|
ياجماعة بخصوص الأعمال الفصلية
السلام عليكم ورحمة الله وبركاته
ياشباب ويابنات الله يعافيكم ساعدوني دخلت شيكت درجاتي شفتهم بس منزلين لي درجة الإختبار ومانزلوا لي درجات الأعمال الفصلية كلهم حاطين لي 0 في كل المواد شسالفة انا لو نزلو لي اياهم انجح ولو ضلت كذا ارسب وانا متأكد من الخارطة الأكاديمية اني حال كل شي الحمدلله شلون طالع لي 0 في النتيجة الله يخليكم شنو اسوي؟؟؟؟؟؟؟؟؟؟؟؟؟ |
رد: ياجماعة بخصوص الأعمال الفصلية
يمكن في ضضغط او شي استنى لبليل وان شاءالله كل شي تمام انا منقصيني 15 درجه في رياضيات مع اني مشيكة ومتاكده من كل شي تمام بس الحمدالله
|
رد: ياجماعة بخصوص الأعمال الفصلية
السلام عليكم انا نفس الحكايه كل الاعمال الفصليه 0 مع العلم اني متاكد اني حليتها كلها صح بالاضافه الا المشاركه ارفع تظلم.
|
رد: ياجماعة بخصوص الأعمال الفصلية
طيب غير الخارطه
متأكد إتك حملت المحاضرات وحليت الواجبات والمناقشات كلها ولا كنت مستعين بأحد غيرك |
رد: ياجماعة بخصوص الأعمال الفصلية
نورتي والله اختي سرينا والف مبروك النجاح. يعني انتظرهم؟؟
وحياك اخوي الشويش منور والله يعني حالتك زي حالتي بس بالله علمني كيف ارفع للتظلم لازم احدد مادة وحدة. |
رد: ياجماعة بخصوص الأعمال الفصلية
ياجماعه انا نفس السالفه حاطينها كلها صفر وش السالفة وراسب جميع المواد وش السواة
وكيف طريقة رفع التظلم |
رد: ياجماعة بخصوص الأعمال الفصلية
الخارطه الاكاديمية ماكانت مضبوطه فيها خلل لكن اذا انت متأكد من حلك ارفع تظلم اما اذا انت معتمد ع المكاتب في حل الواجبات والمناقشات يتم حذف الدرجات |
رد: ياجماعة بخصوص الأعمال الفصلية
اتوقع من اسباب نزول درجات المشاركه هي ان البعض يتم حل المشاركات والواجبات لهم عن طريق بعض مكاتب الخدمات الطلابيه او ان المشاركات لاكثر من طالبين عن طريق جهاز واحد ... وكان هناك تنبيه من قبل الجامعة بهذا الخصوص وانه سوف يتم الغاء درجات المشاركه لمن يرصد مشاركاتهم بهذه الطريقه .....
|
رد: ياجماعة بخصوص الأعمال الفصلية
ياجماعة والله أني حالها بنفسي من جهازي الأبتوب ؟؟؟؟؟ ولا رحت لا يمين ولا ويسار
|
رد: ياجماعة بخصوص الأعمال الفصلية
وش الحل ؟؟؟ تكفوووووون
انا محتار |
رد: ياجماعة بخصوص الأعمال الفصلية
لازم ترفعون تظلم عن طريق الخدمات الطلابية
|
رد: ياجماعة بخصوص الأعمال الفصلية
شوف لبكرة وان شاءالله تفرج على الجميع انا بفكر ارفع تظلم صراحه 15 درججه ناقصه لية وانا حاله كل شيي وتاكدت المشكلة والي قاهرني درجتين حملوني فيها رياضيات :(((
|
رد: ياجماعة بخصوص الأعمال الفصلية
بخصوص الصيغة ..اي صيغه تمشي اهم حاجة اختيار اسم المادة وموضوع الاعتراض=درجة المشاركة
مثلا: (درجة المشاركة) الإخوة الأعزاء عمادة جامعة الملك فيصل افيدكم و بعد الاطلاع على الدرجات الفصلية بوجود خطأ في احتساب درجات المشاركة لمادة الرياضيات1 و لمراجعتي السابقة والتأكد من إتمام جميع المشاركات من مناقشات وواجبات ومحاضرات شخصيا وبطريقة صحيحة تم رفع هذا التظلم آملاً \آملة تعاونكم كما عهدنا منكم بتعديل الدرجة وعكسها بالسجل الاكاديمي مع كامل الشكر و التقدير,,, |
رد: ياجماعة بخصوص الأعمال الفصلية
يوووة كده الصيغة انا كتبت صيغة طويلة عريضه بس بالعامية يعني بديت ب سلام وانتهيت بشكر وذكرت اسباب بيقبلووة ولااا لاااااا
|
رد: ياجماعة بخصوص الأعمال الفصلية
اقتباس:
|
رد: ياجماعة بخصوص الأعمال الفصلية
ان شاءالله انتا لا تحاول تتخيل اش كتبت ههههههههههه بس المهم اني كررت التظلم وكررت كم كلمة واهم حاجه قسسسم انو متاكدده كل شي تمام وشيكت من ضمن الكلام
|
رد: ياجماعة بخصوص الأعمال الفصلية
الوضع كذا مو تمام ابداً تخيلوا :- 😒 اقنعت زوجتي تسجل معي عشان نحمس بعض 😳 ولا هي يم الدراسه .. لا في حل واجبات ولا مناقشات ولا تنزيل محاضرات وايام الاختبارات انا اسهر واذاكر وزود على كذا اشرح لها واعطيها اللي احس انه مهم واركز لها عليه .. وهي ماخذة راحتها .. ( عايشه وضع المجامله ) عشاني قلت سجلي معي يعني ما فرق الموضوع معها 😔 ومع ذلك الاعمال الفصليه كامله ودرجات الاختبار اعلى مني .. 😒 وش تفسرون هالشيء .. ( ماني حاسدها😘 .. بالعكس هذا شي يضمن لي انها تتحمس اكثر وتواصل الدراسه معي ) هذا اللي خلاني اشك ان الآليه اللي ماشية عليها الجامعه عشوائية وما فيه حق يكفل الجهد بناخذه .. 😤 |
رد: ياجماعة بخصوص الأعمال الفصلية
منورين ياشباب والله يعطيكم الف عافية على نصايحكم لي بس انا بصراحة استخدمت جهازين في حل الواجبات والمناقشات وتنزيل المحاضرات.(جهازي بالمكتب وانا مداوم ، واللاب توب الخاص فيني) من طريق ذولي الجهازين حليت وبنفسي مارحت لا لمكاتب ولا خرابيط انا الي حال كل شي ومسوي كل شي بنفسي ومتأكد 100% من هالشي. انا برفع للتظلم بس كيف انا ابي اوضح لهم ان كل المواد نازلة صفر بس اهم محددين لي لازم اختار مادة وحدة بس ، اتمنى الإفادة بهالخصوص الله يرحم والديكم.
تقبلوا خالص تحياتي |
رد: ياجماعة بخصوص الأعمال الفصلية
اخواني في ملاحظة الي اهي طالبين مني معلومات مافهمت مقصدهم فيها وهي:
أكتب عنوان الدخول على الأنظمة مفصلا (اسم المكان , نوع المكان , العنوان بالتفصيل) ارجو المساعدة |
رد: ياجماعة بخصوص الأعمال الفصلية
اقتباس:
بس حسب طلاب في الاداب ايبي الجهاز اسم المكان=المنزل او مكتب العمل او استراحه و هكذا... العنوان بالتفصيل=المدينة و الحي عشان ترجع درجاتك لو ثبت ان مكانك ماهو مركز خدمات طالب او شخص قام بحل مناقشات لطلاب جماعيا بنفس الايبي او المكان و الحي... |
رد: ياجماعة بخصوص الأعمال الفصلية
والله انواع التخبطات بانظمتهم الشغله حوسه ومرهه ’
الله يعينكك وان شاء الله يقبلوو تظلمكك وتعدي يّ ربب ,:icon1: |
رد: ياجماعة بخصوص الأعمال الفصلية
الله يعطيك الف عافية اخوي فهد على الصيغة الي فوق وعلى التوضيح الأخير ورفعت انا التظلم الحين ووضحت لهم ان جميع المواد راصدين لي فيها علامة صفر بالأعمال الفصلية ووضحت بالضبط العناوين الي حليت فيها الواجبات والمناقشات ونزلت المحاضرات الي هم (مقر العمل - والسكن الخاص فيني بمدينة الجبيل الصناعية - وبيتنا بمدينة الأحساء إذا رحت بالويك اند)
جبتها بالتفصيل باقي شوي وارسم لهم خريطة عشان يدلون المواقع نشالله خير ونطلع بنتيجة معاهم والله اني حال كل شي بنفسي مارحت محل اصلاً والله ما أدري ان في محلات تحل نايبة عن الطالب مادريت عنها ألا بعد ماطلعت النتايج على العموم مشكورين جميعاً تقبلوا خالص تحياتي وبالتوفيق للجميع |
رد: ياجماعة بخصوص الأعمال الفصلية
اخيراً ولله الحمد ياجماعة تعدلت درجاتي وحطو لي درجات الأعمال الفصلية كاملة بس مادة مبادئ الإدارة حاطين لي 27 لكن ألف الحمدلله نجحت وعديت كل المواد وانصح باقي الطلاب الي عندهم مشاكل يرفعون تظلم لأني رفعت قبل نص ساعة بس ودخلت الحين وتعدلت درجاتي وعديت كل المواد وألف شكر لكل من وقف معاي وساعدني وقدم لي النصايح واقدر لكم وقفتكم يا أغلى الناس
تقبلوا خالص تحياتي القلبية وألف مبروك لكل الناجحين والي مانجحوا الله يعوضهم نشالله ويوفقهم |
رد: ياجماعة بخصوص الأعمال الفصلية
اقتباس:
أخ فهد إرفع تظلم لهم و إن شاء الله يفيدوك مثل أخ محمد وبالتوفيق ان شاء الله :icon19: |
| All times are GMT +3. الوقت الآن حسب توقيت السعودية: 07:38 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام