|
بخصوص التدريب الميداني 2
السلام عليكم ورحمة الله وبركاته مرحبا بالجميع ماعليش بكثر عليكم بخصوص التدريب الميداني بصراحة كنت اعتقد اني فاهمه لكن انتابتني بعض الاسئلة لما فتحت ايقونة التدريب الميداني اولا: بالنسبة للتدريب في المدرسة اتدرب على ايش شفت كم رد ناس تقول دراسة حالة وناس تقول اطبعي تقرير التدريب الميداني لكن لما شفت التقرير احس هذا نهاية التدريب اعبيه لكن السؤال وش اسوي بالمدرسة وين النماذج اللي اعبيها وبعدين مكتوب في التعليمات اربعه ايام في الشهر وناس كاتبه ثمانية ايام اقل شي فما ادري وش الحل؟ ثانيا: بالنسبة للنموذج التقرير الميداني بعد ما اطلعت عليه تفاجات بالاجتماعات الجماعية والفردية ما ادري وش طريقتها * عدد الساعات التي حضرها الطالب * عدد الاجتماعات الاشرافية الجماعية * عدد الاجتماعية الإشرافية الفردية ثالثا: الله يسعدكم دنيا واخرة ويوفقكم اينما كنتم ويرزقكم من اوسع ابوابه يارب العالمين والف شكر للجميع واعذروني على كثرة الاسئلة. |
رد: بخصوص التدريب الميداني 2
أسئلة وجيهه ونربد إجابة
|
رد: بخصوص التدريب الميداني 2
:Cry111: افا مافيه اجابة شافيه كافيه لا حول ولا قوة الا بالله :mh12:
|
رد: بخصوص التدريب الميداني 2
انا بعد تايه مدري وشلون ابدا كل شوي واحد معطينا معلومه
ابغى خطوات وشرح مفصل مافيه ياليت احد من الاخوه او الاخوات يمشي معنا خطوه خطوه ومتى ابد من تاريخ كذا الى تاريخ كذا .. انا بالنسبه لي ابغى ابدا الاسبوع المقبل .. ومنكم نستفيد |
رد: بخصوص التدريب الميداني 2
سجلو معكم وحده تايهه :verycute:
استغفر الله واتوب اليه بالله احد يرد على اسئله الاخت ويكون ماخذ الماده رجاء نبي الجميع يستفيد:004::love080: |
رد: بخصوص التدريب الميداني 2
وانا بعد مثلكم :(:confused:
|
رد: بخصوص التدريب الميداني 2
وسجلو عندك واحد شاي متكيه بدون افهم وش المطلوب من الاخر وش الزبده
|
رد: بخصوص التدريب الميداني 2
حسب ماهو مكتوب يوم واحد اسبوعيا لمده شهر
اي ٤ ايام بالشهر كامل .. |
رد: بخصوص التدريب الميداني 2
لاحول مازلنا تايهين من جد
اقدر يوميا اداوم بالمدرسه لان مافي وقت |
رد: بخصوص التدريب الميداني 2
|
رد: بخصوص التدريب الميداني 2
|
رد: بخصوص التدريب الميداني 2
اهلا اختي
اسمعي والله سهالات ومافي شي صعب اقولك التدريب انك تروحي لمدرسه طيب بعدين تاخذي معك خطاب وكمان تقرير ونموذج. الزام الطالب واممم وبعد جدول حظور وانصراف ومباشرة الطالب <<هذي كلها واضحه الي بالورقه جاوبي عليه وبس التقرير هذا تعبيه مع المرشده ومن خلال ماتتابعي معها اثناء عملها وتختميه من عندهم لازم الختم ولا ماراح ينفع وهو حصيلة نشاطك وكمان راح تكتبلك به المرشده عن نشاطاتك فيه يعني تقيمك وبالنسبه للي فيه هذا عدد الساعات الي حظرتيها اويوم الحظور هذا بعد ماتخلصي التدريب على اخر يوم شوفي كم ساعه حظرتيها خلال فترت التدريب لعشرة الايام سواء ممتتاليه او متفاوته و ماعليك من دراسة الحاله <هذي تخص التدريب الميداني ٣لان نصهم ماخذين هالمادتين مع بعض ونموذج الزام الطالب هذا واضح عندك وتعبي الفراغات بالمطلوب وجدول حظور والانصرافف هذا مثلا جيتي يوم الاحد الساعه ٧ونص الحظور والانصراف ١٢ زي كذا يعني الساعه الي تجي بها وتروحي بها وبالنسبه للايام هي ١٠ايام او 8يعني للي يواجهو مصاعب زي الموضفين وتداومي مره بالاسبوع بس حنا لا بنداومها اسبوعين متتاليه يعني خمس ايام بالاسبوع حتى ننهيه من غير عائق او ٤ايام بالاسبوع لانه متعب ومزعج انا نداوم يوم بس في الاسببوع مدة كم شهر واكيد انتي تبي الخلاص ،،،وهو عادي يعني مايضر ابد اذا تخافي الدكتور مايرضى <<لاعادي عنده <<<هذا على حسب كلام الي جربوه كله ونزلو تجاربهم وبس هذا التدريب مافي صعوبه واذا لسى مو فاهمه اارسلي لي تنبيه واشرح لك اكثر موفقين |
رد: بخصوص التدريب الميداني 2
طيب ربي ييسررررها ونفتك
|
رد: بخصوص التدريب الميداني 2
ممكن احد ينقذني و يقولي وين مكان مكتب خدمات التدريب عشان اخذ منهم خطاب لمباشرة التدريب بالمدرسه المكان بالخبر بس وين مدري
|
| All times are GMT +3. الوقت الآن حسب توقيت السعودية: 08:28 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام