|
تأجيل الاختبارات
السلام عليكم ورحمة الله وبركاته،،
عندي استفسار بسيط والله يجزاه خير اللي يفيدني هل اذا قدمت اعتذار عن الفصل الحالي وانا مسدد الرسوم هل الفصل القادم لازم اسدد بعد والا يبقى المبلغ للترم الجاي علماً ان وضعي الصحي ما يسمح لحضور الاختبارات واحتمال يقرر لي عملية قريباً وجزاكم الله خير |
رد: تأجيل الاختبارات
وعليكم السلام ورحمة الله وبركاته
لابأس طهور ان شاء الله انسحاب بدون استرداد الرسوم الترم القادم تدفع رسوم اخرى التعليم اصبح مادي بحت |
رد: تأجيل الاختبارات
عليكم السلام
انتهت فترة تقديم الاعتذار مالك الا حل واحد ماتدخل الاختبارات وتجيب تقرير طبي او اجازه مرضيه وترفعها ب ايقونه الخاصة بتقديم الاعذار ويتم تنزيل المواد لك الترم الجاي بدون دفع الرسوم مره ثانيه * |
رد: تأجيل الاختبارات
جزاكم الله خير لكن للعلم ايقونة الاعتذار مازالت مفعله
المشكلة مادري تقرر العملية واخاف تكون بعد الاختبارات وبنفس الوقت اخاف ما احضر واقدم التقرير وما يقبلونه ربك يسهل ان شاء الله |
رد: تأجيل الاختبارات
لاباس ان شاء الله
الافضل لك انك ماتدخل جميع الاختبارات وتقدم العذر الطبي . |
رد: تأجيل الاختبارات
اقتباس:
اذا تم التنفيذ نعمه كريم واذا لا الله يعينك ادخل االاختبار |
رد: تأجيل الاختبارات
نصيحه توكل على الله وادخل الاختبارات ومتى ما تقررت العمليه لاتحضر وقدم لهم عذر وان شاء يقبلونه
وممكن بتصير العمليه بعد الاختبارات وحرام يضيع الترم عليك |
رد: تأجيل الاختبارات
أخوي الحل الأكيد لأمرك
لا تحظر الإختبارات ( ولازم يكون معك إجازه مرضيه بفترة الإختبارات كلها مع تقرير طبي ) .. وإرفقها بعد ما تفتح أيقونة تقديم الأعذار للمتغيبين عن الإختبارات وراح بإذن الله تنزل لك المواد دايركت ( من غير تسجيل ولا رسوم ) ويكون لترم واحد فقط .. بحيث إذا جبت عذر ثاني لترم ثاني وإنت معتذر لترم أول .. لا يقبل وبالله التوفيق |
رد: تأجيل الاختبارات
أخوي الحل الأكيد لأمرك
لا تحظر الإختبارات ( ولازم يكون معك إجازه مرضيه بفترة الإختبارات كلها مع تقرير طبي ) .. وإرفقها بعد ما تفتح أيقونة تقديم الأعذار للمتغيبين عن الإختبارات وراح بإذن الله تنزل لك المواد دايركت ( من غير تسجيل ولا رسوم ) ويكون لترم واحد فقط .. بحيث إذا جبت عذر ثاني لترم ثاني وإنت معتذر لترم أول .. لا يقبل وبالله التوفيق |
رد: تأجيل الاختبارات
الله يشفيك و يعافيك |
رد: تأجيل الاختبارات
مليون لابأس عليك ، والله يكتب لك الصحة والعافية والأجر لاتنسحب و لاشيء ، أذا سويت العملية اثناء موعد الأختبارات خذ من المستشفى ورقة أثبات للعملية واذا ماسويتها في وقت الاختبارات وأنت غير قادر على حضور الأختبار أشرح وضعك لدكتورك المعالج ويعطيك تقرير أنك ماتقدر تؤدي الأختبارات لظروف مرضك وبإذن الله توافق الجامعة . أفلح وماتشوف شر ياذيب |
رد: تأجيل الاختبارات
الشر ما يجيكم.. وجزاكم الله جميعاً الف خير
قدمت اعتذار بعد الاستخارة أولاً: وضعي ما يسمح اني اذاكر وثانياً: ما اضمن ان المستشفى بيعطيني اجازة مرضية طوال فترة الاختبار والا التقارير موجودة لكن افضل أأجل الترم ولا ينخفس المعدل والخيرة فيما أختاره الله.. والله يوفقكم جميعاً بالاختبارات وفالكم a+ |
رد: تأجيل الاختبارات
اقتباس:
بس لازم يكون لك خطه بديله لان الاعتذار ممكن ماينقبل يعني لازم تشوف لك حل ثاني احتياط وماتشوف شر وماقدامك الا العافيه :(204): |
رد: تأجيل الاختبارات
الله يشفيك ويعافيك
|
رد: تأجيل الاختبارات
اقتباس:
اذا ما تقدر تحضر تجيب تقرير طبي وراح يقبلونه وراح يتأجل اختبارك للفصل القادم وبدون ما تسدد رسوم . ان شاء الله يكون الفصل الصيفي في جميع المواد . |
رد: تأجيل الاختبارات
يا اخوان احد يفيدني قدمت اعتذار عن الفصل الحالي: وطلعت لي الرسالة التالية:
حالة الطالب: اعتذار عن الدراسة وتحتها سطر آخر حيرني مكتوب حالة الطالب لا تسمح له بتقديم اعتذار عن الدراسة؟؟! الحين هل قبلو العذر ام لا؟! اخاف ينكبوني علماً بأني شيكت على السجل الاكاديمي ومكتوب في الحالة: اعتذار عن الدراسة بدلاً عن فعال احتاج احد جرب يعتذر من قبل ويأكد لي عشان اتطمن وشكراً مقدماً |
رد: تأجيل الاختبارات
ايه تم قبول الاعتذار
وكان ودي انك سمعت كلام الاخوان ولا حضرت الاختبار لانها حصلت معي وكان رد الدكتور الفريدان لي لو انك ماحضرت الاختبار احسن.. لكن ما دامك استخرة فالخيره فيما اختارها الله |
رد: تأجيل الاختبارات
شكراً على التأكيد اخوي ابو فاطمه وخيره أن شاء الله
|
رد: تأجيل الاختبارات
الله يشفيك ويعاافيك
لا تدخل الاختبارات وقدم لهم عذر طبي لكن لو حذفت مواد الان تروح عليك الرسووم |
رد: تأجيل الاختبارات
اقتباس:
اتوقع تم تنفيذ طلب الحذف وبكذا انتهاء الموضوع :s_45: |
رد: تأجيل الاختبارات
أسأل الله العظيم أن يشفيك
والله يسهل امرك ما ينفع اقولك هالكلام وانت قدمت اعتذار < بس راح اقول يمكن يفيد احد غيرك ترم من الاترام صادفت مشكلة ما اذكرها < غبار او قمة ، مدري كان مركز الاختبار بعيد مرررررره كلمت الموظف في الرقم المجاني قال لي : اذا انتي موظفة ومداومة جيبي صورة منها او تقرير طبي من مستشفى أهلي بصراحه متساهلين الحين مدري كيف النظام عندهم ؟؟ |
| All times are GMT +3. الوقت الآن حسب توقيت السعودية: 01:29 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام