ملتقى طلاب وطالبات جامعة الملك فيصل,جامعة الدمام - شعر الظروف اللي حدتنـا .. للوصـال المستحيـل

- ملتقى الفنون الأدبية (https://vb.ckfu.org/f150)

- - [ شعر ] : الظروف اللي حدتنـا .. للوصـال المستحيـل (https://vb.ckfu.org/t613319.html)

الظروف اللي حدتنـا .. للوصـال المستحيـل

~•~

الظروف اللي حدتنـا .. للوصـال المستحيـل*
ارهقت منا المشاعر .. واستحالـت للمحـال
*
غربتنا.. لين ذقنا بالمحبه .. الـف .. ويـل*
شرقتنا .. لين نامت .. عننـا سـود الليـال
*
مابقى بالعمر قيمه وأن بقـى بالحيـل حيـل*
دام هذا العمر كله ... بين رجـوى واحتمـال
*
وانت تدري بالحقيقـه .. لا تطالبنـي الدليـل*
الدليل ان اشتياقي صـوّت لشوقـك .. تعـال
*
وجيت يسبق اشتياقك قلـب ناصينـي دخيـل*
قمت اجرّه في خيام القلب.. ومتونـي حبـال
*
ارقد أمن في عيوني والهـدب فوقـك ظليـل*
دام انا اوعد عيونك .. بالمحبـه راس مـال
*
لا تخاف الوقت والاوهام وإخفـاق الحصيـل*
للوعد عندي حشيمه .. والوفا قـدر و جـلال
*
بسقي ايامك زلال الشهد صافـي السلسبيـل*
واتلحف في ضلوعك للدفا .. فـيّ .. الظـلال
*
زلّت اقدامي وشفت الموت بـدروب الرحيـل*
ولا قدرت امسك ثباتي .. فوق طيات الرمـال
*
كيف بصبر عن وجودك لا تقفى الليـل ليـل*
كيف ابقضي العمر وايامه ؟؟ اردد هالسؤال
*
اسالك بالله قلي .. العطـا منـي .. قليـل ..؟*
جاوب القلب المعنّى .. لا سأل والدمـع سـال
*
ما الومك بس قل لي .. وين ابلقى لك بديل؟؟*
وانت عارفني وعارف .. قصتـي والاعتـلال
*
وانت فيني ما تفارق .. صعب القالـك مثيـل*
او انا ما شفت غيرك يستحق منـي وصـال
*
وش بلا قلبي تكفّـن وانكـوى جمـر المليـل*
مابقى لي في فضـا الأحـلام يالغالـي مجـال
*
سامح الله من هواه اتعبـك يالجسـم النحيـل*
ما بقالي من بعاده كـود .. حـزنٍ مـا يقـال
*
بَا تصبّر لين اشوف المـوت للدمـع الهميـل*
با تناسى لين انسى .. واسكن الواقع خيال
*
ثم أعـوّد للتلاقـي مـن ورى القيـد الغليـل*
اكسر الواقع لعلي ... أسرج ركـاب الرحـال
*
والتحف هم الليالي بـرد واطيافـك .. تخِيـل*
بين عينيني .. وليل القلب وأشـراق الهـلال
*
واتهادى فوق موج الفكر.. وشـدادي ثقيـل
ارتحل مابين وجهين(( السراب)) .. للنور لال
*
هذا انا عشت فغيابك بـس اسلـى مستحيـل*
مقدر أسف يا حبيبي ((أنت)) نسيانك محـال
*
رح بمان الله سافر .. يتبعك صـوت العويـل*
وارتجافات المحاني تبلع الحسـره .. انذهـال
*
جعلها ريح الخزامى والنفل .. وبـروق سيـل*
تحضن دروبك.. وظل المزن.. يسقيك الـزلال
*
للتوافيق البهيه .. بشعـل الدعـوه .. فتيـل*
واللهب كفوف الرجاوي.. بالدعـاء والابتهـال
*
يا جعل رب الخلايق ... يجلي الهـم الثقيـل*
وياعسى باقـي حياتـك تبلـغ مـراد المنـال

~•~

اتمنى تنال اعجابك
وعذرا احبابي ع الاطاله

لنقائكم :rose: