|
ماعرفت اذاكر اللي يدخل يواسيني بدعيله
السلام عليكم ورحمة الله وبركاته
تراي ماقصرت درست كل اللي قالته ام جهاد وشيء اخر لين دخت بس مو مستوعبه شي موفاهمه :sdfgdsf::sdfgdsf: رجعت لموالي اغيب عن الماده ماحظر الاختبار :sm1::sm1: |
رد: ماعرفت اذاكر اللي يدخل يواسيني بدعيله
وعليكم السلام
والله مثلك ورايح فيها شكلي بجيب عذر طبي وخلاص |
رد: ماعرفت اذاكر اللي يدخل يواسيني بدعيله
اقتباس:
لا لا تغيبيب ولا عذرر ولا شي توكلي على الله وركزي على النظري اللي محدد بلون موف عند ام جهاد وبعض العملي اللي خش مخك وباذن الله بتتوفقين انا مثلك تماما بس بسوي هالطريقه والله بيوفقنا --احسن الظن بالله --- |
رد: ماعرفت اذاكر اللي يدخل يواسيني بدعيله
الهروووب مو حل
الحل انك تتعوذين من الشيطان وتاخذين النماذج حقت الاختبارات السابقه وتراجعينها كلها وتقرينها زين وتحفظين الاجابه وبكذا تكونين شبه مذاكره وشوفي موضوع المذاكره الجماعيه حق الاله الحاسبه امسكي ورقه وقلم وافتحي الفيديو الموجود بالصفحه وابدأي مع الاستاذ اللي يشرح تعرفين اشلووون تطلعين الانحراف المعياري والوسيط الحسابي عالاقل تضمنين لك كم درجه هرووووووبك مو حل والله يا اني تعبااانه تعب مايعلم به الا الله واني ماسكه المضادات وخافضات الحراره ومصابه بإجهاد فضيع ومرشحه وزمزية الزنجبيل جنبي اذاكر شوي و اوقف شوووي وعندي بنت سهرانه ويبي لها عنايه ورعايه وعندنا عزاء بعيد الشر عنكم بس مافكرت اهرررب من الاختبار لانه جبن وضعف يلا قوووومي قدامك 11ساعه يمديك تراجعين اكثر من نمووووذج ووتوكلين على الله وتختبرين |
رد: ماعرفت اذاكر اللي يدخل يواسيني بدعيله
الجزء النظري اتوقع انه سهل جدا ، والدكتور يحط عليه تقريبا 11-13 سؤال كل اختبـآر ..
يعني يبقى تقريبـآ 10 اسئلة عملي ع النجاح ،! واللي لاحظته انه يجيب كم سؤال سهله يعني هدايا والباقي يكون ع التباين والوسط الحسابي و الانحراف .. ششدوآ الهمه نبي نطلع من الأختبـآر وحنا مستانسين و يمر هـ الترم على خير ") |
رد: ماعرفت اذاكر اللي يدخل يواسيني بدعيله
اقتباس:
هي وررااااك وراااك افتك منها الحين احسن لك والدكتور مايغير الارقام واحفظ نظري يمدي ان شاء الله الله يوفقنا جمميع |
رد: ماعرفت اذاكر اللي يدخل يواسيني بدعيله
اقتباس:
أعـــــتقد هـ الرد كـآفي ، الله يرحم متوفاكم ي أختي ، و يقومك بـ السـلآمه |
رد: ماعرفت اذاكر اللي يدخل يواسيني بدعيله
بنت رجل اخت رجل يابنت الرجال الكفو ادخلي وانتي قدها وقدود
مووفقة |
رد: ماعرفت اذاكر اللي يدخل يواسيني بدعيله
صلوا ع النبي
للمره الألف أقول الإيحاءات السلبيه هي إنتحار للمعنويات , الهدوء مطلوب وإدخلي الكويزات وحليها وكرري بداخلك إنك بتعدي هذه المادة السهله وأنا أضمن لك بإذن الله إنك بتطلعي من الإختبار ضامنه درجة النجاح #كلنا _ بنعدي _ إختبار _ الإحصاء |
رد: ماعرفت اذاكر اللي يدخل يواسيني بدعيله
مستحيل احد من دفعة المتهورين يقول مثل هالكلام
يقول الشاعر من يتهيب صعود الجبال يعيش ابد العمر وسط الحفر وانتي عاد بنت رجل واخت رجل لايردك الا السحاب استغلي ماتبقى من الوقت وان شاء الله ان امورك في النور |
رد: ماعرفت اذاكر اللي يدخل يواسيني بدعيله
يا رجال تذكر ان هاليوم هذا اخر يووم وربي تتحمس
وعلى فكره وش قصه دفعة المتهورين ما سبب التسميه ؟؟ |
رد: ماعرفت اذاكر اللي يدخل يواسيني بدعيله
خللك مثلنا متهووووووره ، التهور شعارنا ، والمعنويات عالية شدي الهمه وهالله هالله بالأبتسامةوأنتي تحلين
|
رد: ماعرفت اذاكر اللي يدخل يواسيني بدعيله
الله يجزاكم خيررررررررررررر
وجعل الجنه مثواي ومثواكم مو قادره افتح عيوني افكر احط لاصق نفس توووم وجيري الله يسقي ذيك الايام كل ماحاولت اتهرب دخلتوا واهديتوني يارب ياكريم يوفقني وياكم وباذن الله بكره الكل داخل يشكر هالنجار |
رد: ماعرفت اذاكر اللي يدخل يواسيني بدعيله
سبب تسمية دفعة المتهورين بهذا الأسم هو بأختصار من بداية الدفعة الثانية ناخذ موادنا نفس بعض صعب سهل المهم تاخذها تاخذها ههههههه ، وبعدين تكون لها تبعات حلوه حلول ومناقشات بين الأعضاء ومن هذا القبيل ، (يعني) وبأختصار أشد أمممم اللي ماهو عارف رياضيات ياخذ المادهواللي مايحب يحفظ ياخذ بعد الماده!
|
رد: ماعرفت اذاكر اللي يدخل يواسيني بدعيله
اهااا >>> مررره فهمت ههههههههههههههههه\
برب نوووووووووووم |
رد: ماعرفت اذاكر اللي يدخل يواسيني بدعيله
لا تفهمين احفظي طريقة الحل واحفظ الأرقام
وبتمشي إن شاء الله لسة باقي وقت للحفظ |
رد: ماعرفت اذاكر اللي يدخل يواسيني بدعيله
وين ملخص ام جهاد بطل عليه ع السريع بشوف النظري لاهنتو
|
رد: ماعرفت اذاكر اللي يدخل يواسيني بدعيله
اذا جيت بطلع الوسيط تشبك معي في مخي طريقة التخصيص المباشر دخلت ام ام المحاسبة في الاحصاء هل عندكم تداخل في الفيوزات مثلي ؟؟؟؟؟؟؟ الفرق بين العقل والجنون شعره وانا وربي باااقي ابغى مخي ولكن الى الامام _ لا رجوووع _ اختبار يعني اختباار معي الملالالالايين من المتهورين (ثوووورة الاحصاء) هيا بنا نختبر ونحتفل بالعيد سويتاً ياتجي بالطيب ياتجي بالذراع |
رد: ماعرفت اذاكر اللي يدخل يواسيني بدعيله
انا بعد مثلك بس اللي مصبرني
مقولة : تفاءلوا ا خيرا تجدوه والله سبحانة قال انا عند حسن ظن عبدي بي فإذا ربي وربك ورب الناس اجمعين قال كذا توكلي علية واو من افكر ذا التفكير يعطيني قوة غير طبيعية والله اني اكتبلك وانا ما خلصت المادة الله يسر كل ماهو عسير ان شاء الله |
| All times are GMT +3. الوقت الآن حسب توقيت السعودية: 04:03 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام