ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- ملتقى طلاب التعليم عن بعد جامعة الملك فيصل (https://vb.ckfu.org/f183)

- - تايه ساعدوني الله يجزاكم الخير (https://vb.ckfu.org/t613170.html)

majeed Q

2014- 9- 8 05:54 AM

تايه ساعدوني الله يجزاكم الخير

الســـــلام عليكم ورحمة الله وبركآته

مالي في المقدمات ندخل بالموضوع على طول

انا سجلت تعليم عن بعد هذا اول ترم ومو عارف وش الآليه بالضبط ولا أدري هل بدأ الترم او لا ولا أعرف وش السالفه لحد الحين

الشيء الوحيد اللي سويته إني دخلت وحليت كم تمرين وحليتها متأخر بعد لأني مو عارف وش النظام وهل توصلني اشعارات على رقمي المسجل بالجامعه ان فيه كذا شغله بالموقع ولا لازم أدخل واشيك عليه

مع العلم أن آخر رساله وصلتني على رقمي , نفيدكم علماً بأنه تم اصدار الرقم الأكاديمي الخاص بك لذا يرجى الدخول على بوابة التعلم عن بعد - الخدمات الطلابيه - استعلام عن الرقم الأكاديمي ... إلخ

وشفت بعض الاعضاء يتكلمون عن الإيميل الجامعي ومو عارف انا اللي اسوي الإيميل او الجامعه تسويه لي , تكفون وضحوا لي والله انا أجهل الكثيـر :(

أم المهند

2014- 9- 8 06:01 AM

رد: تايه ساعدوني الله يجزاكم الخير

اخوي جزاك الله خير
لسى ما بدأ اي شيء ،،

majeed Q

2014- 9- 8 06:04 AM

رد: تايه ساعدوني الله يجزاكم الخير

اقتباس:

المشاركة الأصلية كتبت بواسطة أم المهند (المشاركة 11351193)

اخوي جزاك الله خير
لسى ما بدأ اي شيء ،،

طيب جميل .. يعني على كذا يوصلني إشعار على رقمي بأي شيء جديد بدلاً ما أدخل بشكل يومي وأشيك ولا ما عندك خلفيه ؟

وشايف بعض الاعضاء يقولون تسجيل مقررات وزي كذا وانا ماسويت شيء ياليت تفيديني او يفيدوني الاعضاء اللي عندهم خلفيه بالموضوع :s

أم المهند

2014- 9- 8 06:07 AM

رد: تايه ساعدوني الله يجزاكم الخير

انت مستجد
تنزل موادك من الجامعة دايركت،

majeed Q

2014- 9- 8 06:13 AM

رد: تايه ساعدوني الله يجزاكم الخير

اقتباس:

المشاركة الأصلية كتبت بواسطة أم المهند (المشاركة 11351198)

انت مستجد
تنزل موادك من الجامعة دايركت،

طيب يعني الحيـن النقطه المهمه بالنسبه لي .. ان أي شيء يصير يوصلني مسج على رقمي مثلاً قبل يبدأ الترم اذا فيه شيء اسويه بالموقع .. إلخ ، ولا أدخل واشيك عليه

هذا المهم عندي :000:

feef	2014- 9- 8 06:29 AM

رد: تايه ساعدوني الله يجزاكم الخير

اقتباس:

المشاركة الأصلية كتبت بواسطة majeed q (المشاركة 11351191)

اخوي متى ارسلوا لك الرساله رد عليا ضروري

majeed Q

2014- 9- 8 06:35 AM

رد: تايه ساعدوني الله يجزاكم الخير

اقتباس:

المشاركة الأصلية كتبت بواسطة feef (المشاركة 11351214)

اخوي متى ارسلوا لك الرساله رد عليا ضروري

الرساله وصلتني من فتره 31 أغسطس واحنا الآن في 8 سبتمبر

يعني تقريباً من 9 أيآم

majeed Q

2014- 9- 8 07:04 AM

رد: تايه ساعدوني الله يجزاكم الخير

اللي عنده معلومات إضافيه عن إستفساراتي السابقه ياليت يفيدنا :cheese:

~النايفه~

2014- 9- 8 07:09 AM

رد: تايه ساعدوني الله يجزاكم الخير

الافضل انك تشيك ع الموقع لان الجامعه بعض الاحيان ماترسل مسجات

غرشـوب

2014- 9- 8 07:14 AM

رد: تايه ساعدوني الله يجزاكم الخير

اقتباس:

المشاركة الأصلية كتبت بواسطة majeed q (المشاركة 11351195)

الجامعه ما راح ترسل لك شي

بما انك طالب جامعي يجب عليك البحث عن المعلومه والبحث عن الواجبات والمناقشات والمحاضرات

.. لازم تدخل للمنتدى هذا كل 3 أو 4 أيام لمتابعة أخبار الجامعه بشكل عام

والمتابعه مع زملائك الطلاب بشكل خاص

يوجد بالمنتدى هنا منتدى فرعي لكل مستوى ولكل تخصص ..لازم تتابع مع زملائك الدراسيين.

بالفصل الاول لادارة الاعمال راح تدرس

القانون
الرياضيات
المحاسبة
الاقتصاد الجزئي
الرياضيات

15 ســاعه

تقدر تلقي نظرة على موادك بمنتدى ادارة الأعمال المستوى الأول

واذا فيه أي استفسار ما راح نقصر معــاك..

Sқọọй

2014- 9- 8 07:14 AM

رد: تايه ساعدوني الله يجزاكم الخير

الجامعه ترسل على رقمك الخاص اي شي يصير فيها من مواضيع جديده

طبعا تسجيل المقررات الي تقول عليها دامك اول مستوا هما رح يحطوها لك انتا مارح تسوي شي

وطبعا لسا م بدينا اي شي جديد الان ولا نزلت محاضرات ولا سوينا اي شي

شوق الزهر

2014- 9- 8 07:15 AM

رد: تايه ساعدوني الله يجزاكم الخير

رسلو الكم الارقام السرية؟

مـ غ ـترب فـيـ عـذابـكـ

2014- 9- 8 07:16 AM

رد: تايه ساعدوني الله يجزاكم الخير

اقتباس:

المشاركة الأصلية كتبت بواسطة n o u f~ (المشاركة 11351261)

الافضل انك تشيك ع الموقع لان الجامعه بعض الاحيان ماترسل مسجات

1+ لاتعتمد ع الرسايل اعتمد ع الله ثم موقع الجامعه او المنتدى

المواضيع المثبته او تنبيه المشرفين وخلك حريص

* نقطه تقول حليت بعض التمارين ؟؟

وش قصدك

ومض	2014- 9- 8 07:16 AM

رد: تايه ساعدوني الله يجزاكم الخير

ماجد انت جامعة الدمام مو جامعة فيصل صح ؟!

لان اعتقد الطلاب المستجدين بفيصل لسى ماارسلوا لهم شي

غير كذا بالعموم مافيه جامعة تجي تذكرك انك تدخل تحل واجباتك ومنافشاتك

كل اسبوع او اسبوعين تقدر تدخل مرة تشوف المهم تسويه وتتابع لو فيه محاضرات مباشرة متى تبدأ

واخر موعد من الجامعة للتحميل وحل للواجبات تكون عارفة انت عشان ماتتأخر بالحل

وبالتوفيق

majeed Q

2014- 9- 8 08:09 AM

رد: تايه ساعدوني الله يجزاكم الخير

اقتباس:

المشاركة الأصلية كتبت بواسطة n o u f~ (المشاركة 11351261)

الافضل انك تشيك ع الموقع لان الجامعه بعض الاحيان ماترسل مسجات

شكراً على التنبيه :)

majeed Q

2014- 9- 8 08:12 AM

رد: تايه ساعدوني الله يجزاكم الخير

اقتباس:

المشاركة الأصلية كتبت بواسطة غرشـوب (المشاركة 11351267)

أشكرك غرشوب على توضيحك لي بعض الأمور اللي كانت غامضه بالنسبه لي , واذا فيه استفسار ماراح تقصر فيك الخير والبركه :)

majeed Q

2014- 9- 8 08:16 AM

رد: تايه ساعدوني الله يجزاكم الخير

اقتباس:

المشاركة الأصلية كتبت بواسطة sқọọй (المشاركة 11351266)

جميل , بس أنتم جامعة الملك فيصل وانا جامعة الدمام .. فيه إختلاف ولا ؟

majeed Q

2014- 9- 8 08:20 AM

رد: تايه ساعدوني الله يجزاكم الخير

اقتباس:

المشاركة الأصلية كتبت بواسطة شوق الزهر (المشاركة 11351269)

رسلو الكم الارقام السرية؟

جامعة الدمام أرسلوا لي من 31 أغسطس الرقم الأكاديمي

majeed Q

2014- 9- 8 08:31 AM

رد: تايه ساعدوني الله يجزاكم الخير

اقتباس:

المشاركة الأصلية كتبت بواسطة مشاري رشيد (المشاركة 11351271)

اممممم طبعاً انا قصدي مو إعتمادي على الرسائل بحيث تنبهني إني ادخل على موقع الجامعه واني اتابع المحاضره وزي كذا انا اقصد تنبيه بالأمور الرسميه كإبتداء الدراسه مثلاً

بخصوص التمارين .. اللي هي التمارين العاديه اللي لمن تدخل البلاك بورد بالسجل المدني حقك وتتصفح نبذه عن التعليم الإلكتروني والمقرر وزي كذا .. يجيك في النهايه تمارين انا مو عارف القصد منها وش .. بس ممكن عشان تزيد استيعابك لأن الأسئله اللي بالتمارين من نفس النبذه اللي أطلعت عليها :)

majeed Q

2014- 9- 8 08:37 AM

رد: تايه ساعدوني الله يجزاكم الخير

اقتباس:

المشاركة الأصلية كتبت بواسطة ومض (المشاركة 11351272)

انا جامعة الدمام .. ما أدري هو نفس النظام ماراح تبدا جامعة الملك فيصل والدمام مع بعض او لا !!

وبخصوص ان مافيه جامعه تذكرني إني ادخل واشيك على الواجبات وكذا عارف .. بس أقصد اشعارات عامه يعني كبداية الموسم الدراسي مثلاً .. أشكرك على إيضاحك لي بعض الأمور :)

ومض	2014- 9- 8 09:08 AM

رد: تايه ساعدوني الله يجزاكم الخير

اكيد في اختلاف بين الجامعتين

كل جامعة ولها نظامها ،، اعتقد لكم قسم خاص لجامعتكم يفيدوك هناك افضل

All times are GMT +3. الوقت الآن حسب توقيت السعودية: 03:38 PM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه