|
الى الخريجين العام الماضي واللي قبله
السلام عليكم احبتي .. عندي سؤال ومحيرني .. الى الآن وهذه الدفعه الي تخرجت تعتبر دفعه رقم 6 لعدد الخريجين من هذا التعليم عن بعد او شهادة ا لانتساب بحسب شهادتنا ... السؤوال هو .. هل فيه احد توظف سواء في قطاع خاص او حكومة .. واذا كان فيه يحدد التخصص والجنس ووين وكيف طبعاا من جميع مناطق المملكة ... ويفيدنا بطريقة التسجيل ... ويفيد غيره بعد ... فكلنا اخوان وزملاء دراسة .. لأني كل مااسأل احد مافيه احد توظف واولهم انا طبعا خريج العام الماضي ..ولأن كلام التحطيم شبعنا منه .. و انا ماقصدي احسد احد لاتفهمون غلط .. بس ابي اشوف هل من جد فيه احد توظف بهالشهاده ولا بس الناس كذا تتكلم مافيه وظايف ومافيه احد توظف من 6 دفعات .. هل هذا معقول ؟؟؟ وسلامتكم .. :16.jpg: |
رد: الى الخريجين العام الماضي واللي قبله
انا تخرجت وما توظفت
|
رد: الى الخريجين العام الماضي واللي قبله
خريجة 2014 وماتوظفت
|
رد: الى الخريجين العام الماضي واللي قبله
اللي صارلهم سنين وانتظام ماتوظفو
الوظيفه رزق من الله لو شهادتك متوسط انت اسعى وادعي ورزقك مكتوب لك من وانت فبطن امك |
رد: الى الخريجين العام الماضي واللي قبله
مساء الخير
انا متخرجة السنة الي طافت والحمدالله ربي رزقني وظيفة انا وصديقاتي توظفنا الحمممدالله بنفس الشهاده كانت للبعض والبعض غير المهم اشتغلت(; كل الي حولنا تتحطيم مستحيل تتوظفين ومن الكلام السلبي الي سمعته من اول مادخلت الجامعة بتسال كيف ؟! انا عن نفسي ادرس معلمة بروضة جنب بيتنا فاتحه سجلت عطوني دوره اخذة مقابله قبولوني ولله الحمد ولسى ابحث عن وظيفة تكون فيها راتب اعلى شوي اي دورة اسمع فيها ادخلها اي اختبار ادخله وانا اول شي ممممتوكله على الله كثير ان راح اتوظف مو عشان فلان قال وعلان وغيره ان مافي وظايف ابحث حتى لو اقل شوي من شهادتك ...ادخل اي وظيفه ونفس الوقت ابحث عن اعلى منها ..يمكن تكون فاتحة خير عليك اممم وبس ررربي يوفق كل خريج وخريجه حبيت ارفع من روح التفائل عندكم شوي(: الله يسعدكممم |
رد: الى الخريجين العام الماضي واللي قبله
صفاء جزاك الله خير
بس الكلام اللي فوق ماله دخل بالشهادة . الوظيفة اللي انتي فيها حتى بالثانوي يتوظف بها وبعدين كل واحد وتخصصه . اذا بغيتي تقارني . جيبي احد توظف بالدولة او بشركة بتخصصه |
رد: الى الخريجين العام الماضي واللي قبله
بالضبط مثل ماتفضل الاستاذ فهد ، نبغى الطلبة الذين توظفوا في الدولة سواء كان معلم او اداري أو في شركة لها ثقل بالبلد ، اما وظيفة في جمعية خيرية او مؤسسة صغيرة او روضة غير حكومية (خاصة) هذه الوظائف ماتستلزم البكالوريس حتى بالثانوي والمتوسط مقبولين في التوظيف
بالتوفيق،، |
رد: الى الخريجين العام الماضي واللي قبله
السلام عليكم ورحمة الله وبركاته
ودي أعرف ليش تسمعون الكلام اللي يسم البدن؟ ودي أفهم بعد شلون ما لقيت وظيفة؟ كم الراتب اللي تبيه؟ أنا توظفت بمستشفى سعد التخصصي (الراتب للجامعي 4000) وبعد أكثر من سنتين كد انتقلت للعمل بشركة الكفاح بريكاست بنفس الراتب (بس مميزات أحسن) لحد يقول ما فيه وظايف . إحنا نتشرط ، نبي مكتب ومكيف وشاي وقهوة اركب سيارتك وانا اختك . وخذ لك تمشايه بهالجو الحلو . امش و وزع سيرتك الذاتية . ترا مو شرط يوظفونك . علشان تتعلم اساليب المقابلة الشخصية وشلون تضبط أعصابك. واذا الله كتب لك وظيفه مو في مجال تخصصك ، برضو عادي ، اللي ما قد توظف يسمونه فريش (طازه) وهذول يبونهم لانك تقدر تمسك اي وظيفه تمشي فيها امورك وتتعلم سياسات الشغل قبل الاساسيات ، ومتى ما لقيت شغل ثاني يحبه قلبك ، قدم استقالتك واطلع، ترا بينك وبينهم شهر واحد انذار تشتغله والله يحفظك بس على الاقل تصير السيرة الذاتية مليانه شوي اعذروني اذا حسيتوني متنرفزه بس الصراحة ومع حركة السعودة ، الشركات بورطة . يبون يرفعون نسبة السعودة ومو عارفين فيه وظايف بكل مكان الحين ما دام احنا بأول السنة ميلادي والله يوفق الجميع دنيا واخرة |
رد: الى الخريجين العام الماضي واللي قبله
اشكر ردودكم جميعااا .. بس من الملاحظ انكم متساهلين في مسألة التخصص.. انا بالنسبة لي تخصصي صعوبات تعلم وورطتنا الجامعة بهالتخصص وبعدها قفلوه اول ناس لعدم توظيفنا كمعلمين من وزارة التعليم .. اوكي انا اتوظف غير معلم بس اتوظف اداري هذا بالنسبة للوظايف الحكومية ماقلنا شئ وحتى الوظايف الاخيره ماشملتنا المسميات الوظيفية الادارية لأننا تربويين ..الخ .. هذي ماهي بمشكلتنا ..
المشكله هل فيه احد توظف وظيفة مناسبه مثلا في بنك او اداري في شركة محترمه .. ترانا ماحنا بمعقدين نبغي راتب كويس حول ال6000 ترانا جامعين ومميزات وتأمين طبي وخلاص .. اما اتوظف مثلااا بشركه غبيه اصلا ودها بسعوده تعطيك 3000 او حتى 4000 ريال وتخلي هندي ولا باكستاني يهينك عشان تطفش من الوظيفة وتفصل وتكون هالشركه اهي الكسبانه بجيب العماله بسعودتك تراها انكشفت هالحركات ... سؤالي انا هل فيه احد توظف او فصل من شركة راتبها ماهو كويس وتوظف بشركة او حكومه بشهادة الانتساب ام لا .. يعني ماهو معقول الالاف الخريجين ولا فيه احد توظف.. اذا من جد ماحد توظف ب6 دفعات خريجين من جميع مناطق المملكه ودول الخليج تراها مصيبه .... |
رد: الى الخريجين العام الماضي واللي قبله
اخوي ابو بشاير
عذرا ان ضايقك ردي بس كان همي انك تبحث عن الوظيفة اللي تقدر تستحملها سنتين كبداية علشان يصير لها ثقل(مو تتنطط من مكان لثاني) اهم شي الخبرة مش الشهادة . وبعدين مين قال لك ان الجامعي ياخذ 6 الاف؟؟؟ المميزات ايه تلقاها بأي شركة كانت (اذا اخترت عدل ترا مو مضمونين) بس الراتب اللي تبيه مبالغ فيه وبعدين ممكن تقول لي ايش تقصد بالوظيفة المناسبة؟ كل موظف يشتكي من المكان اللي فيه. محد يمدح ابدا حتى ارامكو اللي هي ارامكو ما تعطي الموظف الجديد الجامعي هالمبلغ اذا كانت الشهادة ما تدعمك (مثلي مثلا) توظف سكرتير (هذا اداري) ومن يصير استقاله راح يبحثون بالموظفين اللي عندهم وضامنين شغلهم (وهذا تطور وظيفي) والعقد يتجدد كل سنة (ومعاه الراتب) ولا تنسى بدل السكن على البونص السنوي على بدل نقل بيوصل 6000 بعد ثلاث سنين ان شاء الله انت بس امسك اول الحبل وتوكل على الله |
رد: الى الخريجين العام الماضي واللي قبله
اقتباس:
لكن أعرف كثير من الأخوة توظفوا عندنا بوزارة العدل بشهادات الانتساب ـ فيصل ـ الإمام ـ عبدالعزيز ـ وكلهم جتهم المرتبة السادسة ـ طبعا تخصصاتهم ـ دعوة ـ إسلامية ـ عربية . هذا الي أنا أعرف والرازق الله |
رد: الى الخريجين العام الماضي واللي قبله
وانا بعد موظف حكومي من قبل الشهادة ولله الحمد ,, تخرجت السنة الماضيه
ومقدم على كذا وظيفه وللحين انتظر , والله يكتب لي ولكم مافيه الخير ,, |
رد: الى الخريجين العام الماضي واللي قبله
اقتباس:
ايه تخصصنا مشكله مو مطلوب غير بمدارس الراتب يستاهل اذا الوظيفه حكوميه لكن خاص حدنا من 3000الى 5000 اكثر من كذا مافيش لحد يقول مدارس اهليه لان مالقيت وظيفه فيها كلش مكتفين وحاولت اكمل ماستر بجامعة الملك سعود رافضين الانتساب وتوظفت حاليا بشركة راتب 4000 :sm1: ***** كــ تخطيط / بدرس ماستر بكليه اهليه مابنتظر الجامعات الاهليه وشروطهم. كــ حلم آتمنى يتحقق من وزير التعليم الجديد والمحامي / ندخل المفاضلة . للمعلوميه جامعة الملك خالد ب ابها اتوقع في مجموعه تخرجت مثلنا من جامعة الملك فيصل وانقبلوا فيها ويدرسون ماجستير حاليا بس مشكلتي بعيده عني ومقدرش اقدم عليها |
رد: الى الخريجين العام الماضي واللي قبله
الردود الثلاثة الاخيره هذا اللي فاهمين سؤالي ويعطيكم العافيه .. اما البقية المتحمسة جايين مطفين النور ومدرعمين ولا يدرون وش السالفه .. وسؤالي في صوب وجوابهم الحماسي في صوب اخر ... شكرا لكم زميلة التخصص دلع فوشيه .. وعلاوي وبورشيد ..
والحمد لله فيه احد توظف بالانتساب بجامعتنا والفال لنا يارب ... |
رد: الى الخريجين العام الماضي واللي قبله
عليكم السلام ورحمة الله وبركاته
الجنس ذكر التخصص إدارة أعمال تاريخ التخرج 10/08/1435 الموافق 09/06/2014 تاريخ استلام وثيقة التخرج شهر 10/1435 موظف في القطاع الخاص سجلت في نظام جدارة وارفقت الاوراق المطلوبة في الموقع وتم مطابقتها وفي شهر ربيع الاول 1436 جاتني رسالة على الجوال بضرورة التسجيل في اختبار القدرة المعرفية 1 على موقع قياس ودخلت الاختبار في تاريخ 11-04-1436 وتم الاعلان عن طرح وظائف ادارية في شهر جمادى الاول 1436 وحددت 3 وظائف من القائمة المسموح بها في نظام جدارة في تاريخ 01/06/1436 تم الاعلان عن أسماء المتقدمين والمتقدمات للمطابقة النهائية لمراجعة مكاتب الخدمة المدنية من تاريخ 09/06/1436 والحمد لله إسمي من ضمن الأسماء المعلن عنها |
رد: الى الخريجين العام الماضي واللي قبله
باقي شهرين واتخرج وقدمت في مدرستين من باب جس النبض لا أكثر :d
وكلهم قبلوني الحمد لله وحدة مدرسة عالمية والثانية مدرسة اهلية :019: والراتب لكليهما ٥٦٠٠ طبعاً رفضت حالياً لأني ابي اتخرج بمعدل عالي واركز ع دراستي توكلو على الله وابذلو بالأسباب والباقي على ربي بالتوفيق ،، :icon1: |
رد: الى الخريجين العام الماضي واللي قبله
الوظايف تبي صبر مع الدعاء كل شي يصير برحمة الله
|
رد: الى الخريجين العام الماضي واللي قبله
اقتباس:
و ازيدك من الشعر بيت فيه مدارس اهلية تعطي راتب معلمة الانجليزي 7000 او 6600 ريال (لندرة التخصص + ومخرجات التعليم) بالعكس لا تخافين تخصصك مطلوب خصوصاً بالمدارس الاهلية و العالمية و بعد الشركات الكبرى (واهم الشي نطق الحروف بطريقة صحيحة ) والله يوفقك يارب |
| All times are GMT +3. الوقت الآن حسب توقيت السعودية: 01:59 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام