|
استشارة بخصوص تعديل الخطة ؟؟؟؟
2 مرفق
السلام عليكم ورحمة الله اخواني واخواتي القدامى والجدد لي يومين وانا افكر في تعديل خطة السير الدراسية وحيث اني متجه لمستوى ثالث وتمت معادلة مواد لي اضع بين يديكم ملف pdf فيه الخطة الرئيسية للجامعة للمستويات الثمانية وفي الملف الثاني الجدول للخطة بعد التعديل عليها وآمل اخذ رايكم ومشورتكم بكل صدق وشفافية تحياتي لكم |
رد: استشارة بخصوص تعديل الخطة ؟؟؟؟
لحظة هذا الجدول قديم ولا جديد؟؟
|
رد: استشارة بخصوص تعديل الخطة ؟؟؟؟
هذا الجدول نفسه ماتغير في المستوى الاول والثاني الماضيين
يعني الجدول شبه ثابت بس تتغير مواعيد الاختبارات هذا ما لاحظته وهو ماخوذ من موقع الجامعة من المقررات وجدول الاختبارات |
رد: استشارة بخصوص تعديل الخطة ؟؟؟؟
وعليكم السلام ورحمة الله وبركاته هلا أخوي تركي خطتك أعجبتني :(204): أنا بعد ناوية أحطّ مادة الفقه في المستوى الثالث وبالنسبة للمستوى الثامن ماأبغى مواد كثيرة رح أشيل إما مادة أخلاقيات الأعمال أو قضايا ثقافية معاصرة وأحطّها في أحد المستويات اللّي قبلها يمكن الخامس أو السادس لسّه ماقرّرت بس أهمّ شيء يكون المستوى الثامن مواد أقلّ ماأبغاه يكون ثقيل أبغى أستمتع بآخر مستوى بدون ضغوط :16.jpg: وبالتوفيق لك وللجميع إن شاء الله :106::verycute: |
رد: استشارة بخصوص تعديل الخطة ؟؟؟؟
هلا والله اختي تو كول
شرفني مرورك وابداء رايك ويشرفني اساعدك ان المستوى الثامن ممكن تقليصه من 17 ساعة الى 15 ساعة وذلك بادراج قضايا ثقافية المستوى السابع بدلا من الثامن فيصبح المستوى السابع 17 ساعة والثامن 15 ساعة ولا انصحك بتغيير المقرر اخلاقيات العمل لانه سيسبب ضغط في الجدول اذا وضع في مستويات سابقة هذي نصيحتي لك وانا اؤيدك بتخفيف المستوى الثامن الى 15 ساعة واتمنى تكون هناك موافقة لاغلبية الدفعة ومشاركتهم لنا هذه الفكرة كي لا نتشتت ونبقى سوية هذا ما آمله حقا ً تحياتي |
رد: استشارة بخصوص تعديل الخطة ؟؟؟؟
هلااااا بتركي
تقريباً انا شقلبت ابو الجدول اتبع الدكاترة المتعاونين وعلى حسبت ماشفت جدولك انصحك نظم المعلومات تشطب عليها لان المستوى الي طاف حاسهم ولعب في المعدل والله يوفق الجميع |
رد: استشارة بخصوص تعديل الخطة ؟؟؟؟
الله يوفقكم ويعينكم
|
رد: استشارة بخصوص تعديل الخطة ؟؟؟؟
الاخلاق الاسلاميه مطالبين فيها . الرجاء التأكد
|
رد: استشارة بخصوص تعديل الخطة ؟؟؟؟
اللي خذاها المستوى الثالث بالمستوى الاخير غير مطالين فيها والعكس صحيح
اخوي زياد وش الحل انا سمعت هالكلام واطلعت عليه ومترردد ياخوك انصحني؟؟؟ |
رد: استشارة بخصوص تعديل الخطة ؟؟؟؟
1 مرفق
السلام عليكم
بعد كلام اخوي زياد الفيصل عن الدكتور السوداني اللي يدرس نظم المعلومات وتقنية معلومات 2 وماتررد عن ما اسفر عنه الترم الماضي وتسببه في هبوط معدلات كثير من الطلبة فحبيت اغير في التعديل على الخطة واستبدل نظم المعلومات في المستوى الثالث بمقرر ادارة العمليات من المستوى الخامس وهذي نظرة على الخطة الدراسية بعد التعديل الاخير آمل اداء رأيكم بكل شفافية تحياتي |
رد: استشارة بخصوص تعديل الخطة ؟؟؟؟
يسعدلي صباحكم بكل الخير....وكل عاام وانتم بخير ...تقبل الله طاعتكم ودعوااتكم يااارب ...صراحه مشتاقه لكم وللمنتدى الرائع ...
اخوي تركي خطتك روووعه ...انا كمان يمكن امشي عليها ...بس في ملاحظه ...شو رأيك تبدل بين نظم المعلومات حيث تكون بالمستوى السادس والموارد البشريه تكون بالمستوى الخامس هذا رأيي بكل مصداقيه وشفافيه ....موفق بإذن الله .. |
رد: استشارة بخصوص تعديل الخطة ؟؟؟؟
اقتباس:
بالنسة لاقتراحك نظم المعلومات صعب انه يوضع في المستوى السادس لانه يكون عندنا يومين اختبار ورى بعض اللي هن اليوم السادس والسابع من المستوى الساادس فسوف ننضغط بذلك اما الموارد البشرية اذا وضعناها بالخامس سوف يجب علينا وضع الادارة الاستراتيجية في السادس لكي لايكون عندنا يومين اختبار ورى بعض في الخامس الخلاصة الاول لا انصح به والثاني على راحتكم وقابل للتنفيذ تقبلي تحياتي |
رد: استشارة بخصوص تعديل الخطة ؟؟؟؟
ياهلا والله
وكل عام وانتم بخير اخذت فرة على كل المستويات وصرت اشوف الدكتور المتعاون ... والاسئلة المعتدله وخصوصا انه يصير تغيير في الدكاترة ... مابين فترة وفترة اخذت 3 مواد من مستوى ثالث ... واضفت 3 مواد من مستويات متفرقة بس انتظر الجدول للاختبارات عشان اشوف اذا فيه تعارض فقه السيرة 2 س ادارة مالية 3 س اساسيات المحاسبة الادارية 3 س الاحصاء في الادارة 3 س النقود والبنوك 3 س اساليب الكمية مستوى 4 ملفي الرشيدي3 س القانون التجاري مستوى 6 عمر السعيد 3 س والحين انت عطني رايك على فكرة راح اخذ يمكن 18 ساعة يعني فيه مادة قابلة للحذف ع حسب ترتيب الجدول |
رد: استشارة بخصوص تعديل الخطة ؟؟؟؟
اخوي زياد حسب اطلاعي على الجدول الشبه ثابت كل فصل
حيكون جدولك مضغوط وعندك تعارض فقة السيرة اليوم الثالث فترة ثانية اساليب كمية اليوم الرابع فترة اولى محاسبة ادارية اليوم التاسع فترة ثانية ادارة مالية 1 اليوم العاشر فترة ثانية احصاء اليوم الثاني عشر فترة اولى نقود وبنوك اليوم الثاني عشر فترة اولى قانون تجاري اليوم الثاني عشر فترة ثانية عندك تعارض بين احصاء ونقود وبنوك بنفس الوقت وزيادة على ذلك عندك اختبارين ما بينهم ايام المحاسبة والادارة المالية وفقه السيرة واساليب كمية ايضا وزيادة ايضا عندك اختبارين بنفس اليوم الثاني عشر بفرض انك شطبت الاحصاء او النقود وذلك سوف يضغطك مرة اخوي واذا تبي نصيحتي لا انصح بذلك ابدا تحياتي |
رد: استشارة بخصوص تعديل الخطة ؟؟؟؟
طيب تمااام اول مادتين قبلها فترة طويله نقدر نستعد لها باذن الله
وبعدها فيه ٥ ايام نقدر نستغلها في التقسيم بين اليوم التاسع والعاشر لكن البلشة الثلاث المواد الاخير ناخذ منها مادة وندور بديل للباقي هذا لو ماصار تغيير في الجدول والله يقويك ياخوووك |
رد: استشارة بخصوص تعديل الخطة ؟؟؟؟
اطلع على جدول الخطة الاساسي المرفق اعلاه واختار اي مادة بديلة حسب اليوم عشان ماتنضغط
والله الي اشوفه ان جدولك انتحار بطيء هههههههههههههه وانا شخصيا ً لا يمكن اجازف كذا مستحيل لكن الله يوفقك ويكون في عونك تحياتي |
رد: استشارة بخصوص تعديل الخطة ؟؟؟؟
انا اشوف لو تمشون على خطة الجامعه ابركلكم
|
رد: استشارة بخصوص تعديل الخطة ؟؟؟؟
هههههههههههههههههههههه اخوي انت اداب
الموضوع لطلاب ادارة الاعمال فلا تفتي بشيء انت مو مطلع عليه وعارف ايجابياته وسلبياته على العموم نشكر مرورك الله يحفظك شرفتنا تحياتي |
رد: استشارة بخصوص تعديل الخطة ؟؟؟؟
جمع موادك الي انت حاب تنزلها
عشان ترفع المعدل وننتظر الاسبوع الجاي نزول الجدول وعلى اساسه يتحدد شي كثير ابداً ما ننتظر على نار |
رد: استشارة بخصوص تعديل الخطة ؟؟؟؟
هههههههههههههههههههههههههههههه
|
رد: استشارة بخصوص تعديل الخطة ؟؟؟؟
السلام عليكم ورحمة الله وبركاته
كل عام وانتم بخير ، سوف اقوم بالرد ع الموضوع واسف بسبب التاخير بسبب السفر وعساكم من عواده بعد الزحمة اتوقع الشعب السعودي اكثر من 44% عيدهم خارج المملكة |
رد: استشارة بخصوص تعديل الخطة ؟؟؟؟
اولا الحمدلله على السلامة .... سلامة الاسفار يابطل افتقدناك من جد
وبانتظار ردك على الموضوع باذن الله تحياتي |
رد: استشارة بخصوص تعديل الخطة ؟؟؟؟
عليكم السلام والرحمه .☺...كل عام وانت بخير ...
الحمدلله على السلامه ... |
رد: استشارة بخصوص تعديل الخطة ؟؟؟؟
السـلام عليكم ,
كيف حالكم ؟ وعيدكم سعيد مع إنها متأخرة جدًا أنا ماعندي إعتراض على شي مبدأيًا لحد ما الكل يقرر بيد وحدة وش الأفضل وأتمنى نظل سوا بكل المستويات هذا شي أكيد بس من بعد إذنك أخوي تركي ممكن توضح لي الاستراتيجية اللي إتبعتها بطريقة تفكيرك بتغيير الخطة ؟ عشان أكون على بيّنة بس وأستوعب وعذرًا ع الإزعاج =) |
رد: استشارة بخصوص تعديل الخطة ؟؟؟؟
وعليكم السلام ورحمة الله وبركاته حياك الله يا تركي ... بالنسبه للخطه طالما أنكم بالمستويات المتقدمه حسب وجهة نظري بأنه أي مقرر لا يؤجل إلا في حال كان الدكتور مستجد يمكن تتصعب على الطالب بأنه يعرفه نهجه في الأسئله ... أما المقررات أرى أن المقررات العلميه تتطلب التسجيل أولا بأول وعدم تأخيرها حتى لا تتراكم في النهايه ويحتدم الجدول أما الدكاتره طالما يتوفر نموذج واحد للإختبار فهو كفيل بأن يعرف الطالب فكرته ... وحسب تجربه كثير من الدكاتره كانوا متعاونين والسمسترات التي تليها كانت من أصعبها وأعقدها والعكس صحيح ... عام دراسي مكلل بالنجاح والتفوق وحصد الثمار بإذن الله بالتوفيق |
رد: استشارة بخصوص تعديل الخطة ؟؟؟؟
سلام عليكم موضوع رائع اخ تركي شكر لك قرب تسجيل المواد انا محتاره مابين اضيف فقه السيره واساليب كميه عشان الدكتور ملفي اما التقنيه السوداني هع هع بيدرس مادتين نسيت اسم الماده الثانيه بنتوكل على الله وناخذها ونجتهد ونبحث على مراجع ندرسها واذا حظنا حلو يمكن يغيرونه ماتدرون بس الحيره بين الاساليب والفقه
|
رد: استشارة بخصوص تعديل الخطة ؟؟؟؟
موفقين جميعا انا بمشي على خطة الجامعه ونتوكل على الله
|
| All times are GMT +3. الوقت الآن حسب توقيت السعودية: 05:47 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام