ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   إدارة أعمال 8 (https://vb.ckfu.org/forumdisplay.php?f=419)
-   -   [ استفسار ] أبشركم استلمت الوثيقة بسس ؟؟ (https://vb.ckfu.org/showthread.php?t=659300)

نُـوْوتْ 2015- 2- 17 03:31 PM
أبشركم استلمت الوثيقة بسس ؟؟
 
مرحبا .. أبشركم رحت واستلمت الوثيقة وكانت الأمور سهالات

رحت الجامعة ودخلت ع طوول بس طلبوا مني الهوية وعلى طول سلموني هي وقالوا روحي اطبعيها ( تصديق )

ورحت صورتها 10 نسخ بس مارضت تختم الا على ثلاث .. وطبعا لاتنسون تصورون السجل الاكاديمي نفس الشي

ويختم وبسسس .. لكن في شي قهرني مدري وش اسوي فيه لقيت انه اسمي بالانقلش فيه غلط بالاسبيلينق

باسم الوالد وقلت لهم انه لازم يتعدل وقالت عادي ورجعت مرة ثانية لهم قمت اوسوس واتصلت ع العمادة وقالوا

عادي اهم شي الاسم بالعربي مضبوط .. وبصراحة ماعجبني الوضع للحين موسوسة وش السواة ؟

وادي زاعم 2015- 2- 17 03:40 PM
رد: أبشركم استلمت الوثيقة بسس ؟؟
 
مبروك التخرج ونسال الله لك التوفيق والنجاح , المهم تاكدي من اسم التخصص بالعربي وترجمته بالانجليزي انه صحيح , واما الاسم ان كان بالك طويل رديها لهم وهم ملزمين يعدلوها لك

نُـوْوتْ 2015- 2- 17 03:44 PM
رد: أبشركم استلمت الوثيقة بسس ؟؟
 
الله يبارك فيك .. الاسم بالعربي صح بس بالانقلش اسم الوالد فيه غلط يختلف عن الجواز .. ارجع لهم ؟

Ran0sh 2015- 2- 17 04:07 PM
رد: أبشركم استلمت الوثيقة بسس ؟؟
 
مبروووووووووووووووك حبيبتي نووووت:d5:

وأنا بعـــد إسلمت الوثيقة اليوم وعنديإسمي بالانقلش فيه غلط بالاسبيلينق

بـــ أسم الجد وقالت لي إنها كلمت الادارة و قالوا عادي :000::000:

بس مدري خايفة :Cry111:

أحد يقدر يتأكد من الدكتوور :sdfgdsf::sdfgdsf:

أَبُو يـَزَنْ 2015- 2- 17 09:22 PM
رد: أبشركم استلمت الوثيقة بسس ؟؟
 
الظاهر اني انا الوحيد النشبة ما طلعت من الجامعة الا وهم معدلين وثيقتي

اطلبوا تعديل اذا ناويين دراسة برا فقط اما داخل المملكة لا تشيلوا هم

fahad 66 2015- 2- 17 09:26 PM
رد: أبشركم استلمت الوثيقة بسس ؟؟
 
طالبيهم بتعديل ابسط حقوقك

ليمونة حامضة 2015- 2- 17 11:16 PM
رد: أبشركم استلمت الوثيقة بسس ؟؟
 
انا استلمتها امس بس ما قالولي صوريها !!!

ضحى 2015- 2- 17 11:38 PM
رد: أبشركم استلمت الوثيقة بسس ؟؟
 
مبرووك التخرج

:

l a v e n d e r 2015- 2- 17 11:42 PM
رد: أبشركم استلمت الوثيقة بسس ؟؟
 
الف مبروووك ..

بس وش سالفة التصوير والتصديق

فطومة علي 2015- 2- 18 12:07 AM
رد: أبشركم استلمت الوثيقة بسس ؟؟
 
الاجراءات مره سلسله وبسرعه تخلصوا ماتاخد حتى دقيقتين

اذا رحتو اسالوهم وين الطباعه وبقولوا لكم علشان تصدقوا الشهاده والسجل الاكاديمي

سلمان المزيني 2015- 2- 18 12:10 AM
رد: أبشركم استلمت الوثيقة بسس ؟؟
 
مبروك التخرج ونسال الله لك التوفيق والنجاح ,

اتوقع اذا السجل المدني مافي غلط الامور سهالات

والف الف الف الف الف مبروووك لكل الخريجين والتوفيق حليفكم باذن الله

المتردد 15 2015- 2- 18 12:39 AM
رد: أبشركم استلمت الوثيقة بسس ؟؟
 
أنا تخرجت الحمدلله بس مالي خلق آخذ الوثيقه الحين ، كلمتهم وقلتلهم : عادي آخذها بعد شهر ؟ ، قالولي : ماعندك مشكله


حبيت أعرف شنو آخذ وياي غير الإثبات ؟؟


وشنو سالفة السجل الأكاديمي ؟؟


يعني آخذ وياي شي معين ؟؟



وبعدين حبيت أعرف .. ماتعرفون لو في تكملة ماجستير باللغه العربيه ؟؟

إنتساب أو إنتظام أو أي شي .. ياريت لو في بالشرقيه

هاجري رايق 2015- 2- 18 01:19 AM
رد: أبشركم استلمت الوثيقة بسس ؟؟
 
الف مبروك النجاح
اقولك يا معوده لا توسوسين خذي شهادتك وقولي الحمدالله لا يقول حنا زدناك درجة بالغلط وانتي حامله ماده وتتوهقين ههههههههه الله يوفقك ويوفق الجميع يا رب

First step 2015- 2- 18 01:51 AM
رد: أبشركم استلمت الوثيقة بسس ؟؟
 
الف مبرووك
عقبالنا يالتربيه بس ياليت توضحين لنا وين نروح اي مبنى واي بوابه
والتوصيه لازم نمر الدكتور ولا كافي طباعتها

وردة الحجاز 2015- 2- 18 02:23 AM
رد: أبشركم استلمت الوثيقة بسس ؟؟
 
اذا قدرتي تعدلينه أفضل ،، خصوصا لو بنيتك تكمللين براا

والله يااني شايله هم اسمي الاول :sm1:

ومض 2015- 2- 18 03:56 AM
رد: أبشركم استلمت الوثيقة بسس ؟؟
 
الحمدلله ان ربي سهلها لك

بس نذاله مايختموا الا على 3 بسس :139:


وش يضرهم يختموا عليها كلها


الظاهر حسب علمي الاسم مهم خاصة لو بتدرسي برا




اللي جو من برا الحسا وسكنوا بشقق مفروشة قريب من الجامعة ياليت يعطونا الاسم

بحاول اروح بعد اسبوع استلم

aizo 2015- 2- 18 06:55 AM
رد: أبشركم استلمت الوثيقة بسس ؟؟
 
الاخطاء المتكرره من الجامعه تجعلني اجزم بانها تتعمد فعلها المشين

اخواني اذا كان الاسم بالانكليزي خطأ فالشهادة لن تفيدكم بالخارج اذا كنتوا تبون تكملون بالخارج
اما داخل السعوديه عادي

absentstar 2015- 2- 18 07:03 AM
رد: أبشركم استلمت الوثيقة بسس ؟؟
 
اقتباس:
المشاركة الأصلية كتبت بواسطة بوسي كات (المشاركة 12035569)
الف مبروووك ..

بس وش سالفة التصوير والتصديق
تصوير نسخ من الشهادة وتصديقها .. حتى تعتمد رسميا ً وتحل محل الشهادة الاصلية وتقدري تقدمي عليها اي مكان في الغالب يطلبوا شهادة مصدقة ! لانها تعتبر مثل الاصلية

تشتيتي مركز 2015- 2- 18 07:11 AM
رد: أبشركم استلمت الوثيقة بسس ؟؟
 
الف مبروووك ،،

اعتقد مهم تعديل الخطأ ومن ابسط حقوقك ،، :/ الى متى هالاستهتار .

موعدي بكرا يا رب تسهلها :) .

Naheddulaijan 2015- 2- 18 09:17 AM
رد: أبشركم استلمت الوثيقة بسس ؟؟
 
انا ما استلمتها ؟؟
يعني لو رحت الجامعه هاليومين بيعطوني اياها ؟؟
ماجاني مسج ولا شي منهم ولا قالو تعالي استلمي الوثيقه؟؟

ولا حفلة تخرج عشان يفرحونا ويحسسونا بتعبنا انه جاب فايده بعد 4 سنين كرف؟؟
وهذا بعد بفلوسنا المفروض يسوون لنا حفلة تخرج ..هذا الانتظام لادفعو ولا شي وهذاهم يسوون لهم حفلة تخرج ؟؟
يله الله كريم..
المهم.. اللي راحو ياليت تقولون لنا وتشرحون لنا بالضبط وين وعند مين نروح و وين المبنى بالضبط..

اليامي9999 2015- 2- 18 09:41 AM
رد: أبشركم استلمت الوثيقة بسس ؟؟
 
مبرررررررررررررررروك عقبالنا

نُـوْوتْ 2015- 2- 18 09:57 AM
رد: أبشركم استلمت الوثيقة بسس ؟؟
 
اللي سألوا عن الطباعة .. الطباعة تكون في مبنى ثاني اسمه كليه المجتمع تروحون الدور الاول وتلقون مكتب للنسخ وكذا بس سووا نسخ من الكمبيوتر وبعدين ترجعون فوق تختم لكم عليها بس قلت لكم ماتختم الا 3

وانا نسخت 10 .. وشكلي ماراح استفيد منها بشيء لاني برجع لهم يعدلون لي الاسم وارجع اسوي الاجراءات من جديد الله يعين

متعاون 2015- 2- 18 10:15 AM
رد: أبشركم استلمت الوثيقة بسس ؟؟
 
الف مبروك ويجعلها قدم سعد عليك

بالنسبة للخطأ ضروري تعدلينه ربما تحتاجينه في ابتعاث يوما ما يكون الاسم بالانجليزي له اهمية الشي الثاني تتنبه الجامعة بان الطلاب والطالبات الي بعدك ما يقبلون الخطأ ويكون العمل اكثر دقة

نور باوادي 2015- 2- 18 10:49 AM
رد: أبشركم استلمت الوثيقة بسس ؟؟
 
الف مبروك التخرج وعقبالنا يارب

انا ياجماعه اذا انكتب اسمي بخطاب ولا بشهادة تهنئة ولا تقدير او اي شي لازم يكتبون اسم العائلة غلط

عاد انا وقتها انفسسسسس
وارجعها لهم واقول مابيها
لحالهم يفهومنها ويرجعون يعيدون كتابتها

فمن ابس حقوقك انك تطالبين بالتعديل مافيها شي

حسين سعيد 2015- 2- 18 10:59 AM
رد: أبشركم استلمت الوثيقة بسس ؟؟
 
سؤال مهم
الحضور للطلاب لازم بالزي الرسمي السعودي والا عادي بدله ؟؟

الـجـازي بندر 2015- 2- 18 11:00 AM
رد: أبشركم استلمت الوثيقة بسس ؟؟
 
يا حبيبي مافي شي اسمه عادي هذي وثيقه لازم مايكون فيها
اي غلط لا حرف و لا اسم قبيله بكبرها غلط و لا هويتك لازم تتعدل
و تستلمينها مافيها اي غلط : )

bader358 2015- 2- 18 12:19 PM
رد: أبشركم استلمت الوثيقة بسس ؟؟
 
اهمية الاسم الانجليزي لمن يريد اكمال الدراسة في الخارج فقط

اما في الجامعات السعودية فما يحتاج.

اداري طموح 2015- 2- 18 12:36 PM
رد: أبشركم استلمت الوثيقة بسس ؟؟
 
اقتباس:
المشاركة الأصلية كتبت بواسطة نُـوْوتْ (المشاركة 12036226)
اللي سألوا عن الطباعة .. الطباعة تكون في مبنى ثاني اسمه كليه المجتمع تروحون الدور الاول وتلقون مكتب للنسخ وكذا بس سووا نسخ من الكمبيوتر وبعدين ترجعون فوق تختم لكم عليها بس قلت لكم ماتختم الا 3


وانا نسخت 10 .. وشكلي ماراح استفيد منها بشيء لاني برجع لهم يعدلون لي الاسم وارجع اسوي الاجراءات من جديد الله يعين
طيب عادي حتى لو ختمو على 3 فقط اقدر انسخ وحده من هالثلاث الى اكثر من عشرين ورقة .. مدري انا صح ولا ما فهمت عليك؟

omar2011 2015- 2- 18 12:59 PM
رد: أبشركم استلمت الوثيقة بسس ؟؟
 
اقتباس:
المشاركة الأصلية كتبت بواسطة نُـوْوتْ (المشاركة 12034417)
مرحبا .. أبشركم رحت واستلمت الوثيقة وكانت الأمور سهالات

رحت الجامعة ودخلت ع طوول بس طلبوا مني الهوية وعلى طول سلموني هي وقالوا روحي اطبعيها ( تصديق )

ورحت صورتها 10 نسخ بس مارضت تختم الا على ثلاث .. وطبعا لاتنسون تصورون السجل الاكاديمي نفس الشي

ويختم وبسسس .. لكن في شي قهرني مدري وش اسوي فيه لقيت انه اسمي بالانقلش فيه غلط بالاسبيلينق

باسم الوالد وقلت لهم انه لازم يتعدل وقالت عادي ورجعت مرة ثانية لهم قمت اوسوس واتصلت ع العمادة وقالوا

عادي اهم شي الاسم بالعربي مضبوط .. وبصراحة ماعجبني الوضع للحين موسوسة وش السواة ؟
مبروك التخرج .. أنا استلمت الوثيقة وختمو لي أربع نسخ .. وبرضه عندي غلط في كتابة الإسم بالإنجليزي وهو بدل ما يكتب Abu كتب ABu يعني حط الحرفين الأولى كابيتال . . ما أدري يؤثر ولا عادي .. المهم افتكينا من هالجامعة وغثاها .. وعقبال الماجستير .. بالتوفيق لنا ولكم

Tornado 2015- 2- 18 01:01 PM
رد: أبشركم استلمت الوثيقة بسس ؟؟
 
السلام عليكم
الف مبروك

أنا بكره الصباح ان شاء الله موعدي اروح استلمها

omar2011 2015- 2- 18 01:07 PM
رد: أبشركم استلمت الوثيقة بسس ؟؟
 
بدل ما يكتبون الإسم كما هو في الجواز بالكابتال راحو يكتبون بالسمول وحط حرفين كابيتال ورا بعض .. جامعة وما يعرفون يكتبون انجليزي .. اللي يشوف مبنى الجامعة يقول هذي أغظم من جامعة اكسفورد وهي مجرد مباني مافيها إلا أشباه متعلمين

اداري طموح 2015- 2- 18 01:10 PM
رد: أبشركم استلمت الوثيقة بسس ؟؟
 
اقتباس:
المشاركة الأصلية كتبت بواسطة naheddulaijan (المشاركة 12036144)
انا ما استلمتها ؟؟
يعني لو رحت الجامعه هاليومين بيعطوني اياها ؟؟
ماجاني مسج ولا شي منهم ولا قالو تعالي استلمي الوثيقه؟؟

ولا حفلة تخرج عشان يفرحونا ويحسسونا بتعبنا انه جاب فايده بعد 4 سنين كرف؟؟
وهذا بعد بفلوسنا المفروض يسوون لنا حفلة تخرج ..هذا الانتظام لادفعو ولا شي وهذاهم يسوون لهم حفلة تخرج ؟؟
يله الله كريم..
المهم.. اللي راحو ياليت تقولون لنا وتشرحون لنا بالضبط وين وعند مين نروح و وين المبنى بالضبط..
والله وانا اخوك لو يبوني اسوي حفلة لهم ماعندي مانع اهم شي اخذ شهادتي بدون اخطاء وبدون امور تعقيدية.

الـجـازي بندر 2015- 2- 18 01:16 PM
رد: أبشركم استلمت الوثيقة بسس ؟؟
 
ترى اي خطأ بسيط ما ينسكت عنه و معروف انه لازم يتعدل صحبتي استلمت وثيقتها من عبدالعزيز
و في خطأ بسيط و راجعتهم و قالو لها طبعا لازم يتعدل الله يوفقكم

طلول 2015- 2- 18 01:58 PM
رد: أبشركم استلمت الوثيقة بسس ؟؟
 
مبروك التخرج للجميع

زين انا خريج سمعت ان الواحد لازم يحدد يوم لاستلام الوثيقه وهذي الخانه غير مفعله
ويش الحل وشلون استلمتو الوثايق وهي ماتفعلت خانات الخرجين ولا تحديد استلام الشهاده
تخصصي علم اجتماع
هل احد يفيدني

بيــــان 2015- 2- 18 02:52 PM
رد: أبشركم استلمت الوثيقة بسس ؟؟
 
مبروك للجميع التخرج واستلام الوثيقة

انا حجزت موعد ع الاثنين القادم باذن الله .

نُـوْوتْ 2015- 2- 18 03:42 PM
رد: أبشركم استلمت الوثيقة بسس ؟؟
 
رحت اليوم عشان يعدلون لي الاسم لكن أقولها وبكل صراحة النساء مايسهلون أي معاملة أو أي شيء أبد

إلا تقنعني انه عادي ولا طلع اسم العايلة بعد فيه غلط انتبهت عليه ولولا اسم العايلة فيه غلط مارفعت لي طلب

وحبت تصعبها وقالت بعد شهر تخلص وبعد مجادلات وسكرت كل شيء بوجهي ان البانر يفتح بعد شهر وكذا

وتذكرت كلام ابو يزن انه جادلهم لين فتحوا له البانر طلعت من عندها وارسلت أخوي لقسم الرجال ويروح للشعيبي .. لكن للأسف لقى الشعيبي عندي سيارته لكن الرجال ماقصر ونزل وراح لين داخل بس ماجبت

النسخ حق الوثيقة والاصلية في قسم النساء والوقت انتهى وسكروا بس قال لاخوي تعال لي بكرة وان شاءالله تخلص بدون تعقيد يارب

منذو مبطي 2015- 2- 18 05:17 PM
رد: أبشركم استلمت الوثيقة بسس ؟؟
 
اقتباس:
المشاركة الأصلية كتبت بواسطة أَبُو يـَزَنْ (المشاركة 12035308)
الظاهر اني انا الوحيد النشبة ما طلعت من الجامعة الا وهم معدلين وثيقتي

اطلبوا تعديل اذا ناويين دراسة برا فقط اما داخل المملكة لا تشيلوا هم
هههههه
تكتيك حلو ..

موعدي بكرا بإذن الله ..

وإن شاء الله ما يكون عندي مشاكل وأخطاء

وإذا سووها .. راح اسوي نفس تكتيكك أبو يزن :s_45:

موجي ازرق 2015- 2- 18 05:26 PM
رد: أبشركم استلمت الوثيقة بسس ؟؟
 
يا اخولن من وين نسوي موعد ولو رحت للجلمعه باي يوم يعطوني ولا لا ردو تكفون

موجي ازرق 2015- 2- 18 05:28 PM
رد: أبشركم استلمت الوثيقة بسس ؟؟
 
اعتذر عن الاخطاء ههه
يا اخوان من وين نسوي موعد وهل لو رحت للجامعه بأي يوم عادي استلم الوثيقه ردو تكفون

ولد الشرقيه2 2015- 2- 18 07:14 PM
رد: أبشركم استلمت الوثيقة بسس ؟؟
 
مبروك التخرج

Hanan o1 2015- 2- 18 07:23 PM
رد: أبشركم استلمت الوثيقة بسس ؟؟
 
مبروك لكم التخرج

ملاك السويدي 2015- 2- 19 01:47 AM
رد: أبشركم استلمت الوثيقة بسس ؟؟
 
الف الف مبروووك التخرج:mh001::(276)::(272):
وهذي البداية قدامكم المستقبل باذن الله
نشوفكم في مناصب تحلمون فيها وتحققون طموحكم يااارب
في اسماء خريجين قدموا لنا كل مايقدرون وساعدونا شكرا لكم
بفتقدكم خلال المستويين الباقية علية قلبي معاكم وداعي لكم
دعواتكم ..

ومض 2015- 2- 19 03:15 AM
رد: أبشركم استلمت الوثيقة بسس ؟؟
 
اقتباس:
المشاركة الأصلية كتبت بواسطة نُـوْوتْ (المشاركة 12037043)
رحت اليوم عشان يعدلون لي الاسم لكن أقولها وبكل صراحة النساء مايسهلون أي معاملة أو أي شيء أبد

إلا تقنعني انه عادي ولا طلع اسم العايلة بعد فيه غلط انتبهت عليه ولولا اسم العايلة فيه غلط مارفعت لي طلب

وحبت تصعبها وقالت بعد شهر تخلص وبعد مجادلات وسكرت كل شيء بوجهي ان البانر يفتح بعد شهر وكذا

وتذكرت كلام ابو يزن انه جادلهم لين فتحوا له البانر طلعت من عندها وارسلت أخوي لقسم الرجال ويروح للشعيبي .. لكن للأسف لقى الشعيبي عندي سيارته لكن الرجال ماقصر ونزل وراح لين داخل بس ماجبت

النسخ حق الوثيقة والاصلية في قسم النساء والوقت انتهى وسكروا بس قال لاخوي تعال لي بكرة وان شاءالله تخلص بدون تعقيد يارب

صدقتي في النسوان :41jg:


الله يسهل للشعيبي كل عسير

اللي يسهل للناس الله يسهل له






انا اخاف بعد المشوار من بعيد يطلع جدي مو جدي مشكلة والله :icon9:

gяαү ғσx 2015- 2- 19 04:25 AM
رد: أبشركم استلمت الوثيقة بسس ؟؟
 
اقتباس:
المشاركة الأصلية كتبت بواسطة حسين سعيد (المشاركة 12036349)
سؤال مهم
الحضور للطلاب لازم بالزي الرسمي السعودي والا عادي بدله ؟؟
^
نفس السؤال

الخيال الضائع 2015- 2- 19 04:42 AM
رد: أبشركم استلمت الوثيقة بسس ؟؟
 
مبروك للخريجين وعقبال الماجستير

ام تالينا 2015- 2- 19 05:11 AM
رد: أبشركم استلمت الوثيقة بسس ؟؟
 
يابنات كرت العائله حق الزوج او الوالد ينفع وانا ما عندي جواز سفر

bader358 2015- 2- 19 08:23 AM
رد: أبشركم استلمت الوثيقة بسس ؟؟
 
كرت العائلة حق الزوج ---- (وحتى لو باقي اسمك في كرت العائلة حق الوالد ينفع)

الجواز ماهو شرط -- بس للتاكد من الاسم بالانجليزي

bader358 2015- 2- 19 08:24 AM
رد: أبشركم استلمت الوثيقة بسس ؟؟
 
اقتباس:
المشاركة الأصلية كتبت بواسطة حسين سعيد (المشاركة 12036349)
سؤال مهم
الحضور للطلاب لازم بالزي الرسمي السعودي والا عادي بدله ؟؟

احضر باي لبس ما عندك مشكله

لا فيه حفل ولا شي -- بس تجي وتستلم وثيقتك

عادل الهويمل 2015- 2- 19 09:19 AM
رد: أبشركم استلمت الوثيقة بسس ؟؟
 
اولا الف مبروك للخريجين والله يجعل هالوثيقة فأل خير علينا وأن ينفع بها

سؤالي لأحلى دفعي معي :d5:

وش وضع نموذج إخلاء الطرف ؟؟؟؟

أنا طبعتة ملون هل فعلا ضروري اخذه معي الكلية ويوقعونة قبل استلام الوثيقة ؟؟؟

وشكرا لكم حبايبي :smile:

B A N D R 2015- 2- 19 10:03 AM
رد: أبشركم استلمت الوثيقة بسس ؟؟
 
الحمدلله كثيرا

تم استلام الوثيقه بكل سلاسه تنظيم رائع جدا

التصوير انتبهوا منه خاصه المصري شق شهادة طالب كامله والله يعينه ع استخرج بدل فاقد
والله يوفق الجميع
اللي يسأل عن إخلاء الطرف ظروري جدا ويكتب عليه رقم ملفك ويستخرج الموظف بناء عليه

منذو مبطي 2015- 2- 19 10:43 AM
رد: أبشركم استلمت الوثيقة بسس ؟؟
 
ﻻ ﻻ ﻻ .. غش كذا

ما يصلح كذا أبد ..

لازم نرجع ندرس من جديد ..


معقولة :eek:

استلام الشهادة والتصوير والتصديق

ما أخذت 12 دقيقة :hahahahahah:


ما توقعت أبد أبد :119:



مبروك للي استلموا اليوم شهاداتهم :S_45:
واللي قبل واللي بعد
:004:

عادل الهويمل 2015- 2- 19 11:13 AM
رد: أبشركم استلمت الوثيقة بسس ؟؟
 
اقتباس:
المشاركة الأصلية كتبت بواسطة موجي ازرق (المشاركة 12037342)
اعتذر عن الاخطاء ههه
يا اخوان من وين نسوي موعد وهل لو رحت للجامعه بأي يوم عادي استلم الوثيقه ردو تكفون
اخوي الغالي
يوم الأحد بعد القادم 01/03/2015 م الموافق 10/07/1436 هـ
آخر يوم للمواعيد المحددة عن طريق الايقونة في الخدمات الطلابية

وعلية فإنه بداية من يوم الأثنين 02/03/2015 م الموافق 11/07/1436 هـ الى تاريخ غير مسمى
تقدر تروح في اي وقت لاستلام الوثيقة

وبالتوفيق يالغالي

Saudi man 2015- 2- 19 11:42 AM
رد: أبشركم استلمت الوثيقة بسس ؟؟
 
اسلام الوثيقة ما اخذ مني 3 دقايق وكان هالكلام قبل اذان الظهر وكنت مستعجل ابي اصور الوثيقة والسجل الاكاديمي فطلعت للاداب 5 دقايق وصورت الاوراق ورجعت وختمت 5 نسخ 3 اختام بالعربي و 2 بالانقلش
وتصدقون ما شيكت ولا على شي الا من بكره اللي هو اليوم يوم قريت مشاكل الاخطاء
والحمدلله كل شي تمام :53:

Tornado 2015- 2- 19 12:37 PM
رد: أبشركم استلمت الوثيقة بسس ؟؟
 
نفس الشيء تعامل ممتاز وسرعة في إنجاز استلام الوثيقة
توي واصل من الأحساء

نُـوْوتْ 2015- 2- 19 10:13 PM
رد: أبشركم استلمت الوثيقة بسس ؟؟
 
أشوى الأستاذ الشعيبي بيعدل لي الأسم وبجيه ع الاسبوع الجاي إن شاء الله .. الله يجزاه خير

ومبروووك لجميع الخريجين بس انتبهوا من كل شيء دققوا فيه

Tornado 2015- 2- 20 10:16 AM
رد: أبشركم استلمت الوثيقة بسس ؟؟
 
التعامل ممتاز بصراحة والتنظيم كان جيد

لكن لو انهم حطو ماء و قهوة و دونات كنوع من الضيافة بس يالله نبي الفكه بس ونمشيء

الحطابي 2015- 2- 20 10:56 AM
رد: أبشركم استلمت الوثيقة بسس ؟؟
 
الف مبررروك للجميع

يا اخوان انا خريج تربيه موعد التسليم الاسبوع القادم ياليت احد يفيدنا موقع القاعه مع اي بوابه واسم القاعه ؟

محمـــــــــد 2015- 2- 20 03:30 PM
رد: أبشركم استلمت الوثيقة بسس ؟؟
 
اقتباس:
المشاركة الأصلية كتبت بواسطة الحطابي (المشاركة 12040997)
الف مبررروك للجميع

يا اخوان انا خريج تربيه موعد التسليم الاسبوع القادم ياليت احد يفيدنا موقع القاعه مع اي بوابه واسم القاعه ؟
الموقع بالتحديد يظهر لك في ورقة الموعد بعد الطباعة

جفون 2015- 2- 20 06:27 PM
رد: أبشركم استلمت الوثيقة بسس ؟؟
 
كم تاريخ التخرج الموجود في الوثيقه؟

محمـــــــــد 2015- 2- 21 09:05 AM
رد: أبشركم استلمت الوثيقة بسس ؟؟
 
اقتباس:
المشاركة الأصلية كتبت بواسطة جفون (المشاركة 12041680)
كم تاريخ التخرج الموجود في الوثيقه؟
أعتقد أنهم يضعون الفصل الدراسي و عام التخرج ...مثل
الفصل الدراسي الأول العام 1436هــ

جفون 2015- 2- 21 10:48 AM
رد: أبشركم استلمت الوثيقة بسس ؟؟
 
شكرا

rsnasser 2015- 2- 21 04:09 PM
رد: أبشركم استلمت الوثيقة بسس ؟؟
 
لماذا لاتكون النسخه مصدقه من الموقع وتطبع في اي مكان او زمان

bader358 2015- 2- 22 12:57 PM
رد: أبشركم استلمت الوثيقة بسس ؟؟
 
لما اطبع اخلاء الطرف تكون الأسطر بالاسفل متداخله


هل الأمر عادي والا المشكلة عندي بس

محمـــــــــد 2015- 2- 22 01:11 PM
رد: أبشركم استلمت الوثيقة بسس ؟؟
 
اقتباس:
المشاركة الأصلية كتبت بواسطة bader358 (المشاركة 12045099)
لما اطبع اخلاء الطرف تكون الأسطر بالاسفل متداخله


هل الأمر عادي والا المشكلة عندي بس
هل تقصد أثناء أستعراض النسخة على الشاشة أو تكون متداخلة على النسخة المطبوعة ورقياً ؟؟

أنا طبعته و كان عادي بدون تداخلات بين الأسطر ....

max222 2015- 2- 23 12:18 AM
رد: أبشركم استلمت الوثيقة بسس ؟؟
 
الف الف الف الف مبروووك لكل الخريجين والتوفيق حليفكم باذن الله

ومض 2015- 2- 23 03:00 AM
رد: أبشركم استلمت الوثيقة بسس ؟؟
 
ماقصروا والله


بس المشكلة برحلات الحسا قليلة ولازم توقف في الرياض كم ساعة


مرررره مايحوج يضيعوا علينا وقت

Riyad Farhan 2015- 2- 23 09:06 AM
رد: أبشركم استلمت الوثيقة بسس ؟؟
 
الحمد للة تم إستلام الوثيقه..

تنظيم وسرعه في التسليم ما كنت متوقعها أبد بس الشهاده لله ما قصروا..

رحلة ما أخذت تقريبا الا خمس ساعات وانا منتهي من هالموضوع..

أتمنى أرجع ادرس فيها ماجستير بإذن الله


بالتوفيق للجميع..:rose:

فكر 2015- 2- 23 02:14 PM
رد: أبشركم استلمت الوثيقة بسس ؟؟
 
السلام عليكم ورحمة الله وبركاته

مبروك التخرج للجميع

سؤال أخر يوم بالايقونة يوم الأحد هل لازم تطبع الموعد

وانا ابي اجيهم نهاية الأسبوع القادم عادي والا كيف الوضع


ارجوووا الاجابة

محمـــــــــد 2015- 2- 23 02:57 PM
رد: أبشركم استلمت الوثيقة بسس ؟؟
 
بسم الله الرحمن الرحيم

بفضل من الله و توفيقه .. تم اليوم أستلام الوثيقة من الجامعة ...
و كانت الإجرارات ميسرة و الحمد لله و لم يتجاوز الوقت أكثر من دقائق معدودة
أغلبها ..كان في التوقيع على الإستلام ....و كان وقت تصوير الوثيقة أكثر من أجراء أستلامها ..

و قد دار بيني و بين الموظف المسئول عن تسليم الوثائق حوار يتعلق بإمكانية تغيير طريقة تسليم
الوثائق و التحويل إلى البريد ..و لكن مع الآسف لا تزال العقول تعيش في زمن البيروقراطية و أنه لابد من التوقيع شخصياً على الإستلام ..مهما كانت الظروف !!!! لضمان عدم ضياع الوثيقة ...!!!
بصراحة أستغربت الرد ..على الرغم من الأمكانيات الهائلة المتوفرة لضمان وصول المستندات الرسمية
الى أصحابها مع ضمان عدم ضياعها !!!

و لكن نقول كان الله في عون الطلاب و الطالبات إلى حين تبني وسيلة التسليم البديلة و هي البريد ..

بالتوفيق لكم جميعاً .... و مستقبل مشرق أن شاء الله

محمـــــــــد 2015- 2- 23 03:03 PM
رد: أبشركم استلمت الوثيقة بسس ؟؟
 
اقتباس:
المشاركة الأصلية كتبت بواسطة فكر (المشاركة 12048170)
السلام عليكم ورحمة الله وبركاته

مبروك التخرج للجميع

سؤال أخر يوم بالايقونة يوم الأحد هل لازم تطبع الموعد

وانا ابي اجيهم نهاية الأسبوع القادم عادي والا كيف الوضع


ارجوووا الاجابة
و عليكم السلام و رحمة الله و بركاتة

طباعة الموعد ..أو الغرض من الموعد هو تعجيل حصولك على الوثيقة ..لأنه حسب ما شاهدت اليوم بقاعة تسليم الوثائق ... هو قيام الموظف بأخذ ورقة الموعد و التوجة مباشرة إلى مجموعة ملفات مرتبة و جاهزة للتسليم .. و هذا لا يتطلب أكثر من دقيقتين و يدل على إن الوثائق يتم تجهيزها بشكل مسبق قبل وصول الطالب حسب يوم التسليم
و في حالة ذهابك بدون موعد سوف يتطلب الأمر بعض الوقت لحين أحضار الوثيقة ....

بالتوفيق ...

جرحني حبك 2015- 2- 24 12:36 PM
رد: أبشركم استلمت الوثيقة بسس ؟؟
 
اقتباس:
المشاركة الأصلية كتبت بواسطة أَبُو يـَزَنْ (المشاركة 12035308)
الظاهر اني انا الوحيد النشبة ما طلعت من الجامعة الا وهم معدلين وثيقتي

اطلبوا تعديل اذا ناويين دراسة برا فقط اما داخل المملكة لا تشيلوا هم

شكرا للتنبيه علشان نسوي زييك لو طلع فيه غلط :16.jpg:

bader358 2015- 2- 24 02:18 PM
رد: أبشركم استلمت الوثيقة بسس ؟؟
 
انا استلمت الوثيقة امس ولله الحمد

ايضا فيه حرف ناقص في اسم العائلة باللغة الانجليزية --- ولا عدلت ولا شي

التعديل للي يرغب في الدراسة في الخارج


All times are GMT +3. الوقت الآن حسب توقيت السعودية: 05:18 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه