ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   منتدى كلية الآداب بالأحساء (https://vb.ckfu.org/f171)
-   -   [ جميع الأقسام ] تبغين جدول بالأيام اللي حابة وانتي جالسة تعالي هنا (https://vb.ckfu.org/t649530.html)

Beeh 2015- 1- 9 01:39 PM
تبغين جدول بالأيام اللي حابة وانتي جالسة تعالي هنا
 
بسم الله الرحمن الرحيم .


السلام عليكم ورحمة الله وبركآتة .


من العنوآن بآين الموضوع ..
منسقة جدآول طالبآت لجآمعة الملك فيصل آنسقلك جدولك زي مآ أنتي حآبة بالايآم اللي تبين
وكل اللي عليك آنك تحددين عدد الموآد اللي تبينهآ وعدد الايآم اللي بودك والدكآترة اللي أنتي حآبتهم
و على حسب جدول الجآمعة أسويلك آياه مقآبل مبلغ زهيد ,, يعني جدول وانتي قاعدة بس كل اللي عليك تستعدين لوقت التسجيل , أو لو مو حآبة مكتب آلجامعة للقبول والتسجيل رآح يدخلك المواد اللي تبينهآ .

اللي حآبة تجي بالخاص نتفآهم :love080::love080:

مع آلعلم آني سبق تعآملت مع طالبات بأقسام مختلفة و صار جدولهم يومين فقط ب 8 موآد زي مآ هم حآبين و البعض الاخر 3 آيام ف 9 موآد

توق ! 2015- 1- 9 02:49 PM
رد: تبغين جدول بالأيام اللي حابة وانتي جالسة تعالي هنا
 
يعني بس تنسقين الجدول ؟ ولا تدخلين المواد بعد

reem20 2015- 1- 9 07:21 PM
رد: تبغين جدول بالأيام اللي حابة وانتي جالسة تعالي هنا
 
ممكن تحطين الكيك حقك؟ مشاركاتي اقل من ١٠٠

Beeh 2015- 1- 10 01:46 AM
رد: تبغين جدول بالأيام اللي حابة وانتي جالسة تعالي هنا
 
اقتباس:
المشاركة الأصلية كتبت بواسطة توق ! (المشاركة 11915343)
يعني بس تنسقين الجدول ؟ ولا تدخلين المواد بعد
تنسيق فقط ولكن ان اردتي التسجيل هناك احتماليه ..

عهآدي 2015- 1- 10 12:47 PM
رد: تبغين جدول بالأيام اللي حابة وانتي جالسة تعالي هنا
 
اقتباس:
منسقة جدآول طالبآت لجآمعة الملك فيصل آنسقلك جدولك زي مآ أنتي حآبة بالايآم اللي تبين
كيف تنسقين و الشعب مقفله ؟

اقتباس:
لو مو حآبة مكتب آلجامعة للقبول والتسجيل رآح يدخلك المواد اللي تبينهآ .
كيف تدخلين لي من القبول و التسجيل انا و انا طالبه خريجه ما اقدر من انتي عشان تدخلين !


اتمنى من كل قلبي ما تكونين موظفه و جايه تاخذ ( رشوه )

reem20 2015- 1- 10 03:28 PM
رد: تبغين جدول بالأيام اللي حابة وانتي جالسة تعالي هنا
 
لا التنسيق الكل يقدر ينسق بس مب الكل يقدر يدخله مواد زي ماهو منسقها..

ر ا ء 2015- 1- 10 03:36 PM
رد: تبغين جدول بالأيام اللي حابة وانتي جالسة تعالي هنا
 
كلنا نقدر ننسق بس مانقدر ندخل المواد
تنسيق وبفلوس بعد ؟ شي غريب

Beeh 2015- 1- 10 05:40 PM
رد: تبغين جدول بالأيام اللي حابة وانتي جالسة تعالي هنا
 
اقتباس:
المشاركة الأصلية كتبت بواسطة عهآدي (المشاركة 11917758)
كيف تنسقين و الشعب مقفله ؟


كيف تدخلين لي من القبول و التسجيل انا و انا طالبه خريجه ما اقدر من انتي عشان تدخلين !


اتمنى من كل قلبي ما تكونين موظفه و جايه تاخذ ( رشوه )
شكراً على ظنك على رغم من انه ممكن يكون اثم لاني مو موظفة ولا شي . انسقة للي بالاساس ما يعرف لان في كثير يحتدون لناس تسويهم و يذلونهم او اللي ماعندهم انترنت ، اظن ان واضح مسألة القبول والتسجيل يومهم يفتحون اول اسبوع لتدخيل الشعب المغلقة للطالبات ذوي اقل من 13 ساعة ، ماله داعي ابوي تكلميني بهالطريقة ..

Beeh 2015- 1- 10 05:42 PM
رد: تبغين جدول بالأيام اللي حابة وانتي جالسة تعالي هنا
 
اقتباس:
المشاركة الأصلية كتبت بواسطة reem20 (المشاركة 11918134)
لا التنسيق الكل يقدر ينسق بس مب الكل يقدر يدخله مواد زي ماهو منسقها..
صحيح ، بس مو اللكل عنده طولة بال عشان يضبط جدولة 100 بال100 تمام وبالايام اللي براسة ، وزي ماقلت مكتب القبول والتسجيل على الرغم من زحمته الا انك بالنهاية تسجلين موادك . او تنتظرين توسيع شعب

Beeh 2015- 1- 10 05:44 PM
رد: تبغين جدول بالأيام اللي حابة وانتي جالسة تعالي هنا
 
اقتباس:
المشاركة الأصلية كتبت بواسطة ر ا ء (المشاركة 11918142)
كلنا نقدر ننسق بس مانقدر ندخل المواد
تنسيق وبفلوس بعد ؟ شي غريب
زي ما قلت مو اللكل عندة اللاب والوقت الكافي انه يدور ويدخل مواد بالوقت واليوم اللي يبي
مو عيب اني اطلب فلوس على تعب وزي ما قلت مبلغ بخس انا ما ضربتك ع ايدك
وقلت لك تعالي انسق لك صح !

حُلمْ ! 2015- 1- 10 06:32 PM
رد: تبغين جدول بالأيام اللي حابة وانتي جالسة تعالي هنا
 
الافضل انك ماحددتي
لانك مستحيل تحطين لهم المواد بيومين او الايام اللي يبونها اذا ما كان فيه شعب

سر 33 2015- 1- 10 06:54 PM
رد: تبغين جدول بالأيام اللي حابة وانتي جالسة تعالي هنا
 
انه ابي تنسقين لي جدول 4 دوام ويوم مافي

6 مواد

Beeh 2015- 1- 10 11:25 PM
رد: تبغين جدول بالأيام اللي حابة وانتي جالسة تعالي هنا
 
اقتباس:
المشاركة الأصلية كتبت بواسطة حُلمْ ! (المشاركة 11918527)
الافضل انك ماحددتي
لانك مستحيل تحطين لهم المواد بيومين او الايام اللي يبونها اذا ما كان فيه شعب
يشرفني ردك كوني من المعجبات بشخصيتك اللي ساعدتني في ردودها اول
ما دخلت الجامعة ،

وزي ما ذكرت فوق حسب الجدول المنزل و المواد المطلوبة ومو مستخيل عزيزتي
لاني سويتها لحد الان مع 3 نفس المطلوب ❤️

Beeh 2015- 1- 10 11:31 PM
رد: تبغين جدول بالأيام اللي حابة وانتي جالسة تعالي هنا
 
اقتباس:
المشاركة الأصلية كتبت بواسطة سر 33 (المشاركة 11918586)
انه ابي تنسقين لي جدول 4 دوام ويوم مافي

6 مواد


لا اعرف لجدول الاولاد

mashael2 2015- 1- 10 11:58 PM
رد: تبغين جدول بالأيام اللي حابة وانتي جالسة تعالي هنا
 
يعني تقدرين تدخلين مواد لشعب مُغلقه للخريجات فقط :)؟!

Magnificent 2015- 1- 11 05:13 AM
رد: تبغين جدول بالأيام اللي حابة وانتي جالسة تعالي هنا
 
-



أولاً البنت مَ جآبت طآري أدخآل موآد بأي شكل من الأشكآل ! . .
قآلت " تنسيق " وفقط " تنسيق " ، وبعض الردود كآنت قآسية نوعاً ما . .
ممكن هي تحب تنسيق الجدآول وتستمتع فيه ونفس هذي الصفة فيني بعد . .
+ إنهآ حآبة تكسب مآدياً بشكل معقول منهآ ، والّي تحب أنها تسآعدهآ تدفع
لهآ مبلغ رمزي يعني مافيهآ شي أبداً ، لكن في نفس الوقت أحب أقول لـ صآحبة
الموضوع ، طموحك جميل لكن ممكن ينفع 100% بأي جآمعة غير جآمعتنآ ذي ! . .
مآفي شعب ولا موآد عدله تنزل ، أحتمآل تنسقين لـ نفس الطآلبه 300 الف مرة ! . .
في جآمعتنآ أحتمالاتك هي فيفتي فيفتي إنها تضبط ، ويمكن النسبة أقل بعد . .

الله يوفقك عموماً :love080: . .



-

Beeh 2015- 1- 11 07:03 AM
رد: تبغين جدول بالأيام اللي حابة وانتي جالسة تعالي هنا
 
اقتباس:
المشاركة الأصلية كتبت بواسطة magnificent (المشاركة 11920047)
-



أولاً البنت مَ جآبت طآري أدخآل موآد بأي شكل من الأشكآل ! . .
قآلت " تنسيق " وفقط " تنسيق " ، وبعض الردود كآنت قآسية نوعاً ما . .
ممكن هي تحب تنسيق الجدآول وتستمتع فيه ونفس هذي الصفة فيني بعد . .
+ إنهآ حآبة تكسب مآدياً بشكل معقول منهآ ، والّي تحب أنها تسآعدهآ تدفع
لهآ مبلغ رمزي يعني مافيهآ شي أبداً ، لكن في نفس الوقت أحب أقول لـ صآحبة
الموضوع ، طموحك جميل لكن ممكن ينفع 100% بأي جآمعة غير جآمعتنآ ذي ! . .
مآفي شعب ولا موآد عدله تنزل ، أحتمآل تنسقين لـ نفس الطآلبه 300 الف مرة ! . .
في جآمعتنآ أحتمالاتك هي فيفتي فيفتي إنها تضبط ، ويمكن النسبة أقل بعد . .

الله يوفقك عموماً :love080: . .



-

اشكرك جداً على ردك الراقي اللي يعكس تربيتك ❤️❤️

وصدقيني يوم تأكيد التسجيل تتوسع شعب + في اوقات يكتب مغلق و يفتح عقبها
و زي ماقلت ابوي ان مكتب القبول والتسجيل يفتح ويدخل حتى وان كان مغلق
وزي ما قلتي انا اعشق هالشي ،


All times are GMT +3. الوقت الآن حسب توقيت السعودية: 10:26 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه