ملتقى طلاب وطالبات جامعة الملك فيصل,جامعة الدمام - مذاكرة جماعية شقصة هالخمول… ????

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- E6 (https://vb.ckfu.org/forumdisplay.php?f=321)

- - [ مذاكرة جماعية ] : شقصة هالخمول… ???? (https://vb.ckfu.org/showthread.php?t=615145)

كرامة

2014- 9- 16 09:46 AM

شقصة هالخمول… ????

ابسأل انتو وين تذاكرون…
لكم مكان غير هذا المنتدى…
ماتعودنا على هالخمول والكسل هذا…
شالقصه… .
علموني… .
انا طول هالاترام الي طافت… يمكن لولا المنتديات ما ذاكرت ولا فتحت النظام اصلا ..
والحين من زود البخت نسيت الرقم السري حق دخول النظام ولا اعرف احط غيره…
لا ي جماعه… راشد وتروك واحمد وروقا وزورق وشوق والاخوان كلهم مايصير كذا

الا اذا فيه مكان ثاني تذاكرون فيه علموني ..ترى مدارس عيالي منسيتني حتى اسمي..
بالتوفيق..

درة البلد

2014- 9- 16 11:49 AM

رد: شقصة هالخمول… ????

وانا كمان مو عارفي لشو هالكسل

صرخة غريق

2014- 9- 16 11:59 AM

رد: شقصة هالخمول… ????

لامو كسل او خمول ان شاءالله
ولكن تو المحاضرات بدت ونخاف نحملها ولا تحسب مثل الترم السابق
ونرجع نحمل من ثاني
ولذلك اتكلم عن نفسي ابتريث في تحميل المحاضرات الى بعد العيد

وان شاءالله بيكون النشاط والهمة متواجدة من الجميع كما تعودنا في الترم السابق

لا يوجد مكان نذاكر فيه غير المنتدى فبنالسبة لي اذاكر من هنا مع الاخوان والاخوات
واحيانا اعرج على منتدى اخر

اما منتدى النقاش فالبقاء لله ميت من الترم السابق

لذلك فيكون تواجدنا هنا ان شاءالله مع بقية الاخوان والاخوات

لكم ودي

احساس ورده

2014- 9- 16 12:05 PM

رد: شقصة هالخمول… ????

لا ابدا مو كسل لكن عندنا 3مواد الى الان ماحنا عارفين وضعهم والى الان مانزلت محاضررات فيها لكن ان شاء الله مشرفين القسم والاعضاء مايقصروا وراح نتعاون مثل كل ترم نتجمع ونذاكر وربك يسهلها ..

trook8

2014- 9- 16 12:42 PM

رد: شقصة هالخمول… ????

تو المحاضرات نزلت قبل أمس ,, و 3 مواد غيرو محاضرينها ,,
صبرك اختي :)

أهم شي الان :
- نحدد الملخصات المعتمدة والمطابقة لكل مادة .. خصوصاً المواد اللي ما فيها تغيير
- المواد اللي تغير محتواها نحاول نرتب وضعنا ونحدد من يتكفل بعمل ملخصاتها

بس الى الان ما نقدر نسوي شي لين نتاكد من المحاضرات في البلاك بورد والافتراضي
ممكن تتغير أي وقت ..

وتواجدنا بيكون بالمنتدى هنا بإذن الله .. ما اعرف غيره ..
بالتوفيق للجميع ..

كرامة

2014- 9- 16 02:53 PM

رد: شقصة هالخمول… ????

عساكم على القوه..وبانتظاركم.وعسى يرزقنا وياكم الهمه العاليه جميعا

حياتي امواج

2014- 9- 16 03:00 PM

رد: شقصة هالخمول… ????

وضع خطة للمذاكرة
من أهم الطرق اللي تساعدك وتحمسك للبدء

أم يحيى

2014- 9- 16 04:15 PM

رد: شقصة هالخمول… ????

مثل ما قالوا الأخوان والأخوات ننتظر نزول محاضرات المواد اللي تغيرت دكاترتها ..
والله يوفقنا جميع

Violet 90

2014- 9- 16 05:31 PM

رد: شقصة هالخمول… ????

بانتظار انشالله الانطلاق في المحاضرات والهمة موجودة..لكن ماهي المواد اللي تغيرت دكاترتهم ممكن تفيدونا !؟

FRANK

2014- 9- 16 06:58 PM

رد: شقصة هالخمول… ????

We are waiting .....!!! .... وكذلك الاخت تغريد ونهر العطا وغيرهم ,,,, غريبه مالهم شوفه
الاهم حنا ننتظر ملخصاتهم وتوصياتهم ,,,,, بالتوفيق للجميع ..

شاكر عبدالله

2014- 9- 16 11:52 PM

رد: شقصة هالخمول… ????

طيب في مواد ما تغيروا الدكاترة بدأو فيها

انا بديت بترجمة الأنماط النصية من البداية المنهج حلو

DoDy CooL

2014- 9- 18 02:42 AM

رد: شقصة هالخمول… ????

مثل ماقالو الاخوان ننتظر شوي ترسى امورنا على برر مع هالجامعة ونبدأ بالجد
مارح يكون في كسل ولاخممول ان شاء الله��

موفقين ❤️

شوق@	2014- 9- 18 10:20 AM

رد: شقصة هالخمول… ????

صباح الخير
صحيح تأخرنا لأن بس ثلاث محاضرات نزلت عندي خوفي بيتغير الدكتور
اللي بينعنشك و يروقك و يبعد عنك الخمول هو التجميع
نجمع اسئلة و محتويات و انطباعات لكل موادنا
أنا بادية أجمع لنظرية المعرفة و الرواية الحديثة و انت فكري بكم مادة تجمعينها عشان الكل يستفيد
الخطوة اللي بعدها نبدأ بتحضير المحتويات و الورش وياليت تتقسم عدل و ما تتكرر الورش أو التجمعات
بالتوفيق إن شاء الله للجميع

FRANK

2014- 9- 20 10:36 PM

رد: شقصة هالخمول… ????

اقتباس:

المشاركة الأصلية كتبت بواسطة شاكر عبدالله (المشاركة 11379901)

طيب في مواد ما تغيروا الدكاترة بدأو فيها

انا بديت بترجمة الأنماط النصية من البداية المنهج حلو

بالتوفيق ان شاء الله ... ماهو المحتوي الي اعتمدته ؟؟؟؟
هل هو عن توصية ؟؟ او لا ؟ ...... وشكرالك

وتين2012

2014- 9- 21 07:33 PM

رد: شقصة هالخمول… ????

😔😔😔😔لحظة صمت وتأمل لجميع المحاضرات لين الله يفرجها

المهم اني كل يوم اطمنها اني موجوده👀 ⚠

All times are GMT +3. الوقت الآن حسب توقيت السعودية: 11:08 AM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه