ملتقى طلاب وطالبات جامعة الملك فيصل,جامعة الدمام - في حيره من امري اتمنى من الكل يساعدني ويقدم لي نصيحه ..

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- ملتقى طلاب التعليم عن بعد جامعة الملك فيصل (https://vb.ckfu.org/f183)

- - في حيره من امري اتمنى من الكل يساعدني ويقدم لي نصيحه .. (https://vb.ckfu.org/t594420.html)

نان سعود

2014- 5- 20 08:55 AM

في حيره من امري اتمنى من الكل يساعدني ويقدم لي نصيحه ..

السلام عليكم :icon19:..

انا طالبه في جامعة الملك فيصل تعليم عن بعد باقي لي تقريبا سمستر وتطبيق واتخرج

لكن عندي مشكله هي ان معدلي نازل , معدلي حاليا 2,61

افكر اغير تخصصي اذا سمح لي من التربيه الخاصه الى اداره الاعمال ..

او سحب ملفي لان اذا تخرجت مابقدر اخذ شهاده بكالوريس ثانيه

ايش رايكم اكمل واتخرج او اغير التخصص اذا سمح لي او اسحب ملفي:verycute: ؟

المـ ؛؛؛ ــافر

2014- 5- 20 09:04 AM

رد: في حيره من امري اتمنى من الكل يساعدني ويقدم لي نصيحه ..

انصحك أختي الكريمة بأن تكملي بتخصصك ..
لانة ما باقي علـ تخرجك شي ..
واذا راح تغيرين التخصص راح ترجعين من الاول ..
وإدارة الاعمال ليست بالسهولة .
حاولي ترفعين من معدلك . وراح تقدرين على ذالك أن شاء الله

والله يوفقك ..

المحترمه

2014- 5- 20 09:07 AM

رد: في حيره من امري اتمنى من الكل يساعدني ويقدم لي نصيحه ..

وعليكم السلام ورحمة الله وبركاته

حياك الله عزيزتي ..
طالما أنه لم يتبقى سوى سمستر عليك المواصله
وإن أردتِ دراسة إداره عليك بطلب التسجيل مره
أخرى في الجامعه والدراسه في تخصص الإداره
بالتوفيق

Silent Light

2014- 5- 20 09:07 AM

رد: في حيره من امري اتمنى من الكل يساعدني ويقدم لي نصيحه ..

والله يا أختي لدي تعليق بسيط ..

( هل أنتي متاكده أنك لا تستطيعين أخذ 2 بكالوريوس .. ؟ )

حسب معلوماتي تستطيعين ( وأنا أعرف كثير عندهم 2 بكالوريوس ... )

وبإستطاعتك التأكد عن طريق مراسلة الفريدان أو الرقم المجاني ..

بالنسبه إلى إنك تسحبين ( أنا ضد هالشي يا أختي ) ..

حتى لو معدلك 2.61 .. بقى لك ترم واحد إرفعي ولو بالقليل .. لأن حرام دفعتي دم قلبك على الدراسه ..

خلصي وكملي وخوذي الشهاده ( وسجلي من جديد ) على إدارة أعمال ..

لأن مثلك عارفه ( في حال ) الإنسحاب .. لا تستطيعين الرجوع إلى الجامعه إلا بعد فتره زمنيه .. اعتقد إن ما خاب ضني ( سنه ) .. أو سنتين .

نصيحه حاميه .

أكملي .. ( وتأكدي إنك تأخذين بكالوريوس ثاني ) .. وأتوقع تاخذين بنسبة 70% .. فقط تأكدي ..

ولا تضيعين شي عليك .. ( وترى إدارة الأعمال صعبه أيضا )

إستخيري ( والله يوفقك ) وهذا ما عندي

W A R D

2014- 5- 20 09:08 AM

رد: في حيره من امري اتمنى من الكل يساعدني ويقدم لي نصيحه ..

حررررررررررررام قطعتي مشوار طويل ما شاء الله
ماباقي على تخرجك شي
أرفعي معدلك قد ماتقدرين شاركي ف المنتدى
الطلاب متعاونين ما شاء الله
بعد التخرج أدعمي شهادتك خذي دورات
الله يوفقك

نان سعود

2014- 5- 26 02:30 PM

رد: في حيره من امري اتمنى من الكل يساعدني ويقدم لي نصيحه ..

اشكر جميع من نصحني الله يفتحها عليكم ..

بس اخاف مايرتفع معدلي ؟

وياليت اكيد ان اقدر اخذ شهادتين بكالوريس مو متاكده من هذا الموضوع بس احسها غلط

Emoo-20

2014- 5- 26 04:05 PM

رد: في حيره من امري اتمنى من الكل يساعدني ويقدم لي نصيحه ..

انا يوم كنت في مستوى اول وحده في المنتدى معانا عندها بكالوريوس لغه عربيه اظن
ودرست عن بعد مره ثانيه يعني عادي هذا الشي

لكن برضوا تأكدي
ومسألة انك تسحبين ف بتندمين قد شعر راسك يعني حرام الي دفعتيه يروح خساره

ابو ريتـال

2014- 5- 26 04:14 PM

رد: في حيره من امري اتمنى من الكل يساعدني ويقدم لي نصيحه ..

جدا عادي

تقدي تاخذي شهادتين عادي

ولد عمي حاصل على باكالريوس لغة انجليزية
و الان مستوى رابع ادارة اعمال
و فوق هذا كله حاصل على دبلوم تربوي

و كان معدلة 2.01

لا تغيري التخصص ولا شي

اذا تبين رفع المعدل ما عندك غير طريقة و احدة خفض عدد الساعات علشان تقدري ترفعي المعدل

الجــــ@ـارح

2014- 5- 26 04:31 PM

رد: في حيره من امري اتمنى من الكل يساعدني ويقدم لي نصيحه ..

اختي ماقصرو الاخوان والاخوات افادوك

لكن راح اضيف لك انه معدلك 2.61

ممكن ترفعيه ويكون فوق 2.75 جيد

لكن لازم موادك على الاقل 86 درجه لكل ماده

ابوفيصل 2012

2014- 5- 26 04:42 PM

رد: في حيره من امري اتمنى من الكل يساعدني ويقدم لي نصيحه ..

اولا يا اختي تخصصك مرغوب فيه وعلشان كذا قفلت الجامعه التسجيل فيه على حسب علمي يبون الخريجين من طلبة الانتظام يا اختي تقدرين ترفعين المعدل الى ثلاثه وبكذا جبتي معدل طيب المهم لا تحاولين تحويل تخصصك وادارة الاعمال صعب واغلبها مسائل واتوقع ان الجامعه تسمح انك تدرسين اكثر من بكالوريوس هدفهم مادي وليس علمي واذارفضوا كملي من جامعه اخرى واذا رفضوا كملي دراسات عليا المهم التخصص هذا لا تخلينه

بالتوفيق يا رب

ام تاليا

2014- 5- 26 06:00 PM

رد: في حيره من امري اتمنى من الكل يساعدني ويقدم لي نصيحه ..

عادي تقدرين تاخذي بكالوريوس ثاني بأي جامعة ثانية ..

انا عندي بكالوريوس و الحين ذا الثاني

لكن حطي ببالك ادارة الاعمال مو سهل لو فكرتي فيه لازم تشدي حيلك من البداية ..

معطـــــاب

2014- 5- 26 06:10 PM

رد: في حيره من امري اتمنى من الكل يساعدني ويقدم لي نصيحه ..

اقتباس:

المشاركة الأصلية كتبت بواسطة ʝеѕsicα ツ (المشاركة 11085629)

+1

وكملي ماجستير وراح ترتاحين لان التسجيل من جديد ماهو في صالحك:rose:

نان سعود

2014- 5- 27 10:00 AM

رد: في حيره من امري اتمنى من الكل يساعدني ويقدم لي نصيحه ..

شككرا لكم كلكم

شكرا على كل حرف ونصيحه جدا جدا سعيده بنصحكم لي ..

وان شاء الله راح امشي على نصيحتكم ..

أفا يا قلب

2014- 5- 27 10:09 AM

رد: في حيره من امري اتمنى من الكل يساعدني ويقدم لي نصيحه ..

مدامج وصلتي للسادس كملي وتخرجي!!

خارج القانون

2014- 5- 27 10:13 AM

رد: في حيره من امري اتمنى من الكل يساعدني ويقدم لي نصيحه ..

اقتباس:

المشاركة الأصلية كتبت بواسطة نان سعود (المشاركة 11120510)

شككرا لكم كلكم

شكرا على كل حرف ونصيحه جدا جدا سعيده بنصحكم لي ..

وان شاء الله راح امشي على نصيحتكم ..

التربيه الخاصه تخصص مطلووووووووووووووووب

كملي ومثل ماقال الاخوان شدي حيلك فقط
30 درجه اضمنيها وبالاختبار يعني لو تجيبي b+ بموادك بيرتفع معدلك

مادري عن فكره انك تقسمي موادك على ترمين ياليت اهل الخبره يفتوننا
لاني لا اعلم هل هالطريقه مجديه ام لا( إسألي عن هالطريقه)
لكن هو اقتراح يتوقف على راي اهل الخبره
ولو زاد عليك ترم لكن اعتقد تضمني رفع المعدل

"

مـ غ ـترب فـيـ عـذابـكـ

2014- 5- 27 10:13 AM

رد: في حيره من امري اتمنى من الكل يساعدني ويقدم لي نصيحه ..

بالنسبه لي اظن ان الادراه اصعب من التربية الخاصة

يعني لو منك اكمل ومثل ماتفضلو ممكن تكملين وتاخذين دبلووم تربوي او دورات

او بكالوريوس ثاني

بس هل تتوقعين ومن الخطه الدراسية حقت ادارة الاعمال انتي قادره ع التفوق فيها

موفقه خير

سعود الحربي

2014- 5- 27 10:16 AM

رد: في حيره من امري اتمنى من الكل يساعدني ويقدم لي نصيحه ..

يا أختي العزيزة كملي السمستر الباقي ودعواتي لك بالتوفيق .

أما بالنسبة لدراسة البكالوريوس مرة أخرى فيمكنك الدراسة مرة أخرى ، وهذا الشيء حاصل مع 2 من قرايبي أعادوا دراسة البكالوريوس وفي جامعة الملك فيصل أيضاً بنظام التعلم عن بعد .

تحياتي لك وفالك التوفيق والنجاح

alameer1395

2014- 5- 27 10:39 AM

رد: في حيره من امري اتمنى من الكل يساعدني ويقدم لي نصيحه ..

فيه حاجة مهمه غفل الجميع عنها

المعدل في حال تغيير التخصص راح يبقى زي ماهو

ماراح يتعدل نفس المعدل راح ينتقل معاك في التخصص الجديد

يعنى الافضل تكملي

وهناك فرق بين تغيير التخصص والتسجيل من جديد

المعالي غالية

2014- 5- 27 10:51 AM

رد: في حيره من امري اتمنى من الكل يساعدني ويقدم لي نصيحه ..

ﻻﻻﻻﻻﻻﻻﻻﻻﻻﻻ وش تحولين انتي فيك شي ﻻﻻﻻ فيك شي
اقول تعوذي من ابليس وكملي وتخرجي وفرحي بالتخرج بعد خير ان شاء الله قريب تتخرجين ودافعه فلوس مو بﻻش !!
تدرين فيه اﻻنتظام ركزي انتظام تخرجوا بتقدير مقبول والله وتوظفوا

وبأمكنك اذا تخرجتي تسجلين من جديد تخصص ثاني شفت وحده كذا امورك طيبه بس كملي ما شاء الله شكلكم تلعبون بالفلوس لعب هههه الله يرزقنا

حيااة

2014- 5- 27 10:55 AM

رد: في حيره من امري اتمنى من الكل يساعدني ويقدم لي نصيحه ..

أنا اللي أقدر أفيدك فيه إن قسم إدارة اعمال ماهو سهل يعني معدلك نازل في التربيه الخاصه وهي اسهل من الاداره أجل كيف بيكون في إدارة الأعمال

شرقيه وبس

2014- 5- 27 12:49 PM

رد: في حيره من امري اتمنى من الكل يساعدني ويقدم لي نصيحه ..

الله ييسرلك
الاخوان والاخوات ماقصروو
والله ياختي حرااااااام تنسحبي او تغيري التخصص بالحالتين برووح كل تعبك وفلوسك اللي دفعتيها بدراستك لالالا تعوذي من الشيطان والله حرااام لو انك باول سنه او حتى ثاني سنه كن ممكن قلنالك حل ثاني بس باقيلك ترم واحد وتتخرجي لا بصراحه تخرجي بشهاده التربيه واذا حابه اداره اعمال ارجعي سجلي من جديد اداره اعمال وعادي كثييير اعرفهم عندهم شهاده بكالريوس والحين يدرسون بتخصص ثاني..

بس بعد ماتتخرجي وحابه الاداره اولا شوفي موادها لانه يبيلها فهم وشده حيييل ومواد علميه وحسابيه شوفي نفسك اول تقدري تدخلي هالتخصص وتجيبي درجات وحبيته استخيري وتوكلي بس بكل الاحوال كملي بهالتخصص حاليا وخذي شهاده التربيه .

وبالتوفيق يارب

هاني بتشا

2014- 5- 27 03:23 PM

رد: في حيره من امري اتمنى من الكل يساعدني ويقدم لي نصيحه ..

سلااااام

والله انا اشوف تكملين لسببين اولا ان العمر ما يتعوض وراح من عمرك اقل شي سنتين ونص في تخصصك الحالي والسبب الثاني انك انشاءالله فيه فرص تكملين او ممكن تكون فيه فرص انك تكملين الماستر يعني بأختصار لا تجهزين العصابه قبل الفلقه المطلوب منك الآن تشدين حيلك وترفعين من المعنويه والطموح وانشاءالله امورك تزين وأسوء الاحتمالات بالميت انتي انشاءالله تكوني حصلتي على درجة البكلوريا وقطعتي مشوار عجزوا عنه الكثيريين

الله يكتب لك الخير وبالتوفيق

نان سعود

2014- 6- 3 02:04 AM

رد: في حيره من امري اتمنى من الكل يساعدني ويقدم لي نصيحه ..

شكرا لكل اللي نصحوني ..

بس سوال اقدر اسجل من جديد في جامعه فيصل ؟؟

المعالي غالية

2014- 6- 3 02:20 AM

رد: في حيره من امري اتمنى من الكل يساعدني ويقدم لي نصيحه ..

انتي تخرجي بعدين سجلي اتوقع تقدرين ﻻن شفت بنات اتخرجو من انتظام في تخصص وسجلة عن بعد في تخصص عادي انتي تدرسين بفلوسك
وبعدين ترا تخصصك هذا مرغوب وتراه مقفل في عن بعد والسنه يقولون بيقفل علم اجتماع

All times are GMT +3. الوقت الآن حسب توقيت السعودية: 02:08 AM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه