|
ساعدوني ربي يسعدكم (مختبرات طبيه ولا ادارة صحيه ؟!
السلام عليكم ورحمة الله وبركاته ف البدايه ل اصحاب الخبرة ف التخصصات الصحيه حابه استشيركم ف تخصصين محتارة فيهم لو سمحتوا .. ( مختبرات طبيه ولا ادارة صحيه ؟؟ .. للامانه انا اول مادخلت الكلية اخترت تخصص المختبرات بحكم انو ماكان مفتوح غير التمريض والمختبرات وانا اخترت المختبرات لسبيين اللي هما اول شي المختبرات مافيه احتكاك ب مرضى وغير كدا دوامي مابيكون شفتات على حسب علمي السنه اللي راحت والان اكتشفت انو لا المختبرات بيكون فيه شفتات " وانا انسانه احب التزم بشي ووقت معين " المهم الحاصل في الفترة اللي راحت كل اللي يعرف اني راح اتخصص ف المختبرات الاقيهم بيحبطوني جدا بحكم انو صعب ودقيق وانا راح امر ف الفترة الجيه ب تغيرات ف حياتي واخاف انو معدلي ينزل صراحه وانا ماابغا كدا غيرو بيقولو مافي وظايف بسرعه عشان المختبرات قسم محدود على المختبرات في المستشفيات ومابيحتاجو كتير ..الخ لكن انا اؤمن ان الارزاق بيد الله واللي ربي كاتبلي هوا بشوفو ف الاول والاخير انا بشد حيلي قد ما اقدر واجيب امتياز وناويه للماستر والدكتواره ان شاء الله مو حابه اوقف ابدا الا بشي يرضيني . بس حاليا فدي اليومين بديت اعيد الحسبه تاني لااني رحت الكلية وعرفت انو في تخصص الادراة الصحيه دوبو فتحووه , ف البدايه م اديت الموضوع اهتمام حسيت انو تخصص مشي حالك عشان التخصص جديد هنا ف المدينه للبنات , لكن لمن فكرت فيها حسيت انو مناسب ليا اكتر من المختبرات بحكم انا اميل للادارة من زمان غير طبيعتي القائدة , بحث عن الموضوع فالنت ولقيت في المؤيد والعكس . امانةً انا اتحمست للتخصص لمن عرفت اقدر اكمل ماستر هنا ب السعوديه او حتى بره التخصص متاح بس خفت اكون ب احلم ع الفاضي و اتورط ف الاخير !! , ماابغا استعجل ابدا عشان كدا دخلت هنا حابه تساعدوني وتفيدوني ف التخصصين .. ايت فيهم افضل مستقبليا ؟ ومن ناحيه الدراسه والمواد كيف بيتكون ؟ الخ اللي عندو معلومات تفيديني يا ريت ما يبخل .. و ف الاخير اعتذر كترت كلام بس معليش محتاره جدا ومتوتره :( وجزاكم الله خير جميعا , وشكرا :icon19: |
رد: ساعدوني ربي يسعدكم (مختبرات طبيه ولا ادارة صحيه ؟!
اختي الكريمه كل تخصصصات المستشفي شفتات حتى الاداراه في شفتات
خصوصا لو اشتغلتي بمستشفى اما مركز صحى شي اخر انتي اختاري التخصص الي تحسين فيه من ميولك وبتوفيق لك كل تخصصات الصحيه شفتات خصوصا لو اشتغلتي بمستشفى |
رد: ساعدوني ربي يسعدكم (مختبرات طبيه ولا ادارة صحيه ؟!
اختي في الاداره الصحيه مافي وظائف كثيره للحريم في الحجاز اكثرها في الرياض اما المختبرات الي فيه الوظايف قليله الي معاهم درجه الدبلوم اما الي يدرسو بكاريوس براحه تجيهم الوظيفه
|
رد: ساعدوني ربي يسعدكم (مختبرات طبيه ولا ادارة صحيه ؟!
حسب ما فهمت أنه تخصص الاداة فتحوه جديد
هل فيه المستوى اللي المفروض تدخليه؟ سألتيهم؟ |
رد: ساعدوني ربي يسعدكم (مختبرات طبيه ولا ادارة صحيه ؟!
اقتباس:
|
رد: ساعدوني ربي يسعدكم (مختبرات طبيه ولا ادارة صحيه ؟!
اقتباس:
حتى دا التخصص كمان كدا ؟ :sm1: والله مدري الله يجيب الخير . عموما اشكرك اخويا |
رد: ساعدوني ربي يسعدكم (مختبرات طبيه ولا ادارة صحيه ؟!
اقتباس:
|
رد: ساعدوني ربي يسعدكم (مختبرات طبيه ولا ادارة صحيه ؟!
. الادارة ماعندي معلومات عنها .. والمختبرات حسب ماسمعت كويسه بس مشكلتها بالتوظيف ومثل ماقلتي الله آعلم وش يصير بهذاك الوقت ممكن على طول تخلصين من بكره الوظيفة .. من رأيي انا اشوف لو انتي ارتحتي للإدارة الصحية توكلي , والافضل تستخيرين وبإذن الله خير لك سواء بالادارة او المختبرات .. والله يكون بعونك ويوفقك ويوفق الجميع . |
رد: ساعدوني ربي يسعدكم (مختبرات طبيه ولا ادارة صحيه ؟!
مشكله المختبرات ليس بسبب ضعف الوظائف المشكله هي انه البشرى او الطلابات اكثرهم يختارون مختبرات
فصار تشبع من تخصص صار تكدس انتي لاتفكرين الان بهم الوظيفه توك في اول المشهور الله كريم لين ماتتخرجين اختاري التخصص الي تحبينه وان شاء الله خير |
رد: ساعدوني ربي يسعدكم (مختبرات طبيه ولا ادارة صحيه ؟!
اني مااشوف انه بسبب التگدس للتخصص تسبب في قلة التوظيف وابداً التمريض مو اقل منه في التگدس ويتوظفوا بالراحه
|
رد: ساعدوني ربي يسعدكم (مختبرات طبيه ولا ادارة صحيه ؟!
اقتباس:
لكن التمريض أغلبه فلبينيين والمختبرات كثير سعوديين .. وهم على ماأعتقد نآوين تكون مستشفياتنا سعودة :biggrin: |
رد: ساعدوني ربي يسعدكم (مختبرات طبيه ولا ادارة صحيه ؟!
شكرا لكم جميعا خلاص اخترت ادارة صحيه والله يكتب الخير ان شاء الله
|
| All times are GMT +3. الوقت الآن حسب توقيت السعودية: 11:48 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام