|
درجتي ف تنميه عند د يسرى الهذيلي
سلام
بنات انا مصدومه مره ف الشهري جبت كامل والعرض عرضناه ف اخر محاضره من المحاضرات هي متعوده تحضرنا وبعدها تقول مين عرض ويقولون الاسماء وتحط جنب الاسم انه جاب نشاط المهم انها كانت مستعجله وكتبنا اسمائنا في ورقه وسلمناها اياها في بنت معي ف القاعه اسمها وعايلتها نفس اسمي المهم ان الدكتوره عطتني درجه 88 ف الشهري جبت كامل والنهائي متاكده اني غلطت غلطتين بس ليه تنقصني عشر درجات زياده وش السالفه معناتها ماحسبت لي العرض ؟؟؟؟؟ بنات بليز ساعدوني وش اسوي كيف اتفاهم معها |
رد: درجتي ف تنميه عند د يسرى الهذيلي
قلبي يوجعني ع الدرجه هذي :mad:
|
رد: درجتي ف تنميه عند د يسرى الهذيلي
قولي لها كل اللي كتبتيه هنا
اذا انتي متأكده انوه درجتك المفروض مو كذا |
رد: درجتي ف تنميه عند د يسرى الهذيلي
عندي رقمها بس البنت اللي عطتني رقمها تقول ان هاالدكتوره ماتقبل التفاهم ع الدرجات خلاص حطتهم حطتهم ماتغيرهم
|
رد: درجتي ف تنميه عند د يسرى الهذيلي
والله انا نفسك !!
بالشهري كامل وعطيتها عرض وعجبها وبالنهائي ماغلطت كثير وعطتني ٨٧ !! ونفس الشي بالتدريب نقصتني ١٧ درجه مادري ليه وبروح لها بكره اذا ماتقبل التفاهم فيه تظلم :) |
رد: درجتي ف تنميه عند د يسرى الهذيلي
اجل واضحه المسأله ينقصون ع كيفهم
الله حسيبهم |
رد: درجتي ف تنميه عند د يسرى الهذيلي
كلميها جوال ما ينفع ، حرام تسكتين على حقك
هي عجبها على كلامك ليه تنقص !! |
رد: درجتي ف تنميه عند د يسرى الهذيلي
بكلمها وبشوف ولو اني متردده الله يعين
|
رد: درجتي ف تنميه عند د يسرى الهذيلي
^ اذا كلمتيها قولي وش يصير معك
لان داومت اليوم عشانها وماحصلتها وبروح بكره بعد ، واذا تسمحين رسلي رقمها خاص ❤️ |
رد: درجتي ف تنميه عند د يسرى الهذيلي
انا وربي مثلك .. اخذت عندها درجه كامله بالشهري والنشاط سلمته وكل حاجه وبالنهائي غلطت كذا غلطه يمكن 4 او 5 ومو متأكده منهم يعني يمكن يطلعون الاجابات صحيحه وبالاخير انصدددم بالدرجه اني جايبه 90 ... وصديقتي نفسي ومعطتها 86 ... لييييه كذا بسسس ... انا وقسسم ملاحظة هالشي كثييير صاير كثير ... وكثير بنات يشتكوون حتى في المجتمع السعودي المفروض اجيب 95 وانصدم اني جايبه 91 قسسم بالله ظلم ... لا والادهى من هذا كله السمستر اللي راح اخذت تغير عند عائشه التايب الله لايسامحها ودرجتي كانت 29 من 30 في الشهري ... والنهائي 45 من 50 النشاط سلمته وكتبت اسمي اول اسم مع باقي بنات المجموعه وبالاخير ماتحسب لي النشاط .. تخيلي عطتني صفر وهو من 20 درجه واخذت فيه جيد مرتفع وانا المفروض اجيب ممتاز مرتفع .. يعني 20 درجه راحت مني والسبب هي شوفي كيف الفرق ... والمشكله باقي البنات اللي معي بالمجموعه حسبت لهم نشاط ومو كامل بعد .. اشتكيت عليها ولافيه فايدة.. لكن مااقول الا حسسسسسبي الله عليهاا وياجعلها تحس بنفس احساسي اللي حسيته وقته .. عشان تعرف وقتها الظلم كيف .. وماني مسامحتها ابدد .. حسبي الله على كل من يلعب بدرجاتنا .. حنا نتعب ونسهر عشان ناخذ درجات عالية وهم بالراحه يلعبون بالدرجات |
رد: درجتي ف تنميه عند د يسرى الهذيلي
اللي تبي رقمها برسله لها خاص
ليه مايعطونا الاحقيه ان نناظر اجوبتنا ف النهائي مثلا نشتي ونروح نشوف الورقه ونقول وين الاخطاااء وو النشاط انا متاكده ماحسبته لي |
رد: درجتي ف تنميه عند د يسرى الهذيلي
......
|
رد: درجتي ف تنميه عند د يسرى الهذيلي
كلمتها وجزاها الله خير ردت وشيكت ع النشاط وكل شي تمام كلمتها ع الواتس
|
رد: درجتي ف تنميه عند د يسرى الهذيلي
صلحت لك الدرجه ؟
|
رد: درجتي ف تنميه عند د يسرى الهذيلي
تكفييين ابي رقمها :(
|
رد: درجتي ف تنميه عند د يسرى الهذيلي
^ حسبي الله عليها قسسم بالله سفلت فيني بدون سبب !!
اول ماكلمتها ردت عدل بعدين قلبت وعصبت وتقول ازعجتوني ولاحد يكلمني ع الواتس تعالو مكتبي :) قلت لها يومين اسأل عنك ولاجيتي والمنسقه عطتني رقمك اساسا ماينفع الا التظلم |
رد: درجتي ف تنميه عند د يسرى الهذيلي
التظلم للاسف مايفيد
كلموا رئيس قسمكم يشوف الوضع |
رد: درجتي ف تنميه عند د يسرى الهذيلي
المنسقه قالت لي ارفعي تظلم لان ماتقدر تعدل شي الحين
واذا مافاد ماراح اسكت بأذن الله حقي باخذه بالطيب ✋ |
رد: درجتي ف تنميه عند د يسرى الهذيلي
يالله ما اصدق كيف لاعبين بدرجاتنا هالسمستر!!!!!
يعني صار مستحيل احد يحقق حلمه دام كذا دكاتره وكذا جامعه! بدال مايعطون الواحد حقه مانبي ترفيع بس نبي حقنا صارو يخسفون فينا بالدرجات!، المشكله مافيه احد نقدر نشتكي عنده!!!!، مالنا الا نجتمع في يوم ونكلم يا المنسقه او الوكيله "بأسلوب" بحيث نوصل صوتنا للظلم بالدرجات اللي واصلين له. يعني متوقعين بماده اي بلس وفي النهايه سي بلس! |
رد: درجتي ف تنميه عند د يسرى الهذيلي
غير كذا! شهالظلم بالمعدل!
سي صار ينزل بالمعدل مايزيده!! كنا نعرف ان دي ينزل المعدل!! بس برضو سي؟؟؟؟ خيررر ! |
رد: درجتي ف تنميه عند د يسرى الهذيلي
اقتباس:
يمكن يكون فيه خطأ في رصد الدرجة :icon9: |
رد: درجتي ف تنميه عند د يسرى الهذيلي
مافيه طريقه :(
وغير كذا دكاترتنا عارفين ان حاجتنا عندهم واسلوبهم اغلبهم مش ولا بد :( ارجع واقول ليت دكاترتنا مب عرب. |
رد: درجتي ف تنميه عند د يسرى الهذيلي
اقتباس:
اساسا من حطوا نظام هالمقالي الزفت والدرجات اعتفسست النظام جاء ع اساس سؤال المقالي من 5 درجات .... وحضره الدكاتره كل واحد وواحده حاطين درجات ع كيفهم .. اللي من 7 واللي من 10 واللي مدري من كم .. ليه كذا؟ ومن بعد هالنظام درجاتنا تدهورت .. هذا اللي احسه واشوفه ... مدري هو صدق السبب من نظام المقال. .. والا من الآلة والا من الدكاتره انفسهم .. والله ماعاد ندري من ايش بالضبط .......؟ |
رد: درجتي ف تنميه عند د يسرى الهذيلي
لا مش من هالنظام
حتى باقي المواد اللي مافيها نظام المقالي جانا حقنا بالظلم ونقص الدرجات :( |
رد: درجتي ف تنميه عند د يسرى الهذيلي
حسسسسسسبي الله عليهمممم
|
رد: درجتي ف تنميه عند د يسرى الهذيلي
اقتباس:
اقتباس:
|
رد: درجتي ف تنميه عند د يسرى الهذيلي
معروف من دخلنا الجامعه C و D ينزلون المعدل
مو شي جديد واذا الدكتور معطي اغلب الطالبات c اكيد في غلط صارت معنا السمستر اللي فات نزلت درجات معظم الطالبات d و c عند الدكتوره وفا الفايز وماقلنا شي سكتنا مع اني كنت متأكده اني حاله كويس وبعد تقريبا اسبوعين او اكثر دخلت البانر شفت درجتي +b وسألت البنات كلهم تعدلت درجاتهم |
رد: درجتي ف تنميه عند د يسرى الهذيلي
انا بعد صارت لي من قبل مع دكتورة سماح لطفي
اغلب البنات سي ودي وعطتني سي بلس بعد فترة تغيرت وصارت بي بلس |
رد: درجتي ف تنميه عند د يسرى الهذيلي
بعض الدكاتره مايحبون يعطون درجه كامله للطالبات
ب اعتقادهم اللي يجيب كامل انها ماعرفت تحط اسئله |
رد: درجتي ف تنميه عند د يسرى الهذيلي
طيب كيف الطريقه عشان نخليهم يعدلون درجاتنا؟؟؟
اغلب البنات سي ودي!! |
رد: درجتي ف تنميه عند د يسرى الهذيلي
يعدلونها من غير ما تقولين لهم اذا هم غلطانين
|
رد: درجتي ف تنميه عند د يسرى الهذيلي
مثل ماقالت حلم كلمو رئيس القسم ^
|
رد: درجتي ف تنميه عند د يسرى الهذيلي
تاخذون و تعطون مع الدكتوره و هي واضح انها عصبت لذلك روحوا لنجاة رئيسة القسم ما نفع ارفعي تظلم عليها .
|
رد: درجتي ف تنميه عند د يسرى الهذيلي
انا حاليا ماقدر اداوم الكليه الا بعد مايبدا دوام السمستر الثاني
مايصير نشتكي الكتروني ب ايميل للكليه او اي شي وتصير الرساله من كذا ايميل ومن كذا،بنت وكذا نكون متفقين |
| All times are GMT +3. الوقت الآن حسب توقيت السعودية: 12:04 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام