ملتقى طلاب وطالبات جامعة الملك فيصل,جامعة الدمام - مواد مشتركة مشكلة حصلت في لخريجين السمستر اللي طاف وودي نتفاداها ... قبل فوات الاوان بمخاطبة وارسال صوتنا للعماده جميعااا...

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- تربية خاصة 8 (https://vb.ckfu.org/f390)

- - [ مواد مشتركة ] : مشكلة حصلت في لخريجين السمستر اللي طاف وودي نتفاداها ... قبل فوات الاوان بمخاطبة وارسال صوتنا للعماده جميعااا... (https://vb.ckfu.org/t522127.html)

بوبديـــــْع

2013- 12- 1 04:58 PM

مشكلة حصلت في لخريجين السمستر اللي طاف وودي نتفاداها ... قبل فوات الاوان بمخاطبة وارسال صوتنا للعماده جميعااا...

السلام عليكم بالربببع ... كيف حالكم .. ووش اخباركم ... حبيت انبهكم او اذكركم ببعض مشكلات الاخوان الخريجين الي تخرجوا السمستر اللي طاف ولا حاب بصراحة نطيح في مطبتها .. طبعااا هالشئ يمكن انه يفيد الاخوان والاخوات اللي من خارج الاحساء ... اما انا بالنسبة لي قريب ... على العموم قريب ولا بعيد لابد من نتفاداها الا وهي ... عند استلام الوثيقة كانت هناك اخطاء واضحة سواء في الاسم بالعربي او الاسم بالانجليزي لأن هالوثيقة تجي بالعربي والانجلش .. اعطيكم مثال بسيط حدث لأحد اخواننا وتوهق الحين بعد ماجاته بعثه وردوه وهي ... اسمه طبعاً عبدالإله .. حطو اسمه بالعربي عبدالاله بدون همزه .. وفوق هذا كله اسبلنق اسمه بالانجليزي خطً بدال مايكتبون ABDULELAH كتبوا ABDULLAH بدل عبدالاله عبدالله كتبوا ... يعني اسمه اسبلنق بالعربي خطأ بالهمزه والانجليزي خطأ ببعض الاحرف عبدالله غير عبدالإله ... المهم طلع وحده ثانية بعد شهرين من استلامها ... هذا اسم سهل ومثل بسيط وخطأوا فيه الجامعة .. هذا للتنويه وللتنبيه بس عندي اقتراح ... ياليبت يسون زي خريجين الكلية التنقية نطلب من العماده تفتح ايقونة لصورة جواز السفر وخاصة للي عنده حساب بتويتر للدكتور عميد التعليم وذلك بإرسال صورة من جواز السفر لجميع الخريجين عشان يطابق الاسم بالعربي والانجليزي ولتفادي لمثل هالاخطاء اللي تهمنا كلنا بصراحة وخاصة لصار هالشئ يتعلق بوثيقة تخرج ... لأن فيه اسماء بصراحة تحتاج لتركيز لكتابة الاسم .. والجامعة دججه مثل مانتوا شايفين اذا خطأأوا في هالاسم عبدالإله بالعربي والانجيلزي هذي مشكلة حدثت لاحد زملائي الخريجين السمستر الي طاف بس حاب نتفاداها ... واذا عندكم اي اقتراح بهالخصوص افيدونا ...:biggrin:
وفالكم التووفيق ...

ريم الميموني .

2013- 12- 1 05:30 PM

رد: مشكلة حصلت في لخريجين السمستر اللي طاف وودي نتفاداها ... قبل فوات الاوان بمخاطبة وارسال صوتنا للعماده جميعااا...

الله يجزاك خير يابو بديع دائما تحب الخير للجميع

المهم الجامعه اخطت باسم خويك وانت اخطيت بدال ماتقول يالربببع قلت بالربببع :53:

•¦[ٱبيڪَ قٌربيے

2013- 12- 1 06:44 PM

++

الله يجزاك كل خير عَ التنبيةةَ..

وان شاءالله مَ ننحط في مثل هيكَ مواقف..

قوودلكك للجميع..

محمد منصور حمزي

2013- 12- 1 07:11 PM

انا راسلت الدكتور الفريدان وقالي قبل التخرج على كل طالب يرسل صورة من جواز سفره عشان مطابقة الاسم بالعربي والانجيلزي
والله على مااقول شهيد

دارسين

2013- 12- 1 08:15 PM

المفروض الاسم اللي بالجواز

حلا ناسي

2013- 12- 1 08:52 PM

واللي ماعنده جواز :rolleyes:

آلبتول

2013- 12- 1 09:37 PM

:rolleyes: صح واللي ماعنده

بوبديـــــْع

2013- 12- 2 02:44 AM

اللي ماعنده يطلع جواز .. يوم وبالكثير يومين ويطلع .. والله يعينكم على قيمت رسومة .. بس اهم شئ بصراحة مايصير خطأ في الوثيقة .. وبكيفكم بصراحة انا بروح العماده دام تكلم الفريدان بهالخصوص .. بس انا اقول باقتراحي شان تكلمون الفريدان يحط ايقونه للي بعاد عن الحسااا .. براحتكم .. وبالتوفيق ..

الآثيرDFR

2013- 12- 2 11:50 AM

شككــــــراا ع التنبيـــــــه ....

قـف و نـاظـر

2013- 12- 2 12:41 PM

مشكور على التنبيه .. وان شاء الله ما يتأخرون بالوثيقة

,فيض المشاعر

2013- 12- 2 07:37 PM

مشكور اخونا بو بديع بس ما أشوف المشكلة بذاك التعقيد يعني سهاله ان شاء الله بالنسبة لي اسمي سهل وما يعقد وحنا قراب لو لا سمح الله صار خطاء هذا هم قريبين أهم شي متى بنستلم هالوثايق الاختبارات وقربت نبي نخلص .
فيض المشاعر

ابو رزون

2013- 12- 2 08:37 PM

كلامك سليم

Мαнαвн

2013- 12- 3 01:11 PM

ابو بديع
اشكر فيك تعاونك وحبك للخير للجميع

وربي يسهل الامور

بوحليقة الدمام

2013- 12- 3 01:16 PM

:d5:إقتراح جميل ..
وياريت المسؤولين يقدرون الموقف ويوافقون ..

جلنار*

2013- 12- 3 04:43 PM

مشكورع التنبيه اخوي فيك الخير

بوبديـــــْع

2013- 12- 3 05:06 PM

رحت اليوم وبعد عنااااء وفلم طويل مالي خلق اكتبة .. اتضح ان هالمشكلة في الحسبان ... وراح يفتحون ايقونة المتخرجين الاسبوع القادم ويتم رفع صورة لجواز السفر .. اخييرااااا حسوا بالحوسة شويااااات .. ولكم تقديري ..

آلبتول

2013- 12- 4 06:39 AM

يعني يا ابو بديع لازم اسوي جواز......:verycute:

جوري الملتقى

2013- 12- 4 08:37 AM

من ضمن اجراءات التخرج هم يطلبون صورة للجواز

لكن الكارثه خطئوا بالاسماء على رغم ارسالنا صورة الجواز !!!

لا تعتمدوا على ارسال الوثائق المطلوبه اذا استلمتوا الوثيقه فصفصوه :31:

معزوفة الشرق

2013- 12- 4 03:47 PM

والى اسمه بالجواز خطأ ؟؟؟؟؟؟

الله يسعدك فكره ممتازه حتى على الأقل يتفادون وتقل الأخطاء

بوبديـــــْع

2013- 12- 4 06:41 PM

اقتباس:

المشاركة الأصلية كتبت بواسطة آلبتول (المشاركة 9923327)

يعني يا ابو بديع لازم اسوي جواز......:verycute:

اي .. لازم ..

نووووولي

2013- 12- 4 06:44 PM

انا احل المناقشات الحين ويطلع لي اسمي واسم الجد وحذفو اسم ابوي الله يستر لاتكمل هذي الغلطة في الوثيقه..

سوووونيا

2013- 12- 9 07:18 PM

الف شكرلك وموفقين جميعا ان شاء الله0

L-A	2013- 12- 9 08:06 PM

يجزاك الف خيررر أخوي..

أسير بلآ قيود

2013- 12- 9 09:49 PM

من شروط الحصول ع جواز تسديد المخالفات المروريه:sm5:

حسبي الله عليك ي ساهر :verycute:

خليهم يكتبونه خطآ:icon9:

يارب تحقق أملي

2013- 12- 9 10:21 PM

هههههههه نولي الله يسعدك من زمان من اول مادخلنا الجامعه هم حاذفين اسم الاب

All times are GMT +3. الوقت الآن حسب توقيت السعودية: 12:43 AM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه