ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- إدارة أعمال 2 (https://vb.ckfu.org/forumdisplay.php?f=306)

- - [ الواجبات ] : من أنتم ؟!!! (https://vb.ckfu.org/showthread.php?t=575522)

B.B.A

2014- 4- 17 10:09 PM

من أنتم ؟!!!

السلام عليكم ..

اخبار الحلوين وعاملين ايه بالايام السوده دي .. الله يجعل ايامكم كلها بيضاء ..

موضوع خارج عن الارادة :064:

انا مادري يعني ..

بخصوص الاعضاء اللي ينزلون مواضيع عن الواجبات او اللي يبون حل للواجبات ..

يعني القروبات اللي ماسكينها الشباب في الموضوع المثبت وش وضعها ..

طفايات مثلا ..؟

يَ اخي صار المنتدى دفتر كشكول بسبب ذا النوعيات ..

نقدر ونشكر لهم اجتهادهم .. ولكن كان فيه فكرة من اختنا مرمر زماني وطُبقت ..

والشباب والبنات اللي ماسكين القروبات ماقصروا بشيء .. جهد كبير وفكرة اكثر من رائعة ..

يعني ليش اللخبطة هذي والعشوائية وكثر مواضيع مالها سنع ..

انتم كويسين واحسن ناس بالمنتدى بس فيه شيء اسمه تنظيم وشي اسمه توزيع مهمات على اعضاء القروبات ..

مرمر زماني شوفي لنا حل مع العيال ترى فلوها جد بذا المواضيع :smile:

ادري موضوع مخيس وبينحذف ولكن شيء ينرفز :cool:

السلام عليكم

Noooralgamar

2014- 4- 17 10:37 PM

رد: من أنتم ؟!!!

وعليكم السلام ورحمة الله وبركاته

من جد مرات القى الورش ب الصفحه 3 و 4 :verycute:
ليه كلها بسبب المواضيع اللي مالها اي داعي :(177):
لو اي واحد قبل ينزل الموضوع اخذ لفه بسيطه بس على المواضيع المثبته :007:
لقى كل شي قدامه .. :017:
مرره متعبيييين ولافيه اي تعاون :verycute: :verycute:
نسأل الله الاجر بسس .. :004:

روز الحبايب

2014- 4- 17 11:50 PM

رد: من أنتم ؟!!!

صح لسااانك ي بيبي
شنو نقول الشكوى لله

ما يتعبوا عمرهم يدوروا والي يقهرك زياده

ترد عليهم دخلوا ورشه فلانيه وشوفوا

يردوا بكل برود ممكن تحطي رابط هنا :017:

chicago

2014- 4- 17 11:58 PM

رد: من أنتم ؟!!!

انا داخل الموضوع عشان كلمة من انتم

من جد من انتم

صدقني ناس كثير علمهم بالمنتدى ايام الاختبارات الماضيه

ولادروا عن الورش اصلا

بس حبيت اسأل واجب الانجليزي الاخير ماشفتوه

امزح اصلا حليته بنفسي

Lєɢєиd ♪

2014- 4- 18 12:15 AM

رد: من أنتم ؟!!!

وأرحب ..:119:
يقولون من طول الغيبات جاب الغنايم
وين الناس
امزح امزح :16.jpg:
بس جد موضوعك مو مخيس وجا بوقته
المواضيع اللي مالها داعي كثرت هاليومين
مدري وش يحسون فيه :no:
مع ان كل شي مطلوب وممكن نحتاجه موجود بالورش
وربي الاعضاء اللي راح وقتهم يجمعون ويشرحون بهالمقررات ماقصروا
ربي يوفقهم ويسعدهم بقدر كل كلمه تعبوا عليها :004::004:
سم:106:

شيماء العتيبي

2014- 4- 18 12:49 AM

رد: من أنتم ؟!!!

ضحكت من العنوان وشدني صراحه

من انتم؟؟

:):)

Az_gh

2014- 4- 18 01:11 AM

رد: من أنتم ؟!!!

انت اللي مين !! علومكككك فقدناك والله بالمستوى الاول كنت شعله الله يسعدك

مرمر ♥

2014- 4- 18 01:11 AM

رد: من أنتم ؟!!!

بحق من أنتم !!

و الله ي أخوي b.b.a موضوعك جاء في وقته ..

مدري الورش زينه موجودة :icon9:

حرآم عليهم !

والله قسمنا صار شكله غبي :(

أنا مآسكه أعصابي لكن خل أيام الإمتحانات تجي وربي لا أقفل أي موضوع ينسأل فيه

عن الملخصات أو اي شيء ثاني

غير كذا اتمنى محد يرد على إستفساراتهم ،،

لكن أدري والله ما نقدر إلا ودنا نساعد لكن ي ليت يبحثون ويتعبون نفسهم :007:

والله ما راح تآخذ منهم شيء

ع العموم مشكور ع الموضوع عسى الله يسهل علينا الإمتحانات ويعدي هالأيام على خير

قلق الإختبارات و الله مو مخليني أنام ولا أقعد مثل الخلق

Bro0onz

2014- 4- 18 04:32 AM

رد: من أنتم ؟!!!

انا الذي نظر الاعمى الى ادبي واسمعت كلماتي من به صممي :cool:
.
.
.
لاحد يدقق :verycute:

اخيرا انقبلت

2014- 4- 18 04:54 AM

رد: من أنتم ؟!!!

وعليكم السلام
الله يعين والله ترا بجد نمر بحاله تبي الحل او الاستفسار بسرعه ممكن حد ماسك ملخص او واجب صعب ينتظر

واصحاب الورش ماقصرو يعطوون ويقدمون فوق المطلوب بس برضو مو كل الناس تفكيره واحد

وغير كذا في شغلات مهمه بالورش تكون بالصفحات الاخيره ومحد ينتبه له

واهم شي مو كل الناس النت عنده نفس الشي ترا مرات ننوم ونصحى وللحين ماتفتح الصفحه هههههه <<كنايه عن انه بطيئ

اقترح ع المشرفين اي موضوع ينفتح وحله بالورش يحط الرابط ويسكر الموضوع

اوله واخره الكل يبي ينجح والدعوه الطيبه

أجـــود

2014- 4- 18 05:03 AM

رد: من أنتم ؟!!!

انا احترم الناس اللي يسألون عن المناقشات والواجبات خصوصا اذا اصحاب الورش يتاخرون بالحل

Noooralgamar

2014- 4- 18 05:38 AM

رد: من أنتم ؟!!!

^
^
انا والله ما احترمه
لانه بصراحه بدال مايتعب نفسسه ويبحث بنفسسه يبي كل شي جاهز
طيب ترى الحل ياخذ اقل بكثير من فتح موضوع وانشائه
وبدال ماتبون كل شي جاهز ابحثو عن الاجابه ساعدو المكايين اصحاب الورش
كذا بنظركم صاحب الورشه مكينه مو ادمي لازم يصير شغال ٢٤ ساعه بلا كلل او ملل
الوظيفه الوحيده له بس يلبى طلابات الطلاب ويحل لهم ويشرح
ما اقول غير استغفر الله بسسسسسسس

2COOL

2014- 4- 18 07:18 AM

رد: من أنتم ؟!!!

اقتباس:

المشاركة الأصلية كتبت بواسطة Noooralgamar (المشاركة 10743959)

^
^
انا والله ما احترمه
لانه بصراحه بدال مايتعب نفسسه ويبحث بنفسسه يبي كل شي جاهز
طيب ترى الحل ياخذ اقل بكثير من فتح موضوع وانشائه
وبدال ماتبون كل شي جاهز ابحثو عن الاجابه ساعدو المكايين اصحاب الورش
كذا بنظركم صاحب الورشه مكينه مو ادمي لازم يصير شغال 24 ساعه بلا كلل او ملل
الوظيفه الوحيده له بس يلبى طلابات الطلاب ويحل لهم ويشرح
ما اقول غير استغفر الله بسسسسسسس

هددددي اعصابك يا عزيزتي :(125): مايسوى عليك:(247): ترفعين ضغطك عشانهم:(163): ريلاكس:(285): وحاشاك منتي مكينة :sm4: انت نور هالمنتدى :(131)::(174):انت قمرنا :(283):الله يعينك :sm1::sm1::sm1:و يمسح على قلبك بالصبر :(202)::(202)::(202)::(114)::(114)::(114): وهاذي عشان ارفع معنوياتك:(315): هاه ارتفعت:21: ارتفعت شوي ولا لا:16.jpg:

بلقيس الهاجري

2014- 4- 18 12:57 PM

رد: من أنتم ؟!!!

( من أنتم ) ؟؟؟؟؟؟؟

أنا الغريب الذي عرف معنى الغربة والوحدة بكل ما تحمله من معنى ولايزال يعاني بسبب أُناس جُرِدُوا من مشاعر الإنسانية وانعدم لديهم الضمير ونُزِعَت مخافة الله من قلوبهم ..

مرحبا أخوي الله يسعدك يقولون من طول الغيبات جاب الغنايم ,, ولا بغيت الصحيح العنوان اللي كتبته مثل الغنيمة والدليل هناك مجموعة من الأخوان والأخوات سطروا آرائهم حوله .. لأنه بمثابة المنفس لهم ليبعدوا بأنفسهم عن الضغوط والقلق قليلا .

ولو ردت ع الورش والقائمين عليها فما من قصور ترتيب وتنسيق وتجميع وسهلوا وقربوا الحلول فيها وإنما هناك فوضى تعم المنتدى ويجوز أنها بسبب الخوف والأضطراب وهذا الأمر غير مستغرب وخصوصا ان الوقت بدأ في العد التنازلي ,,

من أنتم ,, فعلا تستحق إعجابي ..

شكرا لك الله يحييك ..

خالد بن سعود

2014- 4- 18 05:46 PM

رد: من أنتم ؟!!!

هالكلام انا ذكرته من الترم اللي فات وقلت حطوا قسم استفسارات لكن ماكان فيه تجاوب,,,
,
,
الخطأ ماهو خطأهم,,, الخطأ خطأ المشرفين اذا السؤال يتكرر بهالطريقه يكون الرد واحد ويتقفل ((خذ لك لفه في المنتدى راح تلقى الجواب)) فالناس لاقيه الطريقه السهله حط لك موضوع وخلاص وش اللي حاده يلف في المنتدى... انا عن نفسي ما اقدر اتواجد في المنتدى كثير وما افتح المحاضرات اللي انزلها في اخر الوقت حتى لاني مشغوول بشكل رهيب لكن لما ادخل المنتدى احترم جهد زملائي وابحث عن الحلول والاجابات بالتصفح بهدوء خصوصا ان الاخوان تحملوا مسئوليه ماهم ملزمين فيها وماله داعي اني اتعامل معهم بطريقه كنهم يشتغلون عندي مثل بعض الزملاء للاسف.
وحتى استفساراتي النادره اذا مالقيت لها رد ماراح الوم احد لأن الجود بالماجود.
اخوكم

مييووش2

2014- 4- 18 06:16 PM

رد: من أنتم ؟!!!

^^^^^

اخوي الله يجزاك خير المشرفين حاطو موضوع مثبت بالاسئله والاستفسارات
مابقى شي ماسووه بس انت شايف كل يفتح موضوع اسرع له
مايبحث عن اللي يبيه ويتعب نفسه شوي

مالومك والله اخوي b.b.a

بس الله يكتب للجميع الاجر والتوفيق

أجـــود

2014- 4- 18 06:40 PM

رد: من أنتم ؟!!!

اقتباس:

المشاركة الأصلية كتبت بواسطة 2cool (المشاركة 10744042)

تحترم ماتحترم شي يرجعلك ،،، حنا ندري ونعرف ونشكر القائمين عن الورش ونعرف جهودهم ومايحتاج نمدحهم لانهم متميزين يتمنون الاجر خالصا من الله ،،، لاكن انا كل قصدي ان في اناس حريصين على الحل الصحيح خصوصا اللي مايذاكر اول باول لضيق وقته ومايبي يخسر 30 درجه المشاركه ولان الاختبارات على الابواب يكونون تحت ضغط والضغط يشمل الجميع طبعا فهم كلهم ثقه بمصداقية هالورش،،، اعيد واكرر كلامي معناه ضغط والحاله النفسيه اللي يمر فيها الانسان بسبب قرب الاختبارات ،،، الورش مفتوحه ليش !!! مو على شان الناس المتميزه واللي تذاكر اول باول تساعد من هم بظروف لايستطيعون فيها المذاكره الا بقرب الاختبارات!!!! فاللي يمسك الورش اذا كان يتاخر بالحلول المفروض يسلمها لشخص يحل اول باول على شان يريح الشعب،،،، وبعدين مع احترامي اسئله المناقشه والواجبات لها اكثر من 3 سنوات وهي هي نفسها ماتغيرت فممكن اعرف نوع التعب اللي تتكلم عنه بالكوبي بيست مثلا !!!! اذا فيه تعب تتكلم عنه وتنشكر عليه الورش هي بتجميع الملخصات وحلول الاسئله والسلام عليكم ،،،،

أجـــود

2014- 4- 18 06:45 PM

رد: من أنتم ؟!!!

اقتباس:

المشاركة الأصلية كتبت بواسطة noooralgamar (المشاركة 10743959)

^
^
انا والله ما احترمه
لانه بصراحه بدال مايتعب نفسسه ويبحث بنفسسه يبي كل شي جاهز
طيب ترى الحل ياخذ اقل بكثير من فتح موضوع وانشائه
وبدال ماتبون كل شي جاهز ابحثو عن الاجابه ساعدو المكايين اصحاب الورش
كذا بنظركم صاحب الورشه مكينه مو ادمي لازم يصير شغال 24 ساعه بلا كلل او ملل
الوظيفه الوحيده له بس يلبى طلابات الطلاب ويحل لهم ويشرح
ما اقول غير استغفر الله بسسسسسسس

وعلى فكره اسئله الواجبات والمناقشات ماعمري اخذتها من ورش لانها بمجرد ماتكتب السؤال بقوقل تلقى الحل،،،، الورش استفيد منها بماخصتات وحلول اسئله الاعوام السابقه ،،،،، واذا مابتتحمل كلام اي شخص ينتقد بانك ماتحترمه وتستغفر بطريقه كانك تقلل من قيمه الشخص فالافضل ان تشوف واحد صدره وسيع يغطي عنك لان هالموضوع يبيله طوله بال ياعزيزي ,,,,,

turki1400

2014- 4- 18 07:00 PM

رد: من أنتم ؟!!!

كلامك سليم اخوي من انتم بالفعل

Abo Rahma

2014- 4- 18 07:55 PM

رد: من أنتم ؟!!!

"حريتي الشخصية تنتهي حيث تبدأ حقوق الاخرين "

من حقي ان اسئل او اطرح موضوع ولكن بشرط
الا تقودني هذه الحرية الى الطعن في الناس او جرح مشاعرهم او الظن بهم
حريتي الشخصية لها حدود ومعالم يجب الا تتخطاها الى ابعد الحدود
ان قيام بعض الاعضاء بجرح مشاعر اعضاء او مشرفين لا تعتبر حرية تعبير
انما تعتبر " جريمة " واهدار لكرامة واستنقاص لقدر العضو..
اخيرا

أخي العضو تذكر وأنت تكتب موضوعك أو ردك أن هناك المئات من زملائك الأعضاء سيقرءونه فلا تجعل فيه ما يسبب الإحراج أو يجرح أحد .. وأن هناك المئات الآخرون من الزوار للمنتدى سيشاهدونه فلا تكن صورة سيئة للمنتدى الذي تحبه ... و تذكر إن والدك يقرا وأن أخيك الصغير يقرا .. وأن أختك تقرا .. وصديقك يقرا..
لاحد يزعل منى (تفكير شايب)

تقبل تقديري (سفير الكلمة الراقية )bba

Noooralgamar

2014- 4- 18 09:05 PM

رد: من أنتم ؟!!!

ابو رحمه الله يجزاك خير مابعد كلامك كلام
رحم الله والديك ،،
والله يبارك في من يعرف قدره
ويعكس تربية اهله له
في مثل هذه التجمعات التي تضم آلاف سواء كانو زوار او اعضاء

سبحانك اللهم وبحمد اشهد ان لا اله الا انت استغفرك واتوب اليك

Lєɢєиd ♪

2014- 4- 18 09:55 PM

رد: من أنتم ؟!!!

ي جميلين :wink:
صحيح أن فيه أشياء مالها داعي وتصير
وكل واحد عطانا رأيه
بس السالفه ماوصلت للأخلاق والتربيه :Looking_anim:
والموضوع سهالات :10111:
وسعوا خواطركم
وركزوا ع الشي الأهم
الاختبارات :verycute:
أنا الأقتصاد طلع روحي :007:
للجميع :rose::rose:

yasmonah.. ❀

2014- 4- 18 10:34 PM

رد: من أنتم ؟!!!

الله يعطيكم العافية جميع
مجهود رائع اصحاب الورش لكم دعوة بظهر الغيب
الله يسعدكم بقدر تعبكم يارب

اخوي bba صادق انا معك بكل اللي تقوله :d5::d5:

B.B.A

2014- 4- 18 11:05 PM

رد: من أنتم ؟!!!

شاكر ومقدر للجميع ردودهم وابداء اراءهم ..

كان الهدف من الموضوع توضيح جزئية من العشوائية في طرح المواضيع والتي يجب ان تتوقف مهما كانت الدوافع ، وليس ان نصعد الموضوع لاشياء ليس لها اي علاقة بالموضوع كما ذكر احد الاعضاء في احد ردوده

الله يوفقكم جميعا ..

ودي

مرمر ♥

2014- 4- 19 02:17 AM

رد: من أنتم ؟!!!

أعوذ بالله نآس أستغفر الله ..

ضاق خلقي والله .. لكن ما عليه السنة الجآيه هذا وجهي إن مشينا على الورش

وكلن يمشي على طريقته ..

بالتوفيق للجميع بالنسبة لي الورشة ما بكملها تعبت بصرآحة !!

مناقشات و موجودة و وآجبات و موجودة و ملخص و موجود باقي احط لكم رآبط أسأله السنوآت الماضية و ألحق

على عمري

و بحط أسئلة السنوآت الماضية مثل ما هي !

و الله يوفق الجميع

و الف شكر للأخ أبو أحمد دآمك ما أستفدت من الورش حتى أسئلة السنوآت الماضيه

ما بتحصلها إلا هي نفسها حقت السنة الماضية تأكد من حلها بنفسك الله يسعدك

دمتم برعآية الرحمن

B.B.A

2014- 4- 19 02:38 AM

رد: من أنتم ؟!!!

اقتباس:

المشاركة الأصلية كتبت بواسطة ABU_AHMED (المشاركة 10745543)

وعليكم السلام ..

هلا اخوي ابو احمد ..

وش فيك معصب يَ شنب :biggrin:

انا لفت انتباهي ردك اكثر من اي رد ثاني صراحة ..

وعندي تعليق مباشر لبعض جزئية ردك الجميل

اقتباس:

فاللي يمسك الورش اذا كان يتاخر بالحلول المفروض يسلمها لشخص يحل اول باول

طيب هذا اللي صاير وين المشكلة فيه ..؟! كل الورش قايمة بشغلها اول بأول مو بشهادتي .. بل بشهادة الكل ،

ماعدا ورشة وحدة تاخروا شوي في حل الواجب الثالث بس .. وهالشيء كأنه عند البعض مسح وشطب على كل الايجابيات لـ هالورشة ..

اوكيه ..

الشيء الثاني ..

اقتباس:

وبعدين مع احترامي اسئله المناقشه والواجبات لها اكثر من 3 سنوات وهي هي نفسها ماتغيرت فممكن اعرف نوع التعب اللي تتكلم عنه بالكوبي بيست مثلا !!!

ومن قال ..؟

مو شرط يَ عزيزي .. فيه مواد دخاترهم تغيروا وبالمثل المناقشات او الواجبات تغيرت .. انا اتكلم بشكل عام مو على هالمستوى :cool:

وغير كذا يَ صاحبي .. شيء حلو انو هالكوبي والبيست على قولتك يتوحد تحت سقف واحد عشان نختصر الوقت والجهد .. والا وش رايك طال عمرك مو كذا اريح ؟ :tongue:

حياك ..

turki1400

2014- 4- 19 03:22 AM

رد: من أنتم ؟!!!

مرمر زماني لايهمك احد وبتكملين العمل بالورشة وانتي ماتشوفين الدرب هههههههههههههههههههه

غصب يعني فهمتي امزح

بس ابو احمد زعلان اننا نتاخر بالورش ياخي قلنا لك الالية وشرحتها في المحاسبة 2 لن انزل مناقشة او تلخيص لمحاضرة مانزلت مستحيل ولا نلعب على انفسنا وحنا بالمحاسبة 2 اخذنا 3 نماذج اسئلة السابقة وكتبناها من جديد وحليناها وتأكدنا من حلولنا وجاري رفعها بالورشة اليوم او بكره كحد اقصى يارجال حنا مالتفتنا لانفسنا ومطنشين المواد الثانية عشان نخدمكم ونيسر اموركم بعد مشيئة الله وهذا جزانا منك

فلا تجي تقلل من جهود ناس تعبت وتتعب من شان صالح الجميع

أجـــود

2014- 4- 19 03:23 AM

رد: من أنتم ؟!!!

اقتباس:

المشاركة الأصلية كتبت بواسطة b.b.a (المشاركة 10747017)

وعليكم السلام ..

هلا اخوي ابو احمد ..

وش فيك معصب يَ شنب :biggrin:

انا لفت انتباهي ردك اكثر من اي رد ثاني صراحة ..

وعندي تعليق مباشر لبعض جزئية ردك الجميل

طيب هذا اللي صاير وين المشكلة فيه ..؟! كل الورش قايمة بشغلها اول بأول مو بشهادتي .. بل بشهادة الكل ،

ماعدا ورشة وحدة تاخروا شوي في حل الواجب الثالث بس .. وهالشيء كأنه عند البعض مسح وشطب على كل الايجابيات لـ هالورشة ..

اوكيه ..

الشيء الثاني ..

ومن قال ..؟

مو شرط يَ عزيزي .. فيه مواد دخاترهم تغيروا وبالمثل المناقشات او الواجبات تغيرت .. انا اتكلم بشكل عام مو على هالمستوى :cool:

وغير كذا يَ صاحبي .. شيء حلو انو هالكوبي والبيست على قولتك يتوحد تحت سقف واحد عشان نختصر الوقت والجهد .. والا وش رايك طال عمرك مو كذا اريح ؟ :tongue:

حياك ..

كلامك على عيني وراسي طال عمرك انا بس كل اللي كان قصدي بالبدايه انت اكيد عارف ان فيه ناس ماتدري وش الدبره صح والا لا!!! كان ودي لمن احد يسال ويكرر اسئله المفروض يتحملونهم لا مو كل ناس تفهم باسلوب المنتديا والمواضيع المثبته ومواضيع الورش فيه ناس ماتدري وش الفرق بين المحاضرات المسجله والمباشره ،،،،، على عيني اصحاب الورش وكل شخص يجتهد لو بالقليل وشهادة واحد مثلي متواضع فيهم قليله بحقهم ،،،،، يعني تعتقدون اي شخص يسال عن شي ويسال بيكون سواله في باب الاستهبال مثلا!!! مااعتقد فانا كان قصدي اني احترمهم لانهم مجتهدين يبون يعرفون كل شي بس مو عارفين مو كل الناس تعرف اساليب القسم من ورش واذا كان الموضوع مكرر او غيره حتى بعضهم مايعرف يبحث بالمنتدي ودي نوسع صدورنا ونحملهم والاجر من عند الله ،،،،، اما يجي شخص وانا مااحترمهم وباسلوب وكانه يمن بالمعلومه اللي يقدمها هذي مو حلوه وبس هذا كل الموضوع يالغالي،،،،، وفيه جزئيه بسيطه انا مو قصدي اني اعاتب اي راعي ورشه بالتاخير بالحلول كل قصدي اذا تاخر لاي سبب اشغله لا يجي يلوم شخص يبحث عن اجابه وبس ،،،، واعيد واكرر كل اعضاء المنتدى من اولهم لاخرهم على عيني وراسي والسلام عليكم

أجـــود

2014- 4- 19 03:25 AM

رد: من أنتم ؟!!!

اقتباس:

المشاركة الأصلية كتبت بواسطة turki1400 (المشاركة 10747107)

على عيني وراسي كلامك ،،،، ارجع واعيد واكرر انا لم اقلل باي شخص وجهدكم يشكر ،،،، انا فقط تضايقت من موقف لا اكثر واقل وقلت رايي

أجـــود

2014- 4- 19 03:28 AM

رد: من أنتم ؟!!!

اقتباس:

المشاركة الأصلية كتبت بواسطة ❤ Мямя zмаич ❤ (المشاركة 10746976)

ويسعدك دنيا واخره عموما انا كنت واضح من البدايه وقلت اني مااستفيد من حلول المناقشات والواجبات لاني احلها بطريقتي لاكن ماانكرت اني استفيد من الملخصات واسئله الاعوام السابقه من الورش،،،، عموما جزاك الله خيرا سواء حللتها او لم تحلها وفي حفظ الرحمن

turki1400

2014- 4- 19 03:30 AM

رد: من أنتم ؟!!!

ورح شف المحاسبة 2 الان نزلنا كل المناقشات حتى الواجب الثالث وهو مانزل بالبلاك بورد نزلناه لا ننا نعلم بنزوله في الافتراضي

B.B.A

2014- 4- 19 03:36 AM

رد: من أنتم ؟!!!

اقتباس:

المشاركة الأصلية كتبت بواسطة ABU_AHMED (المشاركة 10747112)

وعليكم السلام ..

حياك الله اخوي ابو احمد من جديد ..

كلامك منطقي هالمرة ، ولكن ما قد شفت احد يمن على احد بشيء هنا ابد بالعكس كلها مجرد توجيهات وابداء اراء للافضل ..

والشباب هنا كلهم فيهم الخير والبركة ولا قصور فيك انت بعد ،

خلنا نرجع شوي للترم الماضي وتحديدا قبل الاختبارات ..

يارجل القسم صاير حالة استنفار .. كثرة ذا المواضيع سببت لنا ربكة مو طبيعية ..

لدرجة وصلت صرت مابي ارد على احد ..

من شان هيك وهيك بس :biggrin: تم وضع فكرة الورش وتوحيد المواضيع وتوزيع المهمات وتوفير الوقت والجهد ..

انا اقدر انا فيه اعضاء جدد على المنتديات ولكن مايمنع نوجههم اول مرة خصوصا اننا راح نكون مع بعض ان شاء الله المستويات الجاية وراح يكونون عارفين الانظمة وما الى ذلك ..

كان موضوعي هذا هو مجرد فضفضة ليس الا .. مانبي نسوي اي هجمات مرتدة :biggrin:

في الاول والاخير نبقى اخوان .. اتفقنا حنا اخوان ،، اختلفنا نبقى اخوان ..

انت عارف يمكن انا وانت ماندخل المنتدى الا كم ساعة باليوم ..

وش رايك باللي جالس اكثر من ثلاث ارباع وقته بالمنتدى عشان هالورش وعشان يساعد الباقين ..

ما يخفاك شي اخوي ابو احمد .. و اقدر لك كل اللي قلته ..

يالله هانت .. مابقى الا القليل ..

بالتوفيق للجميع

خوراافيه

2014- 4- 19 03:37 AM

رد: من أنتم ؟!!!

الله يعطيك العافيه
انا معكم باللي يبي حل واجب او مناقشه هذا فعلا وش وضعه بس :Looking_anim:
اما اللي يبي يستفسر عن شي او يبي شي مو موجود اول الصفحات او بيشوف رائي الطلاب بملخص معين له حق يفتح موضوع خصوصا ان مو كل الناس عندهم نت سريع بعضهم بطئ جدا والشي اللي يبيه يكون اخر الصفحات فشئ طبيعي بيفتح موضوع

أجـــود

2014- 4- 19 03:37 AM

رد: من أنتم ؟!!!

يا طويل العمر المناقشات والواجبات لجميع المواد انا خلصتها لي ٣ ايام عساها تنحسب بس :D ،،،، انا بالنسبه لي اذا بتخدمني عطني اسئله السنوات الماضيه محلوله :cool: ،،، بغض النظر ارجع واقول مشكورين على جهودكم انا من قبل مااقول اي كلمه وانا اتكلم عن جهودكم واشكركم عليها :)

أجـــود

2014- 4- 19 03:43 AM

رد: من أنتم ؟!!!

اقتباس:

المشاركة الأصلية كتبت بواسطة B.B.A (المشاركة 10747141)

اللهم آمين ... الله يوفقك الجميع ،،، وجزاكم خير على كل شي تقدمونه للمنتدى او للطلبه ،، وفالكم النجاح ,, وتسلم لي على روحك الحلوه:love080:

B.B.A

2014- 4- 19 03:46 AM

رد: من أنتم ؟!!!

اقتباس:

المشاركة الأصلية كتبت بواسطة abu_ahmed (المشاركة 10747156)

آمين يَ رب ويجزاك خير ..

يسعدك ربي :004:

2COOL

2014- 4- 19 11:10 AM

رد: من أنتم ؟!!!

اقتباس:

المشاركة الأصلية كتبت بواسطة B.B.A (المشاركة 10747168)

آمين يَ رب ويجزاك خير ..

يسعدك ربي :004:

في البداية دخلت المنتدى شفت الموقف :(150)::(2)::(87): انصدمت مادري اش صار فيني :(247):ياربي:(280): اش بيصير :(161):بعد شوي شفت :(282):صحيح اختلاف الرأي لايفسد للود قضية:d5::d5::d5: واحنا انشاء الله كلنا في هالمنتدى اخوان بس ياشيخ انت وياه وياه وياه مايصير كذا خوفتونا عليكم:mh12: قلنا صار انشقاق انقلاب مظاهرات ربيع عربي ماعليه اختكم متأثرة باللي تشوفه:sm5: في الاخبار بس سبحانه قوله اصدق كل قيل [ان مع العسر يسرا]سحابة صيف ومضت على سلامة :(185)::(185)::(185):وعدتم بنعمته اخوانا:(266)::(266):يالله:(280)::(280): :(280):تديم علينا هاالنعمة وتحفظها من الزوال:2::2::2:

Bro0onz

2014- 4- 19 07:41 PM

رد: من أنتم ؟!!!

[ize="6"]

فاطسه ضحك على بي بي ام وابو احمد كنت مستنيه الحلقه الاخيره وش بيصير فيها
عالعموم الله يعطيكم العافيه كلكم وماقصرتو والله يجعلها يارب في ميزان حسناتكم

[/size]

All times are GMT +3. الوقت الآن حسب توقيت السعودية: 10:14 AM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه