|
شرح بسيط على بعض الجزئيات في اساسيات المحاسبه يمكن يفيدكم
1 مرفق
قال في ظل طريقة التخصيص المباشر يبغى نصيب قسم التجميع من قسم الافراد
على طول وبدون تفكير نختار عدد الموظفين كاساس نروح لعدد الموظفين ونجمع جميع اقسام الانتاج تقطيع 400 +تجميع 300+تشطيب300=1000 بعد ماجمعناهم ناخذ 300 حقت قسم التجميع ونقسمها على العدد الكلي 1000=0،3 العدد 0،3نضربه في تكاليف قسم الافراد 40000=12000 طيب في الفقره اللي بعدها طلب نصيب قسم التشطيب من قسم الصيانه دام طلب الصيانه بدون تفكير نختار ساعات الصيانه كاساس نروح لقسم الانتاج ونجمع قسم التقطيع 2500+قسم التجميع 1500+قسم التشطيب 1000=5000 ناخذ التشطيب 1000 ونقسمه على العدد الكلي اللي طلعناه 5000=0،2 ناخذ 0،2ونضربها في تكاليف قسم الصيانه 35000=7000 وبكذا انتهينا من طريقة التخصيص المباشر ولو جا وقالك في ظل طريقة التخصيص المباشر يبغى نصيب قسم الصيانه من قسم الأفراد او العكس وش نقول له نقول اقسام الخدمات في ظل هالطريقه ماتستفيد من بعضها للرد بقيه .... |
رد: شرح بسيط على بعض الجزئيات في اساسيات المحاسبه يمكن يفيدكم
1 مرفق
في ظل طريقة التخصيص التنازلي فإن نصيب قسم التقطيع من تكلفة الصيانه
طلب نصيب التقطيع من الصيانه في هذي الحاله لازم قسم الصيانه يستفيد من القسم اللي قبله بما انوا في طريقة التخصيص التنازلي اقسام الخدمات تستفيد جزئيا من بعض كيف تستفيد يعني قسم الصيانه لازم ياخذ نصيبه من قسم الافراد طيب لو قال نصيب قسم التقطيع من قسم الافراد وكان بعده الصيانه في هالحاله مايستفيد قسم الافراد من الصيانه ونسوي العمليه عاديه اي قسم في ظل طريقة التخصيص التنازلي يستفيد من القسم اللي قبله ولا يستفيد من القسم اللي بعده هنا طلب نصيب التقطيع من الصيانه طيب الصيانه لازم تاخذ نصيبها اول من الافراد نروح عند عدد الموظفين وناخذ قسم الصيانه 250+قسم التقطيع 400+قسم التجميع 300+قسم التشطيب 300=1250 نرجع ناخذ 250حقت الصيانه ونقسمها على العدد الكلي اللي طلعناه 1250=0،2 ناخذ 0،2 ونضربها في تماليف قسم الافراد 40000=8000 نجمع 8000مع تكاليف قسم الصيانه 35000=43000 خلاص هالحين قسم الافراد براااا نسحب عليه 😂 نرجع هالحين للسؤال الاساسي طلب قسم التقطيع هالحين قسم الصيانه مبسوط اخذ حقه من قسم الافراد😎 نروح ساعات الصيانه وناخذها كاساس ونجمع التقطيع 2500+التجميع 1500+التشطيب 1000=5000 هالحين ناخذ 250حقت قسم التقطيع ونقسمها على العدد 5000=0،05 الخطوه الاخيره 0،05نضربها في نصيب قسم الصيانه الجديد اللي هو 43000 =21500 وبكذا طلعنا نصيب قسم التقطيع من الصيانه طبعا طريقة التخصيص الاجمالي سهله نجمع جميع تكاليف الخدمات ونوزعها على الاقسام لوطلب نصيب كذا من قسم الافراد ناخذ عدد الموظفين في كل اقسام الانتاج ولو طلب قسم الصيانه ناخذ ساعات الصيانه |
رد: شرح بسيط على بعض الجزئيات في اساسيات المحاسبه يمكن يفيدكم
يعطيك العافية
هذا سهل نبي الأشياء اللي بعده ;) |
رد: شرح بسيط على بعض الجزئيات في اساسيات المحاسبه يمكن يفيدكم
الله يعطيك العافيه
|
رد: شرح بسيط على بعض الجزئيات في اساسيات المحاسبه يمكن يفيدكم
1 مرفق
نجي هالحين للمحاضرة الثانيه عشر
هنا لو جا في السؤال وقال نقطة التعادل بالوحداااااات بكل بساطه ناخذسعر بيع الوحده 15وننقصها من التكلفه المتغيره للوحده 15-11=4 ناخذ التكاليف الثابته 22000ونقسمها على 4=5500 يعطينا نقطة التعادل |
رد: شرح بسيط على بعض الجزئيات في اساسيات المحاسبه يمكن يفيدكم
1 مرفق
طيب هنا قال مبيعاااااات التعادل انتبهوا لصيغة السؤال
وش نسوي ناخذ 40-25=15 نقسمها على 40=0،375 وفي كل سؤال يقول فيه مبيعاااات التعادل نسوي نفس الطريقه هالحين نأخذ التكاليف الثابته 45000ونقسمها على 0،375=120000 وبكذا طلعنا قيمة مبيعات التعاد ومثل ماقلت انتبهوا لصيغة السؤال في النهايه وش يطلب |
رد: شرح بسيط على بعض الجزئيات في اساسيات المحاسبه يمكن يفيدكم
يعطيك العافيه شرح ممتاز
بس سؤال التخصيص الاحصائي هو نفسه الاجمالي ؟ في عندي نموذج اختبار مكتوب هالطريقه |
رد: شرح بسيط على بعض الجزئيات في اساسيات المحاسبه يمكن يفيدكم
1 مرفق
هنا صيغة السؤال لتحقيق ربح مستهدددددددف
نسوي نفس الطريقه اللي فوق ناخذ سعر بيع الوحده 12وننقصها من التكلفه المتغيره9= 3 ناخذها ونقسمها على 12نفس الطريقه =0،25 هالحين ناخذ التكاليف الثابته11000 ونجمعها مع قيمة المبيعات اللازمه لتحيق ربح مستهدف 9000 =20000 ناخذ 20000ونقسمها على 0،25 =80000 |
رد: شرح بسيط على بعض الجزئيات في اساسيات المحاسبه يمكن يفيدكم
1 مرفق
شوفوا نفس طريقة السؤال اللي قبل قال لتحقيق ربح مستهدف
بس هنا يختلف الحل كيف ؟وليه للمره العاشره ركزوا على صيغة السؤال هناقال كميييييييية المبيعات لتحقيق ربح مستهدف وفي السؤال اللي حليته قبل قال تبلغ قيمة المبيعات اللازمه طيب نحل السؤال 60-40=20 لاحظوا هنا مارجعنا قسمنا 20على 60 لانه قال كمييييه وماقال قيمة مبيعات طيب نكمل التكاليف الثابته 30000+70000=100000 نقسم 100000 على 20=5000وحده وبكذا نكون خلصنا المحاضرة 12 ممكن يطلب نقطة التعادل وممكن يطلب قيمة مبيعات التعادل وممكن يطلب قيمة المبيعات اللازمه لتحقيق ربح وممكن يطلب كمية المبيعات لتحقيق ربح وكل سؤال شرحته بطريقتي الخاصه حتى ابسط لكم 💋🌹 |
رد: شرح بسيط على بعض الجزئيات في اساسيات المحاسبه يمكن يفيدكم
اقتباس:
التخصيص الإحصائي هو التخصيص التبادلي وهذا حذفه الدكتور بالتوفيق |
رد: شرح بسيط على بعض الجزئيات في اساسيات المحاسبه يمكن يفيدكم
يعطيك العافيه
عندي استفسار متي نضيف قسمه سعر البيع الي القانون عندي لخبطه في القسمه اجي الي قانون عائد مساهمه الوحده = سعر البيع _ التكلفه المتغيره للوحده الان مرات نزيد عليها قسمه سعر البيع ؟ |
رد: شرح بسيط على بعض الجزئيات في اساسيات المحاسبه يمكن يفيدكم
اقتباس:
لما يقول في نهاية السؤال. ماهي قيمة مبيعات التعادل أو تبلغ قيمة المبيعات اللازمه لتحقيق ربح سعر البيع -التكلفه المتغيره /سعر البيع ولوقالك في السؤال نقطة التعادل او الكميه اللازمه لتحقيق ربح سعر البيع -التكلفه المتغيره للوحده ومانرجع نقسم هنا بالتوفيق |
رد: شرح بسيط على بعض الجزئيات في اساسيات المحاسبه يمكن يفيدكم
الخبط في التحميل التقديري والفعلي كيف الحل اذا طلعت الناتج ما اعرف اكثر من الازم او اقل من الازم
اذا عندكم حل ساعدونا الله يرضى عليكم |
رد: شرح بسيط على بعض الجزئيات في اساسيات المحاسبه يمكن يفيدكم
تسلمين وضحت الصورة
|
رد: شرح بسيط على بعض الجزئيات في اساسيات المحاسبه يمكن يفيدكم
ﻗﺎﻣﺖ ﻣﺼﺎﻧﻊ اﻷﻟﺒﺎن اﻟﻮﻃﻨﯿﺔ ﺑﺎﻟﺘﺄﻣﯿﻦ ﺿﺪ اﻟﺤﺮﯾﻖ ﻋﻠﻰ ﻣﻌﺪات اﻟﻤﺼﻨﻊ ﻟﻤﺪة ﺛﻼث ﺳﻨﻮات وذﻟﻚ ﻓﻲ ١٤٣٢
- ١ -٩ ﺑﻤﺒﻠﻎ وﻗﺪرة ١٨٠٠٠ رﯾﺎل وﻓﻘﺎ ﻟﻤﻔﮭﻮم اﻟﺘﻜﻠﻔﺔ واﻟﻤﺼﺮوف ﺗﺒﻠﻎ ﻗﯿﻤﺔ اﻟﺘﻜﻠﻔﺔ ﻓﻲ ٣٠ - ١٢ - ١٤٣٢ :- ٢٠٠٠ - ٦٠٠٠ - ٨٠٠٠ - ١٦٠٠٠ - هذي مافهمتها من يفهمني اياها |
رد: شرح بسيط على بعض الجزئيات في اساسيات المحاسبه يمكن يفيدكم
اقتباس:
مو في الخطوه الأخيره تاخذين التكاليف الفعليه -من التكاليف المحمله (اللي طلعتي حلها قبل) على طول حتى من قبل تطرحينهم من بعض بتعرفين من ارقامهم وين اللي اكبر من الثاني إذا كانت التكاليف الفعليه اكبر من المحمله لما يطلع الناتج نكتب محمله بأقل من اللازم ولما تكون التكاليف الفعليه اقل من المحمله لما يطلع الناتج نكتب محمله بإكثر من اللازم المختصر حتى من قبل ماتطلعين الناتج تقارنين بين الفعلي والمحمل |
رد: شرح بسيط على بعض الجزئيات في اساسيات المحاسبه يمكن يفيدكم
اقتباس:
طيب هنا قالك لمدة 3سنوات يعني عندنا هنا 36 شهر والتأمين ابتدا من 9/1 يعني السنه هذي باقي فيها 4 شهور المبلغ اللي تبعها يسمى مصروف عندك 18000نقسمهم على 36شهر =500. نضرب 500 في عدد الشهور المتبقيه 4=2000 هذي تعتبر المصروف حق هالسنه باقي لنا التكلفه اللي طلبها ننقص المصروف 2000من 18000 =16000 هذي هي التكلفه بالتوفيق |
رد: شرح بسيط على بعض الجزئيات في اساسيات المحاسبه يمكن يفيدكم
أي العناصر التالیة یعتبر تكلفھ أولیة: - التأمین ضد الحریق على مباني المصنع - أجر عامل تقطیع الخشب في مصنع الأثاث- أجر مشرف عمال الإنتاج ٦) تعتبر تكلفة إیجار معارض البیع : - تكلفة إنتاجیة - تكلفة فترة - تكلفة تحویل - تكلفة أولیةليه اختارو تكلفه فتره وموجود في ملخص امثله على التكاليف انها تكلفه ثابته الاسئله اللي من هالنوع مافهمت لها كيف افرق وماهي واضحه في ملخص امثله على التكاليف ؟؟وش الحل الله يجزاك خير |
رد: شرح بسيط على بعض الجزئيات في اساسيات المحاسبه يمكن يفيدكم
الله يعطيك العافيه اخت مصطفى
|
رد: شرح بسيط على بعض الجزئيات في اساسيات المحاسبه يمكن يفيدكم
اقتباس:
يسمح لي صاحب الموضوع بجاوب .. العقد لمدة 3 سنوات يعني 36 شهر اقسم 36 شهر على مبلغ التأمين 18000 يطلع شهريا 500 ريال قال وقعنا في 1/9 يعني بداية رمضان من 1/9 الى 30/12 نهاية السنة يعطينا 4 أشهر يعني استخدمنا كـ (مصروف) 4 أشهر فقط 4*500 =2000ريال استخدمناهم من اصل 18000 ريال كم باقي من تكلفة التأمين ؟ باقي 16000 ريال وبكذا الجواب 16000التكلفه واضح ؟ ويمكن يجيب السؤال عكس يطلب كم المصروف ع طول قل 2000 هذا اللي صرفناه خلال مدة العقدلآخر السنة المحاسبية وبكذا تكون وضحت مسألتين لك وبالتوفيق |
رد: شرح بسيط على بعض الجزئيات في اساسيات المحاسبه يمكن يفيدكم
مشكوررررررررررررررررررين ماقصرتو
|
رد: شرح بسيط على بعض الجزئيات في اساسيات المحاسبه يمكن يفيدكم
اقتباس:
|
رد: شرح بسيط على بعض الجزئيات في اساسيات المحاسبه يمكن يفيدكم
الله يوفقكم جميعاً وبالذات أخت مصطفى شرح ولا أروع |
| All times are GMT +3. الوقت الآن حسب توقيت السعودية: 09:23 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام