|
الان من ارض الحدث استلام الوثائق " ادارة اعمال "
اخواني واخواتي
السلام عليكم ورحمة الله وبركاته الموعد كان من 11 - 12 وصلنا والفرحة تغمرنا بالتخرج واستلام الوثائق ولكن للاسف اصطدمنا باخطاء الجامعة الفظيعة دعونا من الاخطاء في الاسماء ودعونا من ضياع شهادات الثانوية خلونا في التخصص باللغه العربية كاتبين إدارة أعمال لكن باللغة الانجليزية كاتبين الادارة والاسبلنق خطاء mamagement كل الدفعة اللي استلموا اليوم عندهم نفس الخطاء والمشكلة كل عمادة ترمينا على الاخرى القبول والتسجيل يقولوا من التعليم الالكتروني والعكس صحيح عموما انا اكتب لكم الان من ارض الحدث من الجوال فاعذروني على عدم الترتيب والتنسيق والله يعيننا ويعينكم |
رد: الان من ارض الحدث استلام الوثائق " ادارة اعمال "
كل التوفيق يارب لك وللخريجين
|
رد: الان من ارض الحدث استلام الوثائق " ادارة اعمال "
يارب يخطون ويحطوني
التخصص : هندسة او طب |
رد: الان من ارض الحدث استلام الوثائق " ادارة اعمال "
والحل ؟؟
|
رد: الان من ارض الحدث استلام الوثائق " ادارة اعمال "
اقتباس:
|
رد: الان من ارض الحدث استلام الوثائق " ادارة اعمال "
هههههههه حلوة هندسة او طب
|
رد: الان من ارض الحدث استلام الوثائق " ادارة اعمال "
!!!
الله يعين على الكوارث يعني فوق المدة اللي بننتظرها لوصول الوثيقة من ارامكس بننتظر اضعافها الين تنتهي الجامعه من الاجازة وتعدل الاخطاء !! |
رد: الان من ارض الحدث استلام الوثائق " ادارة اعمال "
عزززززززززززززززز الله رحناا الحسااااا
اللي يقول ماوصلتني شهادة الثانوي واللي يقول وصلتني شهادة الثانوي بس ماااهي حقتي واللي يقووول الاسبلينق خطا واللي يقول ماجاتني صوره مصدقه عبدالله الفريدان سلااااامااااااااااااااااااااااااااات!!!!!!!!!!!!!! !!! |
رد: الان من ارض الحدث استلام الوثائق " ادارة اعمال "
هلا بكم جميعا
بعديوجد اخطاء في السجل الاكاديمي الانجليزي اسماء بعض المواد ناقصة احرف |
رد: الان من ارض الحدث استلام الوثائق " ادارة اعمال "
شر البلية ما يضحك جامعة استغفر الله مليون خطا في الوثيقة لكن المصيبة الكبرى المفروض التخصص الفرعي يحطوه بعد ادرة اعمال مو ادارة الرجاء من الاخوة والاخوات اثناء تعديل وثيقته التاكد من هذه النقطة وذلك لاهميتها لانه على حد علمي كان في اجتماع وووو واتفقوا ان الدفعات القديمة راحوا يحطون لهم ادراة اعمال ؟؟؟!!!!! وبعدين تخصص فرعي بالعربي ادارة اعمال كيف بالانجليزي يكون ادارة او زي ما كتبوها (mamagment) الله يعينكم (جامعة فاشلة) |
رد: الان من ارض الحدث استلام الوثائق " ادارة اعمال "
بالله عاد يعقل كذا ننتظر ثلاث شهور على استلام الوثيقه ولما تجي الوثيقه كنها طالعه من مطعم ما هي من جامعة قسم بالله
العظيم شيء يرفع الضغط من هالجامعة البايخه |
رد: الان من ارض الحدث استلام الوثائق " ادارة اعمال "
طيب. الحين كيف شنووو بتسوي علشان يعدلونها. انا موعد استلام الوثيقه الثلاثاء 😩
|
رد: الان من ارض الحدث استلام الوثائق " ادارة اعمال "
وش الساالفه لي اسبوع وانا مسجله في ارامكس ورحت لهم امس ويقول للحين ماطلعت من الدمام
|
رد: الان من ارض الحدث استلام الوثائق " ادارة اعمال "
احس ذا الشي مقصود من الجامعه خصوصا بالتخصص لان مثل وكانها تبي تمشي كلامها وتخليه ادارة
فقط ولا جامعه لها مكانتها وسمعتها تسمح في هالاخطاء الفادحه مستحيل وين المدققين على الوثائق وعلى مراجعة النص للوثسقه من قبل العميد وشؤون الطلاب اذا كان واحد نايم مو الكل بيكون نايم اتوقع ذا الشي مقصود من الجامعه والله اعلم |
رد: الان من ارض الحدث استلام الوثائق " ادارة اعمال "
ان شاء الله اكتشفو الخطاء وجالسين يعدلونها عشان كذا تاخرت
|
رد: الان من ارض الحدث استلام الوثائق " ادارة اعمال "
انا رحت استلمت الوثيقه وفيها الخطا وطلبت يعدلونها
قالوا ان الفريدان اعطاهم امر ان يعدلون كل الوثائق ووقالوا لي العموم. كلهم يستلمونها الخميس جاهزه |
رد: الان من ارض الحدث استلام الوثائق " ادارة اعمال "
يا جماعة وسعوا صدوركم
^ الأخطاء واردة نظراً للعدد الهائل من الخريجين سواءص الانتظام او الانتساب ^ الله يعين الجميع |
رد: الان من ارض الحدث استلام الوثائق " ادارة اعمال "
الله يعين الجميع
|
رد: الان من ارض الحدث استلام الوثائق " ادارة اعمال "
مساء الخير انا نفس موضوعك بس لقيت اسمي خطأ وعدلته ورفضوا يعدلون التخصص ومرمطوا فينا شوي وكنت صايم ومالي خلقهم وعندي رحلة عوده الساعه ٣ العصر فأخذتها لاني مستعجل عليها بالدوام وسجلتها بالدوام اليوم وبحجز لهم بعد رمضان واجيهم وانا فاضي امخمخ عليهم تقول غاصبينهم على هالشهادات
|
رد: الان من ارض الحدث استلام الوثائق " ادارة اعمال "
لا وأبشركم ضيعوا شهادتي حقت الثانوي
|
رد: الان من ارض الحدث استلام الوثائق " ادارة اعمال "
يقولون بندورها ونرسلها لك عالبريد
|
رد: الان من ارض الحدث استلام الوثائق " ادارة اعمال "
والله حاسونا
انا طالع للاحساء من الرياض كلها عشان الحق اسجل في اختبار تقييم1 |
رد: الان من ارض الحدث استلام الوثائق " ادارة اعمال "
والله ماانحب نكون سلبيين ولا نحب السلبيين
وياااما ذي الجامعه كانت معنا ببعض التصرفات سلبيه وحناااا ندمح لهم بسسس لدرجة انهم يخطأو في كتابة التخصص لدفعه كامله ذاا استهتاااار وان دل على شيء يدل على ان عندهم من رداءه في الرقابه الاداريه مالله به عليم والله قتلو فرحة التخرج قسسسسم بالله حسسبي الله ونعم الوووكيل بس عليك يالفريدان |
رد: الان من ارض الحدث استلام الوثائق " ادارة اعمال "
توني بطبع الموعد من موقع الجاممممعه لقيت الايقونه محذذذوفه وش اسوي
بكره موعععدي |
رد: الان من ارض الحدث استلام الوثائق " ادارة اعمال "
اقتباس:
مو مستاهل الموضوع هالمشوار الا اذا تعدلت خليها بعد العيد افضل |
رد: الان من ارض الحدث استلام الوثائق " ادارة اعمال "
يجب عدم السكوت
|
| All times are GMT +3. الوقت الآن حسب توقيت السعودية: 10:24 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام