الخروج المبكر في الامتحان
 

يا جماعة انا عندي مشكلة كبيرة من الطلاب هداهم الله الي يخرجون بنص الوقت وبعضهم قبل يسببون لي ربكة ولا عاد اقدر اركز

اليوم واحد خرج بعد 35 دقيقه وطلب منه المراقب يراجع بالله عليكم هذا معقول وشتت افكاري حسبت اني انا متاخر او ساعتي خربانه بالضبط كنت عند فقرة 19 انا مدري كيف شكل خمسين بنصف ساعة مع القراءة والفهم

تكفون لا احد يطلع الا بعد مضي على الاقل ثلثي الوقت :mh12:

رد: الخروج المبكر في الامتحان
 

صادق

ومايقهرني الابعض المراقبين مزعجين كل شوي شيك على كدا شيك هنا ورايح جاي

رد: الخروج المبكر في الامتحان
 

والله اخوي وجهة نظر وقناعة خاصة بك

فيه اشخاص يملكون قدرات فهم واستوعاب سريعه والعكس كيف تطلب يتاخرون على شان تركيزك مع احترامنا الكامل لشخصك الكريم

رد: الخروج المبكر في الامتحان
 

كلامك صحيح بس حق المسلم على المسلم ان يحب لاخية ما يحبه لنفسة حتي ولو كان عندك قدرات والله منعم عليك اجلس قدام واخرج من دون ما احد يشعر بك

وهي فعلا وجهه نظر بس راي لو كان عندة قدرات مادرس انتساب !!!!!

رد: الخروج المبكر في الامتحان
 

رد: الخروج المبكر في الامتحان
 

القهر وانا اخوك الي يقعد ساعه وهو يسأل المراقب( كم رقم مركز الاختبار ؟ كم رقم المراقب ؟ وش التاريخ اليوم)

يسألون مليون سؤال والناس حلت نص الورقه .

تقل بحراج ازعاااج

فكرت اجيب معاي قلم صبوره واعطيه المراقب ويسجل كل شيء بصبوره علشان محد يزعجنا بكثر الاساله

رد: الخروج المبكر في الامتحان
 

لكل شخص قدرته رغم أني صحيح أستغرب خروجهم المبكر ماشاء الله
لكن مو هنا المشكلة ،،
المشكلة عندنا صوت الكعب الله يكرمكم لما المراقبة تمشي ولا هروجهم وحشهم في بعض الله المستعان

رد: الخروج المبكر في الامتحان
 

[poem=font="Simplified Arabic,4,red,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] ما يريح البال و يزيل التعب=فالظروف المنهكه و القاهره
غير هزّ .... مع صوت الكعب=لو مشاعرنا تجاهه طاهره
[/poem]

رد: الخروج المبكر في الامتحان
 

المركز الي انا فيه لا يسمح بالخروج الا بعد مضي ساعه كاملة
ورقم مركز الاختبار حاطينه على صحايف بكل المركز والتاريخ موجود على الشاشة
وهدووووء ولا اروع
والمراقب ما يمر عليك الا اذا باقي 5 دقايق على انتهاء الساعه الاولى عشان يحط رقم المراقب

رد: الخروج المبكر في الامتحان
 

في طلاب لو اختبار صعب ومعقد ما ييطولون وعارفين قدراتهم يختارون اي شي و يطلعون
و الوقت ع قدرات الطالب

رد: الخروج المبكر في الامتحان
 

اخوي الكريم انا عندي بكليوس فى المحاسبة من عام 14011 وادرس لتجديد المعلومات ولله الحمد ومع ذلك اجلس الوقت الي مسموح لي فية لاني تناقشت مع احد الزملاء دكتور بجامعه الملك سعود يقول لما نحدد الوقت للمادة يراعي فيها القدرات بحيث تكون شامله وان الذي يخرج فى نصف الوقت هناك احتمالين يا اما الرجل معلوماته 100بالمية او انه لا يفهم شي وهذا الاقرب من واقع خبرة حسب كلامة
وبالنسبة للي يقول احساسي مرهف مرة وبيوديني للابل اخذ دورة اقول الحمد لله الذود واجد واذا تبي حليب انياق ابشر بسعدك وحنا اهل البل والمقابل اذا اصتكت الامور

رد: الخروج المبكر في الامتحان
 

يا رجال باختبار الموارد الناس طلعوا اول ما صار نص الوقت تحس انهم فاهمين بس الاكثرية ما يعرف الحل يختار أي حل حظك نصيبك لان لو جلس مارح تطلع الاجابة ولا في فايدة من الجلوس

رد: الخروج المبكر في الامتحان
 

يالله فيه احد مثلي ههههههههههه
المشكله مهب هنا المشكله يطلعون وانا توني الون في ورقة المعلومااات
هناااا الغببببنه صدق :smile:

بس قمت اقنع نفسي انهم يلونون بدون مايقرون السؤال والحمدالله اقتنعت :119:



8
8
الخطر معهم واشططح

رد: الخروج المبكر في الامتحان
 

معاك حق بالفعل يشتتونك لا وبعضهم الله يهديه يوقف عند الباب ويسولف مع خويه او مع المراقب

واللي يوترك اكثر الطلاب اللي يسالون كم رقم المركز كم رقم الراقب زي ما تفضل احد الزملاء هنا


فيه عقليات غريبه يااخي اليوم واحد داخل الاختبار ولاف المذكره كامله بجيبه قاله المراقب وش اللي معك قال هااااه ما معي شيء خخخخ

الاخ رايق زياده عن اللزوم

رد: الخروج المبكر في الامتحان
 

رد: الخروج المبكر في الامتحان
 

هههههه
و الله و سبعين نعم و لا تسدك
حبينا نمازحك طال عمرك ، لكنك إنعطفت بالموضوع يسار
على كل حال دوك هذي >>> :106:

رد: الخروج المبكر في الامتحان
 

المشكله لاصار جنبك واحد وكل دقيقه ولد ولد ولد ابي الحاسبه ابي الحاسبة

يطير معلوماتك من القهر

رد: الخروج المبكر في الامتحان
 

والله صدقت ياخوي

ولا فيه حاجه بالمدرسين اذا قدك حول الاجابه مقرب منها جاك واخذ ورقه الاجابه وجلس يناظر فيها بعدها يرجعها بالله هذا وش اشويبه ولا لقط المقرفون قفلوووو الجولات لحووول

وهذا الثاني وش نسويبه


مالك الا تاخذ قطن وتحطه بذنك عشان معاد تسمع لا مراقب ولا الطلابه اذا قامو من الكراسي

رد: الخروج المبكر في الامتحان
 

عادي الوضع هذا لازم تتعود عليه
أشوفه كل ترم و صار الوضع طبيعي لا أتوتر و لا هم يحزنون

أصلا إللي يطلعون هذول بعد نصف الوقت هم مخلصين زمان بس نظاماً ممنوع يطلعون قبل نصف الوقت فـ يستنوا لين ينتهي نصف الوقت

هم أحد الثلاثة
إما حقرة بقرة في حل الإجابات
إما يضمنوا حل 20 سؤال و الباقي عشوائي
إما الإجابات جاهزة معاهم


كلها بالأخير تؤدي إلى الفشل

رد: الخروج المبكر في الامتحان
 

ههههههه يعني خلك عربجي:Looking_anim: على قولك جالس تطبقها يابوناايف
:verycute:والله مايرفع ضغطي إلا المراقبه إذا جلست فوق الطاوله جنبي
والله أحسها فوق راسي موفوق الطاوله
وكل مارفعت راسي عيني بعينها وتبتسم وفوق كذا تعلك وتجاوب على إستفسار
* كم رقم المركز *إسم المركز *رقم المراقب* كم بقا من الوقت* وأبي حاسبه *واللي يفقع المراره تكون مركز بسؤال صعب وتجي تقول أبي أتأكد من الإسم هذي ودك ترتكب فيها جريمه :sm1: إمتحان أعصاب وصبر مو ماده

واللي يطلعون بسرعه من الإختبار والله أكثرهم جاي حصت رسم يظلل ويطلع والله لوحافظه الإجابات ماأمدها وخاصه ماده محاسبيه وإنت ماخلصت حصة الرسم قصدي التظليل تقول أقدر أطلع :Looking_anim: أنا مايربكوني لأن أكثرهن أهم شيء عندها تحضر الإختبار

رد: الخروج المبكر في الامتحان
 

رد: الخروج المبكر في الامتحان
 

فيه نوعية أخرى تشتت لي تركيزي و تمغص لي بطني
إللي سافطين ورقة الإختبار و مخلصين و قاعدين إيدينهم مكتفة إلين آخر وقت بالإختبار
و المراقبات ما يقولون لهم شيء و يقعدون ع راسي و راس البقية ترااااا باقي عشر دقايق
طيب يا هيه إرحلي مع إللي رحلوا قبلك مهرولين
<< أها تستنين نطلع و تنقلين إجابات من أوراق غيرك ؟
<< أوكيه

رد: الخروج المبكر في الامتحان
 

طورو انفسكم ياشباب
انتو في مستوى رابع يعني مفترض 25 دقيقة وخالصين وهذا اللي يصير معنا

رد: الخروج المبكر في الامتحان
 

هههههههههه خلها b ع الاقل وانا معك


واعتقد المفروض اللي يبي يطلع يطلع متى ماخلص بدون قلق وازعاج لاحد

يحط ورقة عن مخرج القاعة وقع واطلع بسكات

رد: الخروج المبكر في الامتحان
 

يا جماعة الخير ممنوع خروج اي طالب من الاختبار قبل مرور نصف وقت الاختبار وهو ساعه كاملة اذا كانت مدة الاختبار ساعتين

يعني اذا طلع اي طالب بعد مرور نصف ساعه من بداية الاختبار يعتبر مخالفه لنظام الاختبار ولايسمح له بالخروج من القاعه لانه يحق لأي طالب متأخر انه يدخل الاختبار في حالة حضوره قبل مرور نصف الوقت


بالنسبه لاختبارات الجامعه اعتقد اذا حضرت للاختبار مبكرا والمراقب سلمك نموذج الاجوبه وعبيت بياناتك واستلمت ورقة الاسئله في بداية الوقت من الممكن ان تنتهي من استكمال الاجوبه خلال ساعه يعني الخروج في نصف الوقت مقبول جداً

انا احل الاختبار على ورقة الاسئلة ولما انتهي انقل اجاباتي لورقة الاجوبه وبالعاده ما اجلس في الاختبار اكثر من ساعه ونصف


بالتوفيق

رد: الخروج المبكر في الامتحان
 

رد: الخروج المبكر في الامتحان
 

ياحبيب قلبي ماعليك باللي يخرج بدري مو بالضروره اللي يخرج بدري يعني دافووووووور

خذ وقتك كامل ساعتين من حقك ركز وفكر وراجع ولاتسلم الا انت مخلص 100 % وتذكر ان هذا جهد ترم كامل

والاختبارات تتويج لهذا الجهد وبعدين مافي خروج اقل من ساعه نص الوقت

رد: الخروج المبكر في الامتحان
 

مو شرط إذا خلص أول واحد أنه دافور وحل كل شي بفهم

يمكن ماله خلق يفكر وصار يحل عشوائي عشان بسس يطلع :(269):


انت خلك ريلاااكس وحلل الساعتين لو مابقى بالقاعه غيررك المهم تطلع راضي عن حلك


تحيااتي ..

رد: الخروج المبكر في الامتحان
 

اغلبهم شختك بختك
ما يدرون وين هم
امس وحده جنبي فتحت ورقة الأسئلة ٣ ونص
أربعه إلا عشر مسكره وتنتظر وقت الخروج
ماااااعليه الماده سهله بس الأرقام كلها مختلفه عن السنوات الماضيه يعني ما تقدر تقول حافظه
معقولة عشرين دقيقه خمسين سؤال

رد: الخروج المبكر في الامتحان
 

قدم شكوى ضد المركز وذا من حقكك

اما تكلمم المشرررف او الجامعة او بأيقونة بالخدمات

رد: الخروج المبكر في الامتحان
 

انا من كثر ما أنآ بطيئة دائما أطلع الاخيرة او قبل الاخيرة

حتى لو المادة تافهه جدا ..,

مايربكني هالشيء تعودت عليه انا اللي يرفع ضغطي ويشتتني ويعصبني

المراقبات كل شوي

اكتبي اسمك ورقمك ونموذجك ووقعي وسجلك

وبعدها ترجع مره ثانية ياللا ( إبصمي )

البصمه ذي لحالها ازمة لانك تخاف يجي شيء من الحبر على ورقة الاجابة

واجلس أمسح في ذا الحبر من يدي

من جد شيء يرفع الضغط