|
بخصوص درجة مشروع التخرج
السلام عليكم بسأل بخصوص مادة مشروع التخرج موجوده بالسجل الأكاديمي والبنر بجدول لحالها بس بدون درجة وبالتظلمم مو موجوده حالة الاعتراض هل معناتها انهم بيعدلون الدرجة ؟ يعني في امل ان شاء الله تتعدل لي فترة وانا كل شوي اشيك ولا تعدلت اللي عندها علم ب هالشي يخبرنا ،، :d5:
|
رد: بخصوص درجة مشروع التخرج
،،
إن شاء الله تتعدل لكم يارب . |
رد: بخصوص درجة مشروع التخرج
fno يارب يتمم عليكم وتتعدل الدرجه
وتفرحين انت والباقين بتخرجكم عاجلا غير آجل |
رد: بخصوص درجة مشروع التخرج
تتعدل بأذن الواحد الأحد
|
رد: بخصوص درجة مشروع التخرج
يارب ياكريم تفرحقلوبنا جميعا بالتخرج يارب لاتردنا خائبين
|
رد: بخصوص درجة مشروع التخرج
اقتباس:
|
رد: بخصوص درجة مشروع التخرج
اقتباس:
|
رد: بخصوص درجة مشروع التخرج
اختي فنو التفائل والامل حلو ولكن بحدود الواقع الظاهر والمؤشرات المعززة لهذا الشعور حتى لاتكون العواقب النفسيه اصعب من النتيجه نفسها فتراكمات النكسات وقعها على النفس مؤلم حتى لو كانت النتيجه واحده لا احبط معنوياتك ولا اهبط العزائم ولكن استخدمي مادرستيه وزعي النسب على كل النتائج سواء رسوب او نجاح بحيث تهيئته النفس لكل شي فلا هي مفرطه في اي جانب ويكون سمتها الاعتدال الله يوفقك اعذرين على طرحي بس اشوفك اكثر وحده منشغلة وتظغطي على نفسك وانتي ماتدرين سلمي امرك لله انتي فعلتي الأسباب وكفى |
رد: بخصوص درجة مشروع التخرج
انا مثل فنو للحيت بالسجل والدرجهF ورفعت تظلم وفتحت الايقونه بس حاله الاعتراض فاضيه مافيها شي سالت كل الدنيا محد عطاني جواب وراسلت الدكاتره بكل مكان بايميلاتهم وتويتر وتروني كل ساعه اقول شكلهم نزلوها بس نفس الحكايه ياليت اللي عنده خلفيه او صارله الموقف له والا لاقاربه يطمنا ويعلمنا وش السالفه قلبي معك فنو وحاسه فيك::Cry111:
|
رد: بخصوص درجة مشروع التخرج
ياغالين
لعله خيره أنا أخذت درجه 1 وكلنت العميد الدكتور عبدالله الفريدان وقال لي نصاً من تأخذ 1 يعني بحثها منسوخ أو مقتبس بطريقه كبيره ونقول الحمدلله عددماكان وسيكون |
رد: بخصوص درجة مشروع التخرج
الان في التظلمات كاتبين لي تم تاكيد درجتك وهي 31 شكل تثبيت الرسوب الله يعين ويوفقنا الترم الجاي على انه طويل بس مالنا إلا إعاده ولا نجلس نتطلبهم
|
رد: بخصوص درجة مشروع التخرج
اقتباس:
|
رد: بخصوص درجة مشروع التخرج
اقتباس:
حسبي الله ونعم الوكيل حسبي الله ونعم الوكيل ..:mad: خلاص انسيها وعندي امل كبير ان الجاي احلى بكثير وراح اجيب فيها باْذن الله a والامل بالله كبير :(204): |
رد: بخصوص درجة مشروع التخرج
اقتباس:
|
رد: بخصوص درجة مشروع التخرج
الحين توني دخلت على أيقونة استعلام التظلمات ومكتوب تم النظر في درجتك من قبل لجنة التصحيح وهي 31 يعني خلاص ثابته الحمدلله على كل حال ..:verycute::004:
|
رد: بخصوص درجة مشروع التخرج
اقتباس:
خيره |
رد: بخصوص درجة مشروع التخرج
تم النظر في طلبك من قبل قسم التصحيح و اتضح صحة درجتك وهي31
يعني راسب لاتطولها معنا ( حسبي الله ونعم الوكيل ) |
رد: بخصوص درجة مشروع التخرج
تثبتت الدرجات خلاص اجتهدوا الترم القادم
|
رد: بخصوص درجة مشروع التخرج
الحمد لله
بإذن الله فل مارك النتيجه القادمه ومثل ما قلت لعله خير |
رد: بخصوص درجة مشروع التخرج
اقتباس:
|
رد: بخصوص درجة مشروع التخرج
اقتباس:
|
رد: بخصوص درجة مشروع التخرج
ابي اضيف حاجه بصدري حسبي الله علي اللي حط نظام التصحيح عساه يشوفهه بدنياه
|
رد: بخصوص درجة مشروع التخرج
الحمدلله على كل حال والعوض عند ربي
|
رد: بخصوص درجة مشروع التخرج
وعسى ان تكرهوا شي وهو خيرا لكم
لعله خــير لكم في طيات القدر شر يعقبه خير هذة هي الحياة قلوبنا معكم ... |
رد: بخصوص درجة مشروع التخرج
الاخوة حاملين المادة أسأل الله ان يكتب لكم من الامر ما يحب وان يعوضكم خير ونحن زملائك في هالمادة هالمستوى باذن الله ويارب يكون بينا تعاون حتى نتجاوز جميعا هالمادة الي اتمناه ان كل واحد منكم يوضح لنا المشكلة الي واجهته في البحث حتى يتلافها الجميع ويكون من باب التعاون الخير سائلا المولى ان ييسر امر الجميع
|
رد: بخصوص درجة مشروع التخرج
المشكله ياخوان اني اربع بحوث اسويها وكل ترم اقول الترم هاذا بعدي والى الان ونا احمل الماده الحظ عيا يمشي معي كلمت الدكتور وقلتله خلاص بسحب ملفي مو معقوله يادكتور لي كم ترم ونا جالس عشان هالماده معدي المواد كله انتظر بس هالمشروع رغم ان مشروعي مستوفي الشروط كامله استبيان واحصاء وعارضه على دكاتره وايدوني ومن مجهودي الشخصي بس بس بس عيا الحظ انقهرت والدعوى كله تلاعب واستهتار زملاءي كلهم عدو وشارين البحث من مكاتب والله انقهرت مدري وش اعمل تعبت وتعبونا وارهقونا اقول لاحول ولا قوة الا بالله رغم اني رفعت تظلم ولا جاني رد الى الأن
|
رد: بخصوص درجة مشروع التخرج
الله يوفقكم ويسهل اموركم ولايخيب آمالكم والله اني السنه الماضيه عشت مع مشروع التخرج مأساة طويله وماخليت بالجامعه زيد ولا عبيد الا دقيت بابه عشان ينظروا في تظلمي ويراجعوا بحثي مره أخرى من غير فايده واخذته هالفصل والحمدالله نجحت فيه عالحفه لكن ماقول الا الحمد لله رب العالمين .
|
رد: بخصوص درجة مشروع التخرج
الله يستر لنا هالترم ونحن نعمل بالاسباب ونسأل الله التوفيق للجميع
|
| All times are GMT +3. الوقت الآن حسب توقيت السعودية: 12:53 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام