١ رفعته خلال السنتين اللي راحت الين وصلته لأكثر من المعدل المطلوب في الماجستير الحمدالله تقديري جيد جداً وان شاء الله اتخرج بجيد جداً مرتفع أو ممتاز طبعاً الهدف للماستر هو الابتعاث ان شاء الله اذا قدره الله لي

ولأني مع اطفال بعضهم في صفوف متقدمه مازلت متذبذبه بين ابتعاث خارجي او منحه داخليه في جامعه محمد بن فهد لأنها انجليزيه اللغه مستوى انجليزيتي لا بأس به وحصلت على دبلوم حاسب، فالجامعه المذكوره ستكون ممتازه لي

لم أطمح لوظيفه الى الآن لكن أتمنى أن أكون سيدة رائدة اجتماعياً مفيده في ما أملك من معلومات ومليارات :d
في بلادي بإذن الله .

الهدف الأسمى عندي هو ترك أثر إيجابي جميل بعد الرحيل على مستوى محيطي ومنطقتي أو أقل القليل في عائلتي الممتدة .

وفقني الله وإياكم .

رد: بعيداً عن الجامعة شوي تعالوا نرسم خططنا
 

ماشاء الله حمستوني اانا المفروض اكون معاكم ويكون باقيلي ترم ولكن بسبب ظروفي زودت مستوى تاسع ليا


كان نفسي اشتغل بشركة ولكن بصراحة لما شفت البعض يشتكي من الاجازات قلت ربي يسهلي بوظيفة في القطاع الحكومي خصوصا بعد ماسمعت ان الثانوي صارو يدرسو ادارة قلت حلووو


من قبل 15 سنة اخذت دورات في الحاسب ولكن اتوقع انهم حقولولي بليها واشربي ميتها وبرضو خبرة في رياض الاطفال مو كفاية الي عندي ولا افكر ارجع تاني لرياض الاطفال مسئولية وانا عندي ذمة وضمير زيادة بصراحة فصارت اعصابي مشدودة على دولا الاطفال الي امانة في رقبتي علشان كده قررت اني ما ارجع ادرسهم تاني


المهم انا قلت قصة حياتي ولكن الي راح اعملو ان شاء الله اني ما اوقف بإذن الله اول ما اتخرج اخذ دورات انجليزي وحاسب وكنت افكر بالماجستير ولكن شلت الفكرة من راسي بسبب وضع بنتي الصغيرة اتمنى الكل يدعيلها


وربي يوفق الجميع