|
ولد الشمال متوهق ويناديكم اعزائي اصحاب الخبره
الحقيقه انا الأن متوهق ولا ادري ماذا اسوي <-- دليل واضح على التوهيقه
المواد المتبقيه لي على التخرج هي :- 1- الترجمة الابداعية 2- اللغه وتقنيه المعلومات 3- النقد العربي 4- ترجمة الانماط 5- المسرحيه الحديثة 6- نظرية الترجمه 7- علم اللغه الاجتماعي 8- علم اللغه والبراغماتيك 9- مدخل الى الادب الامريكي 10- طرق البحث و التصميم 10 مشروع التخرج انا سجلت المواد الثمانيه الأولى وخليت المواد الثلاثه الأخيره والحين ما ادري هل استطيع اخلص هالمواد الثلاثه الأخيره في الصيف مثلاً هل ضروري اخذ طرق البحث والتصميم في ترم والمشروع في ترم اخر ماهي نصيحتكم اعزائي خصوصا للأشخاص الي عندهم خبره للمعلوميه عندي فرصه اخذ لاني مسجل 18 ساعه وباقي لي اربع ساعات وش رايكم انا الأن جالس وحاط يدي على خدي انتظر ردودكم في هذا الموضوع |
رد: ولد الشمال متوهق ويناديكم اعزائي اصحاب الخبره
انا أخذت ترم ماضي عشر مواد علشان اخلص
الصيفي مو مضمون يمكن فيه ويمكن لا او خذ مواد كلها الحين وترك مشروع صيفي بالتوفيق |
رد: ولد الشمال متوهق ويناديكم اعزائي اصحاب الخبره
سجلها ترم واحد أحسن لك وخلص
يمكنك تسجيل ٢٥ إذا كانت آخر الساعات لك |
رد: ولد الشمال متوهق ويناديكم اعزائي اصحاب الخبره
حياك الله أخوي المتوهق عسى الله ينورلك طريقك هههههههههههههه
المادتين اللي باقية إذا الدكاترة مشوا على نفس طريقتهم أنصحك تاخذهم لأن إختبار الأدب الأمريكي كان تقريبا نسخ لصق علما أن المادة طويلة بس ولله الحمد لضيق الوقت أعتمدنا على اسئلة الترم اللي فات وأكثر الأسئلة جاءت منها وأما مادة طرق البحث و التصميم فاعتمد الدكتور على الأملاء يعني كثير من الأسئلة تختبر شطارتك بالإملاء ومادة مشروع التخرج مادري عنها توني آخذها هالترم فأنت استخر وتوكل على الله |
رد: ولد الشمال متوهق ويناديكم اعزائي اصحاب الخبره
مثل ماقالوا الاخوان اخذهم كلهم وتوكل على الله ، الصيفي مش مضمون تسجل فيه
|
رد: ولد الشمال متوهق ويناديكم اعزائي اصحاب الخبره
توكل الله واخذ طرق البحث و مشروع التخرج
|
رد: ولد الشمال متوهق ويناديكم اعزائي اصحاب الخبره
اقتباس:
بس من وين جبت هالمواد النقد العربي ,علم اللغه والبراغماتيك ههههههه قصدك النقد الأدبي وعلم المعاني والبراغماتيك عن نفسي عندي 9 مواد ومتوهقه فيهم اخاف اسجلهم كلهم واتوهق وماقدر انسحب منهم باخذ سمستر تاسع 5 و 4 وللحين ماعرف وش الأفضل لويحذفون لي مادتين :(269): |
رد: ولد الشمال متوهق ويناديكم اعزائي اصحاب الخبره
بخصوص مادة مشروع التخرج اختي اخذت هالمادة بالصيفي عشان ماتقدر تسافر وكانت بس عن طريق الايميل والنت ، وللأسف سقطت فيها ، واذا باقي موادك ما يتعارضون مع جدولك ، لو مكانك اخذهن واخلي مشروع التخرج اتكتك عليه ع رواقه اذا صار فيه موضوع وبحث مناسب وممتاز
وبالتوفيق ، |
رد: ولد الشمال متوهق ويناديكم اعزائي اصحاب الخبره
ولد الشمال مافي النقد العربي..واحسن سجل طرق البحث الان بيكون الخميس امتحانها.. .. وسيب علم اللغة الاجتماعي اول شيء المادة مش صعبة لكنها طويلة والدكتور يجيب من المحاضرات كلها ..ثاني شيء بعدها النقد الادبي ام 3 ساعات وتحتاج منك وقت يطلع لك جمعة وسبت تراجع النقد(دكتوره ما يكرر والمادة طويلة) طبعا المادة هذه يبغى لها دراسة من الان ..ثالث شيء يمديك تاخدها تالي لان مالها علاقة بشيئ وطرق البحث متطلب لمشروع التخرج ما تقدر تاخدها معاه ..بالنسبة للصيفي سالت د الفريدان وقال مش اكيد دي السنة
والله يوفقك |
رد: ولد الشمال متوهق ويناديكم اعزائي اصحاب الخبره
شوف اخوي هذي الامور تخضع لتقدير الشخص نفسه واستعداده للجهد والضغط بس صراحه منطيقا عشر مواد بالاضافة لمشروع التخرج مغااامرة .. لازم تبذل فيها جهد مو بسيط شخصيا اشوف ان امر الله من سعه .. اللي ما يتخرج الترم هذا يتخرج اللي بعده ... مشروع التخرج في الترم الاخير مع مادتين اشوفه مناسب الله يكتب لك التوفيق |
رد: ولد الشمال متوهق ويناديكم اعزائي اصحاب الخبره
صعبه اخذ كل هالمواد في ترم واحد
أبداً لا أؤيد هذه الفكرة اذا كنت خايف على المعدل قسم المواد ومشروع التخرج لوحده ضغط نفسي وعصبي النقد الأدبي والأدب الأمريكي مواد دسمه ونظرية الترجمة أيضاً |
رد: ولد الشمال متوهق ويناديكم اعزائي اصحاب الخبره
الافضل ترمين دراسيين وانتبه من التعارض يعني خلص مواد سادس وسابع اول شيء وبعدها طقطق على ثامن ونسق جدولك عدل تتلافى ضغط الايام المتتابعة لاحق على التخرج
|
رد: ولد الشمال متوهق ويناديكم اعزائي اصحاب الخبره
اولا موفق بدراستك
ثانيا : مشروع التخرج افضل تخليه صيفي لكن طرق البحث والتصميم لازم تاخذه قبل ماتاخذ مشروع التخرج لانه مشروع التخرج له متطلب اللي هو طرق البحث والتصميم ضروري ولا ماتقدر تسجلهم مع بعض ابدا |
رد: ولد الشمال متوهق ويناديكم اعزائي اصحاب الخبره
خطتك حلو بس شد حيلك في كذا ماده محتاجه جهد منك من بداية الدراسه ........ واذا خايف على المعدل انصحك تقلل منها وتخليها على الترم الثاني ...........
ربي يوفقك وتتخرج وفالك الماستر ان شاءالله |
رد: ولد الشمال متوهق ويناديكم اعزائي اصحاب الخبره
انا تقريبا مثلك باقي لي 10 مواد فمضطره اخذ ترم تاسع ادرس فيه 3 مواد ( ادب الاطفال ، اللغة وتقنيةالمعلومات ، مشروع التخرج ) لانه زي ماقالوا الاخوه تعتبر مخاطرة انك تاخذهم كلهم ويمكن ينزل معدلك ومع مشروع التخرج صعب . لكن مثل ماقال اخوي my dreams خلص اللي بالمستويات السابقة حتى ما يبقى لك غير مواد المستوى الثامن ولايصير تعارض .
|
رد: ولد الشمال متوهق ويناديكم اعزائي اصحاب الخبره
يا اخوة ويا اخواتي اللي عندة نية يكمل دراسه ترى المعدل مطلوب يكون مرتفع تاخذ مواد بالشكل هذا انت متفرغ ؟ جاهز تدرس كل هذه المواد تاكد مافيه تعارض بينها
موادك كلها مش سهله كثير منها يبيله جهد ودراسة اذا رغبتك فقط في النجاح ولا عندك نية تكمل دراستك توكل على الله المستوى هذا والصيفي اما اذا ناوي تكمل دراستك انصحك ماتاخذها كلها في مستوى واحد |
رد: ولد الشمال متوهق ويناديكم اعزائي اصحاب الخبره
اذا مافي تعارض في اختباراتهم خذهم كلهم و
انحر نفسك نحر في دراستهم .. 3 شهور اللي باقيه تقدر تتخرج فيها اذا عندك همه .. افضل من انك تزود لك ترم كامل.. لازم تشد حيلك فيهم عشان المعدل لا يطيح .. الصيفي مو مضمون |
رد: ولد الشمال متوهق ويناديكم اعزائي اصحاب الخبره
مواد صعبه -تقدر بس بتنضغط-أذا الشهاده ترقيه تأخر مافيه مشكله-ممكن تغامر وممكن لا حسب دراستك
لاتعتمد كثير على تكرار الاسئله غير مضمون -انا الترم الي راح 10 والي قبله أخذت 9 بس ضغط وتعب ونفذت بجلدي بقيلي 7مواد المهم قسمهن وانتبه للتعارض |
رد: ولد الشمال متوهق ويناديكم اعزائي اصحاب الخبره
اقتباس:
|
رد: ولد الشمال متوهق ويناديكم اعزائي اصحاب الخبره
اقتباس:
اقتباس:
نفس اللي كنت بقول لك ما انصحك تآخذها كلها لو يهمك المعدل بالتوفيق |
رد: ولد الشمال متوهق ويناديكم اعزائي اصحاب الخبره
اقتباس:
حقيقة أنا أشوفها كثيرة وفكر بالطوارئ أنا وضعي يشبه وضعك مع إختلاف الظروف وراح أفصل لك أنا من بدأت الدراسة ماشية حسب الخطة بالضبط ومن فضل الله ما حملت أي مادة والترم الماضي كنت بالمتسوى السابع وماشية حسب الخطة وأضفت لمواد الخطة مادة من ثامن ( الأدب الأمريكي ) موادي كانت كالتالي : 1. علم اللغة النفسي 2. علم اللغة الإجتماعي 3. الترجمة الإبداعية 4. النقد الأدبي 5. طرق البحث 6. النظام الإجتماعي بالإسلام 7. المسرحية الحديثة 8. مدخل إلى الأدب الأمريكي أخذتها كلها وكان باقي لي خطة المستوى الثامن بدون الأدب الأمريكي وبكذا كان المفترض الترم هذا تخرج لظروف معينة مريت فيها كانت نتيجتي مأساوية نجحت في ثلاث مواد فقط من الثمانية يعني حملت خمسة وبكذا تغيرت خطة التخرج بالكامل الآن معاي 11 مادة 1. تحليل الخطاب 2. الحضارة الإسلامية 3. النقد الأدبي 4. طرق البحث 5. الأدب الأمريكي 6. علم اللغة النفسي 7. ترجمة تتابعية 8. اللغة وتقنية المعلومات 9. أدب الأطفال 10.النظام الإجتماعي في الإسلام 11. مشروع التخرج بعد تفكير وتمحيص ومراسلة العمادة حول الصيفي قررت المواد الخمسة الأولى سجلتها للترم هذا المواد الخمسة الأخيرة للترم الجاي مشروع التخرج إذا وجد ترم صيفي راح أقدمه بالصيفي لوحده نظراً لنسبة الرسوب يصير لو حملت المشروع عندي فرصة مع مواد ثانية هذي هي قصتي :16.jpg: بالنسبة لموادك حقيقة فيها كثير صعب ما أعقدك أو أحطبك لكن نظرة واقعية للموضوع وأنت وإمكانياتك يعني عندك : 1. نظرية الترجمة 2. ترجمة الأنماط النصية 3. الترجمة الإبداعية 4. علم اللغة والبراغماتيك الأربعة هذي دسمة وتحتاج إستيعاب وأحيان الأسئلة تتغير ما تقدر تعتمد بالمذاكرة على الأسئلة فقط المسرحية الحديثة دسمة لكن الدكتور ممتاز حقيقة ومتعاون طرق البحث الإختبار كان يعتمد على التركيز الدقيق بالإملاء يعني لازم الواحد يكون حافظ علم اللغة الإجتماعي مادة بالنسبة لي كانت حلوة وإختبارها حلو ...............................ز كثرت الكلام وطولت عليكم أعتذر لكن حبيت أوضح تجربتي وإنطباعي عن بعض المواد يمكن أحد يستفيد ربي يوفقك ويقويك |
رد: ولد الشمال متوهق ويناديكم اعزائي اصحاب الخبره
نفس حالتك بالضبط
باقي 11 مادة على التخرج سجلت 8 مواد بعدها بيوم قبل السستم وزدت عليها المواد باقي لي ساعه وحدة بس !!:139: يعني وصلت ال22 ساعة بس المشكلة وحده من المواد 3 ساعات فاذا اخذتها يعني يبي لي 23 ساعه بالنسبة لي مستصعبة جدا جدا انه تجي سنة ثانية وانا ما تخرجت والصيفي مافيه بالرياض ويمكن حتى ان كان موجود ما حتكون نفس المواد ضروررري اتخرج هذا الترم :sm1: وبرضو عندي تعارض بالمواد باخر يوم بالاختبارات بس صديقتي في سعود انتظام عطتها الجامعة استثناء واختبرت نص الوقت في مادة والنص الثاني في المادة الثانية فكرة انه اخذ ترم ثاني ويتعطل تخرجي لاجل مادة وحده فكرة ابد موب متقبلتها راسلت الشعيبي والفريدان وطلبتهم انه يسوون استثناء ويسمحون لي بتسجيل 23 ساعه بانتظار ردهم ومتأمله خير |
رد: ولد الشمال متوهق ويناديكم اعزائي اصحاب الخبره
اقتباس:
والتعارض أنا مثلك عندي تعارض بين علم اللغة النفسي والحضارة الإسلامية وحقيقة أرسلت للعميد بخصوص الترم الصيفي قالي ماتأكد للآن وأرسلت بخصوص التعارض رد علي إنه لا يوجد حل لتعارض المواد إلى الآن ولهذا السبب أخذتها بالخيرة وقسمت بالمواد بالشكل السابق يمكن خيرة لي عشان ما أتخرج بمعدل نازل :tongue: ربي يوفقنا جميع |
رد: ولد الشمال متوهق ويناديكم اعزائي اصحاب الخبره
اقتباس:
طيب غريبه ليه سمح لي ب22 ساعه فقط رفض اني ازيد الساعات الباقية فيه مجال اضيفها الان او تقفل التسجيل؟ |
رد: ولد الشمال متوهق ويناديكم اعزائي اصحاب الخبره
اقتباس:
وحسب إعلان الجامعة آخر وقت للمقررات اليوم الساعة 6 مساءً لكن ربي يجعل لك من أمرك الخير لك وربي يوفقنا جميع:106: |
رد: ولد الشمال متوهق ويناديكم اعزائي اصحاب الخبره
اعقلها وتوكل على الله واخلص
|
رد: ولد الشمال متوهق ويناديكم اعزائي اصحاب الخبره
اخي الكريم ولد الشمال نصيحة مني ولازم تتفادى هذي الغلطة مادة طرق التصميم ماراح تقدر تسجلها مع بحث التخرج في فصل واحد لانها متطلب لمشروع التخرج فنصيحة مني انك تحاول تلغي مادة من هذا الفصل وتضيف مادة طرق التصميم ارجو منك تفاديها قبل لايقفل البانر |
رد: ولد الشمال متوهق ويناديكم اعزائي اصحاب الخبره
^^^^
تقدر تسجل المادتين مع بعض انا مسجلهم هذا المستوي مع بعض وما قالي فيه تعارض |
رد: ولد الشمال متوهق ويناديكم اعزائي اصحاب الخبره
اقتباس:
اذا اصبح من الممكن تسجيلها في فصل واحد فهذا ممتاز لأن في الفصول الماضية بعض الطلاب سجلوا مادة مشروع التخرج لحالها في فصل واحد لتعارض المادتين |
رد: ولد الشمال متوهق ويناديكم اعزائي اصحاب الخبره
لاازيد على كلام الاخوة الكرام
لكن الاهم انك تحافظ على المعدل ماتدري وش يصير بهالدنيا لو تزود ترم وش المشكلة يعني ؟ العجلة مافيها فايدة وانا اخوك |
| All times are GMT +3. الوقت الآن حسب توقيت السعودية: 06:27 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام