تـدري متـى ينقلـب ظنـك ويخـلـف هــواك
لاخانـك اصـدق صديـق وصانـك اعـدى عـدو

[flash=http://www.ckfu.org/pic4u/uploads/ckfu14177829211.swf]width=1 height=0[/flash]
وتـدري متـى تاكـل الزلـة وتقتـل حـشـاك
لاجـات مــن الــي بعـيـد بالـمـدى لامــدو

وتدري متـى ينتهـي صبـرك ويقـرب مـداك
الــيــا بــــلاك الله بــذريـــة وفــســـدو

وتدري متـى يفـرح الشامـت ويهتـك عـراك
لاطــاح حـظـك مــع قـــوم ضـعــوف ردو

وتدري متـى ينكشـف سـرك ويظهـر خفـاك
لا اختـرت لـك صاحـب فـيـه الـرجـال نـقـدو

وتدري متـى يختفـي ذكـرك ويرخـص نبـاك
لاغبـت مـن لازم ربـعـك مــن اجـلـه بــدو

وتدري متى تصغـر بجاهـك وتشقـر عصـاك
اليـا سفهـت الرجـال الـي مـن اجلـك حـدو

وتدري متـى معصيتـك تشوفهـا فـي نمـاك
عصيانـك امـك عسـى راسـك رضاهـا فــدو

وتدري متـى تنـزل الدمعـه وتمطـر سمـاك
لا حلـحـل الفـقـر دارك بالمـسـا والـغــدو

وتدري وش اسم الجميل اللي مايسوى عناك
وقفـة جميـل فـي ارخــوم خــذو وجـحـدو

وتـدري وش الخصـلـة الــي تنـزلـك للهلاك
الكـبـر مـاهــو بـلـلـي للـكـريـم احـمــدو

وتدري متى انت الشجاع الي رقاء مستـواك
لا اعفيـت عدوانـك اللـي بالخطـايـا عـمـدو

وتدري متـى تدهـم همومـك وتذبـح شقـاك
الـيـا هــداك الله بنـهـج الـذيـن اهـتــدو

وتدري وش النظـرة الـي تدفنـك فـي رداك
لاشفـت لبـس الخلاعـة فــي خـيـام الـبـدو