|
أرائكم ونصائحكم وفقكم الله
السلام عليكم
أخواتي وأخواني أحتاج أرائكم أنتهيت من المستوى الثاني ولله الحمد تخصصي لغة أنجليزية دخلت هذا التخصص حب ورغبة شديدة فيه وأمنيتي أتعلم اللغة مايعيقني أولا ~~لايوجد عندي أي أساسيات للأنجليزي ولا اي خلفيات او ممارسه له ثانيآ -- مسؤوليات البيت تقريبا لايوجد فراغ عندي الرغبة والحب فقط وأنا من النوع اللي يحفظ هل تنصحوني أكمل أو أغير تخصصي أخاف أوهق عمري بهذا القسم بحكم وصولكم إلى هذا المستوى ماذا تنصحوني فيه ؟؟ وفقكم الله وأسعدكم في الدارين |
رد: أرائكم ونصائحكم وفقكم الله
اكتساب لغة اخرى يحتاج مجهود كبير وماهو سهل جدا صعوبة انت اللي تحدد طموحك ومستواك واللي ترغب فيه بالتوفيق لك |
رد: أرائكم ونصائحكم وفقكم الله
وفقك الله
وينكم مارديتوا ؟؟؟ |
رد: أرائكم ونصائحكم وفقكم الله
صراحه اهو قسم متعب يبي ترجمه وحفظ وفهم لكن انا اقول استخيري وتوكلي علي الله
|
رد: أرائكم ونصائحكم وفقكم الله
حلو واذا عندك الخحب بيكون سهل
|
رد: أرائكم ونصائحكم وفقكم الله
شوفي اختي ام نورس اذا انتي من النوع اللي يتفشل ويتحطم من حمل المواد مانصحك تجي للتخصص اما اذا كنتي من النوع اللي مايتحطم وعنده عزيمة ويحقد على المادة اللي يحملها ويتخلص منها باول ترم قادم له او بأقرب فرصة تتاح له فانصحك ادخلي التخصص طبعا الكلام اللي فوق اقصد فيه بأسواء الظروف والا التخصص ماهو شين واسهل بكثير من تصورك له |
رد: أرائكم ونصائحكم وفقكم الله
.........................................
باذن الله ..مدام عندك الحفظ حلو ماشاء الله....بتمشين باذن الواحد الأحد..لأن اغلب موادنا حفظ.. ربي يوفقك ويسهل امرك.. ......................................... |
رد: أرائكم ونصائحكم وفقكم الله
اذا ماتعرفين شي ابد يعني لا حروف ولا كلمات ولا شي
نصيحة لاتدخلين وتضيعين فلوسك ووقتك خذي لك دورة انجليزي للاساسيات احسن من تدخلين على عماها انا دخلت وخلفيتي بسيطه باللغة بس كنت احاول اتعلم على الانترنت ومن اليوتيوب وهذا الي سهلها لي الحمد لله والقسم اعتبره متوسط مو صعب |
رد: أرائكم ونصائحكم وفقكم الله
اذا ما عندك اساسيات انصحك تاخذي دورة مكثفة مهما كانت تكلفتها المادية
اما اذا ما عندك لا اساسيات ولا وقت فانصحك نصيحة اخوية تغيري تخصصك لاقرب شي وتابع لكلية الاداب و هو علم اجتماع لانه بنفس الكلية و بكذا ما راح يحذفون عليك شي من السنة التحضيرية هذي نصيحتي و رأيي الشخصي والله يوفقك |
رد: أرائكم ونصائحكم وفقكم الله
امممم شوفي مافي شي صعب على ربنا سبحانه انتي تحددين هل تقدرين ولا لا عندك عزيمه واصرار ولا تتكاسلين اذا الثانيه ومع المشاغل والبيت والظروف اللي ذكرتيها ماانصحك تتخصين انجليزي الانجليزي يبيله حفظ وفهم وترجمه ماتجين وقت الاختبار ولا قبله بأسبوع تذاكرين وتبين تنجحن صعبه ! بالنسبه لي مع انو عندي خلفيه عن الانجليزي ماحسه صعب ولا سهل بس يحتاج مجهود ومتابعه اول بأول استخيري ولاتنسين محد طلع من بطن امه فاهم وعارف |
رد: أرائكم ونصائحكم وفقكم الله
التخصص يحتاج الرغبة والحفظ وبالنسبة لوضعك كربة منزل تحتاجين فقط ترتيب وقتك من بداية الترم وتخصصين للمذاكرة وقت معين من البداية حتى تسهل عليك المراجعة ايام الاختبارات وانتي ادرى بوقتك وقدراتك و اذا عزمتي فتوكلي على الله ,,,
|
رد: أرائكم ونصائحكم وفقكم الله
وفقكم الله وأسعدكم مشكورين
|
رد: أرائكم ونصائحكم وفقكم الله
انا اقول كممملي
وشدي حيلكككك |
رد: أرائكم ونصائحكم وفقكم الله
دام عندك الحب والرغبة انصحك تدخلين
لأنك اذا حبيتي حاجه بتبدعين فيها وبالتوفيق |
رد: أرائكم ونصائحكم وفقكم الله
انا دخلت ولغتي جيدة وبمقاييس معاهدهم ببرطانيا متوسط متقدم
لكن من العام الترم الثاني بدأت المواد تتصعب علي واحيانا اشوف كلمات لاتينه وكلمات انكليزية وتعبيرات ومصطلحات لأول مرة تمر علي لا ادري كيف انت بتدخلين تخصص لغة اجنبية وماعندك لها ع الأقل مباديء بالذات ان الدراسة بالطريقة هذي (اإنتساب المطور) تعتمد عليك % استخيري والله يوفقك |
رد: أرائكم ونصائحكم وفقكم الله
كيف كان أدائك في مواد اللغة الإنجليزية إلى درستيهم في المستوى الأول والثاني
إذا جبتي فيهم درجة حلوة وقدرت تستوعبي المواد بشكل جيد فتوكلي على الله ليس مطلوب منك هنا أن تبلعي اللغة الإنجليزية بما فيها فقط مابين جلدتي المذكرة هو المطلوب اتمنى لك التوفيق |
| All times are GMT +3. الوقت الآن حسب توقيت السعودية: 07:45 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام