|
خريطه متابعة الدراسه
السلام عليكم ورحمه الله وبركاته
انا عندي مشكله في خريطه الخدمات تطلع لي اني مانزلت المحاضرات ولا حليت كم مناقشه في التعليم الافتراضي + البلاك بورد يطلع لي اني ما حليت كذا واجب ولا حملت المحاضرات مع اني حملت المحاضرات اكثر من مره للتأكيد و حليت المناقشات وكل الواجبات حليتها ومتأكد من هالشي . ف هل في احد يعاني من هالمشكله مثل ما اعاني منها :000: ! وشكرا |
رد: خريطه متابعة الدراسه
وعليكم السلام و الرحمه
حتى انا اعاني من هالشي بس عادي بما انك متأكد من التحميل و الحل راح يحسب ان شاء الله موفق |
رد: خريطه متابعة الدراسه
الخارطه ماتفتح عندي نهائي مررره ولا كان افدتك انا الحمدالله مسوي جدول وماشي عليه هو الخارطه حقتي
لكن الي سمعته انه الخارطه تتحدث اسبوعيا يعني لو فيه شي عليه اكس او علامه انك مافتحته افتحه وشاهده وحمله ونزله جميع الصيغ يعني ال5 الخيارات امامك اضغط عليها وان شاء الله اسبوع الجاي لمن تتحدث الخارطه بتشوف علامة الصح موجوده مدري يطلعلكم علامة صح او لون اخضر انك حملتها او شاهدتها ماعرف ايش يظهر بالضبط لكن سو الي قلته لك عشان تتاكد وترتاح انه 100% بيطلع صح وعلى طاري المناقشه الي عليها خطء انصحك انك تروح تكتب المناقشه كتابيه بيدك بالبلاك بورد +بالنضام الافتراضي ااذا حصلتها بالافتراضي حلهم بعد كتابي بيدك لاتنسخ وتلصق وباذن الله الاسبوع الجاي لمن تتحدث تحصل علامة الصح اتمنى لك التوفيق |
رد: خريطه متابعة الدراسه
ياجماعة الخير وش سالفة هالخارطه احد يعلمني
وكيف ادخل عليها باك عناد اوريك هذا واحنا متابعين بعض ماتعلمني :017: |
رد: خريطه متابعة الدراسه
أنا بعد عندي نفس المشكلة !!
كل المحاضرات منزلها و حال كل الواجبات و المناقشات و فوجئت بأن اغلبها لونها أحمر (يعني كأني ما سويت شي) |
رد: خريطه متابعة الدراسه
كيف نسخ لصق ماينحسب وهو بلاساس مافيه نظام نسخ ولصق
|
رد: خريطه متابعة الدراسه
لو سمحتوا ................
من وين ادخل علي هذا الحريطة .. الله يجزاكم الجنه .. افيدوني |
رد: خريطه متابعة الدراسه
تدخل من عند الخدمات الطلابيه وتلقا تحت الخريطه
|
رد: خريطه متابعة الدراسه
انا نفس الشي حملت المحاضرات المسجله ويوم فتحت الخارطه ماحسبوها لي مادري وش الحل ؟؟؟؟؟؟
|
رد: خريطه متابعة الدراسه
في مشكله بالخرائط وان شاء الله انها تكون تصلحة لانه الشعيبي وعدنا انها تتصلح خلال 48 ساعه واعتقد انها تصلحت جرب ادخل الصباح مايكون فيه زحمه على البلاك بورد والخدمات
الله يوفقك يارب |
رد: خريطه متابعة الدراسه
اقتباس:
معليش كنت افكر الناس كلها تعرف لن فيه موضووع زمان كان يتكلمون عن الخارطه قلت اكيد عندكم كلكم الخبر ذا :000: وبشرحلك الخارطه ايش فايدتها تدخلين على خدمات الطلابيه تسجلين دخولك بيظهر امامك النظام البلاك بورد والافتراضي اسحبي عليهم وانزلي تحت اخر شي اخرررررر شي بتحصلين الخارطه الاكادميه والخارطه الاكادميه وضيفتها (تبين اعمالك ) يعني مثلا فيه مناقشه ماحليتيها يبان اكس عليها يعني مثلا فيه محاضره مافتحتيها يبان اكس عليها يعني مثلا فيه واجب ماحليتيه يبان اكس عليها ينبهك يعني بس نصيحه سوي مثلي انا ماشي على جدول متابعه وامس قلت مو مرتاح خليني ارجع اراجع كل شي بنفسي دخلت البلاك بورد دخلت اول مقرر من البلاك بورد وفتحت المحاضرات المسجله بعلامة تبويب جديده يعني فتحتهم ورا بعض وشغلتهم كلهم سويت لهم مشاهده بعدها قفلتها ورحت المناقشات فتحت المناقشات من 1 الا 14 بعلامات تبويب جديده بحيث اني افتحهم كلهم صفحات جنب بعض ورحت اول مناقشه ضغطت ctrl+f عشان يسوي لي بحث لن بالبلاك بورد لمن تفتح مناقشه يظهر الاسماء الي حلو المناقشه ولمن تضغط كنترول اف يطلع لك البحث تحط اسمك اذا ظهر اسمك بالقايمه الي حل فعرف انك حليت المناقشه والواجبات ادخل عليها اضغط بدء بعدين بيطلع لك موافق تحت اضغط عليها ويطلع درجتك يعني الحمدالله كل شغلك تمام فا كذا انت بالطريقه هاذي سرت افضل من الخارطه وشغلك نظيف 100% |
رد: خريطه متابعة الدراسه
مشكورين عالردود الله يخليكم ويوفقكم جميع
|
رد: خريطه متابعة الدراسه
انا اغلب حلول مناقشات الرياضيات والمحاسبه سويت نسخ ولصق :verycute::verycute:
والحين يقولون غير محتسب .. ياويلتااااه ودخلت عالخارطه ولقيت محطوط صح لجميع المناقشات هل اعتمد او ارجع احل من جديد خايفة اتفاجأ من المعدل بعدين :verycute::verycute: |
رد: خريطه متابعة الدراسه
وانا نفس الشي نسخ ولصق مستحيل يمدي ان حنا نحلها مرة ثانيه انا بتوكل ع الله واخليها بس اللي تفاجاته انهم حاطين لي صح في كل المحاضرات والمناقشات مع العلم اني مو مخلصتها كلها فما ارتحت لها هالخارطة توني مخلصة مشاهدة المحاضرات وحل باقي المناقشات اليوم
|
رد: خريطه متابعة الدراسه
اقتباس:
ثاني شي انت سويت سحب وفلات <<فا ماعتقد انك سويت نسخ ولصق فيه فرق بين النسخ واللصق وفيه فرق بين السحب والافلات لو سالوك كيف حليت المناقشه قولهم سحب وفلات مايقولون لك شي :hahahahahah: لكن لو قلت لهم نسخ ولصق حاول تطلب المساعده :sdfgdsf: لن يمكن تنجلد او تنخصم درجاتك :sdfgdsf: |
رد: خريطه متابعة الدراسه
يارجال والله الجامعه داجه
انا كانت الخارطة للبلاك بورد حاطين خطأ على واجب الادارة الثاني والمناقشة الاخيرة للرياضيات واخوكم ذيب تخبرون هههههههه رحت فتحت الافتراضي وحليت واجب الادارة الثاني اوكي ورحت للمناقشة الاخيرة للرياضيات وكتبت غير واضحة بس والله ولا زدت اي حرف وبعد التحديث الاخير لقيت الخارطة للافتراضي حطوا صح للواجب والمناقشة يعني اللي ما حليتوه في الافتراضي حلوه بالبلاك بورد والعكس صحيح وبالتوفيق |
رد: خريطه متابعة الدراسه
الاخوة والاخوات ارحب بكم جميعا والله يوفق الجميع
حتـــــى انا اعاني من مشكله الاخ نايف بالخارطه الاكاديميه الله يصبرنا عليها ولكم خالص تحياتي ـــ اخوكم محمد |
رد: خريطه متابعة الدراسه
يوووه انا نصها عليها اكس احمر وانا متاكده حليت ودخلت كل المحاضرات |
رد: خريطه متابعة الدراسه
مو طالع عندي الخارطة الأكاديمية ؟ وين أحصلها ؟
|
رد: خريطه متابعة الدراسه
. . وعليكم السلام ورحمة الله وبركاته اخوي ..{ نــايــف بالنسبة للخريطة , حسب ماقريت عنها انها تتحدث اسبوعياً واللي صار معي اني حليت كل المناقشات والواجبات , وحمّلت المحاضرات المسجلة والمباشرة عن طريق النظام , وقلييييل أستخدم الافتراضي ولما دخلت للخريطة أشيك على وضعي .. لقيت ان الافتراضي أغلبه حاطين صح :icon120: وفي النظام أغلبه اكس :Looking_anim: مع العلم اني ما استخدمت الافتراضي الا لتحميل بعض المحاضرات :16.jpg: شكّيت بالوضع ..! :(107): بس أهم شي عندي اني متأكدة حليت كل شي ان شاء الله وحمّلت المحاضرات :(269): ودامها لسه جديد نازلة فأتوقع بيكون فيها مشاكل مبدئية :(213): بالتوفيق للجميع :106: |
رد: خريطه متابعة الدراسه
اقتباس:
. . اختي ..{ Taghreed تلقينها موجودة بـ الخدمات الطلابية :106: |
رد: خريطه متابعة الدراسه
حتى انا متاكده أشياء كملتها بالبلاد بورد وأخرى بال افتراضي
بس كاتبين انو آخر تحديث كان قبل 4 أيام بتاريخ 10-12 |
رد: خريطه متابعة الدراسه
اقتباس:
انا سويت سحب وفلات بس الحمدلله :verycute: |
| All times are GMT +3. الوقت الآن حسب توقيت السعودية: 02:31 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه