![]() |
فزعتكم : أسهل مواد للمستوى الخامس ؟
مساء الخير أخواني وخواتي الله لا يهينكم أبيكم تنصحوني وش أسهل ثلاث مواد في مستوى خامس محتار بينهم :mh12: |
رد: فزعتكم : أسهل مواد للمستوى الخامس ؟
اعتقد للجميع
الاعمال الالكترونية تسمى مادة معدل من سهولتها |
رد: فزعتكم : أسهل مواد للمستوى الخامس ؟
يعطيك العافية ابو لجين أحتاج انزل 3 مواد ومحتار ايهم الاسهل؟
|
رد: فزعتكم : أسهل مواد للمستوى الخامس ؟
الاكترونيه وفقه السيره النقود والبنوك
|
رد: فزعتكم : أسهل مواد للمستوى الخامس ؟
اقتباس:
ماتقارن مادتي "إدارة الأعمال الإلكترونية" وَ "فقه السيرة" بـ مادة "النقود والبنوك" :139: مادة النقود والبنوك تحتاج يومين الواحد يركز فيها لأنها دش وفيها مواضيع متصلة ومتقاربة بالكلمات لكن بالمقاصد مختلفة جذرياً ، والجميع شفتي كيف مرتبك ومتردد بإختبار هذي المادة :mh12: |
رد: فزعتكم : أسهل مواد للمستوى الخامس ؟
صحيح كلامك وبس والله شفتها اهون من الدوليه والسلوك والعمليات مدري ليه يمكن عشان المحتوى قليل
اصلن كلها مواد خامس دش ومعلوماتها تخربك |
رد: فزعتكم : أسهل مواد للمستوى الخامس ؟
اخوي كل المواد ما بين السهلة والمتوسطة لكن يبغالها مذاكرة من بدري شوي |
رد: فزعتكم : أسهل مواد للمستوى الخامس ؟
ماعاد فيه سهل .... بعد اختبار السلوك والعمليات لا وبعد من قرادتي اخذت هالترم مبادئ التوريدعند د جهاد عفانة . والله طلعت وانا اقول الله يذكر د سملالي وعيسى حيرش بالخير .... من الاخر ماعاد فيه سهل .... بالتوفيق للجميع |
رد: فزعتكم : أسهل مواد للمستوى الخامس ؟
عاد أنا نزلت مع مواد المستوى الخامس مادة من المستوى السابع :icon120: إسمها " الإدارة الإستراتيجية " :verycute:
تخيلوا كل محتوياتها الـ14 تتكلم بس عن الإستراتيجيات ، يعني كل محاضرة تتكلم عن إستراتيجية معينة وتتفرع منها إستراتيجيات وكل وحدة لها أنواع وخصائص وووووو بإختصار إنتبهوا منها يبغى لها جلسة خاصة هالمادة ، وعاد هذي العبارة "إستراتيجية" قليلاً مانتداوله في مجتمعنا وبيكون المصطلح هذا شوي غريب نسبياً على البعض غير الي يشتغلون في المؤسسات الكبيرة ولها إدارة إسمها إدارة الإستراتيجية :53: |
رد: فزعتكم : أسهل مواد للمستوى الخامس ؟
حبيبي انت جاي تدرس اليوم او بكره راح تاخذها لو ظروفك الترم هذا تسمح اخذ المواد الدسمه عشان ترتاح منها الترم الجاي ولا هي معك الين تاخذها وتخلص نفسك وخل تفكيرك ايجابي ولا فيه شي يصعب عليك
|
رد: فزعتكم : أسهل مواد للمستوى الخامس ؟
:007:
النقود والبنوك و القانون التجاري ماراح انزلها لانها بنفس اليوم عندي التحليل الاحصائي وفقة السيرة خلصتها بالصيفي اللي محتار بينهم (السلوك التنظيمي وادارة العمليات و ادارة المعرفة والاعمال الالكترونية والنظم المتكاملة) والله احترت وجدولي :(177): |
رد: فزعتكم : أسهل مواد للمستوى الخامس ؟
امممممممم اخوي ادارة اعمال الالكترونيه سهله جداً لان من الـ أ : أحمد الشعيبي
ممكن يتغير السمستر الجاي الله اعلم بالنسبه لأداره عمليات وادارة دوليه نفس مستوى الصعوبه .. بس من وجهة نظري افضل ادارة العمليات بالتوفيق لك وكل الي بتختاره بيكون خير لك ان شاء الله |
رد: فزعتكم : أسهل مواد للمستوى الخامس ؟
المستوى 5 عطفاً على أسئلة هذا الترم
الالكترونية وفقة السيرة والنقود أسهل من الدولية والسلوك والعمليات |
رد: فزعتكم : أسهل مواد للمستوى الخامس ؟
بالنسبه لي كانت كل المواد سهله وممتعه الا النقود والبنوك
|
رد: فزعتكم : أسهل مواد للمستوى الخامس ؟
كلها سهلة لا تشيل هم انت فلها الحين و بعدين ربك يحلها
|
رد: فزعتكم : أسهل مواد للمستوى الخامس ؟
الاكترونيه وفقه السيره النقود والبنوك |
رد: فزعتكم : أسهل مواد للمستوى الخامس ؟
.. إذا تبي نصيحتي امش حبه حبه لاتطير لمستوى سآدس وَ تبلش .. مثل إدارة المعرفة ومدري إيش امش ع الخطه تصير آنتيكه :(204): ، صدقني .. إدارة العمليات = مآدة جميلة بصرآحة ماكان يجيب مسآئل في المستويات المآضية وَ جآبهآ لنآ ، جآب أسهل شي احفظ التجمع حقنآ بمفضلتك وَ فصفصه لاسجلت المقرر <~ أنصح بتسجيل العمليات بقوه الكترونية = أجمل وَ أجمل ، و مآدة معدل من الدرجة الأولى عن نفسي مسكت آختي وَ فحطت بهآ لين دآخ راسهآ يوم طلعت :biggrin: نقود وَ بنوك = يكفيك شرح الدكتور تبارك الرحمن وَ محاضراته ماتاخذ وقت طويل بالكثير 35 دقيقة أسئلته مباشرة ، سهلة ، مآفيهآ غرابيل اللف والدورآن :sm5: إدارة دولية = تشيب الراس ، لأن المحتوى مش مترابط وَ الدكتور أحسه مآقدر يوصل لنا المعلومة اللي يبيهآ لو شفت شرحه تقول مش مقتنع باللي هو يقول ، لكن بمعنى مجمل الدكتور محمد جيد وَ يحرص على الطلاب يخليك غصب تتشجع تشد على عمرك ، كذا التمسته من اسلوبه الله يخليه :004: أسئلته كآنت تكرار بشكل متوسط لأسئلة الأعوآم المآضية يبقى لك سلوك = إذا أنت من النوع اللي يفهم بدون حفظ ، فالله يعينك عليهآ :sm5: حنا ماتقبلنآ مسألة الحفظ بصرآحة عشآن كذا دقرنآ شوي وفوقهآ سملالي الله يهديه خيبهآ معنآ :(177): الدفعآت السابقة كآنوا بالعكس يمدحونه ، بس حنآ وجهه أقشر علينآ :bawling: عموماً مقررات خآمس مرتبطة ببعضهآ شوي اللي تقراه بالنقود ، تلاقيه بالدولية ، واللي تقراه بالدولية ، تلاقيه بالعمليات مستوى خآمس سهل لآتحآتي / مب مثل رابع أبد بس حنآ نآس نشقى بزيآدة :sm5: وَ نفصفص الدكآتره فصفصه أبد تقل عجز مجتمعين عند مضنيه :biggrin: شد ع حيلك ولا تحتآر ، امش على الخطة وَ تصير انتيكه :(204): القدرآت تختلف ، وَ الظروف تختلف برضو / الله يوفقك وَ ييسر أمرك يارب بالتوفيق ياقوي :rose: |
رد: فزعتكم : أسهل مواد للمستوى الخامس ؟
نصيحه اخويه نوع سهل مع صعب كل ترم افضلك قل ليش لانك رايح تاخذ الموادكلها يعني لاتبلش في الاخير كلها مواد صعبه موفق خير |
رد: فزعتكم : أسهل مواد للمستوى الخامس ؟
باختصار / المواد كلها نظرية وتحتاج للمذاكرة من بدري
لأنها مواد دسمة ومعلوماتهم كثيرة .. |
رد: فزعتكم : أسهل مواد للمستوى الخامس ؟
لي 3 سنين بالجامعة
اقتنعت ان مافيه ماده سهله او صعبة سهولتها وصعوبتها تعتمد على دكتور المادة نفسه بلالي مثلاً ,, يدرس مادتين من اسهل مواد الجامعة ,, مهارات اتصال وتسويق ومع ذلك جاب فينا المطمه ,, مهارات اتصال خسفت بي المعدل وتسويق اختبرتها ذا الترم ولا ادري بنجح فيها او لا بسبب تعقيده حسبي الله عليه الزبده ركز على الدكتور اكثر من المادة بس عموماً خامس اسهل بكثير من رابع الله لايعيده |
رد: فزعتكم : أسهل مواد للمستوى الخامس ؟
متى يبدء تسجيل المواد للترم الجديد
|
رد: فزعتكم : أسهل مواد للمستوى الخامس ؟
اقتباس:
كنت بقول نفس رده بصراحه المواد بالذات بهالترم سهله مايبي لها كل هالتعقيد الي صار من صياغة الاسئله والسلوك التنظيمي بالذات من المواد الي حبيتها قبل الاختبار وكرهته عقبها،، |
رد: فزعتكم : أسهل مواد للمستوى الخامس ؟
طيب نبي نعرف هل كواد المستوى الخامس لا يوجد بها تعارض في جداول الاختبارات
|
رد: فزعتكم : أسهل مواد للمستوى الخامس ؟
نصيحتي امش على خطة كل مستوى زي ماهي موجوده وبالنسبة لمستوى خامس هو اسهل مستوى بين كل المستويات اللي قبل خذ كل مواده اللي بالخطه تقريبا كل المواد فيه نظري والمسائل اللي فيه اما بسيطه او درسناها قبل وأنا أأيد رأي new life بأنه سهولة وصعوبة أي مادة تعتمد على الدكتور نفسه |
رد: فزعتكم : أسهل مواد للمستوى الخامس ؟
شباب انا معدلي طايح تسرحت واخذت مواد غير مستواي مثل ( السلوك التنظيمي ) وجبت فيه العيد ونجحت بمعدل 65 من 100
حاليا معدلي طايح 2.75 حاب اخذ 3 مواد ترفع المعدل اذا احد يفيدني اكون شاكر له :( |
رد: فزعتكم : أسهل مواد للمستوى الخامس ؟
ادارة الاعمال الدولية وإدارة الاعمال الإلكترونية
|
رد: فزعتكم : أسهل مواد للمستوى الخامس ؟
فقه السيرة
|
رد: فزعتكم : أسهل مواد للمستوى الخامس ؟
كله سهل صراحة
بس سهل بمذاكره طبعا |
رد: فزعتكم : أسهل مواد للمستوى الخامس ؟
السلام عليكم
حابه اسالكم اقدر اخد النقود والبنوك مع القانون التجاري ولا لا وسمعت ان اختبارهم في نفس اليوم |
رد: فزعتكم : أسهل مواد للمستوى الخامس ؟
اقتباس:
|
رد: فزعتكم : أسهل مواد للمستوى الخامس ؟
خذها نصيحه نزل المستوى الخامس كامل ممكن العمليات والدولية تتعبك شوي بس انه بصراحه مترابط والى بيشد مارح ينزل عن a في كل المواد
|
رد: فزعتكم : أسهل مواد للمستوى الخامس ؟
اقتباس:
|
رد: فزعتكم : أسهل مواد للمستوى الخامس ؟
فقه السيره. إلكترونيه. نقود وبنوك
وإذا بتذاكر من بدري دوليه |
All times are GMT +3. الوقت الآن حسب توقيت السعودية: 06:42 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام