|
ماذا تنصح طالبات الطب اخواتهن المستجدات
السلام عليكم ورحمة الله وبركاته
في اسباب خاصة خلتني انا اطرح الموضوع ما احب اتطرق لها في السنوات الماضية كان يعقد اجتماع لطلاب الطب وكان بتنظيم وادارة طلاب الكلية انفسهم والهدف منها هو تعارف الطلاب على بعضهم البعض وان يقدم الطلاب المتقدمون النصائح للطلاب الجدد من باب التعاون لكن للأسف ما كتب لهذا الأجتماع الأستمرار نتمنى ان تعود مثل هذا الأجتماعات لما لها من الفائدة الكبير لجميع الطلاب احب يكون هذا الموضوع نافذه لتواصل طالبات الطب من جميع المراحل لتعميم الفائدة فيا طالبات الطب ما هي النصائح التي تحبون ان توجهوها لأخواتكن المستجدات ؟ الباب سيكون مفتوحا للمستجدات للأستفسار عن اي شي يدور في خواطرهن اتمنى لكن التوفيق |
رد: ماذا تنصح طالبات الطب اخواتهن المستجدات
:s17: يعطيك العافية مرزوق على طرح مثل هذا الموضوع للنقاش فيه
أنا بالنسبة لي كوني خلصت السنة الأولى من الطب و منتقله الى السنة الثانية بمشيئة الله .. أنصح المستجدات من طالبات الطب و طلابه بالجد و المثابرة و الحرص على سؤال المدرس سواء كانـ دكتور او دكتورة او محاضرة عن الأشياء الغير مفهومه أول بأول .. لأن حنا واجهنا مشكلة بهذا الخصوص ..(( كنا نراكم الأسئلة على بعضها البعض)) و بالتالي ما نسئل الا متأخر و أحيان ما نسئل .. ننسى :lllolll: فما نفهم الاشياء المهمة الا متأخر .. طبيعة الدروس بكل مادة متصلة ببعض - يعني كل درس يتصل بالدروس الأخرى - .. فـ لازم نفهم من البداية عشان نقدر نستوعب الي بيجي بالطريق ! و بنفس الوقت من الضروري ان نعطي لكل شيء حقه .. يعني وقت المذاكرة مذاكرة و وقت الراحة راحة .. لكن ما ننسى نذاكر أول بأول يعني مش تقولون بنرتاح و ما تذاكرون او العكس تذاكرون و ما ترتاحون ! لازم يكون توازن بين هالامرين .. بالنسبة لي استعملت بسنة اولى طريقة خاطئة ! كنت دوم ابغي اذاكر فما القى وقت ارتاح فيه و بالتالي تعبي ما جاب نتيجة !! لأني ما ريحت نفسي عشان استرد نشاطي و انجز درجات أفضل .. من ناحية الانجليزي كون الدراسه به .. :119: بعطيكم نصيحة " حاولوا انكم تفهمون قبل ما تترجمون " و لكن اذا استعصى الامر .. فلابد من الترجمة .. و لأنها اول سنة بتترجمون كثير لازم .. فلا تخافون :lllolll: لأني ايضا استخدمت في بداية السنة اسلوب خاطيء !! كنت اترجم على طول فتضيع الترجمة الوقت علي و بالتالي يضيق وقت المذاكرة و ما يكون جهدي متواجد معي لأني اكون تعبت من الترجمة :lllolll: هذا الي يحضرني حالياً و ان شاء الله أكمل لكم اذا تذكرت بعض الاشياء في وقت لاحق .. طبعاً حطوا في بالكم قاعدة " التعلم من الاخطاء " لأن محد ينولد من بطن أمه و هو كامل معلومات و ما يخطيء .. إذا أخطئتوا في اختبار فعرفوا انتو بشنو أخطئتوا علشان ما تخطئون مرة 2:s17: تحياتي |
رد: ماذا تنصح طالبات الطب اخواتهن المستجدات
تسلمي خيتو أورجوان ع المعلومات ..
والله أفدتينا ...وإذا أحد عنده معلومات لايقصر .. سلامي للجميع .. |
رد: ماذا تنصح طالبات الطب اخواتهن المستجدات
مشكوووور أخوووي على طرحك للموضوووع و الله الاخت ارجواااان ذكرت نقاط كثييير مهمة امممممممممم حبيبااااتي بنووتااات الطب أنا ذكرت كم نقطة بموضوووع التعارف لطلاب و طالبات الدماااام أتمنى أنكم تستفيدوووون منهم بسنة أوووولى رااااح تكووون الصعووووبة مشتركة بين كل طالبااات الدفعة يعني لا تخافووون بس حبيت أضيف على نقطة المذاكرة اللي قالتها ارجوااااان حبيباااااتي أكيييييد كلكم كنتووو متفوووقين بالمدرسة و حركااااااااات بس لازم تعرفوووون أن طريقة المذاكرة بالجامعة تختلف لأن كمية المعلوووماااات كبييييييييييييير عشاااان كذا حاولوو تبتعدووون عن أنكم ترهقووووون نفسكم بصم المعلوومات مثل ما كنتوو تسووون بالمدرسة لأن بعد الاختبااارااات عبااارة عن خياراات متعددة بالبداية يعني اللي تحتاجووونه هو معرفة المعلووومة و مش تذكرها بحذافيرها بالضبط ^^^ هذي الطريقة من خلاصة تجربتي مع مادة البيولوجي و بعد ما زحفت بأول كويز و بعدت ما غيرت أسلوووب مذاكرتي للطريقة اللي قلت لكم عليها خاصة بالبيولوجي صرت أجييييب درجااااات حلووووة و متميييزة بعد ملاحظة : هالطريقة ما تنفع مع الكيمياااء العضووية اللي ان شاااء الله تاخذونها السمستر الثاني لا بد من الزحف و صم المعلومااات مو مشكلة تزحفووون و تجيبووون درجة مو كويسة أهم شي تقيموون نفسكم و تشوفووون وين كان الخلل و تصلحووونه بأسرع وقت بعد وشوووو يا ربيييييي ايييييييييييييييي يمكن لو اخذتووو نوت الناااس اللي قبلكم تحصلووون الكلمااات مترجمة و الدنيا وردي و المذاكرة أسررررررع بس صدقووووني اللي يجي بسرعة يروووح بسرعة يعني حاولووو تترجمووون الكلماااات بنفسكم عشاااان تثبت ان شااء الله امممممممممممممم بعد وشو اممممممممممممم طيب خلصت الأفكاااااار في مخي اللحين اذا طرا لي شي برجع احطه هنااااا و اللي عندها أي استفسااار أو سؤاااال يللا ترانا نشحذ كيبورداتنا و هممنا للإجابة عن تساؤلاتكن <<< اكشخ يالفصحى :lllolll: |
رد: ماذا تنصح طالبات الطب اخواتهن المستجدات
هلا والله مشكور اخوي على طرح الموضوع الرائع و الاخوات ما يقصرون ما شالله عليهم يعطيكم العافية
|
رد: ماذا تنصح طالبات الطب اخواتهن المستجدات
وهناك طرق كيفية المذاكرة والتفوق اعط لنفسك وقت لهرابط وانشاء الله تفيدكم النقاط "ربي يوفقهم "
http://www.ckfu.org/vb/showthread.php?t=5253 Relax, Take It Easy :37_asmilies-com: تحياتي |
رد: ماذا تنصح طالبات الطب اخواتهن المستجدات
وااااااااااااو ذكرتوني بأيام سنه اولى والصداع ووجع الراس
والله كانت ايام جهاد وتعب والله اني ترجمت لين زهقت المترجمات من كثر ما ترجت فيها اذكر كنت اصور كتاب البايلوجي وادخل الورق بالسكنر واستخدم برنامج المترجم بالفأره والله من الحيره صرت اسوي كذا لأني مو متعود اذاكر فترات طويله بس لاحد يسوي كذا ولا احد يقلد احد كل واحد له طريقه يفهم بيها احسن ولازم تتعرفون عليها يلا خلني اعطيكم كم نصيحة على الطاير مهم في سنه اولى انكم تتعلمون تقرأون من الكتاب وبشكل سريع وتحطون خطوط تحت الأشياء المهمه عشان يصير لكم مرجع سريع واذا تقدرون تعملون لكم ملخصات في نفس الوقت الي تذاكرون فيه ممتاز جدا لأن هذي كلها مهارات تتطور مع الوقت اذا تعلمت عليها من البداية بتتعودون عليها بعدين وقت الأختبار تقدرون تراجعون كمية كبيره من المعلومات في وقت قصير معظم اختبارات كليتنا اهي اختبارات سرعة يعني ما في وقت تتذكر والحل والوحيد لهذي المشكله انكم تتابعون كل يوم بيومه ولا تأجلون عمل اليوم للغد يعني الي بتذاكرونه ليلة الاختبار ما رح تقدرون تتذكرونه في اقل من دقيقة يمكن تلاحظون في بعض الأختبارات ان الأسئلة شي والي درستوه شي ثاني والحل لهذي المشكله انكم تسجلون الكلام الي ينقال في المحاضره وتقرأون الي مكتوب في الكتاب وقد ما تقدرون تكونون سؤولين يعني اسألوا الدكتور عن كل ش وقد ما تقدرون حتى عن الاختبار لا تستحون سألو يلا كان ودي اكتب لكم اكثر بس ربعي اتصلوا علي بنروح البحر نصيد ان شاء الله نكتب لك في اوقات ثانية الله يوفقكم لكل خير |
رد: ماذا تنصح طالبات الطب اخواتهن المستجدات
سلام عليكم
والله ما قصروا الاخوه بس حابه اقولكم كم شغلة في بداية السنه اول اسبوع ثاني اسبوع راح يصيبكم اكتئاااااب بسبب اختلاف طريقة الدراسة عن المدرسة بشكل كبير فا اصبروا ولا تتمللون من اول الاختلافات ان الدراسة راح تكون بالانجلش يعني في البداية راح تحسون بتعب كبير من هالمسالة لكن مع مرور الوقت راح يكون هالامر ممتع خصوصا في البيولوجي ومع الوقت راح بتكون عندكم حصيلة من المفردات لا باس بها فلا تسوون مثل بعض بنات احضروا اول محاضرة وكانت كيميا بالانجليزي وارتاعوا وانحاشوا اقصد انسحبوا مع مرور الوقت حتبقوا زي الساروخ في اللغة على قولة بعض الدكاترة ثاني شي اختلاف وقت الدوام يعني مو مثل المدرسة هالسنه راح تكونون مضغوطين شوي الدوام يبدا من الصباح مبكر وما ينتهي الا على الساعة 3 في اغلب ايام الاسبوع نفس الشي في البداية راح تتعبون بعدين بيكون الامر ايزيييي في المذاكرة هالسنه المواد العلمية اللي راح تاخذوها هي كيميا عامة وعضوية فيزيا واحياء وطبعا المعلومات اللي فيهم ماخذينها ومقطعينها بثنوي يعني ماكو معلومات جديدة معقدة بس مثل ما قلنا راح تدرس بانجلش طبعا ما بقول هملوا المواد الثاني وخلوا اهتمامكن بالبايلوجي بس ركزوا على مذاكرته اكثر لان معلوماته بتصير اكثر فبيكون من المرهق عليكم تكويمه وعدم مذاكرته اول باول اما الكيميا والفيزيا فبيكون سهل كثير الحين تعبت ان شاء الله في وقت لاحق بنرجع ونكمل |
رد: ماذا تنصح طالبات الطب اخواتهن المستجدات
دكتوور مرزوق مشكوووووووووووووووووووووووور ع الموضوع من جد أفادنا مرررررررررررررررة....
وكل اللي كتبوا لنا من تجاربهم جد ربي يعطيكم العافية يعني ماتتصورون شلون هونتوها علي ..بس أنا خايفة منشي واحد "الترجمة "أحس إنه بيضيع وقت وسمعت إن البنات ياخذون الخميس والجمعة ترجمة ... |
رد: ماذا تنصح طالبات الطب اخواتهن المستجدات
العفو اختي دفااا الروح
بالنسبة للترجمة ان شاء الله امرها سهل اول شي لازم تعرفين < بيقولون لكم في مادة القراءة بالأنجليزي > انه عشان تركز الكلمه في مخك وتتذكرها على طول انك تفهمها من سياق الكلام اذا ما قدرتي تفهمينها من السياق واظطريتي تترجمين طبعا لازم تختارين طريقة الترجمة الي ترتاحين لها كتاب القاموس وهذا مع الوقت بتقدرين توصلين للكلمه بسرعة المترجم الأكتروني في الكمبيوتر او الجوال وهذا لازم تتعلمين الطباعة على الكيبورد بسرعة عشان ما يضيع منك وقت تدورين الحرف بس انتبهي اذا بتذاكرين وانتي مشغله الكمبيوتر ليكون تشوفين صديقاتك بالمسنجر وتجلسين تدردشين معاهم وتنسين حالك دردشي معاهم مو مشكله بس على خفيف هههههههه :mh35: او تسوين مثل ما كتبت في ردي الأول كنت اصور الأوراق الي بقرأهم وبحتاج اترجمهم وبعدين ادخلهم بالسكنر واحولهم من صور الى مستندات وبعدين تصير الورقة الي بقرأها قدامي على الجهاز واي كلمه تصعب علي أءشر عليها بالفأره وتطلع لي الترجمه >>>>> مشوار صح اتمنى اني افدتك ان شاء الله اخواتك الطبيبات يفيدونك اكثر |
رد: ماذا تنصح طالبات الطب اخواتهن المستجدات
مشكور خيو مرزوق ع المعلومات ..
ومن ناحية الماسنجر لاتخاف ماعندي لاماسنجر ولا إيميل ولاغيروه أريح....ما أحس له داعي ... |
رد: ماذا تنصح طالبات الطب اخواتهن المستجدات
اقتباس:
و الله فللللللللللللللللللللللللللللللة عجبتني الطريقة ما شاااء الله على العبقرييييييية ههههههههههههههه بالنسبة لي أنا أوووول ويكند اووووووووووه بيتنا كللللللللللللللله يترجم يا زعم مؤازرة وجدانية :lllolll: و ما أخلص أترجم الصفحة الا انهددددد حيلي ما فيني حييييييل بعد اذاكر اللي ترجمته :lllolll: بس بعدييين تطوووورنا خلااااص و لله الحمد <<< الاخت بوكيموون خخخخخ شخصيا كنت أستخدم المترجم الالكتروووني ( أطلس ) <<< تسوي دعاااااية و كثييييييييير مريييييح و أنصحكم فيه ما أنصحكم ببرنامج الوافي لأنه محدوووود و ما أنصحكم بالمترجم الالكترووني ( المورد ) هو زوييين بس أنا ما ارتحت له الاطلس احسن منه ^^^ لا أحد يعلم اني قلت كذا على شركتهم و ربي يجووون يفقعووون وجهي كنا بالبداية اذا كانت الكمية اللي نذاكرها صعبة و كبيييييييييرة كنا نقعد قرووووب ستدي و كل وحدة مترجمة لها صفحتين و نقرا و نفهم مع بعض حبيبااااتي لا تسووون قروووب ستدي كبييير ترا يضيييييييع الوقت كثييير حدكم ثلاث بنااات و لا تسووون قرووب ستدي مع بنااات مررررررة كوووول و يحبووون السوالف و الضحك لان بتشوفووون الساعات تمر و انتوو ما مشيتووو حتى نص صفحة بالنسبة لي أنا ربعي كلهم مثلي ضحك و سواااالف فقررنا نووووووو قروووب ستدي مع بعض نتفرق أحسن و هذا هوووو الصح بس بعديييييين يا حبيبااااتي اذا تمكنتووو من اللغة ان شاااء الله ما أنصح بالقروووب ستدي حق مذاكرة أولييييييييه مرااااجعة بعد المذاكرة اوكي بس مذاكرة لااااااااا بيضيع وقتكم كثييييير لأن اذا تمكنتوووو من اللغة كلكم يصييييير الفرووووق بينكم فردية مو مسألة لغة يعني الشي اللي انتي تستوعبينه من مررررة وحدة ممكن غيرك تحتااااج تكرره مرتين أو ثلاث و لانك بقروووب لازم تلتزمين بالمجموووعة و بالتالي يضيع وقتك على شي انتي فاهمته ان شاااااء الله وصلتكم فكرتي معليش حبيبااااتي هي البداااية صعبة شوووي و التفهي بأول محاضرة لا بد منه :mh19: دكتووورة سووسووو ذكرتيني باللذي مضاااااا هههههههههههههههههه حتى أنا انحشت من أول محاضرة كيميا خخخخخخخخخخخ انا ما دخلت القاعة اصلا ... شفت الدكتووور رجال مصري متييييين و يشرح بحماااااااس :lllolll: خفت حييييييييييل و حطيت رجلي <<< الحمد لله و الشكر بس الحمد لله ما انحشت برا الكلية لا انحشت و رحت القاااعة الثااااانية مع اني مو منهم خخخخخخخ بعدييييييييييين صارت النحشااااات مع سبق الاصرااار و الترصد :lllolll: |
رد: ماذا تنصح طالبات الطب اخواتهن المستجدات
ممكن أسأل سؤال ....
كيف الإختبارات معكم يعني كل أسبوع كل يوم ؟؟كيف النظام ؟؟ وشكرا |
رد: ماذا تنصح طالبات الطب اخواتهن المستجدات
كل يوووووم ؟؟ قوووووية لا طبعا حبيبتي الاختباراااااات أسبووووعية و عاااادة كل يووم سبت يكووون عندك كويز لمااادة بحيث يكووون لك فرصة أسبوووع كامل بين كل كوويز و الثااااني و تظلووووون كذا الى نهاية السنة اعترضنا على هالساااالفة و كلمنا وكيلة الاقساااام عندنا لأننا كل خميس و جمعة الاهل يطلعووون و يستانسوون و انتي ماسكة لك كتاب تدرسي فيه على طووووول السنة لكن كل الحلووول اللي عرضتها أردى من اختباااارااات كل سبت هذا بالنسبة لي أنا بكلية الدمااااام مدري عن الحسا اذا بنفس الطريقة و لا تختلف يجابووونك طلاب الحسا بالتوووفيييق حبيبتي ساروووونة :love080: |
رد: ماذا تنصح طالبات الطب اخواتهن المستجدات
بالحسا مو شرط كل سبت اختبار
يعني نتفق مع مدرسين المادة على يوم معين يكون فيه الكويز اما عن الاختبارات راح تكون كثيرة بس يعني مو صعبة يعني مثلا الريدنق هذا ما يحتاج مذاكرة القرامر مجرد فهم القاعدات الرايتنق واليسننق ما يحتاج مذاكرة اذا وحدة حبت تقرا الكتاب قبل ما تدخل الاختبار يعني اللي مسوي زحمة اختبارات هو الانجلش مع ان مواده مو صعبة بس بالفصل الثاني راح تجيك مثلا مواد بالانجليزي تحتاج مذاكرة بس ممتعه شوي مذاكرتها اختي لاتحاتين بتتعودين وراح تمشي الامور مثل العسل :119: |
رد: ماذا تنصح طالبات الطب اخواتهن المستجدات
بالنسبة للحسا اذكر في سمستر جربوا معنا الطريقة الي تفظلت بها الأخت سارا لكن الطلاب اعترضوا فغيرت الكلية منهجها>>>> هذا على ايام العز يوم كان للكلية اذن تسمع فيها شكاوي الطلاب لكن اعتقد انها الحين اصيبت بالصمم فلا تتعبون حالكم تشتكون من اي شي
الأختبارات من سنه ثانية وانتي ماشيه راح يكون هناك اسبوع مخصص للأختبارات يعني ما فيه دراسة الا اذا في دكتور حاب يعمل كويز ثاني يحدد موعد مع الطلاب اعتقد ان هذي الطريقة مريحة يعني لا تخافي لا تخافي نحن ابطال المطافي ههههههههههههه اووووووووو يا عيال والله فله ايام ابتدائي |
رد: ماذا تنصح طالبات الطب اخواتهن المستجدات
صراحة مشكوورين ماقصرتو طمنتوني ...
الله يجزاكم خير... وكل ماطرا في بالي سؤال سدحته هنا خخخخخ |
رد: ماذا تنصح طالبات الطب اخواتهن المستجدات
اشكر الاخ مرزوق ع الموضوع
والاخوات الي افادونا بمعلوماتهم مع اني مو من طالبات الطب:g2: بس احس الموضوع يفيد الكليات الصحيه بشكل عام لكم جزيل الشكر:d5: |
رد: ماذا تنصح طالبات الطب اخواتهن المستجدات
مرحبا كيف الحال ,,,
بس حبيت أسأل عن الكتب إذا كان في مجال تقولون شنو اللي مهم ونركز عليه وأكيد في كتب مو مهمه ومالها داعي يعني الدكتور عطاكم عليها ملازم .. ممكن توضيح ,,,وشكرا , |
رد: ماذا تنصح طالبات الطب اخواتهن المستجدات
يا هلا اختي دفااا
ان شاء الله اول يوم مر عليك زي العسل وكل الأمور تمام بالنسبة للمواد والكتب اذكر انهم في سنتنا بدأوا يوزعون كتب الأنجليزي مجانا بس المشكله احنا كنا شريناهم يعني ما استفدنا كثير من السالفه هذي يعني لا تستعجلين تشترين كتب انجليزي والأفضل انك تسألين اذا بيوزعونهم عليكم او لا طبعا اذا ما راح يوزعونهم انتي مظطره تشترينهم >>>>>> خصوصا الأنجليزي ما ينفع تستخدمين كتب قديمه ومحلوله بالنسبة للبيولوجي يعتمد على الي بيدرسكم المادة اذا كان بيعطيكم محاضرات وملخصات او يبغاكم تعتمدون على الكتاب وفي هذي الحاله بتحتاجون تشترون الكتاب نصيحتي لكم حتى لو عطوكم ملخصات انكم تشترون الكتاب وتتعلمون تقرأون منه اول بأول عشان تتعلمون على القراءة من الكتب لأنكم طالبات طب ولازم تطورون مهارة القراءة لأنكم بتحتاجونها السنين الجاية بالنسبة للكيميا العامه والعضوية بعد انصحكم انكم تشترون الكتاب لأن لغته سهله وفيه امثله وشروحات كثيره تساعدكم على فهم المادة اذا ما فهمتوها من شرح الدكتور الفيزيا على راحتكم تبون تشترونه او لا لأني اذكر شرينا ملزمه صورة من الكتاب ولا استخدمناها اهم شي ان في الأختبارات تركزون على كلام الدكتور والملخصات الي يعطونكم ولا تشتتون انفسكم بالكتب انا اقول لكم هذا الكلام عشان تطورون مهاراتكم للسنين الجاية هذا الي اذكر من سنة اولى وان شاء الله زميلاتك يفيدونك اكثر |
رد: ماذا تنصح طالبات الطب اخواتهن المستجدات
إي والله أول يوم أحلى من العسل ,,
تسلم تسلم تسلم لبكرة أتعب أقول لك تسلم ,, عن جد طمنتني ,, الله يوفقك وتطلع أحسن دكتور ,,وتحقق اللي ببالك وتخترع إختراع,, |
| All times are GMT +3. الوقت الآن حسب توقيت السعودية: 01:17 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام