|
التدريب والإبتعاث رفض منحي موافقة على الدراسة!! هل يحق له ذلك؟!
الســلام عليكــم ورحمــة الله وبركــاتـه:
:sm12: :sm12: :sm12: :sm12: لمـن يعـرف النظــام .. فليفيــدني في مشكلتي: تقدمت لقسم التدريب والإبتعـاث التـابع لنفس إدارة التربية والتعلــيم التي أعمـل بهـا مدرس .. وطلبت منهم موافقـة على إكمـال دراسـتي الجامعيـة "التعليم عن بعد" حتى يــتم تحســين مستواي ,, ولكنهــم للأسف الشديد رفضـوا .. بحجـة أنه لا يوجـد آليـة محددة للدراسة عن بعد!!:verycute: الســـؤال: * هل أستطيع أن أحضر موافقة من مرجع آخر غير إدارة التربية والتعليم التي أتبع لها؟ * هل تعرفون إدارة تعليم معينة منحت معلميها أو موظفيها موافقة على إكمــال الدراسة؟ لأني بصراحة محبط جداً .. ولن أستفيد من دراستي والتي ستستمر لمدة أربع سنــوات!! :007: |
رد: التدريب والإبتعاث رفض منحي موافقة على الدراسة!! هل يحق له ذلك؟!
قدم بدون موافقه لان الامتحانات العصر يعني ماتحتاجهم دوامك في الصباح وتقدر تذاكر وتحضر الامتحانات ومالهم فضل
|
رد: التدريب والإبتعاث رفض منحي موافقة على الدراسة!! هل يحق له ذلك؟!
والله شفت مدرسه كانت درسنا بالمتوسط تختبر معنا اكيد تفيد في ترقيه والنقاط ولا ماتعبت عمرها
|
رد: التدريب والإبتعاث رفض منحي موافقة على الدراسة!! هل يحق له ذلك؟!
اخوي بعض الاادارات سبحان الله يجي فيها ناس محطمه للامال
اخوي جميع قطاعات الدولة لا تمانع بان الموظوف يكمل تعليمه , لكن فيه شروط ومن ضمن الشروط ان دراستك لاتؤثر على سير عملك وفي وقت الاختبارات يمنح الموظف اجازة ليتمكن من ادا الاختبار ,, طبعا كل قطع عندهم خطاب بهذا الشي لكن للاسف في بعض قطاعات الدولة يتم اخفا هذا الخطاب وعدم السماح للموظفين انهم يطلعون عليه ,, لكن اذا تبي نصيحتي كمل وانت ساكت يعني اذا سمحو لك زين على زين واذا رفضو كمل تعليمك ,, الى وقت حصولك على الشهادة ,, واذا حصلت على الشهادة قدمها لهم وخلهم يحسنون وضعك ,, ومثل مايقولون الكرسي دوار ممكن المدير الي رفض الحين بعد 4 سنوات يجيك مدير خير منه , لكن نصيحة اخوي كمل تعليمك لو يقولون لك ماراح نقبل شهادتك قل لهم طيب وكمل وطنشهم وحقك بتاخذه غصبً عن الي مايرضى عندي في العمل نفس طريقة السنه الاولى من درستي قالو مارح نعطيكم موافقه انا طنشتهم وبعد مخلصت السنه . تم الموافقه على جميع من يريد الدراسة الجامعية بشرط تكون ضمن احتياج العمل , كملت ولا كلمتهم ولا راح اكلمهم الا بعد 4 سنوات لكن السنتين الي الان انهيتهم نفعتني في الترقيه ولله الحمد وصار ترتيبي على 168 الثالث بالتوفيق ,,, |
رد: التدريب والإبتعاث رفض منحي موافقة على الدراسة!! هل يحق له ذلك؟!
خطوات المسافر: يا حبي لك
ما فهمتني الله يحفظك .. أنا الحين طالع مستوى ثالث إن شاء الله .. يعني مو مشكلتي بالدراسة .. مشكلتي أبغى موافقة على الدراسة عشان إذا تخرجت بمشيئة الله يحسنون وضعي ومستواي. إشراقة الأمل .. مشكورة إختي على الإفادة. |
رد: التدريب والإبتعاث رفض منحي موافقة على الدراسة!! هل يحق له ذلك؟!
الجــارح .. الله يرفع قدرك ويبيض وجهك يالغالي .. شكراً على التوضيح وعلى النصائح الجميلة. |
رد: التدريب والإبتعاث رفض منحي موافقة على الدراسة!! هل يحق له ذلك؟!
اتوقع على حسب الادارة
انا صاحبتي موظفة ادارية بمدرسه وزارة التربية والتعليم تعطيها اجازة اختبارفي الايام المحدده بجدول الاختبار بناء على موافقه مسبقة منها على اكمال الدراسه وزارة التربية والتعليم بالاحساء |
رد: التدريب والإبتعاث رفض منحي موافقة على الدراسة!! هل يحق له ذلك؟!
ما تحتاج تراجعهم ولا تكلمهم نهائيا .. انت بس نسق مع مدير المدرسة اللي تدرس فيها .. ونظاما يحق لك ما تداوم يوم الاختبار الله يوفقك .. واصل دارستك ولا يهمونك |
رد: التدريب والإبتعاث رفض منحي موافقة على الدراسة!! هل يحق له ذلك؟!
أختي أم علي .. مشكورة على المرور والتعليق ,, بس ياليت تتأكدين الله يخليك من صديقتك هل أخذت فعلاَ موافقة خطية من إدارة التربية والتعليم بالأحساء على إكمـال دراستها الجامعية؟
|
رد: التدريب والإبتعاث رفض منحي موافقة على الدراسة!! هل يحق له ذلك؟!
الغالي محمد .. ليست مشكلتي في الدراسة يالغالي .. مشكلتي أنني أريد موافقة من إدارة التربية والتعليم التي أتبع لها .. حتى أتمكن من إلزامهم بتحسين مستواي في حالة التخرج بمشيئة الله .. أرجو أن تكون الصورة وضحت.
|
رد: التدريب والإبتعاث رفض منحي موافقة على الدراسة!! هل يحق له ذلك؟!
نفس مشكلتك
بس للحين مارفعت اوراق وقالوا لي ارفعي اوراقك لادارة التعليم نفسها بالرياض لاترفعونها للتدريب والابتعاث لاني رحت للتدريب والابتعاث وقالوا لي مايحتاج بس ياليت اخوي تقول لي من وين جبت اوراق اللي عبيتها عشان يوقعونها ؟؟؟ |
رد: التدريب والإبتعاث رفض منحي موافقة على الدراسة!! هل يحق له ذلك؟!
بالنسبة لي صارت لي سالفة على الموافقة للدراسة
كل مكتب في ادارة التعليم يقول ما عندنا موضوعك صرت مثل طاش ماطاش في الاخير كلمت مشرف وقال لي رتب مع مديرك مباشرة لان الادارة راح تتعب معاهم والحمد لله مديري متفهم وقت الاختبارات اطلع اجازة من عنده اذا الله كتب لي وتخرجت ان شاء الله راح ارفع لهم الشهادة لتعديل مستواي الله يكتب اللي فيه الخير |
رد: التدريب والإبتعاث رفض منحي موافقة على الدراسة!! هل يحق له ذلك؟!
وعليكم السلام
اذا الاداره رافضه الشهاده على انو تعليم عن بعد حبيت اوضح لك ، في الوثيقه راح تكون انتساب فقط موفق |
رد: التدريب والإبتعاث رفض منحي موافقة على الدراسة!! هل يحق له ذلك؟!
سبب الرفض هو الحسد . الحسد . الحسد
|
رد: التدريب والإبتعاث رفض منحي موافقة على الدراسة!! هل يحق له ذلك؟!
انا رفضوا انهم يعطوني اجازه فترة الاختبارات صرت اداوم الصباح واختبر العصر ولا لهم منه عليه
كمل ولا عليك منهم |
رد: التدريب والإبتعاث رفض منحي موافقة على الدراسة!! هل يحق له ذلك؟!
اخوي الشهد اتوقع مشكلتك انك قلت لهم تعليم عن بعد وهو غير معترف فيه
لو قلت لهم انتساب اتوقع يقبلونها |
رد: التدريب والإبتعاث رفض منحي موافقة على الدراسة!! هل يحق له ذلك؟!
اعرف شخص كان يشتغل في الهيئة الملكيه فني وكان معاه شهاده صناعيه بس ف يوم قرر يكمل دراسته الجامعيه وكتب خطاب للمدير ... طلب اكمال مرحلة الجامعية والمدير رد عليه لا اوفق انتهى ووقع ... راح وكمل دراسته ومااحد يدري وكان جدا متفوق وترقى ف عمله وكمل الماستر ودحين يحضر phd فلا يهمك الناس اللي بتحطم وتقلل من عزيمة الانسان .. حاول تدرس وتختبر وانت تدوام وصدقيني ربي حيسهلها عليك ... ب االتوفيق,,, |
رد: التدريب والإبتعاث رفض منحي موافقة على الدراسة!! هل يحق له ذلك؟!
أنا مثلك التدريب رفضوا لكن أخذت موافقة من مدير إدارة التربية والتعليم بمنطقتي وبعد مجهود سنه كاملة وانا اتابع وتحت شرط قاسي اشترطه علي المدير وهو تعهد بعدم المطالبة على إجازة اثناء الاختبار وكتبته غصب علي وأتوقع لازم ناخذ موافقة بالنسبة لقطاع التعليم علشان تحسين المستوى بعد التخرج لأني اشوف معنا وحده مخلصة انتساب من جامعة الامام ولها كم سنه ماتحسن مستواها لأنها درست بدون موافقة موفقين ان شاء الله |
رد: التدريب والإبتعاث رفض منحي موافقة على الدراسة!! هل يحق له ذلك؟!
اذا درست بدون موافقه لن تستفيد من شهادتك في مجال عملك
عشان كذاا مايبونك تترقا |
رد: التدريب والإبتعاث رفض منحي موافقة على الدراسة!! هل يحق له ذلك؟!
انا شفت بالمركز اللي اختبر فيها كثيير من معلمات الابتدائي بيختبروا معاي
وحده منهم قالت لي انها لازم تدرس سنه تربيه بعد ماتتخرج علشان يتحسن وضعها بالوظيفه |
رد: التدريب والإبتعاث رفض منحي موافقة على الدراسة!! هل يحق له ذلك؟!
انا اليوم رحت للتدريب والابتعاث ( الرياض ) قالوا عندنا بس المعلمين طبعا انا اداري مو معلم قلت وين اروح قالوا روح لقسم التطوير التربوي رحت لهم قالوا ما يحتاج موافقة تم ايقافها قلت كيف يعني قال صارت الموافقة من مديرك المباشر فقط خطاب منه انه موافق على دراستك وانها ما راح تؤثر على سير العمل وفقط .. وقلت لهم هذا اخر كلام قال ايه هذا النظام الجديد ..... على العموم ترى الادارة النسائية فيها نوعيات الله يكفينا شرهم حب تسلط و دكتاتورية عجيبة وخاصة في سلك التعليم
بالتوفيق للجميع |
رد: التدريب والإبتعاث رفض منحي موافقة على الدراسة!! هل يحق له ذلك؟!
الاخ شهد
يطول بعمرك اذا اخذت الشهادة بأذن الله يلزمك مراجعة ديوان الخدمة المدنية لتثبيت شهادتك العلمية ويرفق معها تعريف من مرجعك يثبت موقعك الوظيفي مع جميع معلوماتك .. وديوان الخدمه بدورهم يتحققوا من صحة شهادتك العلمية وايضاً يتحققوا من مرجعك انك موظف عندهم وسوف يقومون بتثبيت مؤهلك العلمي ان شاء الله |
رد: التدريب والإبتعاث رفض منحي موافقة على الدراسة!! هل يحق له ذلك؟!
ضروري تاخذ موافقة من مرجعك للدراسة ولن يتم اعتمادها من وزارة الخدمة المدنية اﻻ بوجود موافقة المرجع ، هذا النظام المعول به ومتأكد من المعلومة.
عني انا اخذت الموافقة من ادارة التطوير اﻻداري باﻻدارة العامة للتربية والتعليم بمنطقة الرياض. وبعد ما تم نقلي لتعليم اﻻحساء لقيت زملاء يدرسون معي و اخذوا موافقة بنفس النظام. حاول مع ادارة التطوير و ان ما نغع اﻻمر قدم طلب على مدير التعليم وهو يبي يوجه طلبك للجهة ذات العلاقة وهنا تعرف منهو قبيلك بالتحديد ويمكن تحتاج لدفع رباعي وهذا امر طبيعي في بلدنا الحبيب. والله يوفقك ويكتب لك اللي فيه الخير. |
رد: التدريب والإبتعاث رفض منحي موافقة على الدراسة!! هل يحق له ذلك؟!
يعني الحين سؤال الموظف لازم يأخذ موافقه على الدراسه علشان يحسنون مستواه بعد التخرج ولا إذ تخرج جاب لهم الشهاده وقتلهم هذي شهادتي وحسنو وضعي .
كيف بضبط علموني�� |
رد: التدريب والإبتعاث رفض منحي موافقة على الدراسة!! هل يحق له ذلك؟!
سلااااااام عليكم
مساء الخير جميعا الموافقة مهمة جدا لتحسين مستوى الموظف بعد ماينتهي من الدراسة ، اما كلام الموظف نسق مع مديرك هذا يغشك ويبغاك بالاخير ماتستفيد من الدراسة اخي الشهد ماهي وظيفتك الحالية ؟؟ معلم ابتدائي، مرشد طلابي بالدبلوم، محضر مختبر، محضر حاسب الي .... اذا كانت وظيفتك مصنفة بالوظائف المذكورة ، ترجع الى ادارة الابتعاث وتاخذ موافقة للدراسة ،اما اذا كنت اداري تتوجه الى ادارة التطوير التابعة الى ادارتك بالنسبة للانتساب في جامعة الملك فيصل معروف انتساب ، وكلمة التعلم عن بعد عادية ماليه اي مشكلة في الموافقة بالتوفيق،،، |
رد: التدريب والإبتعاث رفض منحي موافقة على الدراسة!! هل يحق له ذلك؟!
السلام عليكم
أخوي / لازم موافقه ع الدراسه اذا كنت معلم من قسم التدريب و الابتعاث واذا رفض توجهه لقسم شئون الموظفين و قولهم الي حصل معك بس لازم موافقه |
رد: التدريب والإبتعاث رفض منحي موافقة على الدراسة!! هل يحق له ذلك؟!
اقتباس:
وذهبت الى شؤون المعلمين ونفس الشي يقولون مالنا شغل وضعت بين الاثنين :007: للمعلومية انا محضر معمل حاسب آلي ياريت اللي عنده افادة يفيدنا لازم موافقة ادارة التعليم للدراسة او بعد الانتهاء من الدراسة اعطيهم المؤهل ويعتمدوها |
رد: التدريب والإبتعاث رفض منحي موافقة على الدراسة!! هل يحق له ذلك؟!
الموافقة على اكمال الدراسة تشترط ان يكون الموهل الجديد امتداد لموهلك السابق
بمعنى اذا كنت دبلوم دراسات اسلاميه لازم تكمل بكلوريوس دراسات اسلاميه |
رد: التدريب والإبتعاث رفض منحي موافقة على الدراسة!! هل يحق له ذلك؟!
السلام عليكم
أخوي كمل الدراستك ولاعليك من مدير التعليم وافق أو ماوافق والمكتوب لك تأكد أنك بتاخذه مدير التعليم عندنا من الترم اﻷول وهو معلق طلبات الدراسة بدون سبب واضح وممنوعة اﻷجازة وقت اﻷختبارات في الجامعة يعني نداوم بالمدرسة دوام كامل |
رد: التدريب والإبتعاث رفض منحي موافقة على الدراسة!! هل يحق له ذلك؟!
انت انتساب مافي شي اسمه تعليم. عن بعد وهذا شي الي مضيعكم انت انتساب وشهادتك انتساب اتسي كلمة عن بعد
|
رد: التدريب والإبتعاث رفض منحي موافقة على الدراسة!! هل يحق له ذلك؟!
اقتباس:
ودي افهم شيء كيف السنتين الي انهيتهم فقط نفعتك في الترقية؟ وهل انت في مجال حكومي؟ فيدني الله يحفظك يمكن انتفع بهذا الموضوع موعد ترقيتي السنة القادمة |
رد: التدريب والإبتعاث رفض منحي موافقة على الدراسة!! هل يحق له ذلك؟!
غريبه
شكلها ادارة التربية والتعليم متشدده بموضوع الابتعاث عندنا تطلب الدراسة عبر التدريب والابتعاث اذا كان يتطلب حضورك اثناء الدوام او اذا كانت جهة عملك سوف تدفع عنك رسوم الدراسة غير كذه ، جيب الشهادة ونعتمدها عدة زملاء لي اخذوا الشهادة من جامعة الملك فيصل العام الماضي وتم اعتمادها وترقيتهم بعد رفعها مع نموذج الترقية وايضاً واحد منهم لما قدمها لهم على طول سلموه مدير ادارة مكلف لانه جاب لهم شهادة ادارة اعمال انتساب من جامعة اللمك فيصل علماً اني اعمل في جامعة |
رد: التدريب والإبتعاث رفض منحي موافقة على الدراسة!! هل يحق له ذلك؟!
للاسف انك اخطأت من البدايه ما أخذت أذن من الوزارة تراجع مكتب التدريب والابتعاث ويرفعون اوراقك بعدين يردون عليك , اما انك تجيبها بعد الانتهاء من الدراسه اعتقد ان فيه تعميم مفصل يقولك انه ماراح يعترفون بشهادتك اذا ما اخذت عليها موافقه عند بداية الدراسه
نصيحتي اعد مراجعتهم من جديد واذا ماوافقوا اكمل دراستك وانتظر قد تتغير القرارات في يوم ما. ولاحظت انك استخدمت معهم لفظ التعليم عن بعد ( التعاميم الي عندهم تستخدم كلمة انتساب ) وهم تعرف ربي لك الحمد مايفهمون الا كلام هالاوراق فلما تراجعهم مره ثانيه [grade="00008b ff6347 008000 4b0082"]قول انا منتسب بالجامعه دراستي انتساب [/grade] |
رد: التدريب والإبتعاث رفض منحي موافقة على الدراسة!! هل يحق له ذلك؟!
اذا كنت معلم تطلب الموافقه من قسم شؤون المعلمين .. اذا كنت اداري تطلب الموافقه من الشؤون الادارية والمالية .. التدريب التربوي والابتعاث هذا خاص بطلبات التفرغ للدراسه ، انت ماراح تتفرغ لان دراستك تعليم عن بعد ( انتساب ) .. وحتى لو كانت دراستك صباحية انتظام .. التفرغ صعب .. لذلك اطلب الموافقه من اللي ذكرت لك حسب وظيفتك .. وراح تاخذ الموافقه بثواني .. وانا اجزم لك كثير من الموظفين بالادارة الي تتبع لها منتسبين واخذو الموافقه .. انت أخطأت بالجهه فقط .. |
رد: التدريب والإبتعاث رفض منحي موافقة على الدراسة!! هل يحق له ذلك؟!
والله انا عن نفسي رفضوا رفض قاطع , لكن ( أداوم الصباح وأختبر المساء ) وأمر الله من سعه ، مايحتاج موافقتهم إذا ( يبي ينشبون بحلوقنا )
|
رد: التدريب والإبتعاث رفض منحي موافقة على الدراسة!! هل يحق له ذلك؟!
|
رد: التدريب والإبتعاث رفض منحي موافقة على الدراسة!! هل يحق له ذلك؟!
رفضو للأن الدراسة (تعليم عن بعد) والتعليم بعد ماهو معتمد !! في الخدمة المدنية ولا في الوزارت
بعديييين الشهادة تصدر من جامعة الملك فيصل بمسمى ( انتساب ) .. لذلك طلب الموافقة على الدراسة يكون دراسة انتساب علشان يوافقون عليه. |
رد: التدريب والإبتعاث رفض منحي موافقة على الدراسة!! هل يحق له ذلك؟!
والله يا جماعة الخير اني لا أخذت لا موافقة إكمال دراسة ولا هم يحزنون
وأنه وقت الإختبار أطبع هالجدول من أيقونة الخدمات الطلابية وأعطيهم إياه وأروح من عندهم ولا أعرفهم إلا بعد الإختبارات حتي إني كنت أطالبهم بإجازة قبل الإختبار عشان أذاكر فيها هههه وإذا جى وقت التخرج يصير خير إن شاء الله |
رد: التدريب والإبتعاث رفض منحي موافقة على الدراسة!! هل يحق له ذلك؟!
انا مافهمت شئ ،، اخوي الشهد . انت مدرس ولا موظف اداري ولا ايش ؟. الواضح انك تقول انك مدرس
لكن ما ادري اذا مدرس ما معك جامعه يوم تدرس ولا كيف وفي الاخير الله يوفقك .. احس اني مافهمت |
رد: التدريب والإبتعاث رفض منحي موافقة على الدراسة!! هل يحق له ذلك؟!
اقتباس:
الشي الثاني ليش ماكملت بالجامعة العربية المفتوحة تقنية معلومات وحوسية ، هذا امتداد لتخصصك وبذلك مافيه اي عراقيل لتعديل المستوى بالتوفيق،، |
رد: التدريب والإبتعاث رفض منحي موافقة على الدراسة!! هل يحق له ذلك؟!
اقتباس:
اخي العزيزي / مع التحية والاحترام تلاقي ايقونة شهادة تعريف قبل طباعة الشهادة ،تأكد ان التاريخ يخص الفصل الدراسي الاول للعام 1434/1435 هـ بعد طباعة الشهادة ،اطلع على تعميم موافقة الانتساب صادر من ادارة الابتعاث التربوي بإدارة التربية والتعليم الخاص بمنطقتك بتلاقي شروط ، من ضمنها موافقة الرئيس المباشر (خطاب من مديرك بموافقتة للانتساب) صورة من اخر موهل( دبلوم تخصصك الاخير)، نموذج موافقة انتساب (تعبئ البيانات) وتأكد من بقية المتطلبات وارسلها الى ادارة الابتعان التربوي بالتوفيق،، للعلم / أنا معلم مثلك ولدية موافقة من التدريب والابتعاث التربوي التابع لنا .......... بالتوفيق |
رد: التدريب والإبتعاث رفض منحي موافقة على الدراسة!! هل يحق له ذلك؟!
السلام عليكم
اتكل على الله وكمل بالجامعه حتى لو بدون موافقتهم هذا اولاً . الشهاده اذا كانت بتنفعك بموافقتهم راح تنفعك بدون موافقتهم ماعليك ( سالفة انك تجبرهم لانهم وافقو لهم الف مخرج ومخرج) لاتعتمد على كذا . اول غلطه ارتكبتها في خطابك انك ذكرت كلمه ( التعليم عن بعد ) النظام جديد على القطاعات الحكوميه ولاهم عارفين وش الطبخه لذالك اكتب ( انتساب) وتمشي امورك واذا كان قصدهم انهم مايبونك تكمل من الاساب بيجيبون لك عذر ثاني . رفضهم في الغالب الخوف من المطالبه الماليه لهم بتسديد الرسوم الدراسيه وكذلك الاجازه وقت الاختبارات . لانهم اذا وافقو على دراستك مجبرون على اعطائك اجازه اسبوعين بكل سمستر يعني بتطلع معاك شهر فوق اجازتك الاعتياديه الشهر وبيذكرون في خطابهم مع عدم التزام باي تكاليف ماديه عليهم . والشهاده دامها بتنفعك اذا خذيت الموافقه صدقني بتنفعك حتى لو ماخذيت الموافقه لذلك كمل دراستك لاتوقف والباقي بيجي مع الوقت . بنسبه لي رفضو دراستي عشان التكاليف الماديه وعشان الاجازه رفعت الخطاب مره ثانيه بعدم التزامهم بالتكاليف الماليه ( مع موافقة ادارتي ) بان وقت الاختبارات غير مؤثر على سير العمل وتم الموافقه على اكمال دراستي ( كان الهدف من هالشغله اني اخذ اجازه اختبارات ولا يقعدلي فيها احد بعدين ) والحمد الله من السمستر الثاني دفعو عني حتى الرسوم الدراسيه ( يعني انت خذها بالتدريج حبه حبه ) |
رد: التدريب والإبتعاث رفض منحي موافقة على الدراسة!! هل يحق له ذلك؟!
انا اسمع فيه مدرسات يدرسون عن بعد!!
الله يسهل لك الدراسه ويوفقك |
رد: التدريب والإبتعاث رفض منحي موافقة على الدراسة!! هل يحق له ذلك؟!
كل الحب .. وكل التقدير والود .. وكل العرفان والامتنـان .. لكل من طوقني بمعروفه وأفادني من خبراته .. لا حرمني الله شكركـم وتقديركـم.
بــــارك الله فيكـــم جميعــاً .. أيها الرفاق .. وجعل التوفيق والسـداد والبركة حليفكــم. أختي سؤال عالماشي: أنا ما عبيت أي أوراق لأن الأصل تعبئة الأوراق تكون في مركز التدريب والإبتعاث .. وما دام إنهم رافضين إعطائي موافقة .. فهم فكوني من تعبئة الأوراق والنماذج الخاصة!! محبكـــــــــم: الشهـــ72ــــد. |
رد: التدريب والإبتعاث رفض منحي موافقة على الدراسة!! هل يحق له ذلك؟!
طيب معناها نراجع شؤون المعلمين مع بداية الدراسة السنة الجديدة من اجل خطاب التعريف من الجامعة
ونحاول معاهم على الموافقة واذا لم يتجاوبوا معاي راح ارفع الخطاب لمدير التعليم وهو اللي راح يوجه الخطاب والله العظيم بسبب البيروقراطية اللي عندنا ما فكرت بالموافقة الله المستعان |
رد: التدريب والإبتعاث رفض منحي موافقة على الدراسة!! هل يحق له ذلك؟!
أخوي اخاف تتعب وتدرس وفي الاخير يقولوا انت أخذت موافقه من العمل تكمل دراستك!!
ويحرموك من الترقيه ؟؟ لأن الى اعرفوا بدون موافقه العمل تقدر تدرس بس ما تترقي :confused: أسأل في كل مكان وخليك نظامي وربي يكتب لك الخير ويوفق الجميع .. |
رد: التدريب والإبتعاث رفض منحي موافقة على الدراسة!! هل يحق له ذلك؟!
اقتباس:
أول شيء يحق لك طرق عن خشم الوزير براسه أنك تدرس ثانيــا هناك مرسوم ملكي من الملك عبدالله أن كل شخص سعودي يدرس ولم يتم تحديد سير العمل ماسير العمل لكن بحكم أنك مدرس ، الاختبارات تبداء من الساعة 3 ونص العصـر لـ 8 ونص العشاء يعني منت بحاجـــه أحـــد واذا رئيس رفض يعطيك الموافقه ( قله أكتب لي أقرار خطي أنك ترفض الشيء هذا ) واذا رفض يكتب لك أقرار خطي روح لمكتب العمل وطلع المرسوم الملكي حق الدراســـه ركز على كلمتي هذي وحطها قدامـــه قل إذا رفضت المرسوم الملكي ( قضيـــه جنائيــــــــــــــــــــــــــــــــــــــه ) |
رد: التدريب والإبتعاث رفض منحي موافقة على الدراسة!! هل يحق له ذلك؟!
امر ملكي صادر بالموافقة
|
رد: التدريب والإبتعاث رفض منحي موافقة على الدراسة!! هل يحق له ذلك؟!
يا شباب موظفين و معلمين ولا تدرون من وين تبدو اول خطوة
اول خطوة تبدأ من مديرك المباشر تكتب خطاب لمديرك المباشر و ترفق اوراق القبول ولازم ومهم انك تورد خطابك في الوارد عندكم برقم وتاريخ علشان تقدر تتابع الخطاب بعدين الخطاب يمشي هو من حاله بدون ما تتعب فقط اذا حبيت تتطلع وين وصل او شي تتابع الارقام الصادر والتوريد بين الادارات انا قدمت بعد ما خلصت المستوى الاول والآن خلصت المستوى الثاني ما تابعت الخطاب ولاشي الاسبوع هذا تم وصول الخطاب بالموافقة على اكمال الدراسة طبعا انا موقع تعهدات انا ما ابغى لهم أي شي ابغى فقط الموافقة وحصلت والحمد لله |
رد: التدريب والإبتعاث رفض منحي موافقة على الدراسة!! هل يحق له ذلك؟!
انت معلم ومامعك بكالوريوس ؟؟؟؟
|
رد: التدريب والإبتعاث رفض منحي موافقة على الدراسة!! هل يحق له ذلك؟!
اقتباس:
ارفع خطاب ثاني اكتب الدراسه بالانتساب لأنه يكتب في وثيقة التخرج (انتساب مطور) وليس تعليم عن بعد اتمنى لك التوفيق |
| All times are GMT +3. الوقت الآن حسب توقيت السعودية: 01:10 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام