|
الممرضات ونظرة المجتمع
مساء الخير
شلونكم وشخباركم؟؟ في موضوع شاغلني من فترة وقلت اناقشه معاكم بحكم اني انقبلت في التمريض وهالشي ولله الحمد ماسبب لي اي مشكلة الا اني لاحظت انه كثار وكثار من افراد المجتمع مو بس يكرهون الا يحتقرون الممرضات السعوديات وهناك كثار من الشباب مايحب تكون زوجته ممرضة !!!!!! طيب شنو السبب؟؟ وشنو رايك بهالوجهة النظر ؟؟؟ وهل انتم مع ولا ضد هالتفكير ؟؟؟ بالنسبة لي اشوف التمريض فيها خدمة انسانية كبيرة واحس اغلب الممرضات يغلب عليهم طابع الحنية والحنان وحتى الدوام الي في الليل فأن الممرضات السعوديات مستثنينهم من هالدوام اتمنى اشوف آرائكم في هالموضوع مع تحياتي : ريــــــــم |
رد: الممرضات ونظرة المجتمع
هلا والله فيك ريم .......
أنا بالنسه الي اشوف ان التمريض مهنه الصراااااااااحه انسانيه لدرجه كبيره بس اقولك ان المجتمع اللي انا عايشه فيه ( الصراحه ) يقولون ان الممرضه هي شغالة الدكتور انا طبعا رافضه هذا الكلام بس هاذي نظرة المنطقه اللي انا عايشه فيها يتقبلون الدكتوره بس الممرضه لا. انا اشوف لو ماكان هناك ممرضات (سعوديات)طيب كيف راح يكون المستشفى احنا دايما نشوف سيرلنكيات-فلبينيات-هنديات بس احس انهم بس كذا ياخذون راتب مايشتغلون بأنسانيه ومش يشتغلو بنظافه عكس السعوديه هيه تخدم ابناء بلدها وتخاف عليهم اكثر من اي احد. انا مرة خالي ممرضه واشوفها مره مره فرحاااااااااااااانه بعملها وقلبها احن منه مافيه دايما اشوف هاذي صفه مشتركه بين الممرضات ياربي يوفقك حبيبتي واشوفك ممرضه كبيره .:119: :119: تسلمي على الطرح الحلو:d5: |
رد: الممرضات ونظرة المجتمع
أنا بالنسبة لي ممرضة سعودية أحسن 1000مرة من أي ممرضة من جنسية ثانية ....
وسبق وتعاملت مع ممرضة سعودية عسسسسسل وربي عسل .. بالعكس إنت تخصصك مرة حلو ... شرايك لأني تخصص طب .....بكون الطبيبة إن شاء الله وإنت الممرضة الخاصة ... |
رد: الممرضات ونظرة المجتمع
شكراً على الموضوع والسبب المجتمع السعودي محافظ تحياتي
|
رد: الممرضات ونظرة المجتمع
مشكورين اخواني على المرور
وصادقين بكل الكلام الي قلتوه واخوي تركي كون انه المجتمع محافظ ما اعتقد انه يحرم البنات من تحقيق حلمهم وتقديم خدمة لبدلها:119: |
رد: الممرضات ونظرة المجتمع
والله ياريم لاتسمعي كلام احد حتى لو يقولون اللي يقولونه بالساااااابق كانوا يقولون نفس الكلام عن البنت اللي تدرس واللحين كل البنات يدرسون واللي ماتدرس تشوفين كيف ينظرون لها نفس الكلام قالووووووه عن الدكتوووووورهـ بالبدايه شي ثااااااااااااني هذا الرجال اللي يقول الكلام هذا لو تمرض بنته ولا زوجته ولا اخته مايرضى يدخلها غير على الدكتوره ولا الممرضه اسمعي من هنا وطلعي من هنا ولا يهمك كلام احد لو الكل عنده هالنظره كان ماشفتي كيف الكل يبي يدرس تمريض وكم جامعه ومعهد ولا كليه تدرس هالتخصص وكم طالبه ابوها يبغاه تدرس تمريض وماعليكي من كلام الناس اهم شي ابوكي موافق والباقي مالهم شغل فيكي وبالنسبه للزواج اذا الله كاتب لك تتزوجي راح تتزوجي حتى لو وين ماتكوني تشتغلي وبالعكس بلاه المعرس اللي يكون تفكيره محدود.. مع اني اللي اشوفه في ممرضات كثيراااااااات تزوجوا.. هذا رايي واتمنى مايزعل احد... ’, ’, ’, سلامــــيے لك... قمووورهـ...! |
رد: الممرضات ونظرة المجتمع
رااي ولا احلى اختي قمورة
وانا في صفج بس عاد الزواج :003: انا شايلته من راسي ومشكورة قلبي على المرور الجميل:119: |
رد: الممرضات ونظرة المجتمع
مهنة تمريض مهنة انسانية و شريفة و اي نظرة تانية هي للاسف نظرة متخلفة !!! و الممرضة السعودية احن من غيرها على بنت بلدها اقلها تؤدي واجبها بذمة و ضمير
|
رد: الممرضات ونظرة المجتمع
,
, كلام البنات لاغبار عليه وماشاء الله عليهم كفوا ووفو يكفينا فخر عزيزتي الريم ان الامام الخميني اسمى يوم ولادة السيده زينب عليها السلام بيوم الممرضة المسلمه ولاتنسي عمة الرسول صفيه بنت عبدالمطلب عملت هذا العمل وسهرت على راحة المسلمين المصابين في معاركهم مع كفار قريش وغيرهم ... وانا مع اخت القمر ان التمريض عليه اقبال كثير الآن عكس الأول وهذا دليل على انفتاح الناس وتغير نظرتهم بالنسبه للممرضة وموفقين ان شاء الله, , , |
رد: الممرضات ونظرة المجتمع
مشكورين حبيباتي ونورتوا الموضوع:119:
|
رد: الممرضات ونظرة المجتمع
مشكورة اختي على الموضوع المهم طبعاً كون المرأة تعمل في مجال الطب سواءً كطبيبة أو ممرضة هو عمل إنساني عظيم والعمل الانساني غير مقتصر على الرجال فقط . ومن غير المناسب أن نرمي بأخواتنا على الرجال من الأطباء طالما أنه هناك من الفتيات من يستطعن بالقيام بهذا العمل فالممرضة لتمريض أمي و أختي وكل النساء و الممرض لتمريض ابي و اخي وكل الرجال |
رد: الممرضات ونظرة المجتمع
والله مدري وش أقول لكم ,,,
عموما كلامكم كفا ووفا حبايبي ,,, وتعقيبي على الموضوع بتلاقونه في موضوع الأخت راجحيه ((أم عبدالعزيز)) وألف شكر لج خيتي ريم ويعطيك العافيه ^_^ |
رد: الممرضات ونظرة المجتمع
مشكوره اختي ريم على هذا الطرح الرائع
اعتقد ان العمل في السلك الطبي يعد من اشرف الأعمال سواء كان كطبيبه او ممرضه او غيره لكن الاشكال الي اعتقد ان كثير من ابناء مجتمعنا يشكلونه على هذي المهن بالذات اهو فترة الدوام الطويلة وكون العمل مختلط بين الرجال والنساء لكني بحكم تجرتي في المستشفى لا ارى اي اساس لهذه الأشكالات خصوصا انها نشأة عن جهل بحقيقة هذه المهن ففترة العمل الطويلة يمكن حلها او التعود عليها وحتى العمل المختلط ليس فيه اي اشكال مادام يحفظ للمراة حياءها وكرامتها ومثل ما تفضل الاخوان ان حاجتنا للعنصر النسائي في هذا المجال يجعلنا نبحث عن الحلول لسد هذه الحاجه وليس لخلق المشاكل |
رد: الممرضات ونظرة المجتمع
مشكورين اخواني
واقدر لكم تفهمكم والله يوفقنا كلنا يااارب وكوني ممرضة هالشي مو عار هالشي يخليني امشي وراسي مرفووع مشكورين على المرور:119: |
رد: الممرضات ونظرة المجتمع
حبيبتي ريم أبي أعرف شيء
ما دام أنت واثقة أن التمرض خدمة أنسانية لا تهتمين للكلام اللي يقولونه هنا أنا مره قالت لي صديقتي إن اللي تدرس تمرض أو طب ما عاد بتزوج :003: أساساً ماني متعطله على الزواج لان الرجال ما يبق تصير المرأة أفهم منة :000: بس خلاص هذي الفكره قديمة ما عاد أحد يفكر فيها خلاص إلا القليل القليل من الناس لأن تعرفون الحاله الحين :017: مافي وظائف أو الراتب يدوب يمشي لنص الشهر يعني يبق دعم من الزوجتة الدكتورة أو الممرضة :s17: بعين الأهل ما يوافقون دائماً خايفين من الأختلاط بس وأنا أتوقع أن الجامعة ما تخلط بين الرجال والبنات إلا في التطبيقي يعني ما راح يجوبون جثة للبنات لوحدهم وجثة للرجال لوحدهم :mh19: بيجمعون الثنين مره وحدة :003: ما أدري يمكن كذا وأكيد يكون قرب بنات وقروب أولاد مش خلط بلط يعني من الناحية الدينية لا تخافين إنت إن شاء الله مأجورة على العلم اللي راح تسعين له وبالتوفيق يا رب :praying: |
رد: الممرضات ونظرة المجتمع
السلامـ عليكـم
هلا ريم دام انا اقدم خدمة انسانيه راح تساعد الكثير من الناس وانا واثقه من هالعمل انه مايغضب الله انا راح امشي فيه ومادام انا محافظه على نفسي هذا اهم شيء وربي يوفقك لكل مايحبه ويرضاه:praying: |
رد: الممرضات ونظرة المجتمع
مشكورات حبيباتي على المرور والتعليق
:119: |
| All times are GMT +3. الوقت الآن حسب توقيت السعودية: 07:56 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام