|
طلب الدكتور الفريدان تعديل جدول الإختبارات
هذه رسالة للدكتور الفريدان ،،،،
السلام عليكم ورحمة الله وبركاته نشكر من أوجد نظام التعليم عن بعد وأتاح المجال لنا مواصلة تعليمنا الجامعي وهذا تنفيذا لسياسة التعليم في البلد والتي يحرص عليها ولاة الأمر بالبلد جزاؤهم الله كل خير .... موضوعنا نأمل من الدكتور الفريدان أن ينظر لها بعين الإعتبار ويعطيها إهتمامه كما عودنا من إهتمام وحرص من أجل الرقي بالتعليم . أتكلم بخصوص تعديل جدول الإختبارات .....مما يلاحظ أن الجدول ثابت لا يتغيير ...لايخفى عليكم نحن ولاة أمور بيوت وكذلك يوجد أمهات ربات بيوت لديهن مسؤليات ومهمات أسرية وموظفون لدينا عدة مسؤليات ....نتعب كثيرا من أجل التنسيق بين جدول الأختبارات وبين المسؤليات الملقاة على عواتقنا.....مع كل هذه المسؤليات والتقدم نعاني أيام الإختبارات ترتيب الجدول الذي أصبح مرهقا لنا ...بعض الأيام مادتين ...ويوم يليه يوم....نطلبكم بإعادة توزيع المواد على الأيام بحيث يكون هناك يوم إستراحة بين كل يوم إختبار واليوم الثاني كي يستعد الطالب للمذاكرة والتهيئة لمادة إختبار الثاني .. آمل من جميع الطلاب (الأخوان والأخوات ) مساندتي في المطالبة بالتعديل لما فيه الصالح العام للجميع. |
رد: طلب الدكتور الفريدان تعديل جدول الإختبارات
شكراً لك على طرح هذا الموضوع نتمنى تعديل جدول الأختبارات |
رد: طلب الدكتور الفريدان تعديل جدول الإختبارات
يااااليت ينفذ الطلب
|
رد: طلب الدكتور الفريدان تعديل جدول الإختبارات
الجامعة نظامها بالروتين متحجر
العميد الفريدان صحيح غير امور كثيرة لكن الجداول ماراح تتحدث .. طبعا رايي الشخصي لانها مو من صلاحياته .. وقالها مرة بتويتر الجدول ثابت دايما التواريخ فقط اللي تتحدث بالتوفيق للجميع |
رد: طلب الدكتور الفريدان تعديل جدول الإختبارات
سمعت قبل مطالبات اتمنى ذلك على الاقل يوزعون
على حسب خطة الجامعة بذات الاسبوع الي بنص اكثر الظغط وتتالي الايام فية نعيد الطلب وان شاء الله خير بالتوفيق |
رد: طلب الدكتور الفريدان تعديل جدول الإختبارات
انا ضد هذا الطلب.
ثبات الجدول يساعدنا في ترتيب الخطه وتسجيل المواد . لكن جعل الجدول متغير يلخبط كل شيء ومايخلي احد قاد على وضع خطة دراسه اما الاخوان اللي يشتكون من وجود مادتين ف ييوم واحد فهذي مشكلته في التسجيل واختيار المواد. |
رد: طلب الدكتور الفريدان تعديل جدول الإختبارات
بصراحه اشوفه صعب هم يثبتونه حتى يسهل على الباقي
لان الكل يختلفون في تنزيل المواد عشان كذا يثبتونه عشان الناس تضبط امورها من بدري مو يتفاجئون بجدول كل سنه يتغير صعب جداً يكون ضابط للكل يعني ممكن ترم كويس وترم مو تمام وتاكدوا التعديل في الجدول مو بالسهوله الي تتخيلونها |
رد: طلب الدكتور الفريدان تعديل جدول الإختبارات
انا معه انه ثابت عشان نكون عارفين وش نختار مقراراتصعبه كل ترم يتغير يلزمك تمشين على الخطه كذا
وبيكون صعب بحال رسبت بمقرر كيف تعرف متى اختباره ويمكن يصادف يوم بنفس مواد الخطه |
رد: طلب الدكتور الفريدان تعديل جدول الإختبارات
هو قصدة انة يغير تتالي الايام ويثبت أيضاً وليس كل ترم يتغير
ونلاحظ اغلب الاختبارات في أيام معينة مع انة في مجال 13 يوم مظغوطين لية بالتوفيق للجميع |
رد: طلب الدكتور الفريدان تعديل جدول الإختبارات
انا مع التغيير ووضع يوم او يومين بين كل ماده والاخرى بالنسبه للاغلبيه موظف ورب اسره ولايجد الوقت الكافيه ايام الاختبارات لموازنة اموره او اخذ قسط من الراحه
|
رد: طلب الدكتور الفريدان تعديل جدول الإختبارات
ضد التغير والسبب راح يتلخبط علينا فيه مواد اجلتها
والتغير يمكن يخليه يتعارض مع مواد ثانيه وهالمشكله راح تواجهه اغلب الطلبه اللي اجلو يعني ثلاث ارباع الطلبه راح يتضررون من التغير اذا مره يغير يغير ترتيب المواد اللي تجي ورى بعض وتكون تحتاج وقت اكبر بالمذاكره بس اصلا ماراح يصير تغير لانه ثابت |
رد: طلب الدكتور الفريدان تعديل جدول الإختبارات
اللي ماشي على الخطه ما راح يواجه اي مشكله
اللي يخالفها بيكون عنده لخبطه بالنسبه للموظفين اجازة مدفوعه من غير الرصيد السنوي على ايش التعب |
رد: طلب الدكتور الفريدان تعديل جدول الإختبارات
السؤال الأهم ليش الواحد لما يبي يطالب بشي يشوفه من حقه
لازم يبدأ بديباجه يثني ويشكر في اشياء مالها علاقه بمطالبته وهي اصلاً حقوق له لايشكر احد عليها! يعني هناك فرق بين المطالبه بالحقوق وبين تسولها من الغير اما الامر الثاني فجدول الاختبارات عباره عن خوارزميه معقده لايكفي تغيير ماده او مادتين بيختل لابد يبنى من اول وجديد وهذا شيء من خبرتنا بالجامعه معصي مايسوونه احترامي |
رد: طلب الدكتور الفريدان تعديل جدول الإختبارات
بالنسبة لي أرسلت إيميل للدكتور الفريدان وإذا لم يتجاوب سأرسل خطاب آخر إلى مدير الجامعة ...ومن ثم إلى وزير التعليم العالي ....تمنياتي لكم بالتوفيق...
|
رد: طلب الدكتور الفريدان تعديل جدول الإختبارات
لو تفيد غيرنا بالمستقبل لما لا...
|
رد: طلب الدكتور الفريدان تعديل جدول الإختبارات
لا تعبي نفسك على الفاضي ما حيتغير خلوا عندكم عقل ياجماعه
الكل بيتلخبط من كله والجماعه مستحيل تغيره بس ارتاحوا |
رد: طلب الدكتور الفريدان تعديل جدول الإختبارات
يسلم فمك والله صح ليتهم يغيرونه ويخلون بين المواد فتره للمذاكره:33_asmilies-com:
|
رد: طلب الدكتور الفريدان تعديل جدول الإختبارات
الافضل الجدول مايتغير كذا نتلخبط مرتبين جدولنا الي مستوى ثامن
|
رد: طلب الدكتور الفريدان تعديل جدول الإختبارات
اقتباس:
لان يوجد طلاب كثر يضعون خطط كثيرة وجداول كثيرة للسير عليها في مسيرتهم الجامعية على اساس هذا الجدول ' وطالما أنت تمشي على الخطة الدراسية في كل فصل دراسي لا اعتقد أن تواجهك مشاكل بالتعارض .. تحياتي وتقديري :106: |
رد: طلب الدكتور الفريدان تعديل جدول الإختبارات
ضد التغييييييييير كثير ناس اجلوا مواد وهذا يعتمد على الايام بين المواد وبعض المواد بصراحه دكاترتها ماتتفوت وبيستقيلون فناخذها قبل مايجينا واحد مانعرف اسلوبه والكثير من الاسباب اللي تخلينا نغير بالجدول على راحتنا لكن لو تغير الجدول الثابت راح يكون ضياع لنا احنا اللي سوينا لنا خطط الى مستوى ثامن
فاللي مايعجبه جدول الجامعه يقدر هو يرتبه من كيفه لجميع المستويات وبدون تعارض وبكذا ماراح نخرب على غيرنا اللي غيروا بالخطه |
رد: طلب الدكتور الفريدان تعديل جدول الإختبارات
اشوف الجدول واقعي ومريح
انا متذبذ بين مستويين ومنزل الحد الاعلى والجدول مريح لا يوجد يومين ورى بعض كل اللي عليك تختار مواد متفرقه وانتهى الموضوع خصوصا الشباب ما قصرو منزلين خطط للي يبي ينزل ساعات ومرتبينها اشوف الموضوع مبالغ فيه وشكرا |
رد: طلب الدكتور الفريدان تعديل جدول الإختبارات
اقتباس:
معك |
رد: طلب الدكتور الفريدان تعديل جدول الإختبارات
اقتباس:
يسلم فمك |
رد: طلب الدكتور الفريدان تعديل جدول الإختبارات
اقتباس:
يياخي معاد هم مثل اول يعطووونا 14 يوم بس موظفين القطاعات الحكوميه القطاع الخاص صارو بس يعطون اليوم الفعلي للاختبار بإثبااات حضور له بعد ما تنتهي الاختبارات والايام اللي بينها تاخذها اجازة رصيدك واذا تبي ايام قبلها بعد من رصيدك يعني كد كد كد حمار طوول السنه و اجازاتك بس للاختبارات :41jg: انا من اوغسطت 2014 ما طلعت الا اجازات الاختبارات اجمع رصيدي تجمممممع :bawling::bawling: ولا كانك عايش مع العالم روتين ممل بيت و دوام و هم جامعه |
رد: طلب الدكتور الفريدان تعديل جدول الإختبارات
اقتباس:
أطقطقها من رصيدي الاجازه ورصيدي يشكي شرايك نستقيل بس:mh35: |
رد: طلب الدكتور الفريدان تعديل جدول الإختبارات
اقتباس:
والله حتى القطاع الحكومي ما يسمحون الا يوم الامتحان بس ويسجلوه في سجلك اجازة اداء امتحان لاااا وبعد .. يغثونا بطلب صورة من جدول الاختبارات قبل الاختبارات وبأول يوم دوام بعد الامتحانات يطالبونا بإثبات حضور الاختبار وهات عاد كيف تثبت لهم ان الجامعة تتأخر بفتح ايقونة اثبات حضور الاختبار:(183): بس احتمال بعض الجهات الحكومية متعاونين مع موظفيهم يعطوهم الاسبوعين كاملين. |
| All times are GMT +3. الوقت الآن حسب توقيت السعودية: 04:31 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام