للاطلاع لاللتعليق
 

السلام عليكم ورحمة الله وبركاته

يازملاء .....

الموضوع ومافيه عندنا مجموعه اول مايدخل المنتدى يدخل على موضوع مادة الاختبار وثم جلس يكتب عبارات محبطه بشكل تخلي الواحد يزود احباطه او اذا كان مستسهل الماده يشك انه غادي واذا جا تصحيح الاسئله تلقاه اول واحد ويقول ماعندي الا خطأ خطأين مايصير كذا يااخوان فلذلك واحنا بنص المشوار خلونا متفائلين شوي معلومات المواد متكرره حشو كثير مايخفانا ان بها شوية صعوبه وتبي جهود ونفسيه مضغوطه كلها اربع اختبارات ونودع هالجامعه بخيرها وشرها ونصفط عفشنا وكلن يمشي في حال سبيله والسلام ختام.


يمكن آخر موضوع لي بالمنتدى من غير شر :sm12:

رد: للاطلاع لاللتعليق
 

كلامك منطقي جدا جدا جدا

وان شاءالله مانفقد هالووجة قل أمين

رد: للاطلاع لاللتعليق
 

ياخوي السنيدي كلامك على عيني وراسي ومن جد في ناس تستخدم في البداية اسلوب الترهيب وهذه ماله داعي
لكن عندي تعليق ثاني

احيان يصير كلام ينرفزك يخلي الصخر يتفتت

يعني يجيك واحد ليلة الاختبار ويطبع نموذج الاختبار ويقراها وبعد مايطلع من الاختبار يبتدي الصراخ والعويل وسب في الدكتور طيب هذا وش نقوله وش نرد عليه ؟؟؟
لما يجي واحد ويقول علي غلطه او غلطتين مو قصده تباهي ويحبط الباقي بس مسكين حب يفرحنا بنتيجته يصير في نظر البعض مغرور وشايف نفسه ويبتدي بالغلط مايصير كذا:000:

رد: للاطلاع لاللتعليق
 

لا اتعارض معك بكلامك ولكن وجهة نظري هي :

نحن هُنا عائلة . بمسمى الدفعة الثالثة للتعليم عن بعد
حتى لو تفرقنا بعد التخرج

وكل عائلة تحمل من الشخصيات ما يختلف عن الأخرى
ولكن يبقون بالنهاية عائلة
يبثون افراحهم واحزانهم لبعضهم البعض

فلنتحمل بعضنا مهما كانت الاوضاع

وسلامتكم

رد: للاطلاع لاللتعليق
 

بما أني في سبات الشيبان

و دايم أجي في الوقت الضايع


الا أنو اللي تقولون صحيح

رتويت لكل اللي قلتوه

رد: للاطلاع لاللتعليق
 

كلامك صح الصح :sm12:
والشاطر اللي يذاكر من قبل مو يوم الإختبار يجي يدعي ع الدكتور !!
ترى ماجاب الا من الكتاب فذاكروا جزاكم الله خير حتى لو تجيبون العيد مثلي :biggrin:

إلا متى يخلص الشتاء ..؟ :bawling:

رد: للاطلاع لاللتعليق
 

كلك نضر ابوالفواصل ماشفتك هالترم انت فينك:biggrin:

لا لا يارغد الي يقول خطا خطاين مايحطمني ابدوالله اتمناله ازود والله

لاكن الي يحطمني الي يجي يقول تعقدت والله صعبه مادري ايش من هالكلام الي تخبرين

خصوصا وحنا وصلنا لتاليها ولا يخفيك ان نأثر ونتأثر من بعض

يعني مافيه اصعب من الفسيولجي واجتزناه بالتشجيع والتعاون احترامي:106:



اذا ماتحملتكم الوايت يحملكم لاتخافين:biggrin:

وجهة نضر واحترمها:106:


اهلين ياصخر عسى الدراهم رجعت:biggrin:

خليك نايمه مابقى شي ونقعدك


الا ليه ماغيرتي الصوره :017::106:

رد: للاطلاع لاللتعليق
 

الله يستر من التصميم


< مافيهم طب


مابقى الا القليل شدو حيلكم. 💪

رد: للاطلاع لاللتعليق
 

تصميم الدروس صعب ومخربط ولو تجلسون اسبوع ماقدرتو تحفظون النقاط:017:

























امزح امزح كل شيء تمام ومع المذاكره والتركيز ماشيء صعب بس ركزو :lllolll:

كﻻمك عين العقل يالسنيدي فيه ناس يحبون يكبرون المواضيع ويعقدون الشغله

كيف البرد عندكم بالشمال اذا حنى بالرياض شوي ونتجمد كيف انتم

رد: للاطلاع لاللتعليق
 

انا معك بكلامك لكن الغلط الاول والاخير انك تسمع لهذول المحبطين
انا من دخلت للجامعه وانا اشوف تعليقات مثل كذا ,,, محبطه لابعد حد واذا ذاكرت الماده حصلتها سهله
الطالب/ـه المفروض يطّلع على الانطباعات للطلبه السابقين ولكن مايأخذها بالحسبان لا فيه فروق فرديه
والصراحه ماهي فروق فرديه قد ماهو اهمال وكسل لان الواحد منهم مايذاكر الا ليلة الاختبار او اسئلة الترم الماضي


حراااااااااااااااااااااااام عليك ياشيخ وشو نص المشوار :71:

رد: للاطلاع لاللتعليق
 

:biggrin:كلام سليم يامداويه
وبالنسبة للشتاء مايخلص الاهو ماصعن قلوبنا مصع:biggrin:

:017:
حيالله هدوء هانت هانت بس نبي هالاسبوع يعدي

وين غاطسه:(269):
اشوا انك تمزح ولا بغيت اطق:007:

حياك الله ياخالد البرد طارحنا طرح ماترفع راسك وان قربت للدفاية نمت:000:

:106:
حياك الله شوق ملزوم ان اسمع منهم ناس معهم من زمان وتعرفهم من بداية المشوار بالنسبه لي ايبالله اسمع منهم

وكلامك سليم ونص المشوار :biggrin:لفترة الاختبارات:106:

رد: للاطلاع لاللتعليق
 

وينك يالسنيدي عنهم من زمان هلكونا ورب البيت

تلاقيني من وجهه نظري الماده عاديه ادخل المنتدى تصعب الماده بوجهي ووتسود الدنيا

وواعلق بالماده مااقدر اخلصها الا قبل الاختبار بنص ساعه والسبب

الاحبببببببببببببببببببببباط و بثهم لطاقاتهم السلبيه وياخدو

طاقاتنا الايجابيه < كش عليهم هههههههه

من جد ياتقولو شي يرفع المعنويات ويحفز وتتساعدو في الاشياء اللي يبي لها تركيز بدال ماتقولو صعب ومطبات ومدري وشو


ياتسسسسسسسسسسسسسسكتون لاتقولو صعب ماصعب

للي طول الوقت يحبطك يحبطك اشوفه يجيب فل مارك ~_~

عساك ع القوه يالسنيدي الموضوع برد قليبي زمان ودي اتكلم بس خفت من ردود افعال البعض

رد: للاطلاع لاللتعليق
 

كثر الله من امثااالكك ي اخوي

شوق يقصد بنص الاختبارات:71::71:

رد: للاطلاع لاللتعليق
 

الله يوفقك ويوفق الجميع
ويجمعنا ربي بالجنة

>>ماتحب طاري الوداع :(

رد: للاطلاع لاللتعليق
 

هذا زي مصطفى ما بعرفش مابعرفش وتلاقيه الاول

رد: للاطلاع لاللتعليق
 

كفو كفو والله هذا الكلام اللي يرد الروح قسم انا نفسك لماابي ادخل على الملتقي الا مااخاف من الماده وكاني مافتح الماده ولا شفتها ابد :000::oao:

رد: للاطلاع لاللتعليق
 

كلام سليم

عني انا اخذ المفيد وارمي ورا ظهري كل احباط

بالاخير هذا ملتقى يعتبر تنفيس عن مشاعرنا واحباطاتنا التعليميه

رد: للاطلاع لاللتعليق
 

من الحييييييييين نبي يفتحون لنا قسم للخرجين :16.jpg: منو قال بتفلون عنا ماكو ماكو فكه :017:

رد: للاطلاع لاللتعليق
 

بصراحه كلامك وكلام رغد الشرقيه وشوق وسوسه والغالب صح


وكأني اشوف مأساه الفسيولوجي كثير قالوا صعبه ومن قبل الاختبارات حتى فاتحين موضوع ويتذمرون
حاولت ادفعهم واجتهد وغيري حاول اكثر لكن الطاقات السلبيه كانت اقوى بكثثثير والنتيجه
حصل ماحصل ...


فعلا حنا زملاء وعشرة الكترونيه 4 سنين نتأثر ببعض مهما حاولنا العكس فيه نسبه وتختلف من شخص لاخر ..

رد: للاطلاع لاللتعليق
 

عافاك الله ياوسوسه
الموضوع ماهو الا عتب بيني وبين اخواني وكلهم يقبلون الشرهه والمصلحه لنا كلنا في النهايه

وامثالك الطيبه:106:

والله اكره الوداع خصوص (ن) اني تعرفت على ناس قمه في التعامل

لكن جمعنا النجاح ويفرقنا النجاح :106:
الله يوفقه ويوفنا:106:

الله يعين :106:

من صالحك تقرطين ورا ضهرك مار بلاك الي كل تعليق موايقنبه :biggrin:
ابد ابد تنفيس وناس نحترمهم :106:

والله معرفتكم مكسب كيف لا وهو كله تعاون وإخاء وناس طيبه شرواك يارغد وشروا الي يقرا:106:


والله من كثر ماتحطمت بالفسيولوجي توقعت احملها لاكن جت على مانتمنى لله الحمد

لك احترامي وتقديري ياوجود:106:

رد: للاطلاع لاللتعليق
 

مع ان موضوعك مو للتعليق بس معليش بعلق :sm12:

بصراحه من دخلت الجامعه شفت اصناف غريبه عجيبه والله العظيم هالثلاث سنوات ورتني العجب العجاب


ووالله العظيم من خلال تجربه شخصيا

صياح ونياح بعد الاختبار وسب ووو اخر شي تجيب 100 او اي بلس ليش طيب هالمسلسل؟؟ماشاء الله تبارك الله

اوك بالتوفيق كلنا هنا اجتمعنا نفيد بعض وحركات الابتدائي ومن ياخذ الاول خلاص تركناها


او يجي يوم الامتحان تحلف انها مافنتحت شي وانها فيها وفيها ودعواتكم ....واحيان خلاص ماراح اختبر منهاره ماذاكرت

وتجي هنا تحل كل الاسئله؟؟

خايفه من العين مثلاا اوك لا تكذبين منتي مجبره ولا احد سألك بس حركات النص عقل عيب كبرنا خلاص عليها

او اختلفت مع بنت بحل سؤال واصرت ع اجابتها والله العظيم اشوف الشماته اليوم الثاني اذا غلطت بأي سؤال ليش كذا ؟؟انصحك تتعالجين عند طبيب نفسي والله

يمكن موضوعك فتح لي اشياء كثير بس بالاخير لازلنا نسلك لبعض الشخصيات المريضه عشان نرتاح

نسأل الله لهم الشفاء العاجل

:(269):

رد: للاطلاع لاللتعليق
 

امين عاجلا غير آجل ..

بس ماشفت بدفعتنا هالشيء .....

يخزي العين عنا وحوالينا الحمدلله بفضل من الله .. حتى اللي يجتهد خطأ يشكر لاجتهاده ويناقش ..

حنا بس يقولون لك ( الماده صعبه ) ووتقفل بوجهك :29::24:

رد: للاطلاع لاللتعليق
 

صح كلامك يالسنيدي .. :(304):

الحمد الله في هذا المستوى اخوه واخوات متعاونين الله يجزاهم كل خير ..... ربي يسعدهم ...

كل الشكر والتقدير لهم نستفيد من ايجابيتهم وتنافسهم الجميل في كل ماده ... :16.jpg:

اسال الله التوفيق للجميع باذن الله ...

رد: للاطلاع لاللتعليق
 

كلامكم كله حلو بس ما تلاحظوون ان هالابداع في الكتابات هالجميله نابعه من الذكاء اللغوي ولا طلعت الا بعد مادة تصميم الدروس ..
انا من وجهة نظري حنا تعودنا على مثل تصريحات بعض هالاخوة يعني مو جديد علينا وهذا نتيجة ضغوط نفسية داخلية بسبب بعض الأختبارات .
لكن بما اننا على مشارف نهاية سنوات جميلة بحلوها ومرها عديناها وكسبنا اخوه واخوات تمنياتي لهم بالتوفيق والنجاح في حياتهم .

رد: للاطلاع لاللتعليق
 

من باب الزماااااالة عن بعد ابشركم الامور الى الان تمام التمام و ان شالله مهنا الا السهل والخير تفائلو واستبشرو باالخير والربيع احس طلع مني غبار من زمااااان ما شاركة فااااااااااالكم النجاح واتخرج والتوفيق بحياتكم

رد: للاطلاع لاللتعليق
 

:biggrin::biggrin:صادق في كل كلمه انا صراحه فتحته اول محاضرة حلوه وقاعد اذاكر شحليلي شوي دخلت هنا وليتني مادخلت كلن يقول صعب وصعب وجيت ابي اذاكر المحاضرة الثانيه هنق مخي يقول صعب
يالله الله يعين
الا عندي لكم سالفتن منتازه ودي اصبر لبعد الاختبارات بس ما من صبر وخاف اقول الحين يقولون تشتتين عقول الطلاب
المهم بقولها بموضوعك يالسنيدي علشان تجي بوجهك ان كان به خناق:biggrin::biggrin:

هي سالفه يمكن عاديه ويمكن قديمه مدري <<ياذي السالفه اخلصي :biggrin:
المهم انا قبل فتره منيحه مدري كم بالظبط بس حدود سنه تسلطت على موقع الدراسات العليا بجامعة فيصل
وقريت الشروط وتحطمت انهم مايقبلون الا انتظام واللي تعبني اكثر مافيه الا ماجستير توجيه وارشاد وسكتت
قبل يومين جاتني دفعة امل وفتحت مره ثانيه موقع الجامعه من رابط في موضوع مدري وشهو وادخل الا المفاجأه
كاتبين الشروط ان يكون متخرج بدرجة بكالوريس من جامعه معتمده بتقدير جيد جدا ولا حددو انتساب ولا انتظام :71::71::71:
والاقسام لقيت ماجاستير تربيه خاصه :71::71:وصعوبات واشياء ثانيه :71::71:
هل السويلفه صحيحه والا انا احلم ردو علي ولاحد يخنقني :000::000:

رد: للاطلاع لاللتعليق
 

اختبار دنيا
درجات دنيا

رد: للاطلاع لاللتعليق
 

اخوي السندي وكل الي علقوا كلامكم جميل ، والحمد لله مثل ماقالت وجود ما لاحظت هالشيء بدفعتنا ، الله لايغير علينا



بس مايقهرني ويرفع ضغطي ويحطممني الا المنتدى العام كل موضوع تحطيم اكثر من الثاني
لو أنا اقدر أغلق مواضيع كان أغلقتها كلها :mad:

رد: للاطلاع لاللتعليق
 

هلا بك اختي ولله كلامك في الصميم تدرين هالشاكله ذول ودي اعبي بركت مليانه تيزاب وارميهم فيها

الحمدلله على كل حــآل ..هآنت..
مآبقى لنآ غير آسبوع والوجه من الوجه أبيــض..:16.jpg:

رد: للاطلاع لاللتعليق
 

الحمد الله أني معكم في الدفعه الاخيرة وبس

رد: للاطلاع لاللتعليق
 

::::::::::


ههههههههه


ماعلى العقاب من دبّي الجراد.


كفك يالسنيدي ✋

رد: للاطلاع لاللتعليق
 

والله ان مادت بكرة مملة وتجيب المرض خل عنك بس هههههههههههههههههههههه

الله ييسرها يارب وتجي اسألة اختبارات بكرة نسخة من الاختبار السابق لأن الدكتور أسئلته بايخة خخخخخخ

معليش على الاحباط بس دايما المحبط يحبط اللي حوله .. بعد علم النفس الفسيولوجي صرت اعذر المحبطين

رد: للاطلاع لاللتعليق
 

لا هنت
يا راعي الوايت ،،،، الله لا يجيب تحطيم ويكثر الايجابيه




الوايت محجوز للتخيم

رد: للاطلاع لاللتعليق
 

يعطيك العافيه اخوي

وموفقين يارب اللي تحلطم واللي ماتحلطم

ياليت بعد التخرج مانترك الملتقى نطل عليه كل فتره وفتره كلكم اخوان وخوات عزيزين علي

اللي بيتخرجون هالترم يطلون علينا الترم الجاي لايخلون

الله يوفق الجميع وين ماراحوا :16:

رد: للاطلاع لاللتعليق
 

اربع اختبارات وتصفط عفشك وتخلي اخوك يناكخ الجدران بروحه ليش هي بكيفك مايصير تنتظرني

ماتطلع الا رجلي على رجلك
































لا لا امزح الله يستر عليك ويوفقك واتمنى تكمل المشوار مثل مااتفقنى انا وياك بالاول

الله يهدي الفريدان اللي نكبنا وماجملها

رد: للاطلاع لاللتعليق
 

اهلين ياصخر عسى الدراهم رجعت:biggrin:

خليك نايمه مابقى شي ونقعدك


الا ليه ماغيرتي الصوره :017::106:



عساك ما تروح ماراحـ(هن)


:bawling:

لآ تنسوني أنا اللي راح أطفي ليت المستوى و أسكر الباب


الصوره أصليه :sm4:

هي اللي راح تخرجني علي أيدينها

:019::106:

رد: للاطلاع لاللتعليق
 

لاعلقي ماني رادك الي تكلمتي عنهم يبدي الخوف وهو مذاكر عادي رهبت الاختبار وخوفه من العين مبرر العين حق والكتمان مشروع للمسلم الاستعانه به اما تحلف انها مافتحته وتطبق الدرجه مشكله طيب تعالي او تعال عقب هالمذاكره اكتبلك عباره تشجيع معلومة توقع تجي والثاني والثالث بكذا تكون نفعت برفع معنوية زميلك الي جاي للمنتدى كانه يبيك تشجعه خذ بيده ياخي وشجعه مانت خسران شي
:biggrin:
دفعتنا والله ياوجود دفعه محترمه اخوه كرام فقط اخرج من هالمنتدى مثقل بالمواقف الرائعه والمعروف الذي لن انساه ابدا ولتسمحيلي وليسمح لي الجميع بهذا الرد ان اتوجه بشكري الجزيل الذي لن يصل الى جهدها التي لطالما قدمت وقدمت ولن تنسى او تفرق بين هذا من قسمنا او من غيره او مريض او بعيد لم تخلق فروقات بين زملائها
وجهود لاتحجبها الشمس بسم الله ماشاء الله اسأل الله ان يرزقها من خير الدنيا والاخره اختي القديره (بيشو):106:

نونا لاشفتك اتذكر سوما:biggrin:
حياك الله تختفين واجد اهم شي انك طيبه ومثل ماتفضلتي اخوه لامثيل لهم اشكرهم جزيل الشكر:106:

حياك انتي معرفك يجيب التفائل شكرا لك اختي والله يجيب الخير والربيع فالك مايخيب ان شالله ابتسمي:biggrin::106:
:017:نذاله بس تدرين مايخالف مسموح واذا في هوشه ابي اتحملها وش نسوي نصبر عليكم للآخر عزيزين
والله يارضا ربي غايتي لاولن ولم التفت لكل مايقال فقط مؤمن بقول الله تعالىى (َوفِي السَّمَاءِ رِزْقُكُمْ وَمَا تُوعَدُونَ * فَوَرَبِّ السَّمَاءِ وَاْلأَرْضِ إِنَّهُ لَحَقٌّ مِثْلَ مَا أَنَّكُمْ تَنطِقُونَ}


تفائلي :017:
ومرينا لاجت الشهايد نبي نشوف شهادتك الضاهر انك خايفه من :wink::106:

من ذوقك الله يجزاك خير

سهله لاتفتحينه لانه محبط وبعد ماشفت تعليقك دخلت عليه من جد احباط:106:



وجهك ابيض يالمترفه :106:

نفس الشعور :106:

كفوك الطيب اهلين بالعذب الله يجزاك خير من طيبك:106:
:017:بغيت اطق
آمين صدقيني بتجي مرضيه باذن الله وليثق الجميع بالاحباط لن نتقدم:106:
الوايت بعد التخرج باذن الله مقدم هدية للمستوى السادس لان من غير شر تاخذنا ددسن مامعنا كتب:biggrin:

مادري لو تلقينا نتبيطح مانطلع لاكن الاغلبية متخرج :106:

اشوا قلت هذا وش بلاه علي:biggrin:
دعيتلك مع آخر ساعه من الجمعه الله ييسرها وان شالله معنا مايبقى غير التطبيق:106:

ابشري بالعوض والله يعوضك خير ترا مامزح الى مع الي يعطيني وجه:biggrin:
الله يوفقك ويسهل امرك والصوره ان ماغيرتيها ازعل عليك ومااعطيك ورده:S_45:

رد: للاطلاع لاللتعليق
 

[QUOTE


ابشري بالعوض والله يعوضك خير ترا مامزح الى مع الي يعطيني وجه:biggrin:
الله يوفقك ويسهل امرك والصوره ان ماغيرتيها ازعل عليك ومااعطيك ورده:S_45:[/QUOTE]


العوض برآسك

:53: < يـا عقـآلي

لآهنت


تحت أمرك كل الوجيهه بس ما أدش المنتدى والله الا وقت الاختبار :sm5:

الورده لا تعطيني أياها الا اذا نجحت

لاني هالكورس جايبه العيد وهو مخلص :139:



< أحس انا الوحيده في المنتدى اللي مو شايله هم هالماده


:(284):

رد: للاطلاع لاللتعليق
 

كلامك ميه ميه يالسنيدي


بيض الله جهك وعسى الناس اللي يشوفون كلامك وينطبق عليهم اتمنى تغيير اسلوبهم للافضل

رد: للاطلاع لاللتعليق
 

يعطيك العافيه اخوي . والله يوفقنا جميع

رد: للاطلاع لاللتعليق
 

:d5::d5::d5: صدقتي في كلامك والله :love080:

رد: للاطلاع لاللتعليق
 

العوض برآسك

:53: < يـا عقـآلي

لآهنت


تحت أمرك كل الوجيهه بس ما أدش المنتدى والله الا وقت الاختبار :sm5:

الورده لا تعطيني أياها الا اذا نجحت

لاني هالكورس جايبه العيد وهو مخلص :139:



< أحس انا الوحيده في المنتدى اللي مو شايله هم هالماده


:(284):[/QUOTE]
تسلمين ووردة النجاح ابي اجيبها لك ديدحانة من الشاضي <<<<<ههههههه ماتعرفينها

وجهك ابيض الله يوفقك ويوفقنا لمايحب ويرضى:icon1:

يعافيك ياراعي الخبر وشلون جو الشرقية عندكم برد:icon1:

رد: للاطلاع لاللتعليق
 

والله يالسنيدي كلامك عين العقل :d5:
وانا الحمدلله لي ترمين ماصرت اخذ على الكلام الي ينقال من اشخاص قله
لاني جربت في الاترام الي قبلها وقريت وسمعت كلام ييحبط من معنوياتنا ويحطمنا والنفسيه تصير بسابع ارض
ومن ادخل الاختبار اشوف شي ثاني الحمدلله
فيه اشخاص يتصرفون تصرفات غريبه عجيبه الله يهديهم
ولو هالاشخاص القله مبدئهم في حياتهم ( حب لأخيك ماتحب لنفسك ) كان احنا بألف خير وعافيه ...

وهذي لك يالسنيدي ولكل شخص متفائل وايجابي :love080::106:

رد: للاطلاع لاللتعليق
 

يابو متعب ما اتخبر العربجه
هنا تعريفها السلبي ):
طاقه زايده يتم توفيرها هنا

رد: للاطلاع لاللتعليق
 

ياهلا ابوسيف :

طاقه تفائل اما طاقة تحطيم مانبي تكفينا طريف وحبايبها:biggrin:

الله يسعدك الا ماقلتلي وشلون اختباركم تصميم الدروس تقل تأخرت :000:

رد: للاطلاع لاللتعليق
 

الا أعرفـها
:106:

رد: للاطلاع لاللتعليق
 

الله يسلمك من حسن ذاتك وكرم اخلاقك :106::106:

والله فيه امثله عندنا طيبه........كثير.
من حبه للخير بس مايختبر عنك الله يحفضهم ويجزاهم عنا خير
اما مبدئ حب لاخيك ماتحب لنفسك حمدلله موجود عندنا ومن سماتنا هالسمه كيف لا ويد الله مع الجماعه
كم مره ادخل المنتدى والقى الاخوان يذاكرون ويونسونا بجمعتهم ويتساعدون واذكر اختبارات كثيره اجتزناها بفضل
الله وتواجدنا هنا والتفائل مطلوب (تفائلو بالخير تجدوه ) كنت باختبارالفسيولوجي بعد ماصليت العصر واقف جنب باب الدخول للقاعات وهو يجيني مراقب قال ياولد ماينفع قرايتك هالوقت توكل على الله وقط الي انت تقرا انا بلشان وقلت هذا متفضي كنت ناوي اقرالي محاضرتين بالقليل قبل ادخل ...وسمعت كلامه ثم قال قال تعالى‏:‏ ‏{‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ} فعملت بلآيه وتوفقت بالاختبارحمد لله
لروحك الطيبة :106:

رد: للاطلاع لاللتعليق
 

كفو يابدوية هههههه:106::106:

رد: للاطلاع لاللتعليق
 

تحسب الشمال لك بروحك




و اللي عليه مادتين بكره وش يسوي :(


الاستيراجيات كيفها معكم

< قلبت الموضوع شات

رد: للاطلاع لاللتعليق
 

الله يحييك وشدي حيلك من هنا للمغرب ذاكري الي فترتها الثانية

وبعدها امسكي حقت الفترة الاولى وبين الفترتين اسئله فقط لان الوقت مايسع الا للاسئله

والاستراتيجات تقصدين الاعاقة العقلية اطلعت عليها سهله جدا معلومات قديمه فقط استرجاع او محاكاة او نمذجه:biggrin:

رد: للاطلاع لاللتعليق
 

ربي يسهلها

:106: