|
ناوي أسحب على الجامعه + أرامكو واطلـــع بعثه ! شوركم
الســلام عليكم ورحمه الله وبركاته
[ الرجاء قراءة الموضوع كاملاً مع الأسباب ] يا أخوان انا قدّر الله علي وتخرجت من الثانوي ودخلت شركة رامكو نظام التدرج itc ، ولي أربع سنين الى الآن ، والحين جمعت مبلغ كافي اني اطلع بعثه " لين يضموني الملحقيه " على حســـابهم .. طبعا بتجيني ردود تقول ليه !! غيرك مو لاقي وظيفة + احمد ربك الناس عاطلين .. الــــخ لازم تعرفون ان قرار زي هذا لازم اختاره لإسبـــاب كثيره 1- اذا كنت موظف شركة أرامكو [ أقل من رتبة المهندس ] بيكون راتبك عادي مقارنه بالوظايف الحكوميه + عدد ساعات دوام أطول بكثيــــــرررر + أجازات قليلة !! يعني كرف زياده واجازة قليل وراتب عادي مايستاهل ! يعني بالعربي ارامكو ماتصلح الا للمهندسين وفوق 2- انا نفسيــااً تعبت من الدوام ، حتى نظام حياتي للأسف صار سيئ جدا 3- لو طلعت واخذت هندسة خلال 5 سنين بختصــر مشوار 30 سنه من الكرف والكد ! باذن الله 4- انا احب الدراسه يعني ماعندي مشكلة أدرس .. وبالنسبة لجامعه فيصل ، فأرامكو حتى ماتعطيني اجازة او وقت اني أختبر الاختبارات ! يعني بالعربي شهادتها ماراح تنفع لو قدمتها للشركة أبداً أبداً .. 5- اللي يقول لي احمد ربك عندك وظيفه ! لو يجرب الضغط النفسي + البدني اللي تعيشه يومياً بالدوام صدقني ماراح تكمل اسبوع وانا الحمدلله - شاب الى الآن يعني 22 ســنه .. مافاتني القطار على مايقولون ، المهـــم جاء الدور عليكم ، أبي أرائكم واقتراحاتكم وأي شيء تفيدوني فيه .. وصلى الله وسلم على محمد :004: |
رد: ناوي أسحب على الجامعه + أرامكو واطلـــع بعثه ! شوركم
الدراسه
توكل على الله انا معك ونفس حالتك توظفت ولاحظت ان الي معهم شهادات اعلى راحه ورواتب مغريه استخير وتوكل على الله |
رد: ناوي أسحب على الجامعه + أرامكو واطلـــع بعثه ! شوركم
مساء الخير اخي العزيز اذا تبي رائيي لاتترك وظيفتك ودراستك وتتغرب تقدر تحسن وضعك في بلدك وتدرس وتشتغل بنفس الوقت لأنك ماتظمن نفس الوظيفه بعد 5 سنين حتى لو درست برى للأسف البعثات الخارجيه غربه على الفاضي اذا رجعت بيقولون لك عذر غير الدراسه استخير والله يكتب لك مافيه الخير
|
رد: ناوي أسحب على الجامعه + أرامكو واطلـــع بعثه ! شوركم
راي تكمل دراسه دام عندك طموح وقد التحدي والوظيفة لاحق عليها دام راح تصير مهندس
|
رد: ناوي أسحب على الجامعه + أرامكو واطلـــع بعثه ! شوركم
والله يابن الحلال شوف اذا انت قدها توكل على الله وروح ادرس
بس عندي سؤال لك انت الأن اي مستوى واصل لحد الحين في الجامعة؟ وبعدين انت اخذت موافقه من جهة عملك بالدراسة او لا اقصد بجامعة الملك فيصل اذا ماخذها اكيد راح يقبولها واذا كنت بمستوى متقدم مثلا السادس فما فوق ليه ماتصبر وتجمع مبلغ اكبر وتطلع على الماجستير افضلك وبعدين اهم نقطة اذا عزمت على البعثه اهتم اكثر بنوع التخصص الي تبي تدرسه الهندسه لها عدة فروع فيه منها المطلوب بسوق العمل وفيه منها الغير المطلوب مثلا الهندسة المدنية ياكثرهم الي يدرسوها والي حاملينها بسوق العمل عكس الهندسه الكهربائيه او الهندسه الكميائيه انت شوف وادرس جميع الحالات قبل تطلع عشان حتى تاخذ الافضل وتظمن بحول الله وقوته وظيفه عند عودتك والاهم من هذا فكر هل انت عندك القدرة على الدراسة واكمال مشوارك التعليمي قبل كل شي ودامك صغير بالسن لاتعتمد على شهادتك الثانوية كثير |
رد: ناوي أسحب على الجامعه + أرامكو واطلـــع بعثه ! شوركم
كمل دراسه والرزق بيد الله ومابتاخذ غير الي ربك كتبه لك
الله يوفقك |
رد: ناوي أسحب على الجامعه + أرامكو واطلـــع بعثه ! شوركم
كمل دراسه والرزق بيد الله ومابتاخذ غير الي ربك كتبه لك
الله يوفقك |
رد: ناوي أسحب على الجامعه + أرامكو واطلـــع بعثه ! شوركم
البعثة والمستقبل الوظيفي الأفضل والأجمل بإذن الله
أم الوظيفة الحالية المنهكة والشهادة العلمية الغير معترف فيها لدى مرجعك بهالمقارنة أنا مع البعثة بكل تأكيد سائل المولى أن يكتب لك الخيرة في كل أمورك |
رد: ناوي أسحب على الجامعه + أرامكو واطلـــع بعثه ! شوركم
^
+1 |
رد: ناوي أسحب على الجامعه + أرامكو واطلـــع بعثه ! شوركم
اخوي
انت صل صلاة استخارة واللي كاتبه ربي بيصير |
رد: ناوي أسحب على الجامعه + أرامكو واطلـــع بعثه ! شوركم
أطلع بعثة وأرجع بش مهندس والله يوفقك |
رد: ناوي أسحب على الجامعه + أرامكو واطلـــع بعثه ! شوركم
اسحب ع الجامعه دام انك تبي البعثه
رغم ان المبتعثين يرجعون ويقدمون ع حافز :5: والضغط حاصل هنا والا هناك لان المكافاه ماهي جيده ابدا لكن لا تترك وظيفتك لين يتم قبولك في احد الجامعات العالميه اذ قدك طالع ع الطياره قدم استقالتك رايي انها مخاطره اذ انت قدها وتتحمل كل تبعاتها وواثق الله معك غير كذا ما انصحك واخر شي اذ خذيت شهادتك نصحيه لا ترجع البلد روح لدوله تقدر شهادتك :(204): |
رد: ناوي أسحب على الجامعه + أرامكو واطلـــع بعثه ! شوركم
فيه قاعدة في إدارة الاعمال وتقاس في الحياة الشخصية
تكلفة الفرصة البديلة احسب وضعك الحالي ومرتبتك وراتبك واحسب وضعك القادم والشهادة المتحصل عليها والدرجة او المرتبة اللي تستحقها اذا اقتنعت بالتنائج فتوكل على الله و نفذ تخطيطك |
رد: ناوي أسحب على الجامعه + أرامكو واطلـــع بعثه ! شوركم
انت مقرر و خلاص
بس اسأل نفسك هل انت ضامن نفسك انك قادر تكمل وتدرس و تتحمل ضغط الدراسه وضغط الغربه ؟ او انك ماتتحمل وترجع ايد ورا وايد قدام تكون خسرت وظيفتك و دراستك هنا ؟ انت عارف نفسك اكثر من اي احد اذا انت قادر ف توكل على الله اكيد البعثه والدراسه برا هي الافضل |
رد: ناوي أسحب على الجامعه + أرامكو واطلـــع بعثه ! شوركم
شوف وانا خوك السؤال هذا محد يقدر يجيب علية الا انت..
أولاً : أبشر كلن بعطيك شوره ولكن الشور الحقيقي منك أنت .. ثانيا: لا تنسى أنك بتاخذ من سنه إلى سنه ونص لغه هذا قبل لا تدخل الجامعه .. بعدها أربع سنوات دراسه إذا أنت ماشي على الخطه أو خلنا نقول ترم زياده أحتياط .. يعني عمرك بيكون في حدود 27 إلى 28 سنه .. واذا تبي الصدق انا والله معك ياخي الواحد يرجع يتشرط خصوصاً اذا شهادته من خارج المملكه .. والله أسئلني انا اشتغلت في إدارة الموارد البشرية في إدارة بنك الرياض .. والله أن الشباب الي يجونا من خارج المملكه ويتوظفون عندنا ما يجلس شهر شهرين الا وهو طالع وظيفه أطلق ومنصب أطلق وراتب أطلق .. فكر بعقل لا تفكر بعاطفه .. أستخر وحب راس والدينك ويدينهم وخلهم يعطونك رايهم .. وأفرش سجادتك ربي وستخر .. ماغير الكلام هذا كلام .. وسلامتك |
رد: ناوي أسحب على الجامعه + أرامكو واطلـــع بعثه ! شوركم
نصيحتي لك
إنك تكمل دراستك وانت تشتغل يعني نقول 5 سنوات دراسة + عملك 4 سنوات الناتج 9 سنوات شغل( خبرتك حينها 9 سنوات) وعمرك سوف يكون 27 حينها قرر السفر للماجستير سنتين أفضل من 5 سنوات تعب وضوحة أن شاء الله بسرعه راح تتوظف من جانب خبرة وشهادة بخصوص الضغط العملي لاتفكر أبدا أحد مرتاح ومثال بكرة أسأل مديرك الي يستلم رأتب وقدرة مرتاح ولا لا وعطنا الرد إلا إذا أنت تحب الدراسة صح وبتجيب هندسة من جامعه مرموقة توكل على الله والله الموفق |
رد: ناوي أسحب على الجامعه + أرامكو واطلـــع بعثه ! شوركم
لو تخصصك ادارة اعمال في الجامعه عندنا فكمل دراستك واطلع بعدها بعثه ماجستير , لو تخصصك غير الاداره اتكل على الله واطلع البعثه
|
رد: ناوي أسحب على الجامعه + أرامكو واطلـــع بعثه ! شوركم
استخير وشاور ولا تستعجل
واهم شي كون نفسك زين الغربه صعبه والدراسه تراها هناك اصعب تقريبا مثل حالة وظيفتك يبي لها صبر صبر واذا تقدر تطور نفسك هنا وتوظف وظيفه غيرها افضل لك والله يعينك ويكتب الخير |
رد: ناوي أسحب على الجامعه + أرامكو واطلـــع بعثه ! شوركم
|
رد: ناوي أسحب على الجامعه + أرامكو واطلـــع بعثه ! شوركم
تصدقون اني نفس وظعه بس فيه اختلاف في العمر انا اكبر منه وظيفه حكوميه والحمدالله بس باقي سنه وتخرج ادارة اعمال وناوي أفصل وروح اكمل ماجستير في امريكا او اقدم التقاعد مدري ايهم افضل صراحه ؟ علشان يضموني على البعثه لاني ناوي اطلع في البدايه على حسابي الخاص
|
رد: ناوي أسحب على الجامعه + أرامكو واطلـــع بعثه ! شوركم
موضوعك جدا حلووو كمل الدارسه خارج السعوديه افضل والله معاك وسهل عليك
|
رد: ناوي أسحب على الجامعه + أرامكو واطلـــع بعثه ! شوركم
اتمنى تعطوني رائيكم لاهنتم
او من يعرف احد مر عليه مثل حالتي في الوظيفه الحكومية الفصل ام التقاعد افضل ؟؟؟؟؟؟؟؟ |
رد: ناوي أسحب على الجامعه + أرامكو واطلـــع بعثه ! شوركم
اقتباس:
ترا الدراسه برا يبي لها والغربه والبعد عن اﻷهل يبي لها استخير وتوكل علي الله |
رد: ناوي أسحب على الجامعه + أرامكو واطلـــع بعثه ! شوركم
اقتباس:
|
رد: ناوي أسحب على الجامعه + أرامكو واطلـــع بعثه ! شوركم
اقتباس:
وبكذا تبقى على وظيفتك وتدرس .. واذا تخرجت على خير قدم في وظايف ثانية واترك عنك البعثة |
رد: ناوي أسحب على الجامعه + أرامكو واطلـــع بعثه ! شوركم
الابتعاث افضل مايبي لها .. لكن الأهم تكون جامعة قوية وامريكية علشان مايضيع تعبك!
بالنسبة لتخصصات الهندسة: 1- ميكانيكية ثم هندسة كهربائية .. عليها طلب جامد من الشركات السعودية الكبيرة والاجنبية اللي ماسكة مشاريع عندنا،، لا تضيع وقتك في هندسة معمارية ومدنية وبطيخ اذا ميولك حاسب آلي انصحك بأمن معلومات .. لأنه هو المستقبل وكل شيء صار يعتمد على التقنية والجاي اكثر،، وتوجهه الدولة هو سعودة الوظائف اللي تخص معلومات المواطنين وامنها وفيه شبهه فرض على الشركات والبنوك لتطبيق هالشيء لكن يعانون ندرته، ولا فيه جامعة سعودية تقدم هالتخصص! اذا لك ميول اداري .. تخصص Supply Chain Management عليه طلب من الشركات الكبيرة وفيه ندره وقبل كل شيء استخر .. والله يوفقك وييسر امورك وامور من يقراء .. |
رد: ناوي أسحب على الجامعه + أرامكو واطلـــع بعثه ! شوركم
اقتباس:
عندك خيارين 1- تطلع بعثه على حساب عمك وترجع بعد الماجستير تترقى للمرتبة الثامنة مباشرة ( لكن اذا فكرت في الاستقاله بعد العودة من البعثة ضروري تخدم نفس مدة دراستك) 2- تقدم إجازة دراسية 3 سنوات بدون راتب وتطلع على حسابك الخاص وتطلب انضمام للبعثة زيك زي اي طالب هناك ولا لعملك علاقة فيك .. بعد ماترجع من البعثة لا يحق لك الترقية لكن تقدر تستقيل. واشوف الخيار الثاني انسب ... بعد ماترجع من البعثة تباشر عملك الي ان تلاقي وظيفه تليق بمؤهلك الجديد وتستقيل بدون اللتزامات |
رد: ناوي أسحب على الجامعه + أرامكو واطلـــع بعثه ! شوركم
أسبابك منطقية ، مع أنو تفكيرك متأخر لكن الحمدلله توك بأول العمر .. لكن ! وظيفتك الحالية ومرتبك الحالي ، ايش راح تكون المتغيرات بعد 4 او 5 سنوات ؟ وقارنها بعد رجوعك من الدراسة وايش راح تكون وظيفتك وقد ايش راح يكون مرتبك .. بكذا راح تقدر تقرر ، هل يستحق مني أستقيل وأتغرب أو لا .. لو أنك غير موظف ، دايركت قلت لك ابتعث .. لكن دامك موظف يبغالها شوية حسبه .. عموماً : اذا حسبتها وطلع أنو ابتعاثك ماراح يفيدك بالشيء الكثير من ناحية الوظيفة والمرتب .. أنصحك تاخذ بكالوريا من فيصل .. والمبلغ اللي عندك استغله في الماستر أو الهندسة بعد البكالوريا .. موفق .. |
رد: ناوي أسحب على الجامعه + أرامكو واطلـــع بعثه ! شوركم
كيف مستوى اللغة الإنجليزية عندك ؟
لأن اللي لغته مو كويسة راح يتعب على ما يحصل قبول .. |
رد: ناوي أسحب على الجامعه + أرامكو واطلـــع بعثه ! شوركم
انا بأرامكو ومجربه الكرف بالأصح قلة الحيا الي نعيشها على رواتب تعتبر قليله بحقنا
نصيحتي لك روح ادرس وتعال بشهادتك بس عندك واسطه لما ترجع تتوظف!!! والله يوفقك |
رد: ناوي أسحب على الجامعه + أرامكو واطلـــع بعثه ! شوركم
طيب اذا خذيت شهادة من برى تظمن انهم يوظفونك وظيفة تناسب مؤهلاتك والله يا خوفي تضيع سنين من عمرك وبعدين بتندم من راي خلك على مجنونك لا يجيك اللي اجن منه اذا مصر عندي لك رايين اخذ خيرة اذا متردد الافضل وامشي عليهاان طلعت كويسة توكل على الله وان طلعت مو زينة اقضب ارضك او انك تطلب اجازة مفتوحة بحيث ان اذا تخرجت من برى على الاقل وظيفتك جاهزة وبنهاية القرار قرارك |
رد: ناوي أسحب على الجامعه + أرامكو واطلـــع بعثه ! شوركم
سلام عليكم اول شي
ماقلت لنا انت وين واصل لاي مستوى بالدراسه هنا ؟ اذا مستويات متقدمه وقربت تخلص كملها حرام تضيع على الفاضي وان مافادتك ماراح تضرك بالنسبه للابتعاث بديهي ياخوي الكل راح يقولك روح ومعهم حق لكن مثل ماقال احد الاخوان لاتنسحب من وظيفتك علطول فكر زين ودور جامعه زينه وقبل كل هذا شوف نفسك قدها لايخوفونك يقولون غربه صعبه ومادري ايش ترا كل شي سهالات الحمدلله هاللي تشوف الوف المبتعثين يطلعون ويرجعون رافعين الراس وبما انك مثل ماتقول تحب تدرس ف ان شاء الله ماعليك خوف بس فكر زين وابحث واجتهد وانتبه تتحجز وتستقيل وتطلع بعدها ترجع ايد ورا وايد قدام الله يسهل امرك ويعينك وموفق |
رد: ناوي أسحب على الجامعه + أرامكو واطلـــع بعثه ! شوركم
اتبع مايملي عليه قلبك وعقلك
والله يوفقك |
رد: ناوي أسحب على الجامعه + أرامكو واطلـــع بعثه ! شوركم
السلام والله نفس التوجه لكن الوالد الله يهديه منعني اني افصل طبعاً قبل 5 سنوات المهم خيره ان شاء الله
بحسبه بسيطة انت راتبك بحدود 9000 الاساسي اذا فيك شده دراسه اطلع بريطانيا احسن انا ولد عمي توه جاء من بريطانيا بعد تعب دراسة 8 سنوات معه بكالوريوس تخصصه هندسة كهربائية + مجاستير في ادارة الاعمال من جامعة اكسفورد في بريطانيا ودخل في ارامكو ادارة المشاريع على قريد 12 والراتب ماشاء الله 16000 وعندك الشعب البريطاني افضل من طروش البحر الشعب الامريكي |
رد: ناوي أسحب على الجامعه + أرامكو واطلـــع بعثه ! شوركم
توكل على الله وروح بعثه انا مع تفكيرك ذا قلبا وقالبا
لكن الاهم انك بالفعل تروح وانت واثق من نفسك بتسوي المستحيل عشان تطور من نفسك مو تغرك الحياه هناك والمناظر الخداعه تنسى انت رحت لايش ولا تحس بالغربة وتهبط من طموحك . |
رد: ناوي أسحب على الجامعه + أرامكو واطلـــع بعثه ! شوركم
انا بعطيك رايي واتمنى لك التوفيق :
شوف ان كانك والله بتجيب شهادة ترفع الراس وتفرضك على اي شركه او قطاع حكومي واقصد بالشهاده هندسه او دكتوراه فتوكل على الله افضل بكثير من وظيفتك الحاليه .... وان كانك منت قد الدراسات الصعبه وبتخليها على البكلوريا فأحسن خلك في عملك وواصل جامعتك وياربي لك الحمد موظف وتدرس . والله يكتب اللي فيه خير |
رد: ناوي أسحب على الجامعه + أرامكو واطلـــع بعثه ! شوركم
اللي يدعون .. عسى الله يوفقكم ويرزقكم الجنه فردا فردا
|
رد: ناوي أسحب على الجامعه + أرامكو واطلـــع بعثه ! شوركم
اقتباس:
اقتباس:
والله ردك هذا كل امس افكر فيه .. احترت شوي .. بس حسبتها وان شاء الله تكون الحسبه صح |
رد: ناوي أسحب على الجامعه + أرامكو واطلـــع بعثه ! شوركم
اقتباس:
كلام من ذهب .. الله يعطيك العــافيه ويوفقك وييسر أمرك دنيا واخره اقتباس:
اقتباس:
لا الحمدلله اللغه توب التوب .. اقتباس:
الله يعينك ويوفقك .. وان شاء الله مانحتاج واسطه :icon1: |
رد: ناوي أسحب على الجامعه + أرامكو واطلـــع بعثه ! شوركم
اقتباس:
من استخار واستشار .. ماضاع اقتباس:
اقتباس:
ماشاء الله تبارك الله .. عقبــالك ان شاء الله .. + لا للعنصريه يا اخوي =) :icon1: |
رد: ناوي أسحب على الجامعه + أرامكو واطلـــع بعثه ! شوركم
وعليكم السلام ورحمة الله وبركاته
اول شيء لاتطلع من الشركة الا اذا جهزت وخلصت امورك وقبولك بالهندسة توكل على الله اذا كانت الدراسة هندسة اما غيرها فااقول خلك على ارامكو لان مميزاتها حلوة وكمل تعليمك في جامعة فيصل انتساب وهذا والله اعلم |
رد: ناوي أسحب على الجامعه + أرامكو واطلـــع بعثه ! شوركم
انا معك روح
الله يسمح دربك ♡ |
رد: ناوي أسحب على الجامعه + أرامكو واطلـــع بعثه ! شوركم
موفق يارب روح بعثة وشد حيلك وجيب الشهادة الي ترفع الراس لاهلك ووطنك ننتظرك تفرحنا تقول تخرج.. الدرس تخصص قوي وان شاء الله نشوفك بافضل مكان يارب
|
رد: ناوي أسحب على الجامعه + أرامكو واطلـــع بعثه ! شوركم
اذا بتترك وظيفتك وتأخذ شهادة من الخارج وعندك واسطة هنا رح ادرس
اذا ماعندك واسطة ترى فيه ناس جايبين ماستر من الخارج عاطلين هنا واهم شي الاستخارة بالتوفيق |
رد: ناوي أسحب على الجامعه + أرامكو واطلـــع بعثه ! شوركم
وعليكم السلام ...انا لو مكانك كان رحت بعثه وانا مغمضه البعثه مستقبلها احلى بكثير
من الدراسه هنا والله يوفقك يارب.... |
رد: ناوي أسحب على الجامعه + أرامكو واطلـــع بعثه ! شوركم
اقتباس:
انا قبل كل شي وقبل لأتكلم اهنيك إنك وصلت لكل هذا و انت بهالسن اكبر تحيه لك مني :love080: والله ينيلك الخير ويسهلك قبل كل شي إستخير ربك بعدين إطلع على ارائنا ورأي من تقتنع بشوره وتفكيره بالحياة .. أنا اشوف انك تطلع بعثه دامها بخاطرك وسعيت لها وربي قدرك توصلها بس لاتسحب من جامعتنا حاول توفق بين الاثنين و اذا كلش احنا نساعدك جامعتنا بسيطه بس لازم تراعي نقطه يمديك تكون بالمركز وقت الإختبار ؟ كلها اسبوع بالكثير وحلو تطلع مستقبلا بشهادتين من ديرتك ومن برا لاتستصعب شي بس زي ماقلتلك والقرار عندك وربي يسعدك |
رد: ناوي أسحب على الجامعه + أرامكو واطلـــع بعثه ! شوركم
من توكل ع الله فهو حسبه ,
ثق تماماً ان الله مراح يضيع تعبك , بعدها ادرس و واصل حلمك , ومثل ماقالو خذ بالبدايه اجازة الى ان تتيسر امورك وتثبت نفسك , |
رد: ناوي أسحب على الجامعه + أرامكو واطلـــع بعثه ! شوركم
ماذا لو ؟؟
خرجت ودرست ولم تلحق بالبعثة وهذا امر وارد هل معك مورد مالي لاكمال دراستك على نفقتك الخاصه ؟ هذا التحدي الاهم والسؤال الذي يحتاج جواب ارامكو حلم الكثيرين واصبح التعين فيها بالمال كما سمعنا والعهدة على من روى فلا تفرط بالساهل هل بالامكان اخذ اجازة سنة بدون راتب ومنها تحدد هل سيتم الحاقك بالبعثه ام لا وغير ذلك اراه مخاطرة غير محسوبه |
رد: ناوي أسحب على الجامعه + أرامكو واطلـــع بعثه ! شوركم
توكل على الله بعد ماتستخير
والقلب داعي لك وانا اختك شي مضمون احسن من لاشي شهادة جامعتنا مو ذاك الزود بالتوفيق وعقبالي يارب |
رد: ناوي أسحب على الجامعه + أرامكو واطلـــع بعثه ! شوركم
طيب كمل دراستك عن طريق ارامكو
سواء هنا او برا ؟! |
رد: ناوي أسحب على الجامعه + أرامكو واطلـــع بعثه ! شوركم
والله الأفضل إنك تمشي على الواقع خل الأفضل كل إنسان ربي بيرزقه وفيه كثير خريجين من جامعات السعوديه ومناصب كبيره ورواتب عاليه ..!!
علماً فيه ناس ثانويه عامه وراتبه عالي يعني مو شرط , لكن الأفضل إنك تستمر على وضعك الحالي خلص فيصل وبعدها إبحث الماجستير أو قدم على الجامعه السعوديه الإلكترونيه وخذ الموافقه من أرامكو عشان تدرس فيها ..! قرار البعثه المخاطر فيه عاليه والله مو تحطيم ودي للجميع الخير والتوفيق لكن على أمل يضمونك بعد 3 ولا 4 إلى 9 شهور , صاحبي تخرج دبلوم وإشتغل في شركة وأخذ قرض وقدم إستقاله ومشى قلت له نفس الكلام المخاطر عاليه , وتوكل على الله ومشى وفعلاً ضموه للبعثه بعد 4 شهور تقريباً وشد حيله , فاياعزيزي في الأول والأخير قرارك الله يوفقك يارب وأتمنى إنك ترجع تحسبها صح لا تحسب إنه بعثه ويلا مشينا لأن لو معدلك مو قد المستوى كأنك ما سويت شيء .. الأرزاق بيد الله , والله يرزقك اللي فيه خير لك وللمسلمين آجمعين يارب ويطمن بالك .. !! ولا تفكر كثير الدنيا حلوه إنبسط وقول يارب وراح ربي يسهل لك اللي فيه خير بإذن الله تعالى .. :004::106: |
رد: ناوي أسحب على الجامعه + أرامكو واطلـــع بعثه ! شوركم
توكل على الله وكمل دراستك ..
وبتحصل بعدها فرص وظيفية جيده .. |
رد: ناوي أسحب على الجامعه + أرامكو واطلـــع بعثه ! شوركم
اقتباس:
كلامك فيه نوع من السوداويه عزيزي البعثه لو عندك لغة م تاخذ منك الدوره 3 شهور وتلتحق بالجامعة ثم بالملحقية السالفه مو صعبه والولد طموح باين من كلامه ف أفضل شيء م نحبطه بل نشجعه وندعمه معنويا د.أحمد زويل قال الغرب ليسوا عبآقره ونحن أغبيآء!! ھٓم فقط يدعمون الفآشل : حتى ينجح! و نحن نحارب الناجح : حتى يفشل ! |
رد: ناوي أسحب على الجامعه + أرامكو واطلـــع بعثه ! شوركم
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
|
رد: ناوي أسحب على الجامعه + أرامكو واطلـــع بعثه ! شوركم
اقتباس:
نبدأ خطوة خطوة .. وتقبل مرورو بصفحتك .... 1/ ابقولك حاجه .. شخص يقرب لي فني بشركه ارامكو .. وكمل بكالوريوس ادارة اعمال تعليم عن بعد والحمدلله تخرج وجاب معدل فوق 4 .. علما بان الفنين رواتيهم 7000 واعلى بقليل .. بعد ان تخرج سلم لهم شهادة البكالوريوس واصبح ادارة بشكرة ارامكو وراتبه لا يتعدى16 الف ريال علما بان عدد ساعات العمل كانت طويله .. والحمدلله الان اصبح دوامه من الصبح للظهر .. واجازاته صحيح قليله وانت عارف كل موظف يكون لديه رصيد اجازات ويستخدمها باوقات هو يبيها .. 2/ نفسيا تعبت .. لاتيأس فهذا مقدر ومكتوب ومهما بلغت مراحل حياتك بالسوء او الالم .. فلا تقنط تصدق ع الفقراء .. وافضل الصدقه سقيا الماء .. حتى لو كان ع العمال الذين يشتغلون بالبيوت .. فلا تعلم فان الله يغير من حال لحال . 3/ اذا كنت تطمح لاخذ الهندسه فلا احد مهما كان يستطيع ان يقف امام طموحك .. لكن ! اضمن اول شي مستقبلي . واخطط له .. 4/ ارامكوا اول كانت تعطي اجازات بايام الاختبارات .. قريبي كان ياخذ الاجازه من رصيده بالشركة ويمدها لشهر لفترة نقاهه اما الان الشركه فقط اجازة بيوم الاختبار 5/ انا ماراح اقول احمد ربك ... راح اقولك الانسان مهما تعب ومهما ذاق من التعب والضغوطات . يقول الحمدلله فوالله هذي الكلمة تشرح النفس وتمدك بالآمل .. واخيرا اولا / استخير ثانيا / لا أحد يستطيع ان يبدي رأيه عليك ثالثا/ فكر جيداً رابعا/ انت انسان مازلت ببدايه العشرينات فالعمر لن يضيع .. لكن! فكر اذا اخذت الهندسه ورجعت اي وظيفه راح تناسبك .. للمعلوميه اذا كان فيه // ليه ماتاخذ عن طريق الشركه تبعثك لاجل التكمل هندسه خارج المملكه .. افضل من انك تستقيل ... |
رد: ناوي أسحب على الجامعه + أرامكو واطلـــع بعثه ! شوركم
اقتباس:
وهل تدرين عنه عنده لغه ولا لا ؟ وهل كل الناس مثلك يخلصون اللغه في 3 شهور ؟ وانا يعني قاعد أحارب الناجح حتى يفشل .. عزيزتي الموضوع مو ناجح وفاشل الموضوع واقع وحقائق , انتي من ورى اللاب وضامنه لك بيت ومصروف وزوج يصرف عليك , الرجال يقول يستقيل يعني يعتمد على الله ثم نفسه فلازم يفكر في كل ناحيه ولو تلاحظين كلامي قلت مخاطر عاليه .. علماً إني ذكرت له جامعه ثانيه غير فيصل اذا مو مقتنع فيها , فا الله يرضى عليك تعوذي من إبليس وإشربي لك كاس قهوه , أنا عطيت بديل إنه ما يخلي الوظيفه ويكمل دراسته في وقت فراغه سواء فيصل ولا غيرها .. الله يوفقكم جميع .. ! |
رد: ناوي أسحب على الجامعه + أرامكو واطلـــع بعثه ! شوركم
اقتباس:
اقتباس:
اقتباس:
اختلاف الرأي لا يفسد للود قضية اخوي سعود وضع احتمال ان ماعندي لغه والاخت غربه احتمالها ان عندي لغه .. والاثنين اعطو رأيهم حسب الزاويه اللي يشوف منها الموضوع .. جزاكم الله خير أولا واخيرا وانا ولله الحمد لغتي توب التوب .. وباذن الله بستفيد من نصايحكم :icon19: |
رد: ناوي أسحب على الجامعه + أرامكو واطلـــع بعثه ! شوركم
الموضوع بين يديك انت من يقرر له
الله ينور بصيرتك و يسهلك اللي فيه خير لك بالدارين |
رد: ناوي أسحب على الجامعه + أرامكو واطلـــع بعثه ! شوركم
استخير وتوكل على الله و ابتدي اجراءات السفر و الدراسة
التعليم و الدراسة تجارة ربحانة مليون المية طول العمر ما تخسر دامك قادر توكل على الله و ارفع من مستواك اختي كانت ارامكو فانا اكثر وحدة اعرف ان ارامكو ماهي الجنة ضغط وكرف اكثر من اي مكان ثاني و المقابل مو قد الجهد اللي تعطيهم اياه يتعاملون مع الموظف كأنه آلة صنعت للعمل فقط روح و ان شاء الله لما ترجع يكون وضعك احسن وترتاح الله يكتب لك اللي فيه الخير وييسر لك امورك ويوفقك |
رد: ناوي أسحب على الجامعه + أرامكو واطلـــع بعثه ! شوركم
السلام عليكم ورحمة الله وبركاته ياليت تتقبل مروري بصفحتك من كلامك احس عندك نوع من الرغبه وبنفس الوقت متردد انا انصحك ( العلم نووووور ) لا تتردد توكل على ربي وخصوصاً انك في بداية عمرك وفيك من الحيويه والنشاط والطاقه مايدعمك ، بس انت حالياً اي مستوى اذا انك بالمستويات الاخيره فنصيحتي لك هانت هي كم سمستر كمله وتخرج وكمل الماستر برا بيكون عليك اريح واسهل وشهادتك اقوى ومستواك التعليمي اعلى ، فرق البكالوريوس عن الماستر وان شاءالله ربي ييسر لك ويكتب لك ولنا الي فيه الخير والصالح .. تقبل مروري .،.،. |
رد: ناوي أسحب على الجامعه + أرامكو واطلـــع بعثه ! شوركم
اقتباس:
اللهم أمين .. طبعا على حسب م عرفت أنه مستوى ثاني وأنه توب التوب بالانجلش هذي استشفيتها من ردودهـ ..فتوقعت أنه م بيطول ب اللغه قبل الجامعة أعرف وحدة درست لغة 3 شهور ببريطانيا وهي لغتها مكتسبه من الحياة عشان تسذا عطيته أقتراحي لأني بنيته ع طموحه :smile: وكتبت ردي وأنا مبتسمه ربي يسعدك ويحفظك .. دمت بخير :rose: |
رد: ناوي أسحب على الجامعه + أرامكو واطلـــع بعثه ! شوركم
السلام عليكم ورحمة الله وبركاته
بما أنّ لديك رغبة جامحة في اكمال الدراسة بالخارج في تخصصات الهندسة, فلا تنتظر ويارب تُحقق طموحك بأعلى الدرجات أحد أعز أصدقائي يقرب من عمرك ..قدم استقالة نوفمبر 2013 وذهب للدراسة على حسابه الخاص والتحق بالبعثة بعد قرابة ال 5 أشهر ويقول أن الأمر سهالة جداً خصوصا إن كان الشخص جاد و نشيط أُحب أن أنوه لك بكلمة بسيطة أخي العزيز اعتبرها كتذكير لا تتوقع أن الشهادة ستجلب الراحة و النوم الهانىء, التعب موجود في كل مكان, العمل التجاري هو المآل الناجع بتوفيق الله, وهذا عن قناعة شخصية و تجارب, لذلك لا يهم إن وقع الظلم علي في حياتي العملية كموظف أرامكو, استمتع بكل لحظاته واتعلم, المدخول الاضافي و التجارة الحُرة لها فوائد جمّة وللأســف الكثير الكثير يغفل عنها ! At the end of the day, you are the decision maker and never let anyone take the decision on your behalf. May Allah bless you |
رد: ناوي أسحب على الجامعه + أرامكو واطلـــع بعثه ! شوركم
اهلا وسهلا
اخي الغالى حفظك الله ووفقك الله لما يحب ويرضا انصحك بالصلاه ركعتين واقراء بعدها دعاء الاستخاره ومن طلب ربي ما خاب داعيه والله يكتب لك اللى فيه خير وفيه خيره |
رد: ناوي أسحب على الجامعه + أرامكو واطلـــع بعثه ! شوركم
رووووووووح توكل على الله اعرف ناس وظايف ارامكو جننتهم خلتهم مهابيل ومراضى نفسيا ومدمنين بعد من الضغط النفسي واذا على شهاده الجامعه ذي فخ وطاح فيه كل انسان له حلم انه ينال وظيفه انا متخرجه العام وقدمت بمليون مكان ومحد قبلني لاحكومه ولا خاص مع ان معدلي مرتبه شرف اولى فوق الثمانين وعندي شهادات وخبره رح توكل على الله الله يوفقك بدراسه الهندسه
|
رد: ناوي أسحب على الجامعه + أرامكو واطلـــع بعثه ! شوركم
اول شي انت شهادتك الانتساب ماراح تعترف فيها ارامكو لا انك لم تأخذ موافقه من Professional Development Dept.(اما الي مقدم وأخذ موافقه منهم فوضعه في السليم) خصوصاً انهم وقفو الان الاعتراف بشهادات التعليم عن بعد في بعض الجامعات مثل جامعة فيصل وجدة و العربية المفتوحة و ...... وحصروها فقط في ( جامعة الملك فهد البترول والمعادن و جامعة محمد بن فهد و الجامعة الاكترونية اما باقي الجامعات في المناطق الثانية ماعندي عنها علم......) وما ادري هل راح يرجعون ويعطون موافقت او انه ايقاف على طول لهذا با النسبة للي ما قدم عليهم ولا اخذ موافقة مسبقة قبل الدراسة. اما الي عنده موافقة مسبقة فوضعه سليم. ثانياً تقدر تكمل وبعدين تفصل وتروح ابتعاث تكمل المجاستير بس راح تكون شهادتك ضعيفة لا انك حاصل على بكالوريوس انتساب بس الافضل انك تفصل وتقدم ابتعاث وتأخذ تخصص هندسة كهربائية الي هو افضل تخصص في السعودية (لان القطاع الحكومي والخاص فيها العديد من الشواغر الي تقدر تقدم عليه ومطلوب هذا التخصص) وتقدر تكمل مجاستير اذا حاب وعندك بعد الهندسة ميكانيكة تعتبر المركز الثاني بعد الهندسة الكهربائية والله يوفقك ان شاء الله سواً قررت تفصل او لا (خصوصاً) ان عمرك ما شاء الله صغير 22 اذا رحت بعثة ورجعت راح يكون عمرك 26 واذا دخلت ارامكو راح تكون مهندس قريد 11 ومن ناحية خبرت انا توظفت على قريد 7 ودخلت الشركة عام 2004 والان على قريد 10 بعد الكرف وان شاء الله مع شهادة الجامعة ووعد المانجر لي راح يعطوني 11 السنة القادمة. اما ولد عمي راح ابتعاث عام 2006 الى بريطانيا ورجع وتوظف في ارامكو هذه السنة قبل ثلاث شهور طبعاً بعد درست وتعب معه بكالوريوس هندسة كهربائية + مجاستير ادارة اعمال من جامعة اكسفورد في بريطانيا وتوظف في ارامكو والقريد 12 والراتب ماشاء الله 16000 فا اقول اقعد مع نفسك وشاور نفسك واستاخير وخذ شورى الوالدين وخلهم يدعولك وتوكل على الله والله يوفقك ويوفقنا جميعاً. |
رد: ناوي أسحب على الجامعه + أرامكو واطلـــع بعثه ! شوركم
انت اكبر همي
|
رد: ناوي أسحب على الجامعه + أرامكو واطلـــع بعثه ! شوركم
.
. الحمد لله انت عملت بالسنة استشرت واستخرت :004: وشفت وجهات نظر مختلفة جداا وكلها تصب في مصلحتك :004: واستخرت ربك العالم بحالك والي ماراح يضيعك ويخيب رجاك :004: . . الخيرة مو انك تصلي وتنام وتحلم :16.jpg: الخيرة تمشي بموضوعك وممكن يطلع لك عذروب ومانع واثنين وثلاثة والموضوع يكمل ويستمر وتلقى دايم باخر النفق نور :004: ولو مافيه خيره صدقني بترجع من نص بلاد الغربة وهنا يجي معنى الرضا والحمد :004::(204): . . بالنهاية استفتي قلبك وإن أفتوك :004::004: |
رد: ناوي أسحب على الجامعه + أرامكو واطلـــع بعثه ! شوركم
أثرتو الموضوع بطرحكم وافكاركم .. عسى الله يوفقكم جميعا
|
رد: ناوي أسحب على الجامعه + أرامكو واطلـــع بعثه ! شوركم
ما شاء الله أنت شخص طموح وبالعكس تحتاج التشجيع
لكن في نفس الوقت لازم تحسبها صح أنت الآن موظف ارامكو حرام تطلع وإن كنت تتعب كل مجال عمل فيه تعب وضغوط نفسية عندك خيارات اما انك تكمل الجامعة ورصيد اجازتك خله للاختبارات ويمكن إذا تخرجت تقبلها ارامكو أو قدم في شركة ثانية أو إدرس ماجستر في الجامعة الالكترونية أو إنك تاخذ اجازة سنة بدون راتب وتروح بعثة وتشوف نفسك يمكن ماتضمك البعثة ويمكن ما يعجبك الوضع وماتتحمل الغربة ويمكن ويمكن ....الخ ويمكن تجي إذا تخرجت وماتتوظف كثير مبتعثين جاو وماتوظفوا ..او توظفوا بعد مدة طويلة يعني استقالتك من الوظيفة فيها مجازفة وأنت تعبتت فيها حرام تضيعها والأمر أولاً وأخيراً راجع لك |
رد: ناوي أسحب على الجامعه + أرامكو واطلـــع بعثه ! شوركم
اقتباس:
اجيب لك ابسط حاجه ! العيد الجاي ما ادري اكون مداوم ولا طالع !!!!!!! + ألف شكر لنصايحكم:icon1: |
رد: ناوي أسحب على الجامعه + أرامكو واطلـــع بعثه ! شوركم
طيب ارامكو عندها برنامج الابتعاث قدم عليه
|
رد: ناوي أسحب على الجامعه + أرامكو واطلـــع بعثه ! شوركم
والله ياخوي انا راح اكمل ان شاء الله في الشركه 9 سنين و خلال هذي الفتره كثير من الشباب اللي من دفعتي كان عندهم نفس الفكره بس لما طلعو انصدمو بالواقع ياللي ماقدر يكمل دراسه او اللي مااتحول على البعثة و في اللي اتخرج ورجع بس ماحصل وظيفه بالشهاده اللي معاه او الراتب اللي كان يتوقعه بس بالنسبه ليا اشوف كل ذا توفيق من رب العالميين لازم تستخير و تتوكل على الله واللي انت تشوفه في مصلحتك سويه لانو في نهاية الموضوع قرارك ورأييك تتحمله انت مااحد من اللي هنا راح يتحمل نتيجة قرارك و الله يوفقك و يوفقنا لما يحبه و يرضى
|
رد: ناوي أسحب على الجامعه + أرامكو واطلـــع بعثه ! شوركم
اقتباس:
الله يوفق الجميع |
رد: ناوي أسحب على الجامعه + أرامكو واطلـــع بعثه ! شوركم
الله يوفقكك ابد استخير وتوكل ع الله والله لايخيب لك طموح ولايكسر لك رجاا
Sent from my iPhone using ملتقى فيصل |
رد: ناوي أسحب على الجامعه + أرامكو واطلـــع بعثه ! شوركم
اقتباس:
ليش تقدم تقاعد ؟؟؟ قد سمعت انه اذا موظف حكومي او عسكري يسمحون لك زي الملحقيه او شي استثنائي الي متأكده منه اذا احد من اهلك بيطلع وتبي تروح معهم يسمحون لك بس اذا حكومي وتقاعدت بعدين اذا جيت من بيوظفك وانت متقاعد ! تأكد من هالنقطه الأفضل والله يوفقكم Sent from my iPhone using ملتقى فيصل |
رد: ناوي أسحب على الجامعه + أرامكو واطلـــع بعثه ! شوركم
اذا فكرتك طموح وهندسة الله يوفقك
اذا هروب لا اصبر ماتدري لعل الله يحدث بعد ذالك امرآ الاربع سنوات بتفديك اذا انت درست وجبت شهادة بتخصص ممتاز اخيرآ اذا بتروح حط في بالك ان دراستك بتكون على حسابك الابتعاث والالتحاق به شبه توفق والله يوفقك |
رد: ناوي أسحب على الجامعه + أرامكو واطلـــع بعثه ! شوركم
فيه نااس كثيير راحو ابتعاث ورجعو وهم الحين موظفين في شركات براتب 4000 تقريباً
اسال نفسك هل راتبك الحين اقضل من الي رجعوا الشي الثاني فيه ناس متخرجين مهندسين كهرباء وميكانيكا ولهم السنتين والثلاث والي الحين ماكو وظيفه يعني بشهادة ومافي فايدة البطاله نسبتها كبيره طيب لو فصلت ورحت وتخرجت ورجعت بتضمن لو 40 % انك بترجع وتلاقي وظيفه في غضون السنه , لو لقيت بعد سنه ونص اقولك ماشاء الله تبارك الله انت محظوظ بس حاب اقولك ترى جدراة توظف بالاقديمه ونصيحتي لك عصفور في اليد ولا عشرة ع الشجره ارامكو صحيح دوامها طويل لكن تراك تاخذ بدل سكن كل سنه , اذا بتزوج يساعدونك , اذا بتشتري بيت يساعدونك بسعر رمزي جدا جدا جدا ( ارامكو مافي زيها ) احمد ربك مليون الف مرره |
رد: ناوي أسحب على الجامعه + أرامكو واطلـــع بعثه ! شوركم
الزبدة خلك في وظيفتك وفي بلدك احسن لك واحسن لاهلك واحسن لوطنك
تبي جامعه كمل وانت مكانك |
رد: ناوي أسحب على الجامعه + أرامكو واطلـــع بعثه ! شوركم
^^
الموضوع من 2014 ، الرجال قرب يخلص بعثته الله يهديكم :16.jpg: :106: |
رد: ناوي أسحب على الجامعه + أرامكو واطلـــع بعثه ! شوركم
بعد التحيه اخي العزيز فكره جميله الدراسه وأنا شخصيا مؤيد وخاصه ان التخصص هندسه لكن السؤال هل انت تضمن الوظيفه في شركه ارامكو بعد الانتهاء من الدراسه اذا كانت الاجابه نعم . فرأي استخر وتوكل على الله والله يوفقك وييسر امورك ولكن اذا الاجابه لا فمايحتاج انبهك عن وضع الوظائف اكيد انت عارف امنياتي لك التوفيق والسعاده في حياتك العلميه والعمليه تحياتي لك |
| All times are GMT +3. الوقت الآن حسب توقيت السعودية: 10:46 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام