|
التدريب الميداني 3
السلام عليكم .. انا راح اخذ مواد مستوى 7 كله ان شااء الله .. محتاره اخذ تدريب ميداني3 ولا اخليه المستوى الجاي مع المشروع وش رايكم ..:060::060: |
رد: التدريب الميداني 3
انا اخذت مواد المستوى السابع مع مشروع التخرج والله يوفق الجميع
|
رد: التدريب الميداني 3
انا اخذت الميداني ^_^ والمشروع خليتها لمستوى 8
|
رد: التدريب الميداني 3
افيدوني عن التدريب الميداني3
|
رد: التدريب الميداني 3
ايش رايكم مشروع التخرج والتدريب 3 في هالمستوى تتوقعوا راح يكون فيه ضغط مع العلم اني مسجل التغير الاجتماعي والاحصاء وجميع مواد 7 وبعض من 8
رايكم يهمني ضروري |
رد: التدريب الميداني 3
انا قلت اخذهم الاثنين وافتك منهم رغم انه راح يكون ترم صعب وضغط مو بسيط خصوصا مع الاحصاء والتغير الاجتماعي
بس الميزة ان المستوى 8 باذن الله فقط 5 مواد |
رد: التدريب الميداني 3
اقتباس:
طيب ليه تاخذهم ويصير ضغط عليك خذ التدريب الحين والمشروع المستوى 8 .. >>انا افكر اسوي كذا بس محتاره للحين ورفض يسجل معي غير 18 ساعه يعني 9 مواد |
رد: التدريب الميداني 3
صباحكم خير وعوداً حميدا للجد والاجتهاد ..
دعوا الكسل والتكاسل جانباً واستعينوا بالله وامتطوا صهوة جوادكم للأمام .. وفقني الله وإياكم .. آمين ... .. أنا سجلت كل مواد مستوى 7 يعني 18 ساعة .. هل بإمكاني آخذ إلى 20 ساعة؟ وهل تنصحوني آخذ التدريب الميداني والا أكتفي باللي عندي .. والله يجزاكم خير .. |
رد: التدريب الميداني 3
اقتباس:
بالنسبه لمادة التدريب الميداني3 بدون اختبار ولايكلف شي بس الحين مو مسموح ال18 ساعه يمكن بعدين يسمحولنا اذا سمحولك اخذيها سهله موفقه:106: |
رد: التدريب الميداني 3
اقتباس:
لقد أفدت .. الله يسهل لنا يارب |
رد: التدريب الميداني 3
الفتره الثانيه راح يفتحون لنا 22 ساعه .. انا ابي التوكل على الله واخذ التدريب الميداني 3. |
رد: التدريب الميداني 3
انا اخذت بنصيحه زملائي اللي قبلنا وشفت نتائجهم اجلت الاحصاء لانه صعب وينزل المعدل
اخذت تدريب ٣ ومشروع التخرج لان مافيها اختبارات بس بحث وتقرير |
رد: التدريب الميداني 3
يعطيكم العافيه جميعا
واتوقع الشي الصحيح انه نخلي التدريب 3 في مستوى ومشروع التخرج في مستوى والاحصاء شر لا بد منه في هالمستوى حتى لو حصل لا قدر الله اي هزه يمكن تداركها في المستوى القادم موفقين جميعا باذن الله بالنسبة لي اخذت 16 ساعه والمستوى القادم 12 ساعه وبكذا باذن الله يكون خلصنا الددراسة الجامعية |
رد: التدريب الميداني 3
السلام عليكم ورحمة الله وبركاته
اسعد الله مساكم بكل خير ياطلاب قسمنا الغالين عندي سؤال بالنسبه للتدريب الميداني 2 لاني مااخذته لحد الان واحتمال اخذه هالترم هل يسمح ان اخذ التدريب الميداني 2 مع التدريب الميداني 3 كلها بترم واحد ولا لازم اخلص التدريب الميداني 2 بعدين اخذ التدريب الميداني 3 وايضا بالنسبه للمواد هل عندكم معلومات عنها اقصد مستوى سابع من ناحية سهولتها وصعوبتها ومن ناحية اساتذة المواد وكيف طريقتهم بصياغة الاسئله اقصد من ناحية التكرار فيها !!! وشاكر ومقدر لكم على كل الاحوال :106: |
رد: التدريب الميداني 3
اقتباس:
و مساك بكل خير يارب بخصوص التدريب اتوقع عادي و اذكر واحد من الدفعه اخذ الاثنين مع بعض الترم اللي راح بس ما اذكر من بالضبط عموماً لو سجلت و قبل التسجيل يعني مافيها شيء .. اما المواد ما عندي اي فكرة عنها توني بدرسها معكم هالترم :mh12: بس الاحصاء يقولون الترم اللي راح تغير الدكتور و انه مررره افضل من النجار يعني الحمدلله ان شاء الله يكون سهل .. |
رد: التدريب الميداني 3
اقتباس:
الميداني 2 3 تقدر تسجلها مع بعض وهو الافضل تضرب طيرين بحجر واحد بالاول تدرب والثاني تمسك لك حاله وتعالجها واذكر واحد المستوى الي فات سجلها مع بعض واموره تمام نجي لبعض المواد من مستوى سابع الي انا اخذتها عندك تصميم البحوث الاجتماعيه الماده يبغالها تركيز لكن تدتورها الجمعان يسعده ربي مره سهلها علينا كمان علم الاجتماع الصناعي والمهني الدكتور محمود تبع الميداني 1 ويا الله قد ايش اقول انه سهل الماده وقال فقط ذاكروا المحدد بالاخضر لما جمعته في في نوتها جا تقريبا 8 اوراق يعني هو دا المهم وعندك الخدمه الاجتماعيه ورعايه الشباب ذي من واقعنا تقريبا ودكتورها ايما عبد العال ويحب يدور مابين السطور عشان يطلع سؤال لكن اجمالا الماده مايحتاج سهله والباقي بأخذه معاكم هالترم :wink: |
رد: التدريب الميداني 3
اقتباس:
وصباحك آسعد ,, بالنسبة للتدريب اتوقع عادي توني اشوف رد لاخوي ترحيب ويقول انه مسجل التدريب 2,3هالترم فاكيد انه يقبل وافضلك انك تاخذ الاثنين سواء ,, وبخصوص موآد سابع ماقد آخذت منها الا مادة التوجيه والارشاد على ماآضن آسم آستاذها علي واذكر انها مادة عادية مو صعبة مع المذاكرة وبالنسبة لآساتذة المواد علمي علمك صراحة ماني عارفة من بدرسنا الى الحين بس اللي اعرفه ان صابر راح وان التغير الاجتماعي الخريف وعلى مااعتقد اذا الكلام اللي سبق وقراءته صحيح ان الخريف بيدرسنا بعض المواد في سابع وفي ثامن يعني لازم مانتساهل ونعتمد على الله ثم على انفسنا عشان مانتوهق مع اسلوبه في وضع الاسئلة.. مـــوفق .. |
رد: التدريب الميداني 3
اقتباس:
الله يعطيك العافيه يازعيمة :(204): بالنسبه للتدريب الميداني 3 راح اخليها الترم القادم ان شاء الله او الترم اللي بعده لان انا عندي مواد متراكمة شوي ومااخذتها ومااقدر اضغط على نفسي واخذها كلها واحتمال كبير يكون عندي ترم اضافي بعد المستوى الثامن طبعا اذا كان هناك فيه فصل صيفي راح يساعدني كثير وبالنسبه لباقي المواد اتوقع انها جميله وراح نتعاون فيها مثل ماسوينا في الاترام الماضيه وبأذن الله تعالى نعديها على خير وبالنسبه للاحصاء راح اجله للمستوى القادم لسببين الاول عندي الانقلش كتابه جايب العيد فيها ولازم اخذها هالترم على شان ارتاح منها ومن همها والثاني بما ان الدكتور درس الماده الترم الماضي خليني اصبر واشوف هالترم كيف صياغته للاسئله ويكون عندنا نموذجين له ونشوف طريقته فيها .. ههههههههه نتمنى والله يكون هالدكتور احسن من النجار لان الاحصاء والانقلش هي العقده اللى اعاني منها طول حياتي :biggrin: شكرا من الاعمااق على ردك واهتمامك :106: |
رد: التدريب الميداني 3
اقتباس:
الله يعطيك العافيه استاذه / Ransy :(204): بالنسبه للتدريب الميداني 2 و 3 فكرة جميلة بالفعل ان الانسان يخلصها مرره واحده ولكن انا استخرت وقررت اخذ التدريب الميداني 2 والترم القادم يكون التدريب 3 وبالحقيقة اعجبني صراحة شرحك لبعض المواد وريحتيني شوي وان شاء الله تتسهل علينا جميعا والترم هذا طويل شوي ويمدينا نذاكر فيه ونركز اكثر واكثر .. والحمد لله ان باقي لك مواد معانا لان حنا تعودنا على تواجدك يااستاذتنا القديرة :biggrin: شكرا من الاعمااق على ردك واهتمامك :106: |
رد: التدريب الميداني 3
اقتباس:
الله يعطيك العافيه اختي ريماز :(204): شوفي وانا اخوك انا احتمال يكون عندي ترم اضافي وعلى شان كذا بأجل الميداني 3 ومادة التوجيه والارشاد ايضا انا سمعت انها مادة جميلة ورائعه وهذا شي جميل جدا :biggrin: وبالنسبه لباقي المواد ان شاء الله تكون سهله علينا جميعا والدكتور الرائع صابر سيبقى في ذاكرة الاجتماعيين طوال العمر ولن ننساه ماحيينا :24: اسأل الله عز وجل ان يجعله من الفائزين في الدنيا والاخرة والدكتور الخريف تعودنا على اسلوبه وعرفناه بس الله يستر لا نجيب العيد في موااده :sm5: شكرا من الاعمااق على ردك واهتمامك :106: |
رد: التدريب الميداني 3
اقتباس:
طبعا تقدر تاخذهم مع بعض وتفتك منها<<< مدري ليه الدكتور الفريدان قالي لاتسجليهم مع بعض قهرني الميداني 2 بيكون معاه بحث عدد صفخاته 18 صفحه سهل مره تكبر الخط واهم شي ترتيب وارقام الصفحات زتعرف كيف تسوي بحث (مثل كذا كل وحده بصفحه الاهداء -المقدمه - الموضووع - العلاج - ......- الفهرس) هنا بتاخذ الدرجه النهائيه اما التدريب الميداني 3 هو المفروض تروح لجمعية خيريه بس الدكتور قال خلاص درسوا الحاله بالمدرسه هنا ساعد الطلبه == اما الاحصاء اسئلة الاختبار كلها من المحتوى خاصه التماريين جمعت لكم بعض الاسئله بس نبتدي بالدراسه نراجعها مع بعض === التغير الاجتماعي دكتورها الخريف وانت تعرف اسلوبه :16.jpg: == اما باقي المواد سهالات ان شاء الله == من ناحيه التكرار اممم فيه بس شغلبه واختلاف صيغة الاسئله على العموم جمعت لكم باللي قدرت عليه وابتديت بحل بعضها بعضها حق ثلاث مستويات والله يوفق الجمييع |
رد: التدريب الميداني 3
يسمح بتسجيل 22 ساعده بدايته فتره التسجيل الثانية اللي هي يوم الاحد 11/5
|
رد: التدريب الميداني 3
انا اخذت جميع مواد المستوى السابع وكلها 18 ساعه هل بامكاني اخذ مواد زياده بالترم هذا؟؟؟
|
رد: التدريب الميداني 3
اقتباس:
الله يعطيك العافيه يااختي شعاع :(204): ههههههه والظاهر اني برجع اخذ التدريب الميداني 2 والميداني 3 مع بعض هههههه مدري هالترم ودي ازيد مواد وفي نفس الوقت ماودي اضغط على نفسي اثناء الاختبارات والتدريب بما انه بحث راح يكون سهل ان شاء الله والله على كلامك وكلام الاخوان والاخوات ان الامور سهالات والمواد جميله ورائعة وزين انك جمعتي الاسئلة على شان تنزلينها لنا مثل كل مرره وحنا تعودنا على مواضيعك الجميلة في قسمنا يااختي شعاع النور :biggrin: شكرا من الاعمااق على ردك واهتمامك :106: |
رد: التدريب الميداني 3
شكرا خاص لشعاع النور ما قصرتي
|
رد: التدريب الميداني 3
حابه اسالكم الله يجزاكم الجنه والدينكم
بالنسبه لمادة التدريب الميداني3 ينفع اخذها وانا ماخذت التدريب الميداني ٢ وكيف تسجيل الماده لاني جيت بسجلها مالقيت لها رقم crn |
رد: التدريب الميداني 3
؟؟؟ياليت الي عنده فكره يجاوب��
|
رد: التدريب الميداني 3
انا خذت الاحصاء الإجتماعي وخذت التدريب الميداني 3 والمشروع باخذه الفصل الجاي لنه تدريب ميداني عباره عن بحث والمشروع كذالك لاتضغطون على نفسكم
|
رد: التدريب الميداني 3
امس سجلت موادي وطلعت ودخلت وشفتهم واليوم يوم دخلت اتاكد مالقيتهم
(الرجاء الرجوع الى الخطة الزمنية للتسجيل من خلال موقع الجامعة لمعرفة موعد تسجيلك) الكل مثلي ولا؟؟ كيف اسجل مرا ثانيه؟؟ومتى يفتح تسجيل المواد مرا ثانيه؟ |
رد: التدريب الميداني 3
اقتباس:
حبيت انبهك بشغله لو اخذت التدريب 2بيكون معاه اختبار وهي ماده المشكلات الاجتماعيه الا لو انت قد اخذتها من قبل شوف الجدول http://i.imgur.com/evfRrCX.jpg اقتباس:
|
رد: التدريب الميداني 3
اقتباس:
|
رد: التدريب الميداني 3
اقتباس:
الله يعطيك العافيه ياشعاع النور بالفعل كلامك سليم وانا منتبه للمسألة هذي وبالتاكيد اخذت التدريب الميداني 2 وقمت بتأجيل المشكلات الاجتماعيه للترم القادم ان شاء الله وش اسوي وانا اخوك ماعندي خيار آخر ابدا وكان لابد من التأجيل وبالنسبه لي عندي مواد متراكمه شوي ولازم ازيد ترم على شان التخرج يعني ليس هناك مشكلة من التأجيل أبداً :biggrin: وشكرا من الاعماق على حرصك واهتمامك يااختي شعاع :106: |
رد: التدريب الميداني 3
اقتباس:
مرحبا مليوون ياصووت الفقيد :(204): ههههههههههه والله ماطلع لي من تعليقك شي ابدا غير الكلمة الاخيره هههههههههه الباقي اشوفه قدامي طلاسم وماشفت أي كلمة واضحه ابدا هههههههههه عموما شاكر ومقدر لك حرصك واهتمامك يابطل :biggrin: والحمد لله اني شفتك وانت بخير وصحة وسلامة ...:106: |
رد: التدريب الميداني 3
اقتباس:
ومساك بكل خير يارب ماقصروا الاعضاء الله يجزاهم خير وبالنسبه ياخوي أسير ,, لمواد المستوى السابع أخذت الارشاد والتوجيه كان المحتوى طويل بس الدكتور كانت اسئلته رائعه الله يجزاه خير أسال الله لنا جميعا التوفيق |
رد: التدريب الميداني 3
اقتباس:
ههههههههههههههههههههههههههههههه وهذي نسخت لك الرد وإن شاء الله تكون واضحه وعليكم السلام ورحمة الله وبركاته ومساك الله بالرضى والعافيه هلا وسهلا فيك أخوي اسير نجد كيف حالك يالغالي والله اشتقنا لكم ولجمعتكم العطره النظام على ماشهدت من ردود الأخوان مسموح مافيه أي خلاف ذلك المواد اللي يبيلها تركيز هي اربعه والباقي بأذن الواحد احد سهلات 1- الأحصاء الأجتماعي = مايحتاج الله ييسر 2- التغيير الأجتماعي = حبيب قلبكم فهد الخريف نقرتين لعرض الصورة في صفحة مستقلة 3- النظام الأجتماعي = اخذت الماده حلوه ولكن الدكتور حاسنا أخطاء في الأملاء وأسئلة وخيرات غير واضحه 4-الأرشاد والتوجيه // أخذته منهجه طويل ولكن سهل والأسئله متوسطه العفو ياباشه الله يوفقنا جميعاً |
رد: التدريب الميداني 3
،،،
أسير نجد & صوت الفقيد وبقية الزملاء .. من يجد صعوبة في عمل التدريب الميداني 2 & 3 و الختم من الجهه الرسمية . التواصل معي ع الخاص . |
رد: التدريب الميداني 3
اقتباس:
ان شاء الله تعالى مع العزيمه والإصرار ماراح يكون هناك ضغط يذكر وخصوصاً ان مشروع التخرج والتدريب الميداني 3 مافيها اختبار شد حيلك بس في التغير الإجتماعي والإحصاء الإجتماعي والباقي ان شاء الله سهالات وبالتوفيق لك اخي الكريم ان شاء الله وللجميع ولاتنسوني من الدعاء في تجاوز الانجليزي قراءه وكتابه وإلإحصاء اجتماعي . |
رد: التدريب الميداني 3
اقتباس:
ماتقصر وإن شاء الله الأمور طيبه وأنت طيب شكراً لتعاونك لآخلا ولآ عدم |
رد: التدريب الميداني 3
اقتباس:
الله يعطيك العافيه يااختي المتلالئه وشكرا من الاعماق على ردك واهتمامك :106: |
رد: التدريب الميداني 3
اقتباس:
ههههههههه خلاص اللحين الصورة واضحة وانا اخوك :biggrin: واسأل الله عز وجل لنا جميعا التوفيق والنجاح |
رد: التدريب الميداني 3
اقتباس:
تسلم يابو فهد والله يعطيك العافيه واكييد اذا حصلت صعوبه راح اتواصل معاك بأذن الله تعالى شكرا من الاعمااق يامشرفنا الغالي :106: |
رد: التدريب الميداني 3
التدريب الميداني 3 هل يحتاج نداوة لمدة شهر ؟
ووين راح يكون التطبيق ؟! مدرسة او مستشفى ؟ |
رد: التدريب الميداني 3
التدريب الميداني 3 هل يحتاج نداوم لمدة شهر ؟
ووين راح يكون التطبيق ؟! مدرسة او مستشفى ؟ |
رد: التدريب الميداني 3
انا اخذت عشر مواد العاشره هي التدريب الميداني3
الله ييسر لنا كل شي |
| All times are GMT +3. الوقت الآن حسب توقيت السعودية: 10:55 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام