ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى طلاب التعليم عن بعد جامعة الملك فيصل (https://vb.ckfu.org/f183)
-   -   مكاسب الجامعة من طلبة التعليم عن بعد ..!!!! (https://vb.ckfu.org/t596530.html)

كلي جرووح 2014- 5- 30 11:30 PM
مكاسب الجامعة من طلبة التعليم عن بعد ..!!!!
 
السلام عليكم ورحمة الله وبركاته

اليوم تغديت الظهر فول وانا ادوخ وبعدها انطلق بالحوش وانجطل انجطالا فضيعا

http://up.graaam.com/uploads/imag-6/...76490b24be.jpg
صورتي وانا منجطل

ثم يطقني الطفش وانا اعود عالكمبيوتر واشغله وادخل على قوقل وادخل على قسمنا مستوى ثاني
القاهم مقفلينه ثم تقفل معي

واروح موقع الجامعة واتبطح بين العمادات والكليات

ثم اطب بحقائق وارقام عن جامعتنا الموقرة وانا اجلس انبش بها

والقى اعداد الطلاب بالجامعة سواء الانتظام او التعليم عن بعد

http://up.graaam.com/uploads/imag-6/...f64f0281ee.png
هذي اعداد طلبة جامعة الملك فيصل

معقوله 151883 طالب وطالبه تعليم عن بعد ؟؟

 قام اشتغل فيثاغورس اللي براسي واجيب الحاسبة

واسوي حسبه بسيطه لو قلنا كل طالب منهم منزل بالترم 14 ساعه

 نضرب 151883 × 14 = 2.126.362 ساعه

نضربها في سعر الساعه الواحده

 2.126.362 × 165 = 350.849.730 مليون ريال بالترم الواحد فقط

 انا ما صدقت رحت جبت مخي كنت حاطه بالفريزر عشان يبرد

امس لاعب كم قيم بلايستيشن وطاقيني الشباب هزايم وسخن علي

واركب مخي واحسبها الا المبلغ صحيح

معقوله دخلهم بالترم الواحد 350.849.730 مليون ريال ؟؟

 اول شئ نظام التعليم البلاك بورد والافتراضي خايس الترم 3 شهور نصها معلق

ثاني شئ اغلاط بالجمله بعض الطلبه ما تنحسب درجات المشاركه حقتهم وينظلمون فيها

تجي بالاختبار لازم يكون في اغلاط بنماذج الاسئله

 تعاملهم خايس الواحد يدور احد الدكاترة يبغى يستفسر منه ما يلقى

ما في غير الفريدان يرد علينا وبعد بالقوة

 لو حسبنا المبلغ اللي يطلعونه من التعليم عن بعد يصرف مكافأت طلاب الانتظام وموظفين الجامعة جميعا

 بالله مو ظلم ذا وفوق ذا كله يحرمونا من الصيفي عشان تطوير السيرفرات

 تطوير سيرفرات ياخذ شهرين ؟؟؟

 مبلغهم ذا يصرف ميزانيه دائرة حكومية .. واضح ان الجامعه همهم الماده فقط


استودعكم الله

ذكريات الرحيل 2014- 5- 30 11:41 PM
رد: مكاسب الجامعة من طلبة التعليم عن بعد ..!!!!
 
وعليكم السلام ورحمة الله وبركاته
على حسبتك هذه بيطلع الإجمالي في سنة
701.699.460 ريال سنويْ تقريباً
وميزانية جامعة الملك فيصل السنة هذه (000ر421ر204ر2) مليارين ومئتين وأربعة ملايين وأربع مئة وواحد وعشرين ألف ريال
يعني تقريباً الجامعة سنوياً تطلع ثلث ميزانيتها من طلاب وطالبات الانتسابْ
يعني ماشاء الله اللي ندفعه نحن معشرْ الطلابْ والطالباتْ يضاهي ميزانية دولةْ
وهذا احنا نتحدث عن جامعة واحدة فقطْ
ويقولون إن دخلنـــا القوميْ يعتمدْ على البترولْ فقطْ هههههههههههههآي

amsa 2014- 5- 30 11:42 PM
رد: مكاسب الجامعة من طلبة التعليم عن بعد ..!!!!
 
ازيدك من الشعر بيت على كل هل فلوس اللي نعطهم واول من كرشنا من الدراسات العليا وتكميل الماستر الذي يعتبر من اقل حقوقنا هم جامعة الملك فيصل.

لحنّ 2014- 5- 30 11:47 PM
رد: مكاسب الجامعة من طلبة التعليم عن بعد ..!!!!
 
الفايده‍ انهم بنوو مدينه‍ جآمعيه‍ :smile:

منو الامورة 2014- 5- 30 11:51 PM
رد: مكاسب الجامعة من طلبة التعليم عن بعد ..!!!!
 
المفروض على هالفلوس كل الدفعات يسوون لهم حفلات تخرج محترمة بكل المدن

أميره الرووح 2014- 5- 31 12:00 AM
رد: مكاسب الجامعة من طلبة التعليم عن بعد ..!!!!
 
:33_asmilies-com:المفروض يوفرولنا وضايف بعد مانتخرج

.Perfect 2014- 5- 31 12:00 AM
رد: مكاسب الجامعة من طلبة التعليم عن بعد ..!!!!
 
ماقول الا عسى النتايج تنزل بسرعه وتبطّلون فضاوه :biggrin: :004:

ولا تنسون ان دراستنا لها محاسن كثير واولها توفير مشاوير ومرمطه وشراء كتب ب ألاف الريالات وكويزات وبحوث ودكتور يتليعن وحضور وغياب ومرمطه لها اول مالها آخر ,

ف انتو تشترون راحتكم كل ترم ب الفين ريال وعليها , فلا تبخلون ع نفوسكم ,
انبسطو ي قدعآآآآن :71::004:

عَزْفُ مٌنْفَرِدْ 2014- 5- 31 12:08 AM
رد: مكاسب الجامعة من طلبة التعليم عن بعد ..!!!!
 
وزد على هذا يستقطبون دكاتره اشك ان لديهم خبره بالتعليم

امثال :
هشبول حق فقه السيره
عبدالحكيم المطر
الدوغان وماادراك مالدوغان
عادل فتح الرحمن
الجيزاوي
الحنيف


* ومع ذلك خطاء برصد الدرجات وبطء في اعلانها وعدم الشفافيه مع وجود ايقونه لدرجة المشاركه لم تشتغل يوما وايقونه وهميه للخارطه الكذبيه فالي متى ننتظر ونجامل على حساب المعدل

الحين سوف يررد احد المطبلين وتهم الطلبة بالقصور > ولكن لاتستلمون الترم هذا يالانصاف بالدرجات
او الشكوى الرسمية ونشرها في وسائل الاعلام



وشكرا ل صاحب الموضوع

amsa 2014- 5- 31 12:12 AM
رد: مكاسب الجامعة من طلبة التعليم عن بعد ..!!!!
 
يوجد في تويتر هاشتاق #تهميش_الانتساب اتمنى من الجميع المشاركة لكي يتم انصافنا واعطانا حقوقنا المسلوبة في التوظيف وفي هذه الرسوم المبالغ فيها على الطلبة .

تركي العياش 2014- 5- 31 12:34 AM
رد: مكاسب الجامعة من طلبة التعليم عن بعد ..!!!!
 
اتوقع العدد هذا انتظام وانتساب يعني معقوله يوصل العدد 150 الف بين منتظم ومنتسب وبالنسبه لدخل الجامعه حدث ولاحرج ملايين ياحبيبي ملايين

كلي جرووح 2014- 5- 31 12:37 AM
رد: مكاسب الجامعة من طلبة التعليم عن بعد ..!!!!
 
اقتباس:
المشاركة الأصلية كتبت بواسطة ذكريات الرحيل (المشاركة 11127862)
وعليكم السلام ورحمة الله وبركاته
على حسبتك هذه بيطلع الإجمالي في سنة
701.699.460 ريال سنويْ تقريباً
وميزانية جامعة الملك فيصل السنة هذه (000ر421ر204ر2) مليارين ومئتين وأربعة ملايين وأربع مئة وواحد وعشرين ألف ريال
يعني تقريباً الجامعة سنوياً تطلع ثلث ميزانيتها من طلاب وطالبات الانتسابْ
يعني ماشاء الله اللي ندفعه نحن معشرْ الطلابْ والطالباتْ يضاهي ميزانية دولةْ
وهذا احنا نتحدث عن جامعة واحدة فقطْ
ويقولون إن دخلنـــا القوميْ يعتمدْ على البترولْ فقطْ هههههههههههههآي

انا كل هذا ما علي منه ..

اللي يقهرني ليش في الاختبار يجيبون لنا الماء بنص ؟؟

نحن من هذا المنبر نطالب بالاختبار يجيبون لنا ماء بريال :Looking_anim:

تركي العياش 2014- 5- 31 12:40 AM
رد: مكاسب الجامعة من طلبة التعليم عن بعد ..!!!!
 
اقتباس:
المشاركة الأصلية كتبت بواسطة كلي جرووح (المشاركة 11128026)
انا كل هذا ما علي منه ..

اللي يقهرني ليش في الاختبار يجيبون لنا الماء بنص ؟؟

نحن من هذا المنبر نطالب بالاختبار يجيبون لنا ماء بريال :looking_anim:
وربي على هالملايين المفروض قهوه تركي ولا فرنسي عشان تمخمخ وانت تحل بالاختبار مو مويه او نص ابو كلب دايم حاره صيف شتا

كلي جرووح 2014- 5- 31 12:41 AM
رد: مكاسب الجامعة من طلبة التعليم عن بعد ..!!!!
 
اقتباس:
المشاركة الأصلية كتبت بواسطة تركي العياش (المشاركة 11128014)
اتوقع العدد هذا انتظام وانتساب يعني معقوله يوصل العدد 150 الف بين منتظم ومنتسب وبالنسبه لدخل الجامعه حدث ولاحرج ملايين ياحبيبي ملايين
عدد طلاب الانتظام 34858 طالب وطالبه

والعدد الكلي انتظام وتعليم عن بعد 186741 طالب وطالبه

تركي العياش 2014- 5- 31 12:45 AM
رد: مكاسب الجامعة من طلبة التعليم عن بعد ..!!!!
 
اقتباس:
المشاركة الأصلية كتبت بواسطة كلي جرووح (المشاركة 11128037)
عدد طلاب الانتظام 34858 طالب وطالبه

والعدد الكلي انتظام وتعليم عن بعد 186741 طالب وطالبه
بالضبط

يوسف الدوسري 2014- 5- 31 12:56 AM
رد: مكاسب الجامعة من طلبة التعليم عن بعد ..!!!!
 
~




701.699.460 ريال سنوياً ... :Looking_anim:

يَ رببببآه ..

المفروض على هآلمبلغ هذآ يسوّون حفل تخرّجنآ جنب برج إيفل .. :biggrin:

ذكريات الرحيل 2014- 5- 31 01:01 AM
رد: مكاسب الجامعة من طلبة التعليم عن بعد ..!!!!
 
ههههههههههههههههههههههه
مانبي قهوة فرنسي ولا موية بريالْ ولا حفل تخرجْ في باريسْ
نبي شيءْ واحــدْ منهمْ يختمون على شهادة التخرجْ ويمنحونا
توصيات علميةْ ويخلونـــا نتخرجْ على خيرْ إن شاء الله

(: خريجهــ :) 2014- 5- 31 01:14 AM
رد: مكاسب الجامعة من طلبة التعليم عن بعد ..!!!!
 
موضوووووووع نقققققق

نققق على الجامعه :41jg:

اهم شي انها سهله

وكمان تعطي منسوبيها وجه
مو مثل الي عندنا يرززون فيها وعلى صعوبه وتعقيد وفوق هذا كله لا اسلوب ولاتعامل

ووصلت لمسمى جامعة وبشر الصابرين
صح ولالا يا اهل الدمام:icon120::S_45:

الباراتون 2014- 5- 31 01:21 AM
رد: مكاسب الجامعة من طلبة التعليم عن بعد ..!!!!
 
تعالوا شوفوا سيارات اللكزس بأنواعها لموظفين الجامعة من دكاترة و إداريين
و بونص من خلال التعليم عن بعد

تركي الشعلان 2014- 5- 31 01:25 AM
رد: مكاسب الجامعة من طلبة التعليم عن بعد ..!!!!
 
اذكر قبل 3 سنوات وبالتحديد اول سمستر ادرسه كان مركز الاختبار اللي انا اختبر فيه حاطين لنا غرفه كامله وفيها كل شي من شاهي وقهوة وحلويات وحتى شاهي كركديه حاطينه لنا وبرضوا ماء ولا ابو ريال بعد مو ابو نص ..المهم الترم اللي بعده اول مادخلت على طول رحت للغرفة اللي خابرها وكأني بزر ادور الحلويات والشاهي والقهوة ويوم دخلتها لقيتها فآضية ورحت بقوة وجه اسال المشرف وقلتله وين الحركات اللي اول كنتم تحطونها لنا ، قال لي واهو معصب روح لفصلك لاتتأخر على الاختبار والحركات اللي اول ماعاد فيه لان جامعتكم ماسددت لنا مستحقات المركز.ياجماعة طلعت حتى الشاهي والقهوة مديونيه محسوبة ع الجامعه ..يآخرابي ..

amsa 2014- 5- 31 01:26 AM
رد: مكاسب الجامعة من طلبة التعليم عن بعد ..!!!!
 
http://www.ckfu.org/vb/t554698.html

العازم 2014- 5- 31 01:44 AM
رد: مكاسب الجامعة من طلبة التعليم عن بعد ..!!!!
 
والله شعب فاضي ..كنا نحلم باكمال الدراسه الجامعيه وبالطريقه التي تناسب ظروفنا وفي المكان الذي نريده ولما تحقق ذلك بدانا الانتقاد والهمز واللمز وووو نحن شعب لانحب الا جلد ذاتنا ..فاحمد الله ع نعمه التي ﻻتحصى ومنها انك قبلت في هذه الجامعه العريقه وبالطريقه التي تناسب ظروفك ..وان لم تعجبك فالجامعات الاخرى موجوده شمر عن ساعديك والتحق بها ..نحن في نعم لن نعرف قيمتها علينا الا اذا الله امر بزولها لاقدر الله ..

totoooo 2014- 5- 31 05:12 AM
رد: مكاسب الجامعة من طلبة التعليم عن بعد ..!!!!
 
ملايييين يا حبيبي ملا يييييين

totoooo 2014- 5- 31 05:13 AM
رد: مكاسب الجامعة من طلبة التعليم عن بعد ..!!!!
 
من جد

FATOO7 2014- 5- 31 05:28 AM
رد: مكاسب الجامعة من طلبة التعليم عن بعد ..!!!!
 
والي يقهر بالاخير

ان شهاداتنا مو معترف فيها

وان بكالريوس انتساب زيك زي الي متخرج من الثانويه ليلى

نادر المحمد 2014- 5- 31 05:31 AM
رد: مكاسب الجامعة من طلبة التعليم عن بعد ..!!!!
 
اقتباس:
المشاركة الأصلية كتبت بواسطة تركي العياش (المشاركة 11128034)
وربي على هالملايين المفروض قهوه تركي ولا فرنسي عشان تمخمخ وانت تحل بالاختبار مو مويه او نص ابو كلب دايم حاره صيف شتا
الحين صارت نعمة ربي ابوكلب!!!!!!

نادر المحمد 2014- 5- 31 05:34 AM
رد: مكاسب الجامعة من طلبة التعليم عن بعد ..!!!!
 
اقتباس:
المشاركة الأصلية كتبت بواسطة العازم (المشاركة 11128147)
والله شعب فاضي ..كنا نحلم باكمال الدراسه الجامعيه وبالطريقه التي تناسب ظروفنا وفي المكان الذي نريده ولما تحقق ذلك بدانا الانتقاد والهمز واللمز وووو نحن شعب لانحب الا جلد ذاتنا ..فاحمد الله ع نعمه التي ﻻتحصى ومنها انك قبلت في هذه الجامعه العريقه وبالطريقه التي تناسب ظروفك ..وان لم تعجبك فالجامعات الاخرى موجوده شمر عن ساعديك والتحق بها ..نحن في نعم لن نعرف قيمتها علينا الا اذا الله امر بزولها لاقدر الله ..
السعودية فيها انعام كثيرة تتصدر الدول المتقدمة لاكن نحن نتجاهل انفسنا ويدخل بيننا مندسون حسدة يحاولون التقليل من فكراً وللاسف نجحوا الاعداء والدلين انك قلتي في البداية شعب فاضي

نادر المحمد 2014- 5- 31 05:37 AM
رد: مكاسب الجامعة من طلبة التعليم عن بعد ..!!!!
 
معليش يابعض المعلقين لان ميزانية الجامعة تفوق ميزانية دولتك لاكن مالنا دخل اذا دولتكم جاهله

عذايب 2014- 5- 31 05:43 AM
رد: مكاسب الجامعة من طلبة التعليم عن بعد ..!!!!
 
مأ أدري ليش تذكرت فلم يا عزيزي كلنا لصوص

توقآ 2014- 5- 31 05:42 PM
رد: مكاسب الجامعة من طلبة التعليم عن بعد ..!!!!
 
اقتباس:
المشاركة الأصلية كتبت بواسطة amsa (المشاركة 11128119)


يسلم راس اللي منزل هالموضوع

توقآ 2014- 5- 31 05:44 PM
رد: مكاسب الجامعة من طلبة التعليم عن بعد ..!!!!
 
اقتباس:
المشاركة الأصلية كتبت بواسطة العازم (المشاركة 11128147)
والله شعب فاضي ..كنا نحلم باكمال الدراسه الجامعيه وبالطريقه التي تناسب ظروفنا وفي المكان الذي نريده ولما تحقق ذلك بدانا الانتقاد والهمز واللمز وووو نحن شعب لانحب الا جلد ذاتنا ..فاحمد الله ع نعمه التي ﻻتحصى ومنها انك قبلت في هذه الجامعه العريقه وبالطريقه التي تناسب ظروفك ..وان لم تعجبك فالجامعات الاخرى موجوده شمر عن ساعديك والتحق بها ..نحن في نعم لن نعرف قيمتها علينا الا اذا الله امر بزولها لاقدر الله ..
من حقنا نبدي رآينا والتهجم بالكلآم مو اقنآع

اخصائي اجتماعي1 2014- 5- 31 05:55 PM
رد: مكاسب الجامعة من طلبة التعليم عن بعد ..!!!!
 
قنيهات قنيهات قنيهات فلووووووووووس ياحبيبي فلوووووووس

لاتنسى ان اللي يحملون مواد يضيفونها بفلوووووس

ولاتنسى العشره ريال اللي ياخذونها ولايرسلون لنا شي يسحبون علينا هههههههههههههههه

توقآ 2014- 5- 31 05:57 PM
رد: مكاسب الجامعة من طلبة التعليم عن بعد ..!!!!
 
اقتباس:
المشاركة الأصلية كتبت بواسطة العازم (المشاركة 11128147)
والله شعب فاضي ..كنا نحلم باكمال الدراسه الجامعيه وبالطريقه التي تناسب ظروفنا وفي المكان الذي نريده ولما تحقق ذلك بدانا الانتقاد والهمز واللمز وووو نحن شعب لانحب الا جلد ذاتنا ..فاحمد الله ع نعمه التي ﻻتحصى ومنها انك قبلت في هذه الجامعه العريقه وبالطريقه التي تناسب ظروفك ..وان لم تعجبك فالجامعات الاخرى موجوده شمر عن ساعديك والتحق بها ..نحن في نعم لن نعرف قيمتها علينا الا اذا الله امر بزولها لاقدر الله ..

انتا تدافع عن جامعة الملك فيصل لأنها حققت لك فرصه بس انا عكس ، انا كنت انتظام ب الجآمعه ولكم في سنه التخرج وبالتحديد كان بآقي علي 16 سآعه بس ، وبسبب ظرف والدي الصحيه نزل معدلي كثير وكان نتجيته ان تقرر فصلي من الجآمعه ورفعت خطآب حق الدكتور محمد الفريدان اخ الدكتور عبدالله بحكم ان عندي وضعي وقدمت له كل الاوراق المطلوبه وبعد سجلي الاكاديمي اللي موضح فيه ان باقي لي كورس واحد بس وطلبت منه استثناء بس للأسف ماعندي واسطه ووالدي توفى وماعندي احد يرآجع الجامعه او يطالبهم ب استثناء وتم رفضه وقدمت طلب ثاني وضحت فيه ان والدي توفى وحاليا مافي احد يراجعهم وطلب استثناء اكمل الكورس البآقي وتم رفضه من قبل الدكتور محمد الفريدان ، ورجعت سجلت التعليم عن بعد ودرست من جديد مو لأنها فرصه لا ، لأن ماقدر اعيش من غير هالشهاده وغصب عني دخلتها لانها قريبه وماقدر اروح بعيد ادرس مع اني ادري واعرف ان ماورا جامعة الملك فيصل وموظفيها خير ، بالله عليك هذآ مو ظلم ؟!

حسبي الله ونعم الوكيل بس

اخصائي اجتماعي1 2014- 5- 31 06:04 PM
رد: مكاسب الجامعة من طلبة التعليم عن بعد ..!!!!
 
اقتباس:
المشاركة الأصلية كتبت بواسطة توقآ (المشاركة 11129953)
انتا تدافع عن جامعة الملك فيصل لأنها حققت لك فرصه بس انا عكس ، انا كنت انتظام ب الجآمعه ولكم في سنه التخرج وبالتحديد كان بآقي علي 16 سآعه بس ، وبسبب ظرف والدي الصحيه نزل معدلي كثير وكان نتجيته ان تقرر فصلي من الجآمعه ورفعت خطآب حق الدكتور محمد الفريدان اخ الدكتور عبدالله بحكم ان عندي وضعي وقدمت له كل الاوراق المطلوبه وبعد سجلي الاكاديمي اللي موضح فيه ان باقي لي كورس واحد بس وطلبت منه استثناء بس للأسف ماعندي واسطه ووالدي توفى وماعندي احد يرآجع الجامعه او يطالبهم ب استثناء وتم رفضه وقدمت طلب ثاني وضحت فيه ان والدي توفى وحاليا مافي احد يراجعهم وطلب استثناء اكمل الكورس البآقي وتم رفضه من قبل الدكتور محمد الفريدان ، ورجعت سجلت التعليم عن بعد ودرست من جديد مو لأنها فرصه لا ، لأن ماقدر اعيش من غير هالشهاده وغصب عني دخلتها لانها قريبه وماقدر اروح بعيد ادرس مع اني ادري واعرف ان ماورا جامعة الملك فيصل وموظفيها خير ، بالله عليك هذآ مو ظلم ؟!

حسبي الله ونعم الوكيل بس
لالالالا هذا مو ظلم هذا قمة الظلم والتسلط وعدم مرآعاة ضروف الطلبه
قسم بالله انك حزنتيني الله يوفقك ويسهل امرك
ياليتك وكلت احد من اخوانك يراجعون الجامعه الى اكبر مسؤول فيها والله حرام خريجه تبدأين من الصفر

um saad 2014- 5- 31 06:08 PM
رد: مكاسب الجامعة من طلبة التعليم عن بعد ..!!!!
 



والله غلطانين المنه عليهم ليش مايساعدوننا ويدفونا شوي وبعد لازم نعرف الأسئله قبل نروح الإمتحان ماإحنا جالسين ندفع من فلوسنا !!!
اكاد اجزم لو هالي شغالين إنتقاد وشغل محاسبه وارقام كأنه بمصلحه الضرائب الأمريكيه لو يدرس بأقل جامعه غربيه إمكانيات بيتقبل المقدم له ويعقبه الشكر والإمتنان وحتى الحسبه العظيمه أغفلت فيها ان مو كل الطلاب جالسين يدفعون الرسوم فيه فئه لايستهان بها معفيه من الأقساط
وبالنهايه الجامعه ماوعدتكم بأي شيء سوى شهاده البكالوريوس وهذي انت تتحصل عليها بمجهودك فقط ماهي مسؤوله عن تذليل الصعوبات وتدليل الطلبه












اقتباس:
المشاركة الأصلية كتبت بواسطة الباراتون (المشاركة 11128110)
تعالوا شوفوا سيارات اللكزس بأنواعها لموظفين الجامعة من دكاترة و إداريين
و بونص من خلال التعليم عن بعد




أم يحسدون الناس على ماآتاهم الله من فضله !

اخصائي اجتماعي1 2014- 5- 31 06:15 PM
رد: مكاسب الجامعة من طلبة التعليم عن بعد ..!!!!
 
اي صح ولاتنسى فيه طلبه يسجلون وينسحبون وتروح عليهم فلوسهم ههههههههههههه

فلوووووس ياحبيبي فل و س

مافيش فلوس ياحبيبي مافيش فلوس :53:

حبروك 2014- 5- 31 06:26 PM
رد: مكاسب الجامعة من طلبة التعليم عن بعد ..!!!!
 
من يتفضل ويكتب الرقم كتابة لانني لم استطع قراءته


هل ثلاث مئة مليون وطفسة او اثلاث مليارات وطفسة

minister1 2014- 6- 1 12:53 AM
رد: مكاسب الجامعة من طلبة التعليم عن بعد ..!!!!
 
"حبروووك" توصل اربعة مليار وطفسة

وليد الطائي 2014- 6- 1 01:24 AM
رد: مكاسب الجامعة من طلبة التعليم عن بعد ..!!!!
 
أتوقع بعد موضوعك بينزلون النتائج بكراااا ههههههه

انواع الفضائح ههههه ارقام خورافيه وانا اعتقد انها صحيحة .

شف مراكز الاختبار وعددها تعرف ان العدد ضخم ....

((المبلغ ثلاثمائة وخمسون مليون وثمانمائة وتسع وأربعون الف وسبعمائة وثلاثون ريال ))

طالب د/ غسان 2014- 6- 1 01:40 AM
رد: مكاسب الجامعة من طلبة التعليم عن بعد ..!!!!
 
اقتباس:
المشاركة الأصلية كتبت بواسطة توقآ (المشاركة 11129953)
انتا تدافع عن جامعة الملك فيصل لأنها حققت لك فرصه بس انا عكس ، انا كنت انتظام ب الجآمعه ولكم في سنه التخرج وبالتحديد كان بآقي علي 16 سآعه بس ، وبسبب ظرف والدي الصحيه نزل معدلي كثير وكان نتجيته ان تقرر فصلي من الجآمعه ورفعت خطآب حق الدكتور محمد الفريدان اخ الدكتور عبدالله بحكم ان عندي وضعي وقدمت له كل الاوراق المطلوبه وبعد سجلي الاكاديمي اللي موضح فيه ان باقي لي كورس واحد بس وطلبت منه استثناء بس للأسف ماعندي واسطه ووالدي توفى وماعندي احد يرآجع الجامعه او يطالبهم ب استثناء وتم رفضه وقدمت طلب ثاني وضحت فيه ان والدي توفى وحاليا مافي احد يراجعهم وطلب استثناء اكمل الكورس البآقي وتم رفضه من قبل الدكتور محمد الفريدان ، ورجعت سجلت التعليم عن بعد ودرست من جديد مو لأنها فرصه لا ، لأن ماقدر اعيش من غير هالشهاده وغصب عني دخلتها لانها قريبه وماقدر اروح بعيد ادرس مع اني ادري واعرف ان ماورا جامعة الملك فيصل وموظفيها خير ، بالله عليك هذآ مو ظلم ؟!

حسبي الله ونعم الوكيل بس

حسبي الله ونعم الوكيل من جد حزنت عليس الله يرحم والدس
والله يجعله في جنة الخلد
والي سواه معس ظلم ..........
الله يوفقس دنيا واخره وان شاء الله تخرجين وب ممتاز مع مرتبة الشرف يا رب .
وانتي لازم تنزلين موضوعس في احد الصحف الالكترونيه او الورقيه .
مو عن شكوى الا يصير عبره الى اي واحد يقراء عن الي مريتي فيه .
وان الفاشليين دايما لايقفون في طموح اي واحد .
وانتي اجتهدتي والله وفقس وهانت ان شاء الله هذا الترم نبارك لبعضنا على التخرج .

kawid 2014- 6- 1 01:49 AM
رد: مكاسب الجامعة من طلبة التعليم عن بعد ..!!!!
 
طيب يا حلو يابتاع الانقلش حسبت الايرادات وما حسبت المصروفات .
وهي كالتالي :
اوراق القبول _ رواتب الدكاترة _ رسوم البلاك بورد _ توصيل الاسئلة والاجابات بالاتجاهين _ استديو _ رواتب المراقبين _ رواتب المنتدبين _ ايجار المقرات _ قرطاسية وخلافة _عمادة كاملة بموظفيها _ الخط المجاني _ الرسائل والموقع والريسيفارات _ موظفين الرصد _ الخ .
هل تعلم ان الجامعة تدفع اكثر من 60بالمئة لميزانية التعليم المطور والهدف التطوير المجتمعي للجامعة حسب رؤيتها ورسالتها التي اطلقتها قبل اربع اعوام .

واذا ما صدقت راجع الادارة المالية بالجامعة .

2COOL 2014- 6- 1 02:51 AM
رد: مكاسب الجامعة من طلبة التعليم عن بعد ..!!!!
 
اقتباس:
المشاركة الأصلية كتبت بواسطة ابووسامي9 (المشاركة 11130849)
"حبروووك" توصل اربعة مليار وطفسة
شكلهم :(107): بيستخدمون المبلغ للتنقيب عن النفط في الجامعة :71: بس أنشاء الله عقب مايلقونه:sm1: يعطون كل واحد منا كم برميل هدية:hahahahahah:يعني تقديرا لمساهمتنا :S_45:


All times are GMT +3. الوقت الآن حسب توقيت السعودية: 08:09 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه