ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   تربية خاصة 8 (https://vb.ckfu.org/forumdisplay.php?f=390)
-   -   [ مواد مشتركة ] : وين موقع مكتب التوجيه في الدمام؟ (https://vb.ckfu.org/showthread.php?t=566266)

جرحها كايد 2014- 3- 12 08:18 PM
وين موقع مكتب التوجيه في الدمام؟
 
مرحبا

وديت الخطابات للشؤون التعليميه يوم الاثنين وقالو لي 3 ايام واروح مكتب التوجيه عشان يوجهوني للمدرسه

لاهنتو وين موقعه بالضبط؟؟

ومتى اقدر اروح بكره او يوم الاحد؟؟

HnOsh_A 2014- 3- 12 08:23 PM
رد: وين موقع مكتب التوجيه في الدمام؟
 
تقدرين تروحين بكره انا مثلك وبكره ان شاء الله رايحه ..

هو في حي الاتصالات اختي موقعهم جنب الابتدائيه الثامنه والعشرون واذا تبين اوصف لك المكان ما عندي مشكله

مناكير وردي 2014- 3- 12 08:42 PM
رد: وين موقع مكتب التوجيه في الدمام؟
 
وين الثامنة والعشرون انا بكرة لازم اروح التوجيو لانة يوم الاثنين رحت وديت اوراقي مثاكم وقالو 3 ايام
وشو يعطونا التوجية

**Besho0o** 2014- 3- 12 08:45 PM
رد: وين موقع مكتب التوجيه في الدمام؟
 
قبل تروحين للتوجيه

ارجعي للاشراف المقر الرئيسي الي سجلتي مدرستك خذي أوراقك منها وبعدها
روحي للمكتب شرق الدمام او غرب حسب موقع مدرستك

ويفضل الكل يروحون بكره لان لاتتوقعون اموركم تخلص
رحت لهم اليوم من 9 ماطلعت الا 1ونص اخر وحده
ولا قدرت اروح للمكتب غرب الدمام لان الدوام انتهى يمكن بكرا اروح

الله يخارجنا ع خير بس قبل خذوا اوراقكم ورحوا

هذيآإآن الآرواح 2014- 3- 12 09:10 PM
رد: وين موقع مكتب التوجيه في الدمام؟
 
انا كنت بروح اليوم بس صار لي ظرف ...

بروح بكرا اخذ الخطابات من الادارة والاشراف ...

والاحد بإذن الواحد الاحد بروح للمدرسة ...

سجينة فكر 2014- 3- 12 09:22 PM
رد: وين موقع مكتب التوجيه في الدمام؟
 
تعتقدووون بكره مداومين ولا يعطلون لو علقو الدراسه عشان الغبـآر ؟؟

مناكير وردي 2014- 3- 12 09:39 PM
رد: وين موقع مكتب التوجيه في الدمام؟
 
يعنى اخذ اوراقى من الاشراف بعدين وين ارووح مافمت ليتك توضحين ؟؟؟
انا تطبيقى فى معهد الامل لصم الابتدائى فى حى احد غرب الدمام ؟؟
!!!!!

**Besho0o** 2014- 3- 12 09:53 PM
رد: وين موقع مكتب التوجيه في الدمام؟
 
تاخذين أوراقك من الشؤون بعدها روحي للإشراف غرب الدمام في حي الاتصالات
يعطونك ورقه للمدرسه وخلاص خذيها وروحي للمدرسه

مناكير وردي 2014- 3- 12 10:01 PM
رد: وين موقع مكتب التوجيه في الدمام؟
 
يعطيك العافية

بس الاتصالات مو غرب الدمام
معرف موقع الاشراف

عذرا ازعجتك بسالتى !!

**Besho0o** 2014- 3- 12 10:09 PM
رد: وين موقع مكتب التوجيه في الدمام؟
 
هذا كلام الموظفه لي بما ان مدرستي غرب الدمام
قالت تروحين للاشراف غرب بحي الاتصالات
بس وين بالضبط ماعرف لاني مارحت وماعرف شي عن المكان

مناكير وردي 2014- 3- 12 10:23 PM
رد: وين موقع مكتب التوجيه في الدمام؟
 
خلاص يعطيك العافية خذت الوصف الاشراف
بكرة باذن الله عندهم

النورس2006 2014- 3- 12 10:34 PM
رد: وين موقع مكتب التوجيه في الدمام؟
 
يعني اول الطريق من وين نبدأ
انا لسه مارحت اي مكان ولا قدمت اوراقي
ياليت تعطوني الخطوات من البدايه الله يجزيكم خير

سوبيا 2014- 3- 12 11:06 PM
رد: وين موقع مكتب التوجيه في الدمام؟
 
اقتباس:
المشاركة الأصلية كتبت بواسطة النورس2006 (المشاركة 10620066)
يعني اول الطريق من وين نبدأ
انا لسه مارحت اي مكان ولا قدمت اوراقي
ياليت تعطوني الخطوات من البدايه الله يجزيكم خير
تروحين لمكتب التربية والتعليم عند الاماره وتختارين المدرسه ويمكن يخلصونها لك بنفس اليوم والا

اذا اخذتيها تروحين لمكتب الاشراف ع حسب منطقتك بيعطونك التوجيه وتروحين للمدرسه

:16.jpg:

النورس2006 2014- 3- 12 11:48 PM
رد: وين موقع مكتب التوجيه في الدمام؟
 
ياسلام عليكي ياسوبيا
جزيتي خيرا

Loody 2014- 3- 13 12:00 AM
رد: وين موقع مكتب التوجيه في الدمام؟
 
لما سجلت المدرسه محد قلي ارجعي لنا قالو روحي على طول الاشراف الي بحي الاتصالات !!
ان شاءالله اذا خف الغبار رحت بكره الاشراف واللع يسهلها للجميع

Raihana 2014- 3- 13 12:33 AM
رد: وين موقع مكتب التوجيه في الدمام؟
 
اقتباس:
المشاركة الأصلية كتبت بواسطة loody (المشاركة 10620429)
لما سجلت المدرسه محد قلي ارجعي لنا قالو روحي على طول الاشراف الي بحي الاتصالات !!
ان شاءالله اذا خف الغبار رحت بكره الاشراف واللع يسهلها للجميع
اي صحيح وانا بعد نفس الشي سألتها مايحتاج ورقه تثبت قالوا لي روحي التوجيه الاحد عطيهم اسمك وخلاص ,

سجينة فكر 2014- 3- 13 12:46 AM
رد: وين موقع مكتب التوجيه في الدمام؟
 
حتى انا ماقلت لي تجين تاخذين ورقه او شي قالت ع طول روحي للتوجيهه بعد 3 ايام اللي هو بكره

بروح عندهم قبل لو مانفع قالت لازم ورقه امري لله برجع للاداره اشوف

Loody 2014- 3- 13 01:05 AM
رد: وين موقع مكتب التوجيه في الدمام؟
 
صديقتي السمستر الاول طبقت و قالتلي لا ترجعين لشؤون كل شي بيكون بالاشراف الي بحي الاتصالات
انا عن نفسي على طول بروح الاشراف لانهم ماقالو ارجعولنا ولا شي
بس بنات خذو معكم الهويه او بطاقة العائله يمكن يطلبون اثبات
و بالتوفيق

شموع مضيئة 2014- 3- 13 01:06 AM
رد: وين موقع مكتب التوجيه في الدمام؟
 
وأنا بعد نفس الشيء ما قالولي ارجعي لنا :(107):
سألت المسؤوله ما يحتاج أخذ خطاب من عندكم قالتلي لا ما يحتاج انا برسلها عن طريق الآيميل
بكره بروح الإشراف على طول والله يسهل

سوبيا 2014- 3- 13 09:41 AM
رد: وين موقع مكتب التوجيه في الدمام؟
 
ما أرسلوا شي للاشراف بنات كثير راحوا وقالوا لهم ما وصلنا شي من التعليم روحنا بنفسكم خذوا الخطاب

امس اغلب البنات راجعين من الإشراف

**Besho0o** 2014- 3- 13 11:45 AM
رد: وين موقع مكتب التوجيه في الدمام؟
 
هم مايقولون ولا بيقلون

عزيزاتي اسمعوا مني عشان المرمطه روحوا للمكتب الرئيسي خذوا اوراقكم منهم
وتوجهوا للاشراف التابع لمدرستكم

اذا شرق فا مبنى الاشراف بنفس المكان
واذا غرب تلقونه بحي الاتصالات

واكبر دليل ع كلامي اليوم تو راجعة من الإشراف غرب الدمام نص البنات رجعوا للاشراف
وقالوا جيبوا اوراقكم وارجعوا قالوا لهم البنات ان المسؤوله هناك قالت مايحتاج ترجعون
حنا نرسلها لكم ايميل
قالت لا ارسلوا ولا بيرسلون روحوا جيبوا اوراقكم وارجعوا

البلا كله من الاشراف الرئيسي مافيه تنظيم وترتيب

النورس2006 2014- 3- 13 11:58 AM
رد: وين موقع مكتب التوجيه في الدمام؟
 
انا مع بيشو
اليوم رحت مكتب الترببه والتعليم عند الاماره
الحمد لله مافي زحمه والامور تعتبر ماشيه ولو اني اقترح زيادة عدد الموظفات يعني بدال ما نجلس ساعه ممكن نجلس ربع ساعه
المهم اخذنا ارقام وانتظرنا لين اخذوا منا الاوراق وبعد شوي دخلنا وقعنا باستلام الاصل وتوجهنا بأوراقنا للاشراف
وكان فيه بنات من امس جايين وطالبوا بأوراقهم لانها ماوصلت وبنات شكلهم ماخذين اوراقهم وانتهى الدوام وجو يستلموها اليوم
وبعدها كان التوجه لمكتب الاشراف بغرب الدمام اخترت المدرسه وتم التوقيع بالموافقه وباقي الاحد ان شاءالله بروح المدرسه نفسها عشان اتفق مع المديره متى اطبق وبعدها قالت لي المشرفه بالاشراف اني لازم ارجع الورقه لهم

HnOsh_A 2014- 3- 13 12:15 PM
رد: وين موقع مكتب التوجيه في الدمام؟
 
انا خلصت اموري اليوم الحمد لله

رحت التوجيه قالوا ماوصلنا شي رجعت اداره التربيه واخذت اوراقي والخطاب
طبعا اوراقنا في ملفات وفي مكاتبهم مدري ايش بيضرهم لو مرسلينها بدال هالمشاوير
ورجعت التوجيه وقعت خطابي واتجهت لمعهد الامل
استقبلتنا المديره عسل
وقالت المباشره في ٢٩ قلت لها بداوم الاسبوع الجاي اخذ فكره قالت ما اقدر اقول لك لا ابد

Raihana 2014- 3- 13 02:26 PM
رد: وين موقع مكتب التوجيه في الدمام؟
 
اقتباس:
المشاركة الأصلية كتبت بواسطة НήΌ̲​sh (المشاركة 10621567)
انا خلصت اموري اليوم الحمد لله

رحت التوجيه قالوا ماوصلنا شي رجعت اداره التربيه واخذت اوراقي والخطاب
طبعا اوراقنا في ملفات وفي مكاتبهم مدري ايش بيضرهم لو مرسلينها بدال هالمشاوير
ورجعت التوجيه وقعت خطابي واتجهت لمعهد الامل
استقبلتنا المديره عسل
وقالت المباشره في 29 قلت لها بداوم الاسبوع الجاي اخذ فكره قالت ما اقدر اقول لك لا ابد
ماشاءالله عقبالنا نخلص أمورنا عندك فكره من كم الى كم دوام المعهد علشان اضبط الامور مع روضة ولدي🌺

HnOsh_A 2014- 3- 13 03:06 PM
رد: وين موقع مكتب التوجيه في الدمام؟
 
من 6:30 الصباح الى 12:35 الظهر اختي هذا هو وقت دوام المعهد ربي يوفقك ويسهل اموورك

Raihana 2014- 3- 13 03:47 PM
رد: وين موقع مكتب التوجيه في الدمام؟
 
اقتباس:
المشاركة الأصلية كتبت بواسطة НήΌ̲​sh (المشاركة 10621940)
من 6:30 الصباح الى 12:35 الظهر اختي هذا هو وقت دوام المعهد ربي يوفقك ويسهل اموورك
شكرا شكرا الله يعطيك العافيه:106:

الولــه 2014- 3- 13 07:27 PM
رد: وين موقع مكتب التوجيه في الدمام؟
 
حسبي الله ونعم الوكيل في كل مقصر في شغله
يعني الحين اروح للشؤون التعليميه مره ثانيه اخذ الخطاب واوديه للتوجيه؟

هذيآإآن الآرواح 2014- 3- 14 04:06 PM
رد: وين موقع مكتب التوجيه في الدمام؟
 
أنا الحمدلله خلصت أمس ...

وببدا بإذن الله الاحد التطبيق ...


All times are GMT +3. الوقت الآن حسب توقيت السعودية: 12:22 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه