|
خلاص مب قادره اتحمل عدم رصد درجات التدريب الميداني2
السلام عليكم ورحمه الله وبركاته هدف موضوعي في العنوان.. احس خلاص صبرت كثير كل شوي ادخل الموقع تبع الجامعه بلا فائده ماتغير شيء..الى متى؟!! للآن مب حاسه ان النتائج طلعت ًوالعالم انبسطت.. تعبت اعطي اعذار ..اقول يمكن ويمكن ويمكن .. نفذت يمكن من بالي.. ليه ماتطلع النتائج مره وحده..كذا نتشتت ويضيقون خلقنا.. مب عارفين راح يرصدونها والا نروح لهم والا ننتظر ردهم في الايقونه والا ماراح يبالون لنا اصلا.. الحال يرثى له..وانا ماعندي ابيات لرثاء!! ايش ممكن نسوي حتى نسترد حقنا.. ولادرجه ياظالمين على بحث ولا على تقرير.. حتى الخريف قال اذا البحث منسوخ بعطيكم درجه لعدد الصفحات !! واذا مب منسوخ ولادرجه!! ودنا اللي يروحون للجامعه يعطونا هل في فائده من المشوار والا الشكوى لله!؟ |
رد: خلاص مب قادره اتحمل عدم رصد درجات التدريب الميداني2
اللهم فوضت امري اليك الله بينصررنا
اكثر من الاستغفار |
رد: خلاص مب قادره اتحمل عدم رصد درجات التدريب الميداني2
والله ياخيه تعبت من كثر ماادخل موقعهم تعبت ..
ايش ذنبنا ..رفعنا بحثنا والتقرير وتم الحفظ ايش ذنبنا يوصل معطوب لهم.. استغفر الله ..استغفر الله.. الله يصبرنا بس .. |
رد: خلاص مب قادره اتحمل عدم رصد درجات التدريب الميداني2
عليكم بالصبر ...الله أعلم هذا التأخير هو من صالحنا وإلا بإمكان الجامعة إظهار النتائج بكل سهولة
أنا أكاد أجزم بأن هذا التأخير هو لمساعدة الطلاب ...والله أعلم |
رد: خلاص مب قادره اتحمل عدم رصد درجات التدريب الميداني2
الحال زي بعضه عزيزتي ..بس ماندري وين الخيره فيه ..
نصبر ونحتسب .. ونطالب ونطالب |
رد: خلاص مب قادره اتحمل عدم رصد درجات التدريب الميداني2
يارب حقنا مايضيع..
تمنيت النتائج تتأخر ولا نتيجه تطلع والدرجات ماترصد.. الله كريم واتمنى اي شخص عنده معلومه لايبخل.. |
رد: خلاص مب قادره اتحمل عدم رصد درجات التدريب الميداني2
اختي بقول رايي بس ممكن مايعجبك انتي والاخوان والاخوات الي نقصهم درجة البحث
في التدريب الميداني 2 اذا انتي مشيتي على الكلام الي قالة الدكتور في المباشرة الثانية من اختيار الموضوع المناسب للبحث وترتيب صفحات البحث بالطريقة الصحيحة واضافة شعار الجامعة في بداية البحث واضافة اسماء الدكاترة الثلاثة في اول صفحة للبحث راح يعدلون لك الدرجة ,, اما اذا كان عندك شي غلط من الي ذكرت فماراح تاخذي غير الدرجة الي رصدت لك |
رد: خلاص مب قادره اتحمل عدم رصد درجات التدريب الميداني2
اقتباس:
كل شيء سليم..وان افترضت بحثي ماعجبهم طيب والتقرير والتعب وين راح؟! قليل من الانصاف منهم احتاجه..اما التهميش صعب على النفس.. حاولت اكلم اكثر من دكتور بلا جدوى..متأكده كثره الطلبه زاعجتهم رغم ان حق الطالب يسأل بس اضع درجه عشوائيه مايصير! انا ماعندي مشكله في ان زوجي يروح بس مايصير يروح ومايعطونه وجه لاعداد المراجعين من الطلاب.. ياخوي ياليتها بس على التدريب2حتى التدريب3نقص كبير رغم ان واثقه من عملي والتقييم لااعلم بناء على ايش بالضبط افضل لو يتصلون لجهات التدريب افضل !! فوق كذا قلت انسي الان التدريب 3...خلك على التدريب 2لعدم الرصد .. الله كريم ..وينصفونا ..مشكور اخوي الجارح |
رد: خلاص مب قادره اتحمل عدم رصد درجات التدريب الميداني2
اطمأني انا راجعت الدكتور فهد الخريف ( احرجني بكرم اخلاقه الله يبيض وجهه )
وقال ان فيه عدد كبير لم ترصد لهم درجه التدريب الميداني 2 وشيك على اسمي عنده بالجهاز وقال امورك طيبه اذا انتي واثقه انك رفعتي التقرير والبحث فأقدر اقول زي ماقال الدكتور فهد ( امورك طيبه ) انتظري فقط |
رد: خلاص مب قادره اتحمل عدم رصد درجات التدريب الميداني2
اقتباس:
تسلم الله يسعدك .. عقبال مانبشر بعضنا بالرصد.. مشكووووووووووووووور كثر ماكررت حرف الواو فيها واكثر ..شكرا شكرا |
رد: خلاص مب قادره اتحمل عدم رصد درجات التدريب الميداني2
أن الإنسان من خصائصه الخَلْقِيَّة أن الله خلقه عجولاً، وقد لا ينتبه بعض المؤمنين إلى أبعاد هذه الآيات، ربنا جل جلاله يقول:
﴿وَيَدْعُ الْإِنْسَانُ بِالشَّرِّ دُعَاءَهُ بِالْخَيْرِ وَكَانَ الْإِنْسَانُ عَجُولاً﴾ يا أيها الإخوة الأكارم... العَجَلَةُ في تعريفها الدقيق: طلب الشيء قبل أوانه. الصبر طيب ! |
رد: خلاص مب قادره اتحمل عدم رصد درجات التدريب الميداني2
مشكور اخوي بدر على ردّك الطيب والمطمئن والله يجزاك عني وعن جميع زملائنا اللي مرصدت لهم درجة التدريب الميداني او حتى مشروع التخرج كل خير في موازين حسناتك ردّك يبعث فينا روح التفائل مالنا الا الصبر ان شالله الأسبوع الجاي بتغير كل شي بالنسبه للتدريب الميداني ٢ انا ارسلته مع واحد من الزملاء بفلاش وقالو انتظروا لين الأسبوع الجاي مالك الا الصبر بالتوفيق للجميع
|
رد: خلاص مب قادره اتحمل عدم رصد درجات التدريب الميداني2
اقتباس:
ورحت لمصلح العضايله وقالي ملفك سليم بس الدكتور مارصد لك الدرجه!!! تناقض عجيب في عمادة التعليم عن بعد ولا حتى فيه احترام للشخص الي ضارب لهم مشوار وبعدها اضطريت اروح كلية الاداب وقابلت الدكتور فهد الخريف اقسم بجلال الله كأني انا الدكتور وهو الطالب دماثة خلق لم اجد لها مثيل الله يجزاه عنا خير الجزاء |
رد: خلاص مب قادره اتحمل عدم رصد درجات التدريب الميداني2
اقتباس:
بس ياخوي نتائج وفيها ماده لم ترصد رغم ان هناك كثير من رصدت لهم هنا مسبب كبير للقلق .. شكرا اخوي لمشاركتك الجميله..الله يوفقك |
رد: خلاص مب قادره اتحمل عدم رصد درجات التدريب الميداني2
والله يابدر الجامعه وغيرهم شككونا حتى بشغلنا وقمنا نرسل لهم بحثنا وتقاريرنا بفلاشات ! ولا اناداري ان عندهم بربسه وشغلهم مو منظم وتناقضات عجيبه الخوف الكبير عندي مشروع التخرج الله يستر بس
|
رد: خلاص مب قادره اتحمل عدم رصد درجات التدريب الميداني2
المشكله م احد حاسّ بوضعنا الناس فرحوا بنتايجهم وانا كن علي حداد فالبيت وكل ذا بسبب التدريب الميداني وال٢٠ درجه اللي م انرصدت ابد ، استغفرالله وأتوب اليه والله يعين ..
|
رد: خلاص مب قادره اتحمل عدم رصد درجات التدريب الميداني2
اقتباس:
تبي التناقض تدريب ميداني 2 انا ارسلت البحث بالموضوع اللي نبه عليه الخريف وناسخه من المنتدى ورفعته لشخصين وقبله اخوي عن التاخير في المدرسه اظن واخذت الدرجه كامله يعني شختك بختك |
رد: خلاص مب قادره اتحمل عدم رصد درجات التدريب الميداني2
اقتباس:
قال كلام اللي يرددونه الطلاب من أشهر صحيح بس بالأخير قال كل المواضيع مقبولة بس ماتكون منسوخة اما شغلت نعيد في هالكلام انا والله تعبت الله يعين الدكاتره !! طبعا حاشاك اخوي ما أقصدك لان انا مدري ايش محاضرتكم كانت ..بس محاضرتنا تكلم عن مجموعه موضوعات مكررره حتى والبنات يقولون موضوعاتهم قام يضحك وقال بالنهاية كل المواضيع مقبولة بس ماتكون منسوخة من هالمنتدى يعني حتى اللي مواضيعم كذا الامر طبيعي.. التناقض في انك نسخته ورصدون لك درجه كامله هنا التناقض مثل ما كتبت.. ان شاءالله ترصد درجاتنا بس ونرتاح |
رد: خلاص مب قادره اتحمل عدم رصد درجات التدريب الميداني2
وعليكم السلام ورحمة الله وبركاته
صبراً جميل والله المستعان على ماتصفون احنا طلعت نتائجنا ولا فيه مشكله ننتظر التدريب حال أفضل من غيرنا .. غيرنا بعضهم للحين ماشاف نتيجته بسبب تغيير المركز . |
| All times are GMT +3. الوقت الآن حسب توقيت السعودية: 10:00 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام